Connect with us

لوبی

د ۲۰۲۳ کال د کرکت د نړیوالو سیالیو د اتلولۍ کپ به افغانستان ته سفر وکړي

خپور شوی

د

په هېواد کې د کرکت مینهوالو ته یو ښه زیری: د ۲۰۲۳ نړیوال جام د اتلولۍ کپ به د خپل نړیوال سفر د یوې برخې په توګه روانه اوونۍ کابل ته راورسیږي.

د کرکت نړیوالې شورا منلې، چې دا جایزه به د روانې اوونۍ د پنجشنبې او جمعې پر ورځو د کابل له بېلابېلو سیمو لیدنه وکړي او خپلو مینه‌والو ته به دا فرصت ورکړي، چې د سپینو زرو دا ګران‌بیه کپ وګوري او ورسره انځورونه واخلي.

آریانا تلویزیون پر کورنیو خپرونو سربېره پر بهرنۍ کچه هم سپورتي خبرونه او پېښې افغانانو ته رسوي او په دې اړه له خپلې ژمنې سره سم ؛ خوښ دی، چې د دغې زړه راکښونکې نندارې لپاره یې د افغانستان کرکت بورد سره رسنیزه ملګرتيا او همکاري ساتلې ده.

د دې پېښې مهمې برخې به په ټول هېواد کې خپرې شي او مینه‌وال به یې وکولی شي د دې کپ د اتلولۍ سفر ان په خپلو کورونو کې وګوري.

دا دوه ورځنی سفر د نړۍ له ګوټ ګوټ څخه د کرکت د اتلولۍ کپ د سفر یوه برخه ده او تمه ده، چې په ټول هېواد کې به د کرکت مینه‌وال پر ځان رامات کړي.

دا کپ، چې له سپینو او سرو زرو جوړه شوی؛ ۱۱ کیلوګرامه وزن لري، چې کرکت کوونکیو هېوادونو ته ترټولو ستره جایزه ده؛ د دې بڼې سیالیو کپ د لومړي ځل لپاره پر  ۱۹۷۵ ز. کال کله، چې په انګلستان کې لومړی نړیوال جام ترسره شو؛ ورکړشو. له هغه وخت راپدیخوا اتو بېلابېلو لوبډلو اتلولي ګټلې، چې استرالیا د پېنځه لوبو پر ګټلو له ټولو بریالۍ لوبډله ده.

د افغانستان کرکت بورد مشر میرویس اشرف په دې وروستیو کې ویلي؛ دا د ویاړ خبره ده، چې افغانستان د کرکت سیالیو د اتلولۍ کپ د سفر په پروګرام کې راغلی دی.

میرویس اشرف ويلي: مونږ ډېر وياړو، چې يو ځل بيا د کرکت د نړيوالې شورا د نرينه وو د نړيوال جام کوربه‌توب کوو.دا زمونږ د خلکو لپاره یو ښه فرصت دی، چې د دې ویاړلې جایزې شاهدان شي او له کرکت نړیوالې ټولنې سره د تړاو احساس وکړي. دا زمونږ د لوبغاړو هڅونه هم ده، چې سخت کار وکړي او نړیوال جام ته چمتو شي.

د کپ سفر د سږکال پر جون  په داسې حال کې پیل شو، چې د ۱۲۰۰۰ فوټو پر لوړوالي له ځمکې وتوغول شو. د نړیوال جام د اتلولۍ کپ دغه ویاړلی سفر د ستراتو پر سفري بالون ترسره شو.

دغه سفر به پر روان کال د کوربه هېواد هندوستان د احمد آباد ښار د نریندرا مودي په لوبغالي کې، چې  د نړۍ تر ټولو لوی کرکت لوبغالی دی رسماً پای ته ورسیږي.

د کپ سفر یو میلیون مینه‌والو ته فرصت ورکوي، چې له سپینو او سره زرو څخه د جوړ ګران بیه کپ سره اړیکه ونیسي. دا کپ د ۱۸هېوادونو اړوند سیمو ته ځي، چې په پېنځه وچو کې موقعیت لري.

له ګډون کوونکیو هېوادونو څخه پر لیدنې سربېره کپ به یو شمېر مخ پر ودې هېوادونو لکه بحرین، کویت، مالیزیا، پاپوا نیو ګینا، نایجیریا، یوګاندا، فرانسه، ایتالیا او امریکا ته هم سفر وکړي، نويو او شته مینه‌والو ته فرصت ورکوي، چې د نړۍ د کرکت تر ټولو غوره جایزې ته یو ځل وګوري.

د کرکت نړیوالې شورا اجرائیوي مشر جف الاردیس د پرانیستې په مراسمو کې د وینا پر مهال ویلي: د کرکت د نرینه‎وو د نړیوال جام سفر د نړۍ تر ټولو لوی د کرکت نړیوال جام ته د نسکورې شمېرنې پر بڼه یو مهم پړاو دی. په ټوله نړۍ کې د ځینو مشهورو ځایونو پر لیدلو سربېره په دې سفر کې به د هېواد له مشرانو سره د سپینو زرو مشهوره لیدنه، د ټولنیزو نوښتونو پیل او د کرکت پرمختیایي پروګرامونو ملاتړ شامل وي.

هغه زیاته کړې: کرکت له یو میلیارد څخه ډېر مینه‌وال لري او مونږ غواړو د امکان تر حده ډېرو خلکو ته فرصت ورکړو، چې دې نومیالي کپ ته نږدې شي، چې تر دې ځایه پر سر راوړل شوی دی.

د کال پای

د اریانا تلویزیون، چې د هېواد په ګوټ ګوټ کې د کرکت د نړیوالو سیالیو د څو میاشتو له لیدو وروسته، نړیوال جام به هم هیڅ استثنا ونه‌لري او دا لوبې به پر ژوندۍ بڼه خپریږي.

سږنۍ سیالۍ به له ۵۰ اوریزو بڼو سره وي. د دې جایزې لپاره به ۱۰ هېوادونه سیالي وکړي، چې وروستی ځل انګلستان په ۲۰۱۹ کې ګټلی و.

ټاکل شوې دغه سیالۍ د ۲۰۲۳ ز. کال د اکتوبر له ۵ څخه د ۲۰۲۳ کال د نومبر تر ۱۹ نېټې پورې په هند کې ترسره شي او پای لوبه به یې په مشهور نریندرا مودي لوبغالي کې پای ته ورسیږي.

دا په داسې حال کې ده، چې اریانا تلویزیون به له سیالیو مخکې د لوبو مهالوېشونه او د خپرونې وخت خپروي؛ مینه‌وال به له نويو پرمختګونو سره تازه ساتي. بس ډاډه اوسئ، چې زمونږ اوبپاڼه او ټولنیزو رسنیو ته د تازه معلوماتو لپاره سترګې پرلاره اوسئ.

لوبی

آریانا ټلویزیون د افغانستان فوټسال غوره لیګ څلورم پړاو خپروي

ټاکل شوې، چې دا سیالۍ د غبرګولي پر یوولسمه پیل او د زمري پر یوویشتمه پای ته رسیږي.

Published

on

د آریانا نړیوال راډیو ټلویزیون ویاړي، ​​چې د افغانستان فوټسال غوره لیګ څلورم پړاو تولید او هېوادوالو ته خپروي.

ټاکل شوې، چې دا سیالۍ د غبرګولي پر یوولسمه پیل او د زمري پر یوویشتمه پای ته رسیږي.

دا لوبې به د افغانستان د فوټبال فډراسیون د فوټسال کمیټې په جمنازیم کې ترسره شي.

د افغانستان فوټبال فډراسیون مشر محمد یوسف کارګر نن (پنجشنبه) د دې سیالیو یا ټورنمنټ د تولید او خپرونې قرارداد د لاسلیک په مراسمو کې وویل: “د افغانستان فوټسال وړتیا اوس نړیواله شوې ده. زمونږ هڅې دا دي، چې دا ظرفیت د آسیا او سیمې پر کچه لوړ کړو، چې اړینه برخه په کې رسنۍ لري. پر رسنیو سربېره خصوصي سکټور خورا لوی او بنسټیز رول لوبولی شي.”

د آریانا ټلویزیون د خرڅلاو مدیر سمیع الرحمن عزیزي ویلي؛ د لومړي ځل لپاره به په دې سیالیو کې د ویډیو ملاتړی سیسټم وکارول شي، چې له لوبڅار سره د سمو پرېکړو په کولو کې مرسته وکړي.

هغه ويلي: “دا نوې ټکنالوژي به نه یوازې د لوبو څرنګوالی او رڼښت لوړ کړي، بلکې د لوبډلو او لوبغاړو لپاره به د لوړې کچې تجربه هم ډاډمنه کړي.”

سمیع الرحمن عزیزي ټینګار کړی؛ آریانا ټلویزیون اړینې نړیوالې او کورنۍ پېښې خپروي او هڅه کوي، چې د افغانستان فوټسال غوره لیګ په ټوله نړۍ کې مشهور کړي.

هغه ویلي: “دا همکاري د سپورټ په پرمختګ کې یو نوی پړاو پیلوي او مونږ بشپړ باور لرو، چې دا سیالۍ به د ځوانانو لپاره د نویو فرصتونو دروازه پرانیزي.”

د یادونې ده، چې د افغان فوټسال غوره لیګ څلورم پړاو به ۹۰ لوبې ولري او د لومړي ځل لپاره به دا لوبې د راونډ رابن په بڼه ترسره شي.

هره ورځ پرته له شنبې دوه لوبې ترسره کیږي؛ لومړۍ لوبه به د مازیګر پر ۴ بجو او دوه‌یمه هغه به له مازیګر وروسته ۶ بجې پیل شي.

په دې سیالیو کې به بهرني لوبغاړي هم برخه ولري.

Continue Reading

لوبی

د افغانستان کرکټ لوبډله په نړیوال نوملړ کې اووم ځای خپل کړ

د افغانستان لوبډله اوس د انګلستان، ویسټ انډیز او بنګله دېش په څېر ټیمونو پر پرتله لوړه درجه لري.

Published

on

Last Updated on: غویی ۱۶, ۱۴۰۴

د افغانستان کرکټ ملي لوبډله د یو ورځنیو نړیوالو لوبو په وروستۍ درجه بندۍ کې اووم مقام ته پورته شوې ده.

د کرکټ نړیوالې شورا په درجه بندۍ کې افغانستان له څلورو نمرو سره اووم مقام ترلاسه کړ.

تر دې دمه دا د افغانستان په یو ورځنیو نړیوالو لوبو کې تر ټولو ښه پایله ده.

د افغانستان لوبډله اوس د انګلستان، ویسټ انډیز او بنګله دېش په څېر ټیمونو پر پرتله لوړه درجه لري.

Continue Reading

لوبی

د افغانستان کرکټ الف لوبډله د سریلانکا کرکټ الف لوبډلې سره یوه ټیسټ لوبه کوي

د افغانستان الف لوبډلې یو شمېر لوبغاړو په ملي لوبډلې کې هم لوبه کړې ده.

Published

on

د افغانستان او سریلانکا الف کرکټ لوبډلې به د سېشنبې پر ورځ (د غویی نهمه) په یوه غیر رسمي ټیسټ لوبه کې له یو بل سره مخ شي.

د افغانستان الف لوبډلې یو شمېر لوبغاړو په ملي لوبډلې کې هم لوبه کړې ده.

د افغانستان الف لوبډلې جوړښت:

بهیرشاه، دروېش رسولي، اعجاز احمد مهري، عمران میر، ریاض حسن، عبدالمالک، عصمت عالم، شمس الرحمن، ضیا الرحمن، افسر ځاځی (ویکټ کیپر)، اکرام علیخېل (ویکټ کیپر)، عرب ګل، بشیر احمد، فرید احمد، فریدون داوودزی، خلیل ګربز، محمد ابراهیم، محمد سلیم، یما عرب، ضیاءالرحمن.

د سریلانکا الف لوبډله:

کمیل میشارا، ناوانیډو فرنانډو، پاسینډو سوریابنډارا، پاون راټنایکه، راوینډو رسانټا، سونال ډینوشا، وانویا سهان، لحیرو اوډارا (ویکټ ساتونکی)، صیډیرا سماراویکراما (ویکټ ساتونکی) اسانکا منوج، دیلشان ماډوشنکا، ډیلوم سوډدیرا، ایسیټا ویجسونډرا، میلان راټنایکه، شیران فرنانډو، تارینډو راتنایکه.

Continue Reading
Advertisement

Trending

Copyright © 2025 Ariana News. All rights reserved!