Connect with us

لوبی

د ۲۰۲۳ کال په کرکت نړیوال جام کې د افغانستان او هالند د سیالۍ په اړه اړینې څرګندونې

خپور شوی

د

(Last Updated On: لړم ۱۱, ۱۴۰۲)

د ۲۰۲۳ کال کرکت نړیوال جام تر اوسه بې‌سارې پایلې لرلې دي؛ د افغانستان په څیر یوې کمزورې لوبډلې دفاعي اتل انګلستان مات کړ او د پاکستان او سریلانکا په څېر د نیمې وچې لوبډلې یې راوړاندې کړې.

دغه راز هالند هم سویلي آفریقا او بنګله دېش ته له ماتې ورکولو سره خپل ملاتړي خوښ کړي دي.

دواړو لوبډلو خپلې وروستۍ لوبې ګټلې دي او د خپلې اتلولۍ د ساتلو په لټه کې دي.

د نیمه پایلوبې سیالۍ خپل وروستي پړاو ته رسیدلي او د افغانستان هیلې اوس هم ژوندۍ دي؛ له شپږ لوبو یې درې بایللي او باید هالند ته هم ماتې ورکړي، چې د تاریخي وروستيو څلور لوبډلو په نوملړ کې پاتې شي.

هالند هم په روانو سیالیو کې زین شوی آس شمېرل شوی؛ که څه هم نیمه پایلوبې ته د وردننه کېدو چانس یې لږ دی، ځکه دوی په شپږ سیالیو کې یوازې دوه بریاوې ترلاسه کړې دي. د دوی وړتیا، مهارتونه او روحیه کافي ده، چې د نورو لوبډلو نوملړونه بدل کړي. هالند په خپله وروستۍ لوبه کې بنګله دېش ته د ۸۷ منډو پر توپیر ماتې ورکړه او که قسمت ورسره یاري وکړي او درې لوبې وګټلې؛ نو هالند به نیمه پایلوبې ته لار پیدا کړي.

افغانستان او هالند د یو بل پر وړاندې نهه یو ورځنۍ لوبې کړي دي. افغانستان اووه لوبې ګټلي او هالند یوازې دوه هغه ګټلې دي.

لوبغاړي:

افغانستان: حشمت الله شهیدي، نور احمد، اکرام علي خېل، فضل فاروقي، رحمان الله ګربز، نوین الحق، ریاض حسن، راشد خان، محمد نبي، عظمت عمرزی، عبدالرحمن، رحمت شاه، مجیب الرحمن، نجیب ځدراڼ، ابراهیم ځدراڼ.

هالنډ: کولن اکرمن، شریز احمد، وسلي بارسي، باس دی لید، آریان دات، سیبراند اینګلبرشت، رایان کلاین، تجا نیدمانورو، مکس اودود، ویکرم سینګ، لوګان ون بیک، رولوف ون در مروی، پل ون میکرن، ثاقب ذوالفقار.

دغه لوبه د جمعې پر ورځ د تلې۱۲ / د نومبر پر ۳ د کابل پر وخت د ماسپښین ۱:۰۰ بجه د هند راتنا شري آتال بیهاري واجپايی ایکانا په کرکت لوبغالي لکنو کې ترسره کیږي.

په افغانستان کې د مینهوالو لپاره:

د آریانا تلویزیون نړیواله شبکه په افغانستان کې رسمي نشراتي شریکه ده او د ۲۰۲۳ ز. کال کرکت نړیوال جام سیالۍ هره ورځ پر ژوندۍ بڼه د خپلو مینه‌والو کورونو ته د خپراوي د ځانګړي حق له لارې وړاندې کوي.

لکه څنګه، چې مونږ پر د دې سیالیو د خپراوي د غلا له مخنیوي سره مبارزه کوو؛ مونږ په افغانستان کې له خپلو مینه‌والو هم غواړو، چې په آریانا تلویزیون www.arianatelevision.com کې د خپلې خوښې لوبې پر ژوندۍ بڼه وګوري.

مهرباني وکړئ د سمندري غلو له ناقانونه خپرونو او اوبپاڼو ملاتړ مه کوئ!

د افغانستان راتلونکې او هغه لوبې، چې پاتې دي له آریانا تلویزیون څخه پر ژوندۍ بڼه خپرې شوي او یا خپریږي؛ په لاندې ډول دي:

  • افغانستان د پاکستان پر وړاندې: دوشنبه – د اکتوبر ۲۳، ۲۰۲۳، چنای
  • افغانستان د سریلانکا پر وړاندې: دوشنبه، د ۲۰۲۳ کال د اکتوبر ۳۰، پونی
  • افغانستان د هالند پر وړاندې: جمعه – د ۲۰۲۳ کال د نومبر ۳، لکنو
  • افغانستان د استرالیا پر وړاندې: سه شنبه – د ۲۰۲۳ کال د نومبر ۷ ، ممبي
  • افغانستان د سویلي افریقا پر وړاندې: جمعه – د ۲۰۲۳ کال د نومبر ۱۰، احمد‌آباد

لوبی

د افغانستان کرکټ الف لوبډله سریلانکا ته د شپږ لوبو لپاره سفر کوي

Published

on

(Last Updated On: کب ۴, ۱۴۰۲)

د افغانستان کرکټ بورډ څرګنده کړې، چې د هېواد الف لوبډله به د روان کال په اپریل میاشت کې د سریلانکا پر وړاندې د پېنځه یو ورځنیو او یوې څلور ورځنیو سیالیو لپاره دې هېواد ته سفر کوي.

دا سیالۍ به د اپریل پر اته‌ویشتمه پیل شي او د مې تر څوارلسمه پورې به روانې وي.

د افغانستان الف لوبډله به د سیالیو له پیل څخه درې ورځې مخکې سریلانکا ته ورسیږي.

لومړۍ دوه یو ورځنۍ لوبې به د اپریل پر اته‌ویشتمه او دېرشمه او نورې درې لوبې به د مې پر درېیمه، پېنځمه او اووه‌مه ترسره شي. څلور ورځنۍ سیالۍ به د مې پر یوولسمه پیل شي.

د افغانستان کرکټ بورډ اجرائیوي رییس نصیب خان په دوه اړخیزو او څو اړخیزو سیالیو کې د افغانستان الف لوبډلې پرله‌پسې ګډون څخه خوښي وښوده او د دې لوبډلې د بوخت ساتلو پر اهمیت یې ټینګار وکړ، چې د ملي لوبډلې ملاتړته به ځانونه چمتو کوي.

Continue Reading

لوبی

سري لانکا له افغانستان څخه د ۲۰ اوریز لوبلړ دوه‌یمه لوبه هم وګټله

Published

on

(Last Updated On: کب ۱, ۱۴۰۲)

د افغانستان کرکټ ملي لوبډلې د شل اوریزو سیالیو په دوه‌یمه لوبه کې له سریلانکا څخه د ۷۲ منډو پر توپیز ماتې وخوړه.

د دوشنبې د ورځې ( د سلواغې دېرشمه / د فبرورۍ نولسمه) په لوبه کې د افغان لوبډلې لوبډلمشر ابراهیم ځدراڼ د پچې له ګټلو وروسته د توپ‌اچوونې پرېکړه وکړه.

سري لانکا په ټاکل شویو ۲۰ اورونو کې افغانستان ته د ۱۸۸ منډو هدف وټاکه.

د افغانستان ټول لوبغاړي د ۱۷ اورونو په ۱۱۵ منډو کې وسوځېدل.

افغانستان د یاد لوبلړ لومړۍ لوبه بایللې وه او دوه‌یمه بریا هم سریلانکا خپله کړه.

له دې مخکې سریلانکا له افغانستان څخه ټسټ لوبه او د یو ورځنیو سیالیو لوبې هم ګټلې دي.

د یادونې ده، چې درېیمه او وروستۍ لوبه به د چارشنبې پر ورځ په رنګیري ډمبولا نړیوال کرکټ لوبغالي کې ترسره شي.

Continue Reading

لوبی

افغانستان نن له سریلانکا سره د درې ۲۰ اوریز لوبلړ دوه‌یمه لوبه کوي

Published

on

(Last Updated On: سلواغه ۳۰, ۱۴۰۲)

نن دوشنبه ( د سلواغې دېرشمه / د فبرورۍ نولسمه ) افغانستان او سریلانکا دوه‌یمه شل اوریزه لوبه د ډمبولا په رنګیري لوبغالي کې ترسره کوي او هیله داده، چې د شل اوریز لوبلړ د لومړۍ لوبې له بایللو وروسته دوه‌یمه لوبه وګټي.

د افغانستان او سریلانکا ترمنځ تر دې دمه ۵ شل اوریزې لوبې شوي، چې څلور یې سریلانکا او یوه افغانستان ګټلې ده.

د دوشنبې پر ورځ د سریلانکا پر کوربه‌توب د ۲۰ اوریزو درې سیالیو دوه‌یمه لوبه پیلیږي. له دې مخکې هم یوه ټیسټ او درې یو ورځنۍ لوبې ترسره شوي، چې دواړه بڼې سریلانکا ګټلې دي.

لومړۍ شل اوریزه لوبه د شنبې پر ورځ سریلانکا پر ۴ منډو وګټله.

د لوبې پچه سریلانکا وګټله او لومړی یې د توپ‌وهنې پرېکړه وکړه او ۱۶۰ منډې یې وکړې.

وانندو هاسارنګا ۶۷ منډې جوړې کړې، چې له سدیرا سماراویکراما سره یې ملګرتیا وکړه.

فضل الحق فاروقي په توپ‌اچونه کې ۳ لوبغاړي وسوځول. مهمه شېبه په څوارلسم اور کې هغه مهال راغله، چې سریلانکا پر ۲۲ منډو وسوځېده.

د هدف په پوره کولو کې افغانستان ښه پیل درلود؛ خو د ابراهیم ځدراڼ ۶۷ منډې کافي نه‌وې او د متیشا پټیرانې د ۲۴ منډو په بدل کې د ۴ ویکټو پر اخیستلو سریلانکا افغانستان ته پر ۴ منډو ماتې ورکړه.

افغانستان په شپاړلسم او اتلسم اور کې نرمښت وښود؛ خو د سریلانکا پر وخت ویکټې په پای کې پرېکنده ثابتې شوې.

وانندو هاسارانګا ښه توپ‌وهنه وکړه او سريلانکا ته یې ۱۰ منډې جوړې کړې. مخکې له دې، چې د ماتيشا پټيرانا پر مشرۍ توپ‌وهنه راټوله شوه او سريلانکا لوبه پر ۴ منډو وګټله.

نننۍ لوبه به د ماښام له ۶ بجو څخه پر ژوندۍ بڼه له آریانا ټلویزیون څخه خپره شي.

Continue Reading

Trending

Copyright © 2022 Ariana News. All rights reserved!