Connect with us

تازه خبرونه

د کندهار له زندانه ۵۰ بندیان خوشې شول

خپور شوی

 په

(Last Updated On: مرغومی ۱۶, ۱۴۰۰)

د کندهار له عمومي محبس څخه پنځوس جنايي بنديان له هغې وروسته خوشې شول، چې د زندانونو چارو د سمون ادارې د پلاوي له لوري بېګناه وپېژندل شول.

د اسلامي امارت د زندانونو چارو د سمون ادارې پلاوی دغزني او زابل ولايت د زندانونو د چارو له ارزونې وروسته د کندهار ولايت له عمومي محبس څخه د ليدنې پر مهال د جنايي بنديانو نسبتي دوسيې هم وڅېړلې، چې لږ تر لږه یې پنځوس بنديان بېګناه وګڼل او له بنده خوشې شول.

د پلاوي د مشر د څرګندونو له مخې؛ دا لړۍ روانه ده او په نورو ولايتونو کې به هم په ورته ډول د بنديانو دوسيې وڅېړل شي او بېګناه بنديان به له بنده خوشي شي.

د زندانونو چارو د سمون ادارې استازي مولوي عبدالهادي مالي اخوندزاده وایي؛ د کندهار محبس له مسوولينو سره مو کتلي دي او بنديانو ته ورغلي يوو. د بنديانو دوسيې مو وکتلې او پوښتنې مو ترې کړې دي. له قاضي صاحب، څارنوال صاحب او د جنايي څانګې سره په اړیکه کې يوو او ورته مو ويلي، چې د دغو خلکو دوسيې باید وڅېړل شي. که بېګناه وي؛ هغه دې خوشي  شي او که ګناه لري هغه به زندان ته ځي. دوي ته دې الله خير ورکړي پرون يې کار پیل کړ او تر دې دمه څلوېښت کسان خوشط شوي او تللي دي. 

له بند څخه خوشي شوي بنديان د اسلامي امارت دا کړنه ستايي او وایي، دا لړۍ دې همداسي جاري وساتل شي، چې نور ډېر بېګناه کسان هم له بند څخه خوشي شي.

له زندانه خوشې شوی نويد احمد وایي؛ محبس ته د يوه جرم پر بنسټ راغلی وم؛ خو بېګناه ثابت شوم. زه پدې ډېر خوشحاله يم، چې دلته له مرکز څخه پلاوي راغی او زمونږ غږ يي واورېد.

فيض محمد نوي هم ویلي: زه یې په يوه جرم دلته راوستلی وم؛ اوس بېګناه ثابت شوم. دا له کابل څخه راغلي بلاوي ته دې الله پاک خير او برکت ورکړي له مونږ سره يي ډېره مرسته وکړه، چې بېګناه يې ثابت کړو.

د يادونې ده، چې د زندانونو چارو د سمون ادارې پلاوی به له کندهار وروسته دهېواد د يو شمېر نورو ولايتونو له محبسونو هم ليدنه وکړي او د بنديانو دوسيې به وڅېړي.

تازه خبرونه

سږ کال به یوازې ۱۳ زره افغانان د حج په مراسمو کې برخه واخلي

خپور شوی

په

توسط

(Last Updated On: غبرګولى ۳, ۱۴۰۱)

د حج او اوقافو وزارت ويلي؛ د سعودي عربستان لخوا د افغانستان لپاره د ټاکل شوې ونډې له مخې به د افغان حاجیانو شمېر ۱۳ زره ته ورسېږي.

د دغه وزارت ویاند ويلي؛ په سعودي عربستان کې د افغانستان سفارتونه او قونسلګرۍ افغان حاجیانو ته قونسلګرۍ خدمات وړاندې کوي.

د اسلامي امارت سږکال د حج د عاجلو درخواستونو د حل لپاره د عبدالسلام حنفي په مشرۍ یوه کمیټه جوړه کړې ده.

د حج او اوقافو وزارت څرګنده کړې؛ د نورو هېوادونو په څېر به سعودي عربستان ته هم د افغان حاجیانو د لېږد بهیر په یوه میاشت کې بشپړ شي.

سعودي عربستان سږ کال د افغانستان لپاره ۱۳ زره ونډه ټاکلې، چې د حج او اوقافو وزارت په کې هغه کسان هم شامل دي، چې په تېرو کلونو کې یې نوملیکنه کړې ده.

که څه هم د افغانستان نوی حکومت تر اوسه د سعودي عربستان لخوا په رسمیت ندی پېژندل شوی؛ خو حاجیانو ته د قونسلګري خدمات وړاندې کوي. په ورته وخت کې د افغانستان سفارت او قونسلګرۍ افغان حاجیانو ته د قونسلګرۍ خدمات وړاندې کوي.

د ارشاد، حج او اوقافو وزارت ویاند فضل محمد حسیني ویلي: که څه هم د افغانستان د حج او اوقافو وزارت د حج او اوقافو وزارت د ټولو حاجیانو د خدمتونو د وړاندې کولو توان لري او د حاجیانو د ستونزو د حل لپاره یوه کمېټه جوړه شوې ده.

اسلامي امارت د لومړي وزیر د دوه یم مرستیال عبدالسلام حنفي په مشرۍ یوه کمیټه جوړه کړې ده.

د افغانستان ونډه د تېرو کلونو په پرتله ډېره کمه ده؛ نو اسلامي امارت وايي، سږکال به د حاجیانو لپاره نور ښه خدمات وړاندې شي.

د سږ کال په حج کې د افغان ونډې پر کموالي سربېره د ښوونکیو کمښت، د درملو نشتوالی او پر الوتنو بندیز د حاجیانو له ستونزو څخه دي.

په تېرو کلونو کې څه باندې ۳۰ زره افغانانو د حج په مراسمو کې ګډون کړی و؛ خو په تېرو درې کلونو کې د کرونا ویروس د خپرېدو له کبله د سعودي حکومت سخت بندیزونه لګولي او د هېوادونو ونډه یې کمه کړې ده.

Continue Reading

تازه خبرونه

چین او پاکستان په افغانستان کې د پراخ بنسټه سیسټم جوړولو غوښتنه وکړه

خپور شوی

په

توسط

(Last Updated On: غبرګولى ۳, ۱۴۰۱)

د پاکستان بهرنیو چارو وزیر چین ته د خپل سفر په ترڅ کې له خپل چیني سیال سره د افغانستان د وروستیو تحولاتو په اړه خبرې کړي دي.

 د چین د بهرنیو چارو وزارت په یوه خبرپاڼه کې څرګنده کړې، چې زرداري او “وانګ یي” په دې لیدنه کې د پراخ بنسټه حکومت او همدرانګه د ښځو او ماشومانو د حقونو پر خوندیتوب ټینګار کړی دی.

د پاکستان د بهرنیو چارو نوي وزیر له امریکا څخه وروسته چین ته د خپل لومړني سفر په ترڅ کې له خپل چینایي سیال سره د افغانستان په تړاو خبرې کړي دي.

د چین د بهرنیو چارو وزارت ویلي، چې بلاول بوټو زرداري له وانګ یي سره په لیدنه کې د پراخ بنسټه حکومت او د ښځو او ماشومانو حقونو په خوندیتوب ټینګار کړی دی.

د دې خبرپاڼې په یوه برخه کې له افغانستان سره د همکاریو پر پياوړتیا هم ټینګار شوی او له اسلامي امارت څخه غوښتنه شوې، چې د بهرني او کورني سیاست په برخه کې متعادل ووسي او اجازه ورنکړي، چې د افغاانستان له خاورې ګاونډ هېوادونه وګواښل شي.

دوی څرګنده کړې؛ په افغانستان کې سوله او ثبات د سیمې سوکالۍ او پراختیا لپاره حیاتي ده.

دا هم اړینه ده، چې باید ټولګډونه حکومت رامنځته شي او د ښځو او ماشومانو حقوق په افغانستان کې خوندي شي. مونږ له طالبانو څخه غواړو اجازه ورنکړي، چې د افغانستان خاوره د ګاونډ هېوادونو پر وړاندې وکارول شي.

د چین او پاکستان بهرنیو چارو وزیرانو همدارنګه له نړیوالې ټولنې غوښتي، چې په افغانستان کې د بشري ناورین د پراختیا د مخنیوي لپاره مرسته وکړي او د افغانستان په اقتصاد او بیارغونه کې خپلې ژمنې عملي کړي.

اسلامي امارت له ګاونډ هېوادونو غوښتي، چې د افغانستان له نوي نظام سره په سیاسي تعامل کې پراخه مرسته وکړي.

د اسلامي امارت د ویاند مرستیال بلال کریمي ویلي؛ هېواد کې مو اوس یو نظام رامنځته شوی، چې د خلکو له ملاتړه برخمن هم دی. دغه نظام امنیت خوندي کړی او د نړیوال مشروعیت لپاره یې ټول معیارونه پوره کړي. اوس هغه وخت رارسېدلی، چې نړۍ او ګاونډ هېوادونه یې تر څنګ ودریږي او رسمي تعاملات پیل کړي، چې په سیاسي، اقتصادي او بشري برخو کې د پرمختګونو لیدونکي شوو.

د چین او پاکستان د بهرنیو چارو وزیرانو په دې لیدنه کې همدارنګه هوکړه کړې، چې د دواړو هېوادونو اقتصادي دهلیز له اسلامي امارت سره په مشورې پراخوي.

دا اقتصادي دهلیز سي پیک نوميږي، چې له پرانستلو سره به یې افغانستان د لسګونه میلیارد ډالر ترلاسه کړي.

Continue Reading

تازه خبرونه

که هند په کابل کې د سفارت پرانیستې ته لیواله وي؛ نو د تېر حکومت له چارواکو سره دې اړیکې پرې کړي

خپور شوی

په

توسط

(Last Updated On: غبرګولى ۲, ۱۴۰۱)

په دوحه کې د اسلامي امارت د سیاسي دفتر مشر وايي، که هند له اسلامي امارت سره د ښو سیاسي او اقتصادي اړیکو د ټینګولو په لټه کې وي؛ نو په کابل کې دې خپل سفارت بېرته پرانیزي.

په دوحه کې د اسلامي امارت د سیاسي دفتر مشر سهیل شاهین ویلي؛ که هند غواړي، چې په افغانستان کې خپل سفارت بېرته پرانیزي، باید له پخوانیو حکومتي چارواکو سره خپلې اړیکې پرې کړي.

هغه وايي، اسلامي امارت د سیاسي استازولیو د بشپړ امنیت تامین ته ژمن او د ټولو هندي ډیپلوماټانو د امنیت ټینګولو ته چمتو دی.

د اسلامي امارت دغه لوړپوړي چارواکي دا هم ويلي، چې ښوونځيو ته د نجونو د بېرته تګ د آسانتیاوو لپاره یې یوه کمیټه جوړه کړې، چې په اړه به یې ډېر ژر پرېکړه وشي.

سهیل شاهین څرګندوي؛ هند کولی شي په افغانستان کې خپلې ټولې نیمګړې پروژې بشپړې کړي او پر نویو پروژو پانګونه وکړي.

هغه زیاته کړې؛ د هند په ګډون د ټولو بهرنیو دیپلوماتانو امنیت ته مونږ ژمن یوو. دا زمونږ مسوولیت دی او مونږ بشپړ امنیت برابر کړی دی. هند کولی شي په افغانستان کې خپلې اقتصادي پروژې بشپړې کړي او نوې پروژې پیل کړي؛ خو هند باید له پخوانيو دولتي چارواکو سره همکاري ونکړي. اسلامي امارت چمتو دی، چې له دغه هېواد سره د دوه اړخیزو هېوادنیو ګټو پر بنسټ اړیکې ولري.

هغه زیاتوي، چې اسلامي امارت د نړیوال مشروعیت لپاره ټول اصول پوره کړي او باید په رسمیت وپېژندل شي.

هغه ټینګار کړی، چې مونږ د نړیوال مشروعیت لپاره ټول اړین شرایط  برابر کړي؛ امنیت تامین شوی، مونږ د خلکو ملاتړ لرو، پولې مو تر څارنې او کنټرول لاندې دي. له مونږ سره باید د سیاسي انګېزو پر بنسټ چلند ونشي.

د تېر کال د اګست پر پېنځلسمه د اسلامي امارت له بیا واکمنېدو راپدیخوا شاوخوا شل هېوادونو او اروپايي ټولنې په افغانستان کې خپلې استازولۍ او سفارتونه پرانستي دي او همدارنګه په روسیه، چین، ایران، پاکستان، قطر، ترکمنستان او یو شمېر آسیایي هېوادونه کې سیاسي استازي لري.

Continue Reading

Trending

Copyright © 2022 Ariana News. All rights reserved!