Connect with us

روغتيا

سټروس میوې حیرانوونکې ګټې لري

Published

 on

(Last Updated On: وری ۲۹, ۱۴۰۰)

په نړۍ کې له ټولو غوره میوه سټروس ګڼل کیږي، چې نه یوازې د ویټامین سي یوه باوري سرچینه ده، بلکې د انسان بدن هم ورته ډېره اړتیا لري.

دا میوې په افغانستان کې هم کرل کیږي، چې د راپورونو له مخې په دې وروستیو کې یې حاصلات هم ډېر شوي دي.

د نارنج د پیدا کېدو د ځای په اړه تر دې دمه ډېر څه په ډاګه شوي ندي؛ خو ویل کیږي، چې د دې میوې ونې په سویل ختیځه آسیا کې زر کاله مخکې شنې شوي او اوس یې د افغانستان په ګډون په ټوله نړۍ کې کینول دود شوي دي. په ځانګړي توګه د مدیترانې د غاړې هېوادونه ترې ډېر برخمن شوي دي.

د سټروس ميوې لاندې ګټې لري:

– سترګې ځواکمنتېا او لید ډېروي.

– د مغزي سکتې مخنیوی کوي.

– اشتها ډېروي.

– له سرطاني ناروغیو سره مبارزه کوي.

– د بدن پوستکي نرم او روغ ساتي.

– د وینې رګونو له کمزوریو ژغوري.

– دا میوې د بدن په رغولو کې مرسته کوي.

په امریکا کې د خوراک څانګواله ډاکټرې سینتیا ساس ويلي، چې د سټروس خوړل ستاسو د ورځنيو ویټامینونو ۸۰ سلنه ویټامین سي بشپړوي.

هغې زیاته کړې، چې د دې میوې خوړل د بدني روزنې او سپورت او په عادي وختونو کې د بدن دفاعي سیسټم پیاوړی کوي او پړسوب کموي.

نوموړې دا هم ویلي، چې لږ خوړل یې د چاغېدو لامل کیږي.

دې امریکایي ډاکټرې زیاته کړې؛ د سټروس ميوو له خوړلو سره په بدن کې اوسپنه جذبیږي او ستړیا هم کموي او د هغو میرمنو لپاره ګټور دي، چې د میاشتنۍ ناروغۍ پر مهال اوسپنه له لاسه ورکوي.

د نوموړې د څرګندونو له مخې؛ د دغو میوو کارول نه یوازې دا، چې ویټامین سي لري، بلکې خوښي او خوب هم ډېروي او همدارنګه له زړښت سره مبارزه کوي.

هغې زیاته کړې؛ دا میوې په خپل ترکیب کې پوټاشیم او فولاد لري، چې پوټاشیم د زړه د فعالیت، غړیو او عضلو د ځواکمنه پاتې کېدو ملاتړ کوي.

د هغې په ​​وینا، فولاد  د دماغ او عصبي سیسټم ساتنه کوي، چې پوره کچه یې د خفګان او حافظې له ستونزو سره مرسته کوي.

دغه راز د خوراک څانګوالو خبرداری ورکړی، چې په یوه وخت کې د دې میوې ډېر خوړل د روغتیا لپاره ښه ندي.

ډاکټرانو ويلي، چې د دې میوې زیاته برخه د خواړو پر هضمولو  اغېز کوي او اسهال رامنځته کولی شي.

د ډاکټرانو د څرګندونو له مخې، د دې میوې منظم خوړل د بدن وزن ډېروي.

د یادونې ده، چې ډاکټران په ورځ کې د یوې یا درې میوو سپارښتنه اړینه بولي.

روغتيا

په افغانستان کې ۳۲۹۲ کسان پر ایدز ناروغۍ اخته دي

Published

on

(Last Updated On: ليندۍ ۱۴, ۱۴۰۱)

د عامې روغتیا وزارت د یکشنبې پر ورځ د لیندۍ ۱۳ / د دسمبر ۴ د ایدز د نړیوالې ورځې مراسم د (اچ آی وي معاینه وکړئ)  تر شعار لاندې جوړ او تر سره کړل.

د عامې روغتیا وزارت له ایدز سره د مبارزې له نړیوالې ورځې د اچ آی وي وړیا، آسانه او محرمانه یې معاینه کړئ، تر شعار لاندې نمانځنه وکړه.

د دې وزارت چارواکي وايي، چې په نړۍ له دې ناروغۍ د مړینې کچه ټيټه شوې او په افغانستان کې هم د دې ناروغۍ خپرېدا صفر اعشاریه یو سلنې ته رسېږي.

د عامې روغتیا وزارت چارواکي وايي؛ په هېواد کې څه باندې درې زره کسان پر ایدز اخته دي، چې ۷۵ سلنه یې نرینه او ۲۵ سلنه یې ښځې دي.

د دوی د څرګندونو له مخې؛ له پېنځلس کلونو کم عمره ماشومان هم پدې معلوماتو کې راغلي دي.

د دې وزارت د خدماتو وړاندې کولو چارو مرستیال حبیب الله آخوندزاده ویلي؛ پدې ناروغۍ له دولس زره شکمنو کسانو څخه یوازې درې زره کسان یې ایدډز لري، چې ۷۵ سلنه یې نرینه او پاتې نور یې ښځينه او کم شمېر یې ماشومان دي.

اقتصادي ستونزې، کډوالي، د مکروبي وینو تزریق، د خلکو د عامه پوهاوي د سطحې ټيټوالی او په مخدره توکو روږدېدل د دې ناروغۍ د زیاتوالي عوامل بلل شوې دي.

د عامې روغتیا وزارت دا هم ويلي، چې دغه وزارت له ډېرې کمې بودجې سره د دې ناروغۍ پر وړاندې مبارزه کوي.

د عامې روغتیا وزارت د وقایوي طب رییس حیدر خان وایي: مونږ له اقتصادي ستونزو سره سره هڅه کړې، چې پر ایدز له اخته کسانو سره مرسته وکړو.                 

د یو شمېر څرګندونو له مخې؛ په افغانستان کې د نورو هېوادونو پر پرتله، پر ایدز د اخته ناروغانو شمېر ډېر لږ دی.

په افغانستان کې د روغتیا نړیوال سازمان چارواکی محمد اختر وایي: تر دې مهاله پر ایدز د اخته ۳۲۹۲ کسان تشخیص شوی، چې ۲۷ سلنه یې له خپلې ناروغۍ خبر ول او ۹ اعشاریه ۵  سلنه نور یې بیا د درملنې لاندې دي.

پر ایدز اخته ناروغ محمد ادریس د تخصصي شفاخانو نشتوالی، د درملو کموالی او د خلکو ناوړه چلند څخه شکایت کوي او وایي: اووه کاله کیږي، چې پرې اخته شوی یم؛ خو دا ناروغي روانه درملنه غواړي، چې په افغانستان کې تخصصي روغتون، درمل او دارو د ناروغانو سترې ستونزې دي.

د ایدز یو بل ناروغ عبدالسمیع وایي: له ناروغۍ مو لس کاله تېر شوي او له ډېرو ستونزو سره مخ یم. مونږ د دې ناروغۍ د درملنې لپاره معیاري روغتون او درملنې ته اړ یوو، چې دمګړۍ دا آسانتیاوې نلرو.         

د معلوماتو له مخې، د نړۍ ۴۰ اعشاریه یو میلیون کسان پر ایډز اخته دي او هر کال یو اعشاریه پېنځه نوي ناروغان ور زیاتیږي.

په تېر کال کې له دې ناروغۍ ۶ زره کسانو خپل ژوند له لاسه ورکړی او هر کال له ټولو اخته کسانو ۲۷ سلنه یې له دې ناروغۍ رغېږي.

Continue Reading

روغتيا

په افغانستان کې سلګونه زره ماشومان د مرګ له ګواښ سره مخ دي

Published

on

(Last Updated On: ليندۍ ۹, ۱۴۰۱)

 

د ملګرو ملتونو د ماشومانو ملاتړ صندوق یا یونیسف ویلي؛ له اته سوه پېنځه اویا زره ډېر ماشومان د مرګ له ګواښ او له ناوړه روغتیايي وضعیت سره مخ دي، د خواړو خوندیتوب هم نلري.

د ملګرو ملتونو د ماشومانو ملاتړ صندوق یا یونیسف څرګنده کړې؛ څه باندې اته لکه پېنځه اویا زره ماشومان په ناوړه حالت کې ژوند کوي، د خواړو خوندیتوب نلري او ه ناوړه روغتيايي حالته کړېږي.

د یونیسف د راپور په یوه برخه کې راغلي؛ په افغانستان کې اته سوه پېنځه اویا زره ماشومان د مړینې له خطر سره مخ دي. په دغه هېواد کې د یونیسف دفتر د ماشومانو د سختې خوارځواکۍ د مخنیوي او د هغو هلکانو او نجونو د درملنې لپاره، چې په خوارځواکۍ اخته دي؛ د نړیوالې ټولنې بېړنۍ مرستې ته اړتیا لري.

د اندراګاندي د ماشومانو روغتون مسوولين هم وايي، چې په هېواد کې پر خوارځواکۍ د اخته ماشومانو شمېر ډېر شوى دى.

د اندراګاندي د ماشومانو روغتون رییس محمد حسیب رحمیزی وایي: زمونږ روغتون هر څه، چې لري د ماشومانو لپاره یې کاروي او په دې ولايت کې د روغتيايي آسانتياوو او په هېواد کې د امنيت د نشتوالي له کبله په ماشومانو کې د ناروغیو شمېر زيات شوی؛ نو ځکه ډېر ناروغان دغه مرکز ته مراجعه کوي.

یو شمېر کارپوهان بېوزلي، بېکاري، طبیعي پېښې او وچکالي د ماشومانو د وضعیت د خرابېدو لامل بولي.

د ښځو او ماشومانو د هوساینې مؤسسې مسووله مریم معروف آروین په افغانستان کې د ماشومانو وضعیت د اندېښنې وړ بولي او وايي، چې فقر، بې روزګاري، طبیعي پېښو او سختې وچکالۍ په افغانستان کې سلګونه زره ماشومان له ډېر بد حالت سره مخ کړي دي.

میرمن معرف آرویین وایي: دا وضعیت زموږ لپاره د اندېښنې وړ دی او د زلزلې، طبیعي پېښو او وچکالۍ په څیر عواملو د ماشومانو لپاره د کار شرایط سخت او ستونزمن کړي دي.

له دې مخکې د ملګرو ملتونو د ماشومانو ملاتړ صندوق ویلي وه، چې په افغانستان کې شاوخوا لس میلیون ماشومان د کافي خوراکي توکو د نشتوالي له کبله په ناوړه شرایطو کې ژوند کوي. اسلامي امارت په وار دوی له نړیوالو مؤسسو غوښتي، چې له بشري مرستو سره دې سیاسي چلند نه کوي او د افغانستان د اقتصادي ستونزو د حل  او د دې هېواد له خلکو سره دې مرسته وکړي.

Continue Reading

روغتيا

په ټول هېواد کې د شري واکسین ۱۰ ورځنی کمپیاین پیل شو

Published

on

(Last Updated On: ليندۍ ۵, ۱۴۰۱)

د افغانستان د عامې روغتیا وزارت ويلي؛  په لس ورځو کې به په ټول هېواد کې شاوخوا اووه میلیون ماشومانو ته د شري ناروغۍ واکسین پلي شي.

په افغانستان کې د هغو ماشومانو لپاره د شري واکسین پیل شو، چې عمرونه یې تر ۵ کلونو پورې وي.

د روغتیا وزیر قلندر مومن وايي؛ په دې لس ورځني کمپاین کې به شاوخوا اووه میلیون ماشومانو ته د شري واکسین ورکړ شي.

د عامې روغتیا وزارت ویاند شرافت زمان ويلي؛ له دې کمپاین څخه یې موخه د هغو ماشومانو د ژوند ژغورل دي، چې پر شري اخته شوي او ټینګار کوي، چې له دې سره به د ناروغانو شمېر او ماشومانو د مړینې کچه راټیټه شي.

داکتران وايي، چې د شري واکسین د ماشومانو لپاره حیاتي دي او ټول خلک باید خپلو ماشومانو ته دا واکسین ورکړي.

د داکترانو د څرګندونو له مخې، د شری ویروس ساري دي او هر ناروغ پېنځلس روغ کسان پدې ناروغۍ اخته کولی شي.

 دوی زیاتوي، چې شری خطرناکه ناروغي ده او د دې خطر د کمولو لپاره باید ټول ماشومان واکسین شي.

کورنۍ هم  خوښې دي، چې ماشومان یې له دغې خطرناکې ناروغۍ څخه د خوندیتوب لپاره واکسین ترلاسه کوي.

د روغتیا وزارت څرګنده کړې؛ که کومه کورنۍ خپلو ماشومانو ته د شري واکسین ورنکړي، پدې ناروغۍ یې د اخته کیدو خطر ډېر دی.

Continue Reading

Trending

Copyright © 2022 Ariana News. All rights reserved!