Connect with us

نړۍ

روسیې د اوکراین په دونباس کې  پر۴۰ ښارګوټي بریدونه کړي

خپور شوی

د

(Last Updated On: غبرګولى ۵, ۱۴۰۱)

د اوکراین پوځ ویلي، روسي ځواکونو د اوکرایین په ختیځ دونباس سیمه کې له ۴۰ ډېر ښارګوټي بمبارد کړي او د نورو بریدونو ګواښ یې یې هم کړی دی.

د اوکراین له پلازمېنې کیف وروسته په دوه یم لوی ښار خارکوف کې له ناکامۍ وروسته روسیه هڅه کوي د دونباس بشپړ کنټرول ترلاسه کړي، چې بیلتون غوښتونکي یې د استازیتوب ادعا کوي.

روسیې په زرګونه پوځیان سیمې ته استولي او له درې لوریو یې د اوکراین د ځواکونو د محاصره کولو هڅه یې روانه ساتلې ده.

د اوکراین د وسلوالو ځواکونو د ګډ کاري ځواک په فیسبوک کې په ډاګه شوې، چې د دغو توغنديزو بریدونو په پایله کې پېنځه ملکي وګړي وژل شوي او ۱۲ نور ټپیان دي. دغو نیواکګرو په دونیتڅک او لوهانڅک سیمو کې له ۴۰ څخه زیات ښارګوټي بمبارد کړي، د ۳۸ کورونو او یوه ښوونځي په ګډون یې ۴۷ ملکي ځایونه ویجاړ کړي او یا هم زیانمن دي.

په خبرپاڼه کې راغلي، چې د دښمن ۱۰ بریدونه پر شا وتمبول شول، څلور ټانګونه او څلور بې پیلوټه الوتکې له منځه لاړې او د دښمن ۶۲ سرتېري ووژل شول.

د اوکراین ولسمشر ولادیمیر زیلینسکي ویلي، د ختیځ په ځینو برخو کې د روسي پوځیانو شمېر له مونږ څخه ډېر دی.

رویټرز ونه توانید په خپلواکه توګه د جګړې د ډګر راپورونه تائید کړي.

مسکو هڅه کوي په خپله خاوره کې خپله ولکه ټینګه کړي. ولسمشر ولادیمیر پوتین یو فرمان لاسلیک کړی، چې د نویو نیول شویو ولسوالیو د اوسیدونکیو لپاره د روسیې تابعیت او پاسپورت ترلاسه کولو پروسه ساده کړي.

د روسیې پارلمان د چارشنبې پر ورځ په اردو کې د قراردادي خدمت لپاره د عمر لوړ حد لغوه کړ او د ورک شوي سرتېرو پر ځای یې د نورو ځای پر ځای کولو اړتیا پر ګوته کړه.

زیلینسکي د روسیې پر تازه دمو سرتېرو په تبصره کې ویلي: (دوی) نور کافي ځوانان نلري، خو دوی اوس هم د جګړې اراده لري او د دې ارادې ماتول به وخت ونیسي.

زیلینسکي په روانه اوونۍ کې ویلي، چې شخړه یوازې د هغه او پوتین ترمنځ له مستقیمو خبرو اترو سره پای ته رسیدلی شي.

روسیه او اوکرایین په نړۍ کې د خوراکي توکو او سونتوکو له لویو تولیدوونکیو هېوادونو څخه دی، چې دمګړۍ یې اروپا په ځانګړي توګه بریتانیا له لو لړ بشري ستونزو سره مخ کړې ده.

دا په داسې حال کې ده، چې روسیه په اوکراین کې د اوکراین د بې وسلې کولو او له فاشیستانو څخه د هېواد ژغورل خپل ځانګړي عملیات بولي؛ خو اوکراین او لویدیځ ويلي، چې د فاشیست تورونه بې اساسه دي او دا جګړه یو بې بنسټه یرغل دی.

نړۍ

د تركيې په پلازمېنه كې ځانمرګي بريد دوه کسان ټپيان كړل

Published

on

(Last Updated On: تله ۹, ۱۴۰۲)

د راپورونو له مخې؛ یوه ځانمرګي بریدګر د یکشنبې پر ورځ د ترکیې د پلازمېنې انقرې په زړه کې د کورنیو چارو وزارت ودانۍ ته څېرمه خپل چاودېدونکي توکي وچول.

د فرانسې خبري سرچینې د څرګندونو له مخې؛ دوه‌ییم بریدګر له پولیسو سره په نښته کې ووژل شو.

د کورنیو چارو وزارت دغه برید «ترهګریز برید» بللی، ګې په کې دوه پولیس افسران ټپیان شوي دي.

د ترکیې کورنیو چارو وزارت ویلي: دوه ترهګرو نن سهار ۹:۳۰ بجې په یوه سپک پوځي موټر کې د کورنیو چارو وزارت د امنیت عمومي ریاست د دروازې مخې ته راغلل او بمي چاودنه یې وکړه.

د کورنیو چارو وزیر علي یرلیکایا په X  پاڼه کې لیکلي، چې وزارت ته نږدې په برید کې دوه پولیس افسران ټپیان شوي دي.

تر اوسه کومې ډلې د دغه برید مسوولیت منلی نه‌دی.

دا له ۲۰۱۶ ز. کال راپدیخوا په ترکیه کې لومړۍ بمي چاودنه ده.

Continue Reading

نړۍ

د لنډمهاله بودجې له تصویبېدو سره د امریکا د حکومتي چارو د بندېدو مخه ونیول شوه

Published

on

(Last Updated On: تله ۹, ۱۴۰۲)

د امریکا مشرانو جرګې د شنبې پر ورځ ناوخته د دیموکراتانو او جمهوري غوښتونکیو پر ملاتړ د لنډمهالې بودجې له تصویبېدو سره د امریکا د فدرالي حکومت د چارو د بندېرو مخه ونیوله.

مشرانو جرګې د دیموکراتاتو پر ملاتړ ۸۸ موافقې او ۹ ناموافقو رایو اړوړند لایحه تصویب کړه او ولسمشر بایدن ته واستول شوه، چې د سهار له ۱۲:۰۱ دقیقې مخکې لاسلیک شوه.

له دې مخکې دا طرحه په ولسي جرګه کې له مخالفت سره مخ شوې وه.‌

د راتلونکې نومبر میاشت تر نیمايي د فدرال ادارو د لنډمهاله بودجې دا طرحه د ولسي جرګې جمهوري غوښتونکي مشر کیوین مک‌کارتي وړاندې کړې وه.

مک کارتي د ګوند د سخت دریځو ټینګار، چې غوښتل یې دا لایحه باید یوازې جمهوري غوښتونکي تصویب کړي؛ یو بدلون رامنځته کړ.

د فدرالي ادارو له تړل کېدو سره لسګونه زره کسان له معاش پرته په جبري رخصتۍ ته تلل او بېلابېل دولتي خدمات به هم ټکني شوي وای.‌

دې لنډمهاله طرحې د راتلونکیو ۴۵ ورځو لپاره د جو بایدن حکومت ډاډمن کړ؛ خو په مشرانو جرګه کې د جمهوري غوښتونکیو ټینګار داو، چې د فدرال ادارو لګښتونه باید راکم شي.

د سنا د اکثریت مشر چک شومر له رایې ورکولو وروسته ویلي؛ د حل لار دوه اړخیزه ده او مونږ خوښ یوو، چې مک‌کارتي په پای کې زمونږ پیغام ته غوږ ونیوه.

د یادونې ده، چې په امریکا کې مالي کال د اکتوبر له لومړۍ نېټې پیلېږي.

Continue Reading

نړۍ

د جمهوري غوښتونکیو بودجه ردولو د امریکا حکومت د ړنګېدو له ګواښ سره مخ کړ

Published

on

(Last Updated On: تله ۸, ۱۴۰۲)

د جمعې پر ورځ د امریکا په ولسي جرګه کې سخت دریځو جمهوري غوښتونکیو د حکومت د لنډمهالي تمویل لپاره وړاندیز شوې بودجه رد کړه، چې ورسره د یکشنبې پر ورځ د فدرالي ادارو د بندېدو شونتیا تړلې ده.

د رویترز د څرګندونو له مخې؛ د امریکا ولسي جرګې د ۲۳۲ موافقو او ۱۹۸مخالفو رایو د ۳۰ ورځو لپاره د حکومت د بودجې د غزېدو وړاندیز رد کړ او د هغې د بندیدو پرېکړه یې وکړه. دا لایحه لګښتونه کموي او مهاجرت به محدود کړي.

جمهوري غوښتونکي د ۲۲۱ غړیو پر لرلو ولسي جرګه څاري. که د یکشنبه د ورځې د شرقي وخت تر ۱۲:۰۱ پورې ونه‌غزول شي؛ نو ملي پارکونه، تر۴ میلیون فدرالي کارمندانو معاشونه او هر څه له مالي څارنې نیولې تر پوهنیزو څېړنو پورې هرڅه به ودرول شي.

له رایې ورکولو وروسته د ولسي جرګې رییس کیون مک کارتي وویل، چې جرګه اوس هم کولی شي د محافظه کارو پالیسیو پرته، چې دیموکراتان یې له ځانه ګوښه کړي؛ د بودجې تمدید تصویب کړي، خو په اړه یې له څه ویلو ډډه وکړه. تمه ده، چې دغه پارلمان به د شنبې پر ورځ لا زیاتې رایې واچوي.

هغه خبریالانو ته وویل: له کاره لاس پرسر کېدا یوازې د ناکامۍ معنا لري.

دا څرګنده نده، چې آیا مشرانو جرګه یا سنا به پخپل وخت عمل وکړي او که نه. جرګه باید د شنبې پر ماسپښین دوه ګوندیزه لایحه، چې د نومبره تر ۱۷ به حکومت تمویلوي ؛ بیا کتنه وکړي، خو د کړنلارې له مخې د سې شنبې تر ورځې پورې به وروستۍ رایې وځنډوي.

د امریکا د خزانې وزیر جینت یلن د جمعې پر ورځ ویلي، چې د حکومتي کارونو د بندېدا شونتیا به د امریکا اقتصادي پرمختګ او کوچنۍ سوداګري او د ماشومانو پروګرامونه اغېزمن کړي او کولی شي د سترو بېخبناوو بیا رغونه وځنډوي.

دا به په تېره یوه لسیزه کې د بودجې څلورم خنډ او ځنډ وي.

د امریکا ولسمشر جوبایدن خبرداری ورکړی، چې دغه بندیز به وسله‌والو ځواکونو ته درانده زیانونه واړوي.

دیموکرات بایدن د مارک میلي د تقاعد په مراسمو کې ویلي: مونږ په داسې حال کې، چې سرتېرو مو ځانونه سبر کړي سیاست وکړو.دا له وظیفې څخه په کلکه سرغړونه ده.

Continue Reading

Trending

Copyright © 2022 Ariana News. All rights reserved!