Connect with us

نړۍ

زرګونه فلسطینیانو له اسرائیلو سره له اوربنده تود هرکلی څرګند کړ

Published

 on

Reuters
(Last Updated On: غبرګولى ۱, ۱۴۰۰)

رویټرز راپور ورکړی، چې په غزه کې په زرګونه فلسطینیان سړکونو ته راووتل او له اسرائیلو سره یې له اوربنده تود هرکلی وکړ.

دا په داسې حال کې دهو چې د جمعې پر ورځ د غویی ۳۱  فلسطینانو  او اسرائیلو د مصر، قطر او ملګرو ملتونو تر منځ اوربند اعلان کړ.

یوه فلسطیني خبریال په دې اړه رویټرز ته څرګنده کړې؛ زه فکر کوم، چې د خلکو مقاومت او ملاتړ دا بریا رامنځته کړې ده.  په داسې حال کې، چې په غزه کې یې پوره مالي او انساني زیانونه اړولي دي.

په تېرو ۱۱ ورځنیو جګړو کې د حماس او اسرائیلو تر منځ په سختو نښتو کې سلګونه فلسطینیانو ته مرګ و ژوبله اوښتې ده.

په دې موده کې، اسرائیلو له راپورونو سره سم د فلسطین په خاوره کې په زرګونه بریدونه شوي، چې په کې د ښځو او ماشومانو په ګډون سلګونه فلسطینیان وژل شوي دي.

حماس د اسرائیلو د برید په ځواب کې پر اسرائیلو هم سلګونه توغندي ویشتي، چې د اسرائیلو د څرګندونو له مخې ۱۲ اسرائلیان وژل شوي او۱۰۰  نور ټپیان دي.

د فلسطین روغتیایيچارواکو تېره پنجشنبه ویلي وه، چې په دې نښتو کې د ۶۵ ماشومانو او ۳۹ میرمنو په ګډون ۲۳۲ فلسطینیان وژل شوي او له ۱۹۰۰ ډېر ټپیان دي.

نړۍ

روسیه او شمالي کوریا به دوه اړخیزې اړیکې نورې هم پراخه کړي – پوتین

Published

on

(Last Updated On: زمری ۲۴, ۱۴۰۱)

پیونګ یانګ دولتي رسنۍ د دوشنبې پر ورځ څرګنده کړې، چې د روسیې ولسمشر ولادیمیر پوتین د شمالي کوریا مشر کیم جونګ اون ته ویلي، چې دواړه هېوادونه به هر اړخیزې او رغنده دوه اړخیزې اړیکې پراخه کړي.

د شمالي کوریا  KCNA خبري آژانس څرګنده کړې؛ پوتین د شمالي کوریا د آزادۍ د ورځې په مناسبت کیم ته په یوه لیک کې په ډاګه کړې؛ نږدې اړیکې به د دواړو هېوادونو په ګټه وي او د کوریا تاپووزمې او د شمال ختیځې آسیا د سیمې د امنیت او ثبات په ټینګولو کې به هم مرسته وکړي.

رویترز د راپور له مخې؛ کیم هم پوتین ته یو لیک لیږلی، چې د روسیې او شمالي کوریا ملګرتیا په دوه یم نړیوال جنګ کې د جاپان له بریا سره رامنځته شوې، چې د کوریا تاپو وزمه یې نیولې وه.

کیم په لیک کې ویلي، د دواړو هېوادونو تر منځ ستراتیژیکه او تاکتیکي همکاري، ملاتړ او پیوستون له هغه وخت راپدیخوا یوې نوې کچې ته رسیدلی، چې د دوی ګډې هڅې د دښمن پوځي ځواکونو له خوا د ګواښونو او پارونو د مخنیوي لپاره دي. KCNA د دښمن ځواکونه په ګوته نه کړل، مګر دا په عموم ډول د متحده ایالاتو او د هغه متحدینو ته د راجع کولو لپاره دا اصطلاح کارولې.

کیم وړاندویېنه وکړه، چې د روسیې او شمالي کوریا ترمنځ همکاري به د هغه تړون پر بنسټ وده وکړي، چې په ۲۰۱۹ کې له پوتین سره د لیدنې پرمهال لاسلیک شوی دی.

Continue Reading

نړۍ

د شیطاني آیاتونو کتاب لیکوال سلمان رشدي په نیویارک کې ټپي شو

Published

on

(Last Updated On: زمری ۲۲, ۱۴۰۱)

د شیطاني آیاتونو د کتاب هندي الاصله بریتانوي لیکوال سلمان رشدي، د جمعې پر ورځ په نیویارک کې د وینا پر مهال پر چړې ووهل شو.

پولیسو ویلي، چې  برید ګر دریځ ته ورپورته شو او ۷۵ کلن سلمان رشدي یې پر غاړه او خېټه ټپي کړ.

رشدي په الوتکه کې روغتون ته ولېږدول شو او څو ګړۍ یې پر عملیاتو او جراحۍ تېرې شوې. نوموړي ته د جمعې تر ماښامه مصنوعي تنفس ورکړ شو او د خبرو کولو توان یې نه درلود.

د هغه د کتاب استازي اندریو رویترز ته په یوه برښنالیک کې څرګنده کړې: ښه خبر نشته؛ شونې ده، چې سلمان یوه سترګه له لاسه ورکړي، د هغه د ​​لاس اعصاب پرې شوي او ځیګر یې پر چړو وهل شوی او زیانمن دی.

پولیسو شکمن بریدګر د نیو جرسي ۲۴ کلن هادي ماتر نومی یاد کړی دی.

د برید عیني شاهد ستیسي شلوسر اسوشیتید پرس ته ویلي، چې سلمان رشدي د برید ګر تر نیولو شپږ یا اته ځله پر چړې ووهل شو.

نوموړی وایي: هیڅوک نه پوهیدل، چې څه وکړي. هیڅوک نه پوهیدل، چې څنګه غبرګون وښيي. زما مطلب هغه خلک دي، چې دریځ ته ورپورته شوي وه.

د سلمان رشدي پر کتاب شیطاني آیاتونو په ډېرو هېوادونو کې بندیز لګول شوی؛ ځکه، چې مسلمانان یې کفري څرګندونې بولي.

د دغه ناندریز ناول له لیکلو ۳۴ کاله تېرېږي؛ خو له هغې راپدیخوا تل د اسلامپالو لخوا د وژلو له ګواښ سره مخ و.

Continue Reading

نړۍ

سعودي عربستان او امریکا ګډو روزنیزو پوځي هڅو ته چمتووالی نیسي

Published

on

(Last Updated On: زمری ۱۹, ۱۴۰۱)

د سعودي خبري آژانس یا SPA  څرګنده کړې، چې د سعودي او امریکا سمندري قول اردو د سې شنبې پر ورځ له روزنیزو دوه اړخیزو هڅو مخکې ینبع ته ورسیدل.

دوی دغه پوځي روزنه دوه ویشت هېوادنۍ غصه نومولې ده.

د یادې سرچینې د څرګندونو له مخې، دغه څو ورځنۍ پوځي روزنه به روانه اوونۍ په ینبع او الخرج کې ترسره شي.

سرچینې دا هم په ډاګه کړې؛ له دغو پوځي روزنیزو هڅو موخه د دوه اړخیزو پلانونو په ترسره کولو کې د سعودي ځواکونو او امریکایي یارانو ترمنځ ملګرتیا ته وده ورکول دي.

Continue Reading

Trending

Copyright © 2022 Ariana News. All rights reserved!