Connect with us

روغتيا

روغتیایي سکټور د اومیکرون پېژندنې تجهیزات نلري

خپور شوی

 په

(Last Updated On: مرغومی ۲۷, ۱۴۰۰)

د عامې روغتیا وزارت مسوولینو ويلي؛ د کرونا ویروس د پرمختللې بڼې یا اومیکرون د تشخیص لپاره اړین تجهیزات نلرو او معلومه نده، چې په نویو مثبتو ۴۰ پېښو کې به څو کسان پر اومیکرون اخته وي.

که څه هم د ګاونډ هېوادونو په پرتله په افغانستان کې پر کرونا ویروس د اخته کسانو شمېر ټيټ ښودل شوی، خو د عامې روغتیا وزارت ویاند جاوید هژیر وايي؛ د دوی وروستۍ ارزونې ښيي، چې په تازه پېښو کې څلوېښت کسان پر کرونا ویروس اخته شوي او د تجهیزاتو د نشتوالي له کبله نه پوهیږي، چې څو به یې د کرونا پر پرمختللې بڼه یا اومیکرون اخته شوي وي.

هېوادوال د عامې روغتیا له وزارته غواړي، چې د کرونا د څلورمې څپې او د دې ویروس د نوې بڼې پر وړاندې دې اړین ګامونه پورته کړي.

افغان- جاپان روغتون پر کرونا د اخته کسانو د درملنې لپاره لومړنی بنسټ دی، چې خلک ورځي.

د افغانا جاپان روغتون مسوولینو ويلي، چې له پېنځلس څخه تر شل ناروغان د ورځې رالېږدول کیږي؛ خو دوی د اومیکرون بڼې د تشخیص اړین تجهیزات نلري.

د افغان- جاپان روغتون د بشري سرچینو مدیر محمد انیل عظیمي وایي: تر د دمه د کرونا نوې بڼه تشخیص شوې نده؛ ځکه، چې د تجهیزات یې تر دې دمه مونږ ته رارسېدلي ندي. له عامې روغتیا وزارته مو غوښتنه داده، چې له اړوند تجهیزاتو مو برخمن کړي.  

هېوادوال د عامې روغتیا له وزارته غواړي، د ژمې په سړه هوا کې، چې موسمي ناروغۍ مخ پر ډېرېدو دي، باید د کرونا له اومیکرون بڼې سره د مبارزې لپاره جدي ګامونه پورته کړي.

ناروغ لرونکی محمد جمعه وایي: ۱۵ ورځې کیږي، چې مور مې په افغان – جاپان روغتون کې بستر ده. مونږ له روغتیایي خدمتونو راضي یوو. خلک دې له ګڼه ګوڼې ډډه وکړي او ماسک دې نه هیروي.

د کابل ښار اوسیدونکی محمد عارف ویلي؛ خلک باید ماسک وکاروي او د لمونځ په ګډون د اسلام سپارښتنې پلې کړي، چې ناروغي رامنځته نشي.

د عامې روغتیا د روغتیایي خدمتونو د وړاندې کولو مرستیال ویلي، چې له نړیوالو بنسټونو او مرستندویه هېوادونو یې د اومیکرون د تشخیص لپاره د اړینو توکو او تجهیزاتو غوښتنه کړې؛ خو داسې ښکاري، چې تر دې دمه له دې مرستې د افغانستان د روغتیا سکټور برخمن شوی ندی.

روغتيا

په زابل ولایت کې څه باندې ۴۰۰ کسان پر کولرا وبا اخته شوي

خپور شوی

په

توسط

(Last Updated On: غبرګولى ۴, ۱۴۰۱)

د عامې روغتیا وزارت چارواکي څرګندوي؛ د هېواد په بېلابېلو ولایتونو کې د هوا له تودېدو سره یوازې په زابل ولایت کې له ۴۰۰ ډېر کسان د کولرا پر ناروغۍ اخته شوي، چې د مخنیوي هڅې یې روانې دي.

د یاد وزارت د چارواکو د څرګندونو له مخې؛ په هغو سیمو کې، چې دغه ناروغي خپره شوې، لنډمهالي روغتیايي کتنځي جوړ شوي او روغتیايي څانګو ته یې اړین درمل استولي دي.

یو شمېر ډاکټران د دې ناروغۍ د خپرېدو لامل د څښاک د ناسمو اوبو کارول او د عامو خلکو لخوا د حفظ الصحې نه مراعاتول بولي.

د عامې روغتیا وزارت ویاند جاوید هژیر ویلي؛ په زابل ولایت کې د هوا له تودېدو سره له ۴۰۰ ډېر کسان پر کولرا وبا اخته شوي دي.

روغتیايي آسانتیاوو ته نه لاسرسی، بېوزلي او بې روزګاري، د څښاک پاکو اوبو نشتوالی د دې ناروغۍ د خپریدو اصلي لاملونه دي.

 د زابل اوسېدونکي رحمت الله نومی وايي، د عامې روغتیا وزارت دې د دغې ناروغۍ د کنټرول لپاره ژر تر ژره اقدامات وکړي.

دغه راز د روغتیا د نړیوال سازمان مشر هم ويلي، افغانستان د سختو ناروغیو، وچکالۍ او د کرونا ناورین له څپې سره مخ دی، چې افغانانو ته خطر او نړیوالو ته یو مسوولیت ګڼل کیږي.

د دې بنسټ مشر زیاته کړې؛ مونږ په افغانستان کې د ناروغیو، وچکالۍ، قحطۍ او جګړې له یوه وحشتناکې بڼې سره مخ یو، چې د افغانستان د خلکو لپاره خطر او د نړیوالې ټولنې مسوولیت دی.

دا په داسې حال کې ده، چې روغتیايي او مرستندویه نړیوالو بنسټونو په وار وار خبرداری ورکړی، چې په افغانستان کې روغتیايي سیستم له سقوط سره مخ کیدونکی دی.

Continue Reading

روغتيا

د بېزوګي تڼاکې یا چیچک ته دمګړۍ د واکسینو اړتیا نه لیدل کیږي

خپور شوی

په

توسط

(Last Updated On: غبرګولى ۴, ۱۴۰۱)

د بېزوګي تڼاکې ویروس له خپرېدا وروسته د روغتیا نړیوالې ټولنې یوه چارواکي څرګنده کړې، چې له آفریقا څخه بهر پراخه واکسین ته اړتیا نشته؛ ځکه، چې روغتیایي پاملرنې د دې وبا په کنټرول کې مرسته وکړي.

په یوه بل راپور کې، سازمان ویلي؛ هیڅ داسې شواهد نشته، چې د بېزوګي تڼاکې یا چیچک ویروس بدل شوی وي.

ریچارډ پبادي، چې د روغتیا نړیوالې ټولنې د لوړ خطر لرونکيو ناروغیو د یوې ډلې مشري کوي رویټرز ته ویلي، چې د بېزوګي تڼاکې یا چیچک ویروس واکسین کولو ته اړتیا نلري او د واکسینونو او انټي ویروسونو لپاره سمدستي سرچینې نسبتاً محدودې دي.

پابادي څرګندوي، چې د ویروس د خپریدا د کنټرول لپاره ترټولو مهم اقدامات د تماس څارنه او قرنطین دي.

هغه دا هم یادونه وکړه، چې ویروس په آسانۍ سره نه لیږدول کیږي او تر دې دمه د لږو پېښو راپورونه شتون لري.

که څه هم د امریکا د ناروغیو څارنې او مخنیوي مرکزونو په دې وروستیو کې په ډاګه کړې، چې دوی د جینیوس واکسین ځینې دوزونه وړاندیز کړي؛ خو پبادي له بېزوګي تڼاکې سره د مبارزې لپاره د واکسین کارول د جانبي اغېزو پر شونتیا اندېښمن شوي دي.

Continue Reading

روغتيا

د هېواد په لوېدیځ کې د ګوزڼ واکسین څلورم پړاو پیلیږي

خپور شوی

په

توسط

(Last Updated On: غبرګولى ۲, ۱۴۰۱)

د هېواد په لویدیځ کې د ګوزڼ یا پولیو واکسین څلور ورځنی پروګرام د دوشنبې پر ورځ پیلیږي.

په هرات کې د ګوزڼ واکسين پروګرام مشر عبدالوحید رحماني وايي، په دې حوزه  کې به شاوخوا يو ميليون ماشومان واکسين شي.

د هرات د عامې روغتیا مرستیال محمد اصف کبیر ویلي؛ اوس مهال د ګوزڼ واکسین د تطبیق په برخه کې کومه جدي ستونزه نشته او د واکسین د پلي کولو ډلې به د دوشنبې پر ورځ د واکسین دوه څاڅکي له پېنځو کلونو څخه ټیټ عمره ماشومانو ته ورسوي.

افغانستان او پاکستان اوس هم د هغو هېوادونو په ډله کې دي، چې د ګوزڼ پېښې په کې ثبت شوې دي.

د هرات د عامې روغتیا ریاست وايي، چې یوازې په دې ولایت کې به ۷۱۰ زره ماشومان واکسین شي او په بادغیس کې به هم شاوخوا ۱۸۰ زره ماشومان واکسین شي.

روغتيايي ډلې د ولسواليو روغتيايي مرکزونو ته د واکسين په رسولو اخته دي او دغه کمپاين به کور پر کور پلی کړي.

د یادونې ده، چې سږکال په پکتیکا ولایت کې د پولیو یوه پېښه ثبت شوې ده.

Continue Reading

Trending

Copyright © 2022 Ariana News. All rights reserved!