Connect with us

تازه خبرونه

طالبانو امریکا ته پرانیستی لیک لېږلی

خپور شوی

د

(Last Updated On: )

په قطر کې د طالبانو د سیاسي دفتر مشر ملا عبدالغني برادر په دې لیک کې په ډاګه کړې، چې د افغانستان جګړه پوځي حل لار نلري او دواړه خواوې باید د دوحې هوکړه لیک پلی کړي.

د طالبانو سیاسي مرستیال او د دوحې د سیاسي دفتر مشر امریکا ته په یوه سرخلاصي لیک کې څرګنده کړې، چې د افغانستان جګړه پوځي حل لار نلري او د دوحې هوکړه لیک باید پلی شي.

په دې یوولس ماده ییز لیک کې د سولې خبرو د بریالیتوب لپاره د هڅو یادونه شوې او ژمنه شوې، چې د اسلامي شریعت په اډانه کې د ښځو حقونو او د بیان آزادي ته ژمن دي.

ملا عبدالغني برادر وایي: یو ځل بیا یادونه کوم، چې هېواد او خلک مو له یوې تحمیلي جګړې سره مخ دي؛ د دې جګړې پای د ټولو مسوولیت دی او د ټولو په ګټه ده. د دوحې هوکړه لیک تطبیق د افغانستان د جګړې د پای لپاره تر ټولو ښه لار ده.

په همدې حال کې یو شمېر سیاستوالو ویلي: که د افغانانو خپلمنځي خبرې ناکامه شي؛ دا به د یوه داسې کړکېچ سبب شي، چې مخنیوی به یې ناشونی وي.

د افغانستان د جمهوریت پلوي مرکچي پلاوي مشر د اروپا مېشتو افغانانو په یوه انلاین ناسته کې څرګنده کړې، چې افغانستان باید بیا تېرو تیارو ته ور ونه ګرځي.

شاوخوا یوه میاشت کیږي، چې په دوحه کې د افغانانو خپلمنځي خبرې په بشپړ ډول درېدلي دي. ان تر دې ، چې د طالبانو او دولت ځینې مرکچیان له دوحې ووتل.

اوس اندېښنې دا دي، چې که د افغانانو خپلمنځي خبرې ناکامه شي او دواړه خواوې له  دې فرصت ګټه وانخلي، افغانستان به نوي کړکېچ ته وردننه شي.

د کابینې پخوانی غړی علي احمد عثماني ویلي؛ مونږ د عطف ټکي ته رسېدلي یو. که دې ټکي ته پاملرنه وکړو؛ شونې ده، چې یوې ِوره پایلې ته ورسیږو او که پاملرنه ونکړو؛ داځل به کچړه نه وي او یو ستر بحران او ناورین به وي، ځکه دواړه خواوې د خپل ټول ځواک وګاروي.

افغان حکومت ویلي، چې طالبان سولې ته لیوالتیا نلري او په همدې دلیل یې د خبرو مېز پریښی او تاوتریخوالی یې ډېر کړی دی.

تازه خبرونه

د روسیې سترې محکمې د اسلامي امارت نوم د منع شویو ډلو له نوملړه لرې کړ

د روسیې د سترې محکمې قاضي اولیګ نیفیدوف په یوه حکم کې اعلان وکړ: “هغه بندیز، چې پخوا د طالبانو (اسلامي امارت) پر فعالیتونو لګول شوی و او د ممنوعه ډلو په فډرالي نوملړ کې راغلي وه، چې اوس وځنډول شو.”

Published

on

(Last Updated On: )

د روسیې سترې محکمې په هېواد کې له ۲۰۰۳ کال  راپدېخوا د اسلامي امارت پر فعالیتونو بندیز لګولی و، چې اوس یې نوم د ممنوعه ډلو له نوملړ څخه وویست.

د روسیې د سترې محکمې قاضي اولیګ نیفیدوف په یوه حکم کې اعلان وکړ: “هغه بندیز، چې پخوا د طالبانو (اسلامي امارت) پر فعالیتونو لګول شوی و او د ممنوعه ډلو په فډرالي نوملړ کې راغلي وه، چې اوس وځنډول شو.”

د نوموړي د څرګندونو له مخې، دا پرېکړه سمدلاسه نافذه ده.

د روسیې د ممنوعه ډلو له نوملړ څخه د اسلامي امارت د لرې کولو غوښتنه تېره میاشت د دې هېواد د لوی څارنوال لخوا وړاندې شوه.

د اسلامي امارت ویاند ذبیح الله مجاهد مخکې د روسیې دولتي خبري سرچینې تاس ته ویلي وه، چې دا اقدام به د دواړو هېوادونو ترمنځ د اړیکو په پیاوړتیا کې مرسته وکړي او “زمونږ په نظر خورا ارزښتناک دی.”

له دې مخکې د تېر کال په می میاشت کې د روسیې بهرنیو چارو او عدلیې وزارتونو ولسمشر پوتین ته د منع شویو ډلو له نوملړ څخه د اسلامي امارت د لرې کولو په اړه د وړاندیزونو یو نوملړ وړاندې کړی و. دیادونې دهو چې اسلامي امارت د روسیې له دې پرېکړې هرکلی کړی او څرګندوي، چې دا کار به د اړیکو په پیاوړتیا کې رغنده رول ولوبوي.

Continue Reading

تازه خبرونه

د قطر د دولت وزیر له امیر خان متقي سره ټیلیفوني خبرې وکړې

Published

on

(Last Updated On: )

په بهرنیو چارو کې د دولت وزیر محمد بن عبدالعزیز الخلیفي د افغانستان د بهرنیو چارو وزارت له چارسمبالي امیر خان متقي سره ټیلیفوني خبرې وکړې.

د بهرنیو چارو وزارت د عامه اړیکو رییس ضیا احمد تکل په یوه رسنیزه خبرپاڼه کې لیکلي، چې په دې ټیلیفوني خبرو کې د ډیپلوماټیکو اړیکو د ودې، د دواړو هېوادونو ترمنځ د همکارۍ د پراختیا او دوحې ته د امیرخان متقي د راتلونکي سفر په اړه هم خبرې شوې  دي.

Continue Reading

تازه خبرونه

د افغانستان او پاکستان استازو په اسلام آباد کې پر سوداګرۍ خبرې وکړې

په اسلام‌آباد کې د افغانستان سفارت ویلي؛ د دواړو خواوو ترمنځ به بېلابېلې تخنیکي غونډې ترسره شي، چې د شته ننګونو په اړه بشپړ بحث وشي او د دوه اړخیزې سوداګرۍ د ودې لپاره مناسبې حل لارې ولټول شي.

Published

on

(Last Updated On: )

د صنعت او سوداګرۍ وزارت چارسمبالي(سرپرست) نورالدین عزیزي له خپل پاکستاني سیال سره وکتل او دواړو خواوو د سوداګرۍ، ټرانزیټي همکارۍ، شته ننګونو، ممکنه حل لارو او د دواړو هېوادونو لپاره د نورو مهمو مسایلو په اړه خبرې وکړې.

په اسلام‌آباد کې د افغانستان سفارت ویلي؛ د دواړو خواوو ترمنځ به بېلابېلې تخنیکي غونډې ترسره شي، چې د شته ننګونو په اړه بشپړ بحث وشي او د دوه اړخیزې سوداګرۍ د ودې لپاره مناسبې حل لارې ولټول شي.

د صنعت او سوداګرۍ وزارت دا هم ویلي، چې په دې ناسته کې د افغانستان او پاکستان ترمنځ د ورورګلوۍ او دوستۍ، متقابلو ګټو او د تاریخي او اوږدمهاله سوداګریزو اړیکو پر ټینګار د اپټا تړون د غځولو، د ټرانزیټ اسانتیاوو او د توکو د قاچاق مخنیوي، پاکستان ته د افغانستان د ډبرو سکرو صادراتو، د تورخم بندر د ۲۴ ساعته فعالیت، د غلام خان بندر له لارې دوه اړخیزه سوداګري، د دواړو حکومتونو د خاورې له لارې د بار وړونکو موټرو د لېږد، بانکي تضمین او د بندرونو د تنظیم لپاره د جامع میکانیزم د تنظیم په اړه بحثونه او خبرې وشوې.

Continue Reading
Advertisement

Trending

Copyright © 2025 Ariana News. All rights reserved!