Connect with us

نړۍ

د کیف ښار په څنډو کې د روسیې او اوکرایني ځواکونو تر منځ جګړه روانه ده

Published

 on

(Last Updated On: کب ۷, ۱۴۰۰)

د رویټرز خبري سرچینې د راپور له مخې؛ د اوکراین د پلازمېنې کیف په څنډه کې د روسیې او اوکرایني ځواکونو ترمنځ نښتې روانې دي.

د راپورونو له مخې؛ دواړو لوریو د سولې او خبرو اترو لپاره هم چمتووالی ښودلی دی.

د روسیې د بهرنیو چارو وزیر سرګي لاوروف پرون (جمعه د کب ۶ / د فبرورۍ ۲۵) ویلي، چې د اوکراین د پوځ له تسلیمېدو سره مسکو خبرو ته چمتو دی.

لاوروف یوې خبري غونډې ته څرګنده کړې؛ د روسیې ولسمشر ولادیمیر پوتین پرېکړه کړې، چې د اوکراین د بېوسلې کولو لپاره یې دغه ځانګړي پوځي عملیات پیل کړي او غواړي اوکراینیان له ظلمه وژغوري او په ګډه خپل برخلیک په آزاده توګه وټاکي.

لاوروف زیاته کړې، روسیه د اوکراین د نیولو پلان نلري.

اوکرایني چارواکو په ډاګه کړې؛ چمتو دي، چې له روسیې سره خبرې وکړي او ان د ناټو د غړیتوب د پریښودو په اړه هم خبرې وکړي.

د اوکراین د ولسمشر سلاکار میخایل پودولیاک رویټرز ته ویلي، چې کیف له روسیې سره د ناټو د غړیتوب په اړه له خبرو هم نه وېریږي.

هغه زیاته کړې، چې خبرو اترو ته چمتووالی سولې ته د رسېدو لپاره د دې هېواد چمتووالی ښیي.

د اوکرایین ولسمشر ویلي، چې لویدیځ اوکراین ته د مرستو په رسولو کې ډېر سست شوی دی.

اوکرایني چارواکي وايي، له ۱۰۰۰ ډېر روسي پوځیان وژل شوي؛ خو روسیې د تلفاتو په اړه څه ندي ویلي.

د امریکا د بهرنیو چارو وزارت ویلي، که مسکو خبرو ته حاضریږي؛ نو باید، چې پر کیف بمبارد ودروي.

روسیې د نړۍ له خبرداریو سره سره تېره پنجشنبه پر اوکراین برید کړی دی. د دغه برید په غبرګون کې د روسیې زرګونه ښاریان سړکونو ته راووتل او اعتراضي لاریونونه یې ترسره کړل؛ خو روسیې د لاریونوالو پر نیولو لاس پورې کړ.

د ملګرو ملتونو د څرګندونو له مخې مسکو تر اوسه شاوخوا ۱۸۰۰ مظاهره کوونکي نیولي دي.

دا په داسې حال کې ده، د راپورونو له مخې د دواړو لوریو تر منځ جګړه درېیمې ورځې ته وردننه شوې؛ خو د ځاني او مالي زیانونو په اړه تر دې دمه کره معلومات رسنیو ته وړاندې شوي ندي.  

نړۍ

هند د می میاشتې په ناسته کې د پاکستان بهرنیو چارو وزیر ته د ګډون بلنه ورکړه

Published

on

(Last Updated On: سلواغه ۵, ۱۴۰۱)

د رویترز د راپور له مخې؛ هندي رسنیو د چارشنبې پر ورځ راپور ورکړ، چې د می په میاشت کې به هند د شانګهای همکارۍ ټولنه (SCO) غونډې ته د پاکستان بهرنیو چارو وزیر رابللی دی.

دا بلنه څو ورځې وروسته له هغه څرګنده شوې، چې د پاکستان لومړي وزیر شهباز شریف له هند سره د کشمیر د لانجمنې سیمې په ګډون د ټولو موجودو مسلو په اړه د خبرو اترو غوښتنه وکړه.

د رویترز خبري آژانس د راپور له مخې؛ یوازې یوه میاشت وړاندې د ملګرو ملتونو د امنیت شورا د غونډې په څنډه کې د پاکستان د بهرنیو چارو وزیر بلاول بوتو زرداري د هند د لومړي وزیر نریندرا مودي په اړه د څرګندونو په اړه په هند کې لاریونونه وشول. هند د زرداري څرګندونې غیر تمدني بللې.

د دواړو هېوادونو د بهرنیو چارو وزارت ویاندویانو سمدستي په دې اړه له څه ویلو ډډه کړې.

په شانګهای ټولنه کې چین، هند، روسیه، پاکستان او د منځنۍ آسیا څلور هېوادونه شامل دي.

د اندین ایکسپریس ورځپاڼې د راپور له مخې، دغه بلنه په اسلام‌آباد کې د هند د عالي کمیشنرۍ لخوا ورکړ شوی دی.

که پاکستان ومني؛ نو زرداري به لومړی د بهرنیو چارو وزیر وي، چې له نږدې ۱۲ کلونو وروسته هند ته سفر کوي.

پاکستان او هند په ۱۹۴۷ ز. کال کې له بریتانوي واکمنۍ څخه د خپلواکۍ له اخیستو راپدیخوا درې جګړې کړې دي.

هند پر پاکستان تور لګوي، چې تر خپل کنټرول لاندې د مسلمانانو په اکثریت سیمه کې له لسیزو راپدیخوا بغاوت ته لمن وهي؛ خو پاکستان د هند تورونه ردوي.

د ۲۰۱۹ په وروستیو کې یو ځل بیا تاوتریخوالی راپورته شو، چې کله هند په یو اړخیز ډول د کشمیر خودمختاره حیثیت لغو کړ.

رویترز راپور ورکړ، چې هغه مهال شریف ویلی، چې د نوي ډیلي اقدامات د رویترز د بشري حقونو د سرغړونې لامل شو.

د دواړو هېوادونو تر منځ رسمي خبرې له هغه وخت راپدیخوا ځنډول شوي دي. که څه هم د پټې دیپلوماسۍ له لارې د خبرو اترو د بیا پیل لپاره ځینې هڅې شوي دي.

عربي متحده اماراتو په ۲۰۲۱ کې منځګړیتوب وکړ او شریف بیا له هند سره د خبرو اترو بیا پیلولو لپاره د مرستې غوښتنه وکړه.

Continue Reading

نړۍ

د سویدن صدراعظم د قرآنکریم د سوځولو پېښه وغندله

Published

on

(Last Updated On: سلواغه ۳, ۱۴۰۱)

د سویدن لومړي وزیر د یکشنبې پر ورځ ( د سلواغې ۲) په ستکهلم کې د ترکیې د سفارت مخې ته د قرآنکریم سپکاوی د سپکاوي یو عمل وباله؛ خو وایي، چې دا کار له قانون څخه سرغړونه نده.

د بهرنیو رسنیو د خبر له مخې؛ د ښي اړخي ګوند سترام کرس مشر راسموس پالودان د سویدن له چارواکو څخه د دې کار د اجازې له ترلاسه کولو وروسته په ستاکهلم کې د ترکیې د سفارت مخې ته د قرآنکریم یوه نسخه وسوځوله.

د ترکیې د بهرنیو چارو وزارت دغه کړنه په کلکو ټکو غندلې او دا یې پر دغه سپېڅلي کتاب یو ناوړه برید او په اروپا کې د اسلاموفوبیا، توکم پالنې او نژادي تبعیض د خطرناکې کچې یوه بله سپکه بېلګه یاده کړې ده.

دغه راز ترکیې انقرې ته د سویدن د دفاع وزیر سفر هم لغو کړ.

د سویدن لومړي وزیر اولف کریسترسون تویت کړی، چې د بیان آزادي د دیموکراسۍ بنسټیزه برخه ده؛ خو هغه څه، چې قانوني وي لازمي نه وي مناسب وي.

هغه دغه راز څرګنده کړې: د هغو کتابونو سوځول، چې د ډېرو لپاره سپېڅلي دي؛ له سپکاوی ډک عمل دی. زه په ستکهلم کې د هغه څه له کبله، چې په دې پېښه کې پېښ شوي؛ له ټولو مسلمانانو سره خپله خواخوږي څرګندوم.

د افغانستان اسلامي امارت د بهرنیو چارو وزارت په سویدن کې د قرآنکریم سپکاوی پر کلکو ټکو غندلی او د دغه هېواد له حکومت څخه یې غوښتي، چې د دغه ناوړه عمل عاملین دې مجازات کړي.

اسلامي امارت د سویدن له حکومت څخه هم غوښتي، چې د دا ډول پاروونکیو او اسلام ضد کړنو مخه دې ونیسي.

د راسموس پالودان د اسلام ضد کړنو له کبله تېر کال هم په سویدن کې پراخې بلواوې رامنځته شوی وې.

په ستاکهولم کې د قرآنکریم سوځول د سعودي عربستان، اندونیزیا، مراکش، کویت، پاکستان او عربي متحده اماراتو د بهرنیو چارو وزیرانو له لوري هم غندل شوی دی.

Continue Reading

نړۍ

روسیې له چین او آفریقا سره په روزنیزه ننداره کې د ګډون لپاره چمتووالی څرګند کړ

Published

on

(Last Updated On: سلواغه ۳, ۱۴۰۱)

رویترز د دوشنبې پر ورځ څرګنده کړې: د روسیې یوه جنګي بېړۍ، چې له غږه پر چتکو کروز توغندیو سمباله ده؛ د فبرورۍ په میاشت کې به د چین او جنوبي آفریقا له سمندري ځواکونو سره په ګډو زوزنیزو هڅو کې برخه واخلي.

رویترز د روسیې خبري آژانس تاس د څرګندونو له مخې په ډاګه کړې، چې په یاده پوځي روزنیزه ننداره کې پر هایپرسونیک کروز وسلو سمباله دا لومړنۍ بېړۍ ده، چې رسمي یادونه ترې کیږي.

روسیه وايي؛ دا توغندي له غږه نهه ځله چټک الوت کوي، چې له ۱۰۰۰ کیلومترو ډېر واټن وهلی شي.

تاس آژانس د یوې ناڅرګندې دفاعي سرچینې د څرګندونو له مخې ویلي؛ دغه ادمیرل ګورشکوف به د سوریې په طرطوس کې د لوژیستیکي ملاتړ مرکز ته ولاړه شي او بیا به د چین او جنوبي آفریقا له سمندري ځواکونو سره په ګډو سمندري روزنیزه ننداره کې برخه واخلي.

د پنجشنبې پر ورځ د سویلي آفریقا ملي دفاعي ځواک ویلي؛ دغه روزنیزې هڅې به د فبرورۍ له ۱۷ څخه تر ۲۷ پورې د دوربان بندري ښار او ریچاردز خلیج ته نږدې ترسره شي، چې موخه یې “د سویلي آفریقا، روسیې او چین ترمنځ د مخ پر ودې اړیکو پیاوړتیا ده.

د سویلي آفریقا ملي دفاعي ځواک زیاته کړې؛ دغه روزنیزې هڅې د ۲۰۱۹ ز. کال کې له روزنیزو هڅو وروسته په جنوبي افریقا کې د دغو درې هېوادونو دوه‌یم هغه وي.

ګورشکوف له روانې میاشتې د ناروې په بحر کې له روزنیزو نندارو وروسته ولسمشر ولادیمیر پوتین لویدیځ ته د دې ښکارندویي کوي، چې روسیه به د اوکراین په جګړه کې شاتګ ونکړي.

چین، روسیه او امریکا د هایپرسونیک وسلو د پراختیا لپاره په سیالۍ کې دي او غواړي پر دښمن برلاسي ولري.

Continue Reading

Trending

Copyright © 2022 Ariana News. All rights reserved!