لوبی
سویلي کوریا پرتګال ته پر ماتې ورکولو د نړیوال جام د غوراوي پړاو ته لاره پیدا کړه
د سویلي کوریا ملي لوبډلې پرتګال ۲ پر یو له ماتې سره مخ کړ او د قطر ۲۰۲۲ فیفا نړیوال جام د غوراوي دوه یم یا ۱۶ پړاو ته یې لار پیدا کړه.
پرتګال له ماتې سره سره د ریکاردو هورتا پر مټ په پېنځمه دقیقه کې یو ګول وواهه او راتلونکي ډله ییز پړاو ته یې لار وموندله.
د سویلي کوریا دوه ګولونه هی چان هوانګ او ینګ ګن کیم ووهل.
له ۲۰۱۰ کال وروسته دا لومړی ځل دی، چې سویلي کوریا د نړیوال جام له ګروپي پړاو څخه مخکې کیږي. سویلي کوریا به په ۱۶ یا غوراوي پړاو کې له برازیل سره مخ شي.
یوراګوای ۲، خو ګانا ۰
یوروګوای د ګانا پر وړاندې درېیم ګول ته اړتیا درلوده ، چې دوه یم ځای ونیسي او په H ګروپ کې سویلي کوریا له منځه یوسي؛ خو په دې کې پاتې راغلل او دواړه لوبډلې له منځه ولاړې.
سویس ۳، سربیا ۲
سویس په G ګروپ کې صربیا ته له ماتې ورکولو سره دوه یم ځای خپل کړ او د غوراوي پړاو ته ورسېده.
کامرون ۱، برازیل ۰
د دې لوبې یوازنی ګول د وینسنت ابوبکر لخوا ترسره شو؛ خو دا پایله د کامرون لپاره، چې د سویس د بریا له کبله څلور نمرې لري؛ د کامرون لپاره بسنه نکوي، چې بل پړاو ته لار ومومي.
د یادونې ده، چې په ټول افغانستان کې د ۲۰۲۲ کال د قطر فوتبال نړیوال جام سیالۍ په ژوندۍ بڼه له آریانا تلویزیون څخه خپریږي.
لوبی
برازیل فوټسال لوبډلې د ۲۰۲۴ کال نړیوال جام خپل کړ
فوټسال نړیوال جام د وږي پر څلیریشتمه پیل شو او د بېلابېلو هېوادونو لوبډلو په ۶ ګروپونو کې سیالۍ وکړې؛ برازیل او ارجنټاین د دغو سیالیو وروستي پړاو ته لار پیدا کړه.
د برازیل فوټسال ملي لوبډلې د ۲۰۲۴ کال د فوټسال نړیوال جام په وروستي پړاو کې ارجنټاین ته پر ماتې ورکولو سره خپله اتلولي وګټله.
فوټسال نړیوال جام د وږي پر څلیریشتمه پیل شو او د بېلابېلو هېوادونو لوبډلو په ۶ ګروپونو کې سیالۍ وکړې؛ برازیل او ارجنټاین د دغو سیالیو وروستي پړاو ته لار پیدا کړه.
دا لوبه پرون (یکشنبه د تلې پېنځلسمه) د کابل پر وخت د ماښام پر ۷:۳۰ د ازبکستان د تاشکند ښار په هومو آرینا لوبغالي کې ترسره شوه، چې په کې برازیل ۲ - ۱ پر توپیر لوبه وګټله او د اتلولۍ جام یې خپل کړ.
د برازیل لوبغاړي فراو او رافا سانتوس ګولونه ووهل او د دې لوبې په بهیر کې د ارجنټاین د ملي لوبډلې یوازینی ګول ماټیو روسا تر سره کړ.
د برازیل لوبډلې ورساتونکی ویلیان د دې سیالۍ غوره ساتونکی وپېژندل شو.
برازیل تر دې دمه د اړوند نړیوال جام شپږ اتلولۍ ګټلي دي.
اوکرایین په دې سیالیو کې فرانسې ته ۷ - ۱پر توپیر ماتې ورکړه او په دې سیالیو کې یې دریم ځای خپل کړ.
افغانستان هم د لومړي ځل لپاره په دې جام کې ګډون کړی و او په ګروپي پړاو کې یې انګولا ته یې ۶- ۴ پر توپیر ماتې ورکړه. دوی د غوره ځلېدنې تر څنګ د ارجنټاین پر وړاندې ۲ - ۱ ماتې وخوړه او د اوکراین پر وړاندې ۴- ۱ یې وکولی شول، چې د دې جام غوره شپاړس لوبډلو ته لار پیدا کړي. دغه راز پاراګوای په اضافي وخت کې ۳- ۱ ماتې ورکړه او له پاتې سیالیو ووت؛ خو د دې سیالیو د تر ټولو د ځوانې لوبډلې لقب یې خپل کړ.
د ۲۰۲۴ کال د فوټسال نړیوال جام غوره لوبغاړی د برازیل دیګو وپېژندل شو. هغه په دې سیالیو کې ښه وځلېده او له همدې کبله یې د غوره لوبغاړي جایزه وګټله.
د یادونې ده، چې د فوټسال نړيوال جام ټولې سيالۍ په ټول هېواد کې په مستقيم او قانوني بڼه له آريانا ټلويزيون څخه خپرې شوې.
لوبی
برازیل، اوکراین، ارجنټاین او فرانسه د فوټسال نړیوال جام نیمه پایلوبې ته ورسېدل
نیمه پایلوبه به د اوکټوبر پر دوهیمه د چارشنبې پر ورځ ( د تلې یوولسمه / د اوکتوبر دوهیمه ) په تاشکند کې د برازیل او اوکراین تر منځ پیل شي.
برازیل، اوکراین، ارجنټاین او فرانسه په ازبکستان کې د سږکال فوټسال نړیوال جام ته بریالي پړاوونه ووهل او د سیالیو له لارې بریالۍ او مخکښې پاتې شوې.
نیمه پایلوبه به د اوکټوبر پر دوهیمه د چارشنبې پر ورځ ( د تلې یوولسمه / د اوکتوبر دوهیمه ) په تاشکند کې د برازیل او اوکراین تر منځ پیل شي.
د پنجشنبې پر ورځ به ارجنټاین له فرانسې سره مخامخ شي.
د درېیم مقام لوبه به د اوکتوبر پر پېنځلسمه / د اوکتوبر شپږمه په تاشکند کې ترسره شي.
فاینل به له غرمې وروسته ترسره شي.
تر دې دمه د سیالیو ترټولو بریالۍ لوبډله برازیل دی، چې مارسل ترټولو غوره ګولوهونکی دی.
په ۴۸ لوبو کې ۳۴۱ ګولونه وهل شوي دي. د برازیل مارسل ۱۰ زړهراکښونکي ګولونه وهلي، چې لومړی مقام یې خپل کړی دی.
ارجنټایني آلن برانډي د خپلو ۷ ګولونو پر مټ دوهیم ځای لري.
د ایران سالار آغاپور پر ۶ ګولونو د هغه پسې دی او د ارجنټاین کیون اریټا او ماټیاس روزا، د برازیل پیټو، د قزاقستان ارنولډ ناب او د وینزویلا کیون بریسینو په ګډون څو لوبغاړي په ۵ ګولونو سره برابر دي.
فرانسیس لوکوکا، عبدالصمد محمد او رافیل رینود له پاراګوای څخه د فرانسې پر ماتې خوړلو د ۲۰۲۴ فیفا فوټسال نړیوال جام ازبکستان دوهیم غوره پړاو ته د رسیدو په اړه بحث وکړ.
په هرصورت د فرانسې لپاره نیمه پای لوبې ته لار موندل یو خوب دی. په دې نړیواله سیالۍ کې د لومړي ځل لپاره حاضریدل؛ د لوبډلې غړي عبدالصمد محمد د پاراګوای له ماتولو وروسته رامنځته کړه. هغه ویلي: ډاډه نهیم، چې له دې ډېر خوب ولرو.
لوبملګري فرانسیس لوکوکا زیاته کړې: دا په بشپړ ډول حیرانتیا ده. که چا ماته ویلي وای، چې دا به پېښ شي، ما به ... باور نه کاوه.
روزونکي رافیل رینوډ ویلي: دا د باور وړ نهده؛ کله، چې مونږ تر دې ځایه راورسېدو. زمونږ موخه دا وه، چې ګروپي پړاو ته ورسیږو، خو مونږ اوس سیال یوو؛ نو اوس، چې ورورسېدو، له ځان سره مو وویل، چې هرڅه ممکن دي. مونږ باور لرو، چې کولی شو په دې سیالیو کې ډېر مخکې ولاړ شو.
د یادونې ده، چې آریانا راډیو ټلویزیون (ATN ) د دې سیاليو د خپراوي ځانګړی او قانوني حق تر لاسه کړی او هېوادوال کولی شي دا زړهراکښونکې لوبې له نږې وګوري.
لوبی
د فوټسال نړیوال جام په حذفي پړاو کې وینزویلا له اسپانیا او پاراګوای له افغانستان څخه سیالي وګټله
د نن ورځې (پنجشنبې) په لوبو کې به مراکش له ایران او پرتګال به له قزاقستان سره مخامخ شي.
وینزویلا د چارشنبې پر شپه په ازبکستان کې د فوټسال نړیوال جام د سیالیو د ترسره کولو پر مهال ستر تاریخي ګام پورته کړ او اسپانیا ته یې ۲-۱ پر توپیز ماتې ورکړه.
پاراګوای هم پخپل وار له افغانستان څخه لوبه ۳ – ۱ پر توپیر وګټله.
د افغانستان لپاره یوازنی ګول حمید رضا حسیني وواهه.
وینزویلا او پاراګوای اوس د ۸ لوبډلو پړاو ته لار ومندله.
که څه هم پاراګوای د افغان لوبډلې لخوا د ماتې په درشل کې وا؛ خو په اضافي وخت کې یې دوه ګولونه وکړل او لوبه یې وګټله.
د نن ورځې (پنجشنبې) په لوبو کې به مراکش له ایران او پرتګال به له قزاقستان سره مخامخ شي.
په ټول افغانستان کې د فوټسال مینهوال کولی شي دا لوبې له آریانا ټلویزیون څخه وګوري.
-
سیمه ییز خبرونه5 days ago
په لبنان کې د اسرائیلو د هوايي برید له کبله یو امریکايي وګړی ووژل شو
-
تازه خبرونه2 days ago
د منځني ختیځ له کړکېچ وروسته د افغانستان له هسک د نړیوالو الوتنو کچه مخ پر ډېرېدو شوه
-
تازه خبرونه5 days ago
د مسکو فارمټ لومړیتوب له کابل سره د همکاریو پراخول دي
-
تازه خبرونه5 days ago
د افغانستان غالیو د ایراني غالیو بازار ته زیان رسولی – ایراني سوداګر
-
نړۍ2 days ago
د دوبۍ اماراتو ایرلاین پر واکي ټاکونو بندیز ولګاوه
-
تازه خبرونه1 day ago
بیات بنیاد د هرات حوزوي روغتون د ماشومانو څانګه بشپړه ورغوله
-
تازه خبرونه4 days ago
افغانستان کولی شي منځنۍ آسیا ته د پاکستان د ټرانزیټ لار وتړي – عباس ستانکزی
-
تازه خبرونه4 days ago
په جوزجان کې د یتیم طاق سمنټو پروژې د تړون لاسلیک ته هیله من یوو -د ۷۷ ترکي شرکت مشر