نړۍ
روسیې د اوکراین په دونباس کې پر۴۰ ښارګوټي بریدونه کړي

د اوکراین پوځ ویلي، روسي ځواکونو د اوکرایین په ختیځ دونباس سیمه کې له ۴۰ ډېر ښارګوټي بمبارد کړي او د نورو بریدونو ګواښ یې یې هم کړی دی.
د اوکراین له پلازمېنې کیف وروسته په دوه یم لوی ښار خارکوف کې له ناکامۍ وروسته روسیه هڅه کوي د دونباس بشپړ کنټرول ترلاسه کړي، چې بیلتون غوښتونکي یې د استازیتوب ادعا کوي.
روسیې په زرګونه پوځیان سیمې ته استولي او له درې لوریو یې د اوکراین د ځواکونو د محاصره کولو هڅه یې روانه ساتلې ده.
د اوکراین د وسلوالو ځواکونو د ګډ کاري ځواک په فیسبوک کې په ډاګه شوې، چې د دغو توغنديزو بریدونو په پایله کې پېنځه ملکي وګړي وژل شوي او ۱۲ نور ټپیان دي. دغو نیواکګرو په دونیتڅک او لوهانڅک سیمو کې له ۴۰ څخه زیات ښارګوټي بمبارد کړي، د ۳۸ کورونو او یوه ښوونځي په ګډون یې ۴۷ ملکي ځایونه ویجاړ کړي او یا هم زیانمن دي.
په خبرپاڼه کې راغلي، چې د دښمن ۱۰ بریدونه پر شا وتمبول شول، څلور ټانګونه او څلور بې پیلوټه الوتکې له منځه لاړې او د دښمن ۶۲ سرتېري ووژل شول.
د اوکراین ولسمشر ولادیمیر زیلینسکي ویلي، د ختیځ په ځینو برخو کې د روسي پوځیانو شمېر له مونږ څخه ډېر دی.
رویټرز ونه توانید په خپلواکه توګه د جګړې د ډګر راپورونه تائید کړي.
مسکو هڅه کوي په خپله خاوره کې خپله ولکه ټینګه کړي. ولسمشر ولادیمیر پوتین یو فرمان لاسلیک کړی، چې د نویو نیول شویو ولسوالیو د اوسیدونکیو لپاره د روسیې تابعیت او پاسپورت ترلاسه کولو پروسه ساده کړي.
د روسیې پارلمان د چارشنبې پر ورځ په اردو کې د قراردادي خدمت لپاره د عمر لوړ حد لغوه کړ او د ورک شوي سرتېرو پر ځای یې د نورو ځای پر ځای کولو اړتیا پر ګوته کړه.
زیلینسکي د روسیې پر تازه دمو سرتېرو په تبصره کې ویلي: (دوی) نور کافي ځوانان نلري، خو دوی اوس هم د جګړې اراده لري او د دې ارادې ماتول به وخت ونیسي.
زیلینسکي په روانه اوونۍ کې ویلي، چې شخړه یوازې د هغه او پوتین ترمنځ له مستقیمو خبرو اترو سره پای ته رسیدلی شي.
روسیه او اوکرایین په نړۍ کې د خوراکي توکو او سونتوکو له لویو تولیدوونکیو هېوادونو څخه دی، چې دمګړۍ یې اروپا په ځانګړي توګه بریتانیا له لو لړ بشري ستونزو سره مخ کړې ده.
دا په داسې حال کې ده، چې روسیه په اوکراین کې د اوکراین د بې وسلې کولو او له فاشیستانو څخه د هېواد ژغورل خپل ځانګړي عملیات بولي؛ خو اوکراین او لویدیځ ويلي، چې د فاشیست تورونه بې اساسه دي او دا جګړه یو بې بنسټه یرغل دی.
نړۍ
د امریکا په تکزاس ایالت کې ۴۶ ناقانونه کډوال مړه شوي

د یو لړ راپورونو له مخې؛ د دوشنبې پر ورځ د امریکا په تکزاس ایالت کې له یوه کانتینره د نا قانونه کډوالو ۴۶ مړي راایستل شوي دي.
د رویترز د څرګندونو له مخې دغه پېښه د چنګاښ پر ۶ د جون پر ۲۷ د ټکزاس ایالت د انتونیو ښار په اړوند سیمه کې رامنځته شوې ده.
سرچینې په ډاګه کړې؛ دا کانتینر په یوه تېلر موټر کې بار و، چې د انتونیو ښار د سویل لویدیځ لوري ریل پټلیو ته نږدې درول شوی و.
یادې سرچینې د پولیسو د څرګندونو له مخې راپور ورکړی؛ له موندل شوي کانتینر څخه د څلورو ماشومانو په ګډون شپږ نور کسان، چې روغتیایي حالت یې د تودوخې او ستړیا له کبله د اندېښنې وړ دی روغتون ته لېږدول شوي دي.
د یو لړ راپورونو له مخې؛ د تېلر چلوونکی له سیمې تښتېدلی او پولیسو یې د پلټنې چارې پیل کړې دي.
چارواکو دا هم ویلي، چې د پېښې په تړاو یې درې کسان نیولي هم دي.
د امریکا ټکزاس ایالت له مکسیکو سره ګډه پوله لري او له مکسیکو څخه هره ورځ سلګونه کډوال ټکزاس ته داخلیږي.
د امریکا او مکسیکو په پوله کې د کډوالو پر تګ راتګ بندیزونو د دې ایالت د دیموکراتانو اندېښنې راپارولي د امریکا د ولسمشر جو بایډن د کډوالۍ پر پالیسیو نیوکې کیږي.
د مکسیکو د بهرنیو چارو وزیر مارسیلو ابرارد تویت کړی؛ دا یوه خواشینوونکې پېښه ده او څرګندويٍ، چې تر دې دمه د زیانمنو کډوالو تابعیت او ځای تائید شوی ندی.
د یادونې ده، چې ځايي پولیسو تر دې دمه د دې پېښې بشپړ جزئیات ښکاره کړي ندي.
نړۍ
د G-7 مشرانو له اوکراینه د ملاتړ ژمنه څرګنده کړه

د اووه اقتصادي قدرتونو مشرانو له اوکراین څخه د اوږدې مودې د ملاتړ ژمنه کړې او ټاکل شوې، چې د آلمان د آلپس په غرنۍ سیمه کې د ناستې پر مهال د اوکراین له ولسمشر ولادیمیر زیلینسکي سره انلاین خبرې وکړي.
د G-7 مشران به د دوشنبې پر ورځ خپله درې ورځنۍ سرمشریزه له اوکراین څخه پر ملاتړ پیل او راوڅرخوي.
د اسوشیتید پریس د څرګندونو له مخې؛ د پېنځه دیموکراتیکو مخ پر ودې اقتصادونو مشران ( هند، اندونیزیا، سویلي آفریقا، سنګال او ارجنټاین) د اقلیم د بدلون، انرژۍ او نورو مسلو په اړه له خبرو اترو وروسته هم له هغو سره یوځای شي.
د اوکراین جګړې د دغو هېوادونو د مشرانو ذهنونه اغېزمن کړي او د یکشنبې پر ورځ یې د سیمې په یوه ښکلي هوټل کې خپله سرمشریزه په داسې حال کې پرانیستله، چې روسي توغنديو له څو اوونیز ځنډ وروسته یو څل بیا د اوکراین مرکز کیف تر برید لاندې ونیوه.
د امریکا ولسمشر جو بایډن ویلي، چې د روسیې ولسمشر ولادیمیر پوتین له پیل څخه په دې فکر کې دی، چې ناټو او G-7 به ووېشل شي؛ خو مونږ دا کار ونکړ او کوو یې هم نه!
د بریتانیا بوریس جانسون مشرانو ته خبرداری ورکړ، چې ځانونه ستومانه احساس نکړي.
د آسوشیتید پریس د څرګندونو له مخې؛ د دوشنبې پر ورځ، دوی فرصت لري، چې زیلینسکي ته خپل دا یووالی وښيي او له کیف سره د مالي او نور ملاتړ لپاره خپله ژمنه بیا تائید کړي.
بایډن هیله من دی، چې اروپا ته له خپل سفر څخه ګټه پورته کړي؛ د ائتلاف د یووالي اعلان وکړي، روسیې ته پر اوکراین د برید سزا ورکړي او فشار پرې راوړي. په داسې حال کې، چې پر اوکراین برید پېنځمې میاشتې ته غزېدلی دی.
د سرمشریزې کوربه هېواد لومړی وزیر اولاف شولز ډاډمن دی، چې له دې ناستې د اوکراین لپاره د مارسال پلان د پلي کولو لپاره ګټه پورته او دا هېواد بیا ورغول شي.
شولز ویلي، چې د اوکراین بیا رغول به نسلونه وخت ونیسي.
د G-7 هېوادونو هوکړه کړې، چې د اوکراین سمدستي اړتیاوې تمویل کړي.
د دې ډلې د مالیې وزیرانو تېره میاشت هوکړه کړې وه، چې کیف ته ۱۹ اعشاریه ۸ میلیارد ډالرو اقتصادي مرستې چمتو کړي، چې وکولی شي د روسي ځواکونو پر وړاندې دفاع وکړي.
نړۍ
د اووه هېوادونو ډله له روسیې څخه د سرو زرو پر وارداتو بندیز لګوي

د امریکا ولسمشر جوبایډن ویلي، چې د اووه هېوادونو ډله به له روسیې څخه د سرو زرو پر وارداتو بندیز ولګوي.
د بریتانیا لومړي وزیر بوریس جانسون هم ویلي، چې امریکا، انګلستان، جاپان او کاناډا به د روسیې اولیګارشان پر نښه او د پوتین د جنګي ماشین زړه ولړزوي.
تېر کال روسیې د سرو زرو له صادراتو څخه شاوخوا ۱۵میلیارده او ۵۰۰ میلیون ډالر عاید ترلاسه کړی و.
د اووه هېوادونو ډله به د سې شنبه، چې د دې ډلې د سرمشریزې وروستۍ ورځ ده؛ د آلمان په سویل باواریا کې پر رسمي بڼه له روسیې څخه د سرو زرو واردات وځنډوي.
جي – ۷ هېوادونو ډلې له دې مخکې پر مسکو د اوکراین د یرغل له کبله سخت بندیزونه لګولي دي.
بایډن لیکلي: امریکا د روسیې د ولسمشر ولادیمیر پوتین د هڅو د مخنیوي لپاره بې ساري لګښتونه کړي او امریکا غواړي روسیه له هغو عایداتو بې برخې کړي، چې د اوکراین پروړاندې ترې د جګړې اړتیاوې پوره کوي.
-
تازه خبرونه4 days ago
د پکتیکا ولایت د ګیان ولسوالۍ زلزله ځپلي اوس هم خوراکي توکو او سرپناه ته اړ دي
-
تازه خبرونه5 days ago
د پکتیکا او خوست ولایتونو زلزله ځپلي د بیات بنیاد له مرستو برخمن شول
-
تازه خبرونه4 days ago
د افغانستان په وروستۍ زلزله کې ۲۸۸ ماشومانو ته مرګ و ژوبله اوښتې
-
تازه خبرونه4 days ago
هند په کابل کې خپلې سفارتي چارې بیا پیل کړې
-
تازه خبرونه3 days ago
د کولرا له خطر سره مخ په زرګونه زلزله ځپلي پاکې اوبه او خوراکي توکي غواړي
-
تازه خبرونه4 days ago
تایوان د افغانستان له زلزله ځپلیو سره یو میلیون ډالري مرسته اعلان کړه
-
تازه خبرونه2 days ago
افغاني سرې میاشتې ټولنې زلزله ځپلیو ته لس میلیون افغانۍ ځانګړې کړې
-
تازه خبرونه19 hours ago
له کوم هېواد یا بهرني شرکت سره د ډبرو سکرو د صادراتو تړون نلرو