Connect with us

تازه خبرونه

د کورنیو چارو وزارت مرستیال له خپلو ځانګړیو ځواکونو سره د طالبانو د ځپلیو لپاره هرات ته رسیدلی

Published

 on

(Last Updated On: زمری ۱۰, ۱۴۰۰)

کورنیو چارو وزارت ویلي؛ نن یکشنبه د زمري ۱۰ د دې وزارت مرستیال عبدالرحمن رحمان د پولیسو له ځانګړیو ځواکونو سره هرات ولایت ته رسیدلی، چې د روانو بریدونو مخه ونیسي او وسلوال طالبان وځپل شي.

ټاکل شوې، چې عبدالرحمن رحمان به د وسلوالو طالبانو د ځپلیو لپاره پراخ عملیات پیل او تر سره کړي.

کورنیو چارو وزارتمرستیال عبدالرحمن رحمان ویلي: مونږ د هرات ټولو خلکو ته ډاډ ورکوو، چې مونږ به د هغو جنایتکارانو په پاکولو کې پرېکنده عمل وکړو، چې د هرات د خلکو امنیت یې ګډوډ کړی دی.

نوموړي زیاته کړې، چې د سیمه ییزو او امنیتي چارواکو په ګډون به د ولسي پاڅونکوونکیو له استازیو سره هم وګوري، چې شته ستونزې حل شي.

د کورنيو چارو وزارت مرستيال په داسې حال کې هرات ته سفر کړی، چې تېره شپه  د ولسي جرګې د مشر میر رحمان رحماني په کور کې یو شمېر امنیتي، جهادي او سیاسي مشرانو د هېواد او په ځانګړي توګه د هرات پر امنیتي حالاتو یوه بېړنۍ ناسته تر سره او پرېکړه وشوه، چې امیر صاحب اسمعیل خان دې د هرات والي او د پوځي شورا مشر وټاکل شي.

په دې ناسته کې وړاندیز وشو، چې امیر صاحب اسمعیل خان دې د هرات والي او د پوځي شورا مشر شي، ګلبدین الکوزی د قول اردو د قومندان، سید نصیر علوی د ملي امنیت د مشر او شیرآقا الکوزی دې د امنیه قومندان په توګه وټاکل شي.

دغه راز ګډونوالو غوښتنه وکړه، چې ولسي پاڅونوال دې پوره تجهیز او د ملي امنیتي ځواکونو اړوند نیمګړتیاوو ته دې هم پاملرنه وشي.

دغه راز د ناستې ګډونوالو پر دښمن د هوایي بریدونو د ډېرېدو او د هرات ولایت هوایي ځواک ته د ام ډي ـ ۵۳۰، ای ـ۲۹ او بلاک هاک الوتکو پر ورکولو ټينګار شو.

د ولسي جرګې غړي حبیب الرحمن پدرام زیاته کړې: په دې ناسته کې د ولسي جرګې مشر میر رحمان رحماني،  د پخلاینې عالی شورا مشر ډاکټر عبدالله عبدالله، د ولسمشر د ملي امنیت سلاکار حمدالله محب، د پخواني ولسمشر مرستیال محمد یونس قانوني، خالد نور، د پارلمان غړيو، یو شمېر مشرانو، ما او کبرزاني ګډون کړی و.

له دې مخکې په هرات کې ځایي چارواکو ویلي وه، چې د هرات ښار د نیولو لپاره د طالبانو پلان شنډ شوی دی.

د دوی د څرګندونو له مخې؛ طالبانو د تېرې جمعې پر ورځ د هرات پر ګذره ولسوالۍ برید پیل کړ او هڅه یې وکړه، چې د دې ولسوالۍ پر نیولو هرات ښار ته ننوځي.

سیمه ییز چارواکي ادعا کوي، چې د نښتو په ترڅ کې ۲۰۰ طالبانو ته مرګ و ژوبله اوښتې ده.

طالبانو هم د خپلو بریدونو پخلی کړی او ویلي یې دي، چې افغان ځواکونو ته یې هم مرګ ژوبله اړولې ده.

تازه خبرونه

څار: د سترې غوندې د جوړېدو لپاره د حکومت چمتووالی

Published

on

(Last Updated On: چنګاښ ۶, ۱۴۰۱)

Continue Reading

تازه خبرونه

د نشه يي توکو د کښت، توليد او قاچاق پر وړاندې کلکه مبارزه روانه ده

Published

on

(Last Updated On: چنګاښ ۶, ۱۴۰۱)

د هرات سیمه ییز چارواکي وایي؛ په وروستیو میاشتو کې شاوخوا دوه زره هکټاره ځمکه د نشه يي توکو له کښت پاکه او له ۱۰۰۰ ډېر روږدي کسان مو له ښاره د درملنې لپاره راټول کړي دي.
د هرات سیمه ییزو چارواکو د نشه يي توکو پر وړاندې د مبارزې د نړيوالې ورځې د نمانځغونډې پر مهال د نشه يي توکو د کښت، توليد او قاچاق پر وړاندې د جدي مبارزې ډاډ څرګند کړ.
دوی دغه راز ټینګار کړی، چې په دې ولایت کې پر نشه يي توکو د روږدو کسانو د درملنې بهیر هم روان دی.
د هرات پوليسو څرګنده کړې؛ امنيتي ځواکونه د نشه يي توکو د کښت، توليد او پلور د مخنيوي لپاره هڅې کوي او لسګونه کسان يې د نشه يي توکو د پلور په تړاو نيولي دي.
د هرات امنیه قوماندانۍ د نشه يي توکو پر وړاندې د مبارزې مدیر حیات الله روحاني ویلي: لکه څنګه، چې تجربې ښودلې د نشه يي توکو د پلورونکیو تر نيولو پورې به د روږدو کسانو شمېر کم نشي. مونږ شاوخوا ٢٥٠ عمليات کړي، د نشه يي توکو ډېر سوداګر مو نيولي او د هغوى دوسيې مو عدلي او قضايي ارګانونو ته لېږلې دي.
د هرات د عامې روغتیا ریاست د نشه يي توکو د اړتیا کمولو عمومي مدیر داکتر سید محمد سادات وایي:
هغه بنسټیز او اساسي کار، چې اسلامي امارت یې باید ترسره کړي هغه دادی، چې د روږدو روغتون له پروژه یي حالت راوباسي او د افغانستان د روغتیا سیستم ته یې وسپاري.
د اړوند بنسټونو د څرګندونو له مخې، په هرات کې پر نشه يي توکو د روږدو کسانو شمېر ۷۰ زره کسانو ته رسیږي، چې ډېري يې د ښار په واټونو او پارکونو کې شپې او ورځې تېروي.
روږدی نذیراحمد نومی وایي: دوی میرمنې او اولادونه لري؛ داسې څوک نشته، چې کورنۍ ونلري. دا ټول د بېکارۍ له کبله کیږي. دولس کاله مې پخپله زدکړه وکړه؛ خو ګوره اړ یم، چې اوس دلته په واټ کې یم.
رضا نومي روږدي څرګنده کړې؛ هیڅوک زمونږ وضعیت ته پاملرنه نکوي. مونږ څه کولی شو؟ مونږ بندیان شوو او بیا خوشې شوو؛ خو د لوږې له دې حالت سره څه کولی شو؟
کارپوهان پدې باور دي، چې بېوزلي او بېکاري نشه يي توکو ته د روږدو کسانو د آسانه لاسرسي لامل دى او هره ورځ یې شمېر د ډېرېدو په حال کې دی. په دې توګه په ټولنه کې د جنايي جرمونو کچه هم لوړېږي.
د پوهنتون استاد محمد ابراهیم مصون ویلي: یو مناسب میکانیزم ته اړتیا ده؛ حکومتونه باید له بېلابېلو کورنیو او نړیوالو بنسټونو سره، یو داسې جوړښت رامنځته کړي، چې له مخدره توکو سره د هر ډول چلند مخه ونیسي.
د نشه يي توکو پر وړاندې د مبارزې ځواکونه وايي، چې په تېرو لس مياشتو کې يې څه باندې دوه سوه کسان د نشه يي توکو د قاچاق پر تور نیولي او له ۱۰۰۰ کيلوګرامو ډېر نشه يي توکې هم ترې تر لاسه شوي دي.

Continue Reading

تازه خبرونه

افغاني سرې میاشتې ټولنې زلزله ځپلیو ته لس میلیون افغانۍ ځانګړې کړې

Published

on

(Last Updated On: چنګاښ ۶, ۱۴۰۱)

افغاني سرې میاشتې ټولنې ويلي، هرې اغېزمنې کورنۍ ته به سل امريکايي ډالر، چې څه باندې نهه زره افغانۍ کېږي، ووېشل شي.
د افغاني سرې میاشتې چارواکو نن په یوه خبري غونډه کې څرګنده کړې، چې دې ادارې په خوست او پکتیکا ولایتونو کې د وروستۍ زلزلې قربانیانو ته لس ميليون افغانۍ ځانګړې کړې، چې له هرې کورنۍ سره به سل امريکايي ډالره یا شاوخوا نهه زره افغانۍ مرسته وکړي.
د سرې میاشتې ټولنې مرستیال ملا نورالدین ترابي ویلي: دغه افغانۍ به د سروې ډله اړوند سیمو ته ولېږدوي. مونږ د اړوند سیمو د غوښتنې له مخې له دوی سره نغدي مرستې کوو.
ملا نورالدین ترابي زیاته کړې؛ پر نغدي مرستو سربېره، دې بنسټ د قربانیانو لپاره غیر نغدي مرستې لکه کمبلې، کېږدۍ، د کور او پخلنځي اړوند وسایل هم چمتو کړي دي.
د پکتیکا ولایت په یو شمېر سیمو کې زیانمن شوي کسان وايي، چې تر اوسه مرستې ور رسېدلي ندي.
د پکتیکا ولایت زلزله ځپلي میناګل ویلي؛ دژوند کولو لپاره ځای، د څښاک لپاره اوبه او ټوله کورنې مو تر شنه آسمان لاندې په وچ ډاګ کې شپې تېروو.
په داسې حال کې، چې د سرې میاشتې ټولنه له هغو بنسټونو یوه ده، چې کولی شي مرستې اداره کړي او د کورنیو او بهرنیو تمویلوونکیو ترمنځ همغږي رامنځته کړي؛ خو د سیمې خلک وايي، چې له یوې سرچینې د مرستو د رسولو بهیر د دې سبب شوی، چې مرستې ځینو زیانمنو کسانو ته ور ونه رسېږي.

Continue Reading

Trending

Copyright © 2022 Ariana News. All rights reserved!