Connect with us

تازه خبرونه

طالبانو د تخار ولایت د اشکمش ولسوالۍ چارسمبالی تښتولی

Published

 on

(Last Updated On: لړم ۲, ۱۳۹۹)

وسلوالو طالبانو د تخار ولایت د اشکمش ولسوالۍ سرپرست ولسوال تښتولی دی.

د اشکمش ولسوالۍ اوسیدونکيو ويلي؛ د پنجشنبې پر ورځ مازیګر ۴ بجې د دې ولسوالۍ اجرائیه مشر او چارسمبالی سیف الرحمن، چې له دفتره د کور پر لوري روړان و د وسلوالو طالبانو لخوا وتښتول شو.

د دوی په وینا، تر دې دمه د رحمان په اړه معلومات نلري.

د تخار د پولیسو ویاند خلیل اسیر پېښه تائید کړې؛ خو نور جزئیات یې ندي ورکړي.

دا په داسې حال کې ده، چې له تېرو څو اوونیو راپدیخوا په تخار کې د افغان ځواکونو او طالبانو تر منځ نښتې او تاوتریخوالی ډېر شوی دی.

طالبانو تر دې دمه پدې اړه څه ندي ویلي.

طالبانو د چهارشنبې پر سهار د بهارک په ولسوالۍ کې پر افغان ځواکونو برید وکړ، چې له ۵۰ ډېر سرتېري یې ووژل.

دغه راز اوړمه ورځ افغان ځواکونو د هزاره قرلق د کلي پر لوی جومات ځوابي هوایي برید تر سره کړ، چې د طالبانو د راټولیدو ځای و؛ خو په کې ۱۲ ماشومان ووژل شول او ۱۸ نور ټپیان دي.

د ولسمشر لومړي مرستيال امرالله صالح په دې هوایي برید کې د ملکي وګړیو د وژل کیدو تورونه رد کړي او وايي: هغه خبرونه، چې د تخار په جومات کې ماشومان وژل شوي، بې بنسټه دي.

امرالله صالح ویلي: هغه چا، چې زمونږ ځواکونه پرون په وینو کې لت پت کړي وه، هوی له منځه تللي او مونږ په دې اړه کره ثبوت لرو.

دا په داسې حال کې ده، چې دفاع وزارت او یوناما د دغه هوایي برید په اړه د ملکي وګړیو د مرګ و ژوبلې په اړه د څېړنو داډ څرګند کړی دی.

تازه خبرونه

د اسلامي اردو پر جوړولو  منظم او داډمن کار روان دی – دفاع وزارت

Published

on

(Last Updated On: سلواغه ۵, ۱۴۰۱)

د هېواد د وسلوالو ځواکونو لوى درستيز ويلي؛ د اسلامي امارت او دفاع وزارت لخوا د اسلامي اردو پر جوړولو منظم او ډاډمن کار روان دی.

د ملي دفاع وزارت ستر درستیز فصيح الدين فطرت د مخابرې ریاست د سرتېرو د فراغت په مراسمو کې ویلي؛ اسلامي امارت او دفاع وزارت تل د یوې داسې اردو د جوړولو هحې کړي، چې د ایمان او عقیدې پر وسله سمبال وي؛ ځکه، چې د اسلامي امارت ځواکونو په همدې وسلې د نړۍ د قدرتونو پر وړاندې بریا ترلاسه کړې ده.

دغه لوړپوړي امنيتي چارواکي له فارغو شویو سرتېرو وغوښتل، چې د خلکو او هېواد خدمت ته ژمن پاتې شي او په پوره اخلاص او صداقت ګامونه پورته کړي.

د هېواد دغه لوړ پوړي دفاعي چارواکی زیاته کړې، چې د اسلامي امارت ځواکونه د اطاعت له پلوه په نړۍ کې ساری نلري.

د ده په وینا د سرتېرو لخوا د خپل مشر اطاعت د نړۍ پر زبرځواکونه بریا ته ورسول.

نوموړي په افغانستان کې د اسلامي نظام د ټينګښت لپاره د اسلامي امارت د رهبرۍ اطاعت مهم وباله.

د مخابرې ریاست دې سرتېرو درې میاشتنۍ زده‌کړې بشپړې کړې او د فراغت سندونه یې ترلاسه کړل.

Continue Reading

تازه خبرونه

اسلامي امارت په هېواد کې معیاري ښوونیزو خدمتونو ته ژمن دی

Published

on

(Last Updated On: سلواغه ۶, ۱۴۰۱)

پرون د پوهنې وزارت د پوهنې د نړیوالې ورځې په مناسبت په یوه اعلامیه کې ویلي، چې زده‌کړه د هر افغان لپاره لازمه ده او دا وزارت ژمن دی، چې په هېواد کې معیاري ښوونیز خدمتونه وړاندې کړي.

په دې اعلامیه کې ویل شوي، چې زده‌کړه د هر افغان لپاره لارمه ده او اسلامي امارت ژمن دی، چې معیاري تعلیمي خدمتونه وړاندې کړي.

په اعلامیه کې راغلي، چې نړۍ باید دغه وزارت د معیاري تعلیمي خدمتونو په وړاندې کولو کې یوازې پرې نږدي.

د پوهنې وزارت په اعلامیه کې راغلي: د پوهنې وزارت خپلو خلکو او نړیوالې ټولنې ته ډاډ ورکوي، چې اسلامي امارت تعلیم او زده‌کړه د هر افغان لپاره اړینه ګڼي، له اقتصادي محدودیتونو سره سره یې ۱۹۰۰۰ ښوونځي او ۱۳۰۰۰ دیني مدرسې پرانیستي دي او دوه نیم میلیون نجونې هم ښوونځیو ته ځي.

د امریکا د بهرنیو چارو وزارت او د ملګرو ملتونو تعلیمي او فرهنګي ټولنې یا یونسکو دواړو ویلي، چې افغان ښځې او نجونې د زده‌کړو له حقه بې برخې دي.

د یونیسکو عمومي منشي آډري ازولي وایي: یونسکو غواړي سږکال دا ورځ افغان ښځو او نجونو ته ځانګړې کړي، مونږ غواړو، چې د ښځو او نجونو د کار او زده‌کړې حقونه پرته له ځنډه دوی ته ورکړ شي. د ښځو د کار او زده‌کړې پر وړاندې جګړه باید ودرول شي؛ ځکه هره نجلۍ او هلک د زده‌کړې حق لري.

ځینې محصلینې او زده‌کوونکې  له اسلامي امارته غواړي، چې تعلیمي او تحصیلي بندیزونه لرې کړي او دوی ته درسونو ته د ستنېدو اجازه ورکړي.

یو شمېر کارپوهان وايي، چې زده‌کړو ته لاسرسی د ټولنې د هر غړي اساسي او بشري حق دی او باید دا حق له هیچا وانه خیستل شي.

اسلامي امارت پر نجونو د ثانوي او پوهنتوني زده‌کړو محدویتونه دایمي نه بولي؛ خو تمې دادي، چې په را روان پسرلي کې به د نجونو پر مخ د ښوونځیو او پوهنتونونو دروازې پرانیستل شي.

Continue Reading

تازه خبرونه

کابلوف د افغانستان پر ورستیو تحولاتو د خبرو لپاره پاکستان ته سفر کړی

Published

on

(Last Updated On: سلواغه ۵, ۱۴۰۱)

د افغانستان لپاره د پاکستان استازي محمد صادق څرګنده کړې؛ د افغانستان لپاره د روسیې ځانګړي استازي ضمیر کابلوف د سیمې پر وروستیو تحولاتو د خبرو لپاره پاکستان ته سفر کړی دی.

محمد صادق د سه شنبې پر ورځ تویت کړ، چې له کابلوف سره یې د مسکو او اسلام‌آباد ترمنځ د نږدې همکارۍ پر اړتیا هم خبرې کړې دي. هغه کابلوف د پام وړ ښه او پوه دیپلومات په توګه وستایه.

کابلوف پاکستان ته له سفر مخکې په افغانستان کې د اسلامي امارت له لوړ پوړیو چارواکو سره هم کتلي دي.

د افغانستان د بهرنیو چارو وزارت د ویاند مرستیال حافظ ضیا احمد تېره اوونۍ څرګنده کړې وه، چې کابلوف د بهرنیو چارو له وزیر امیرخان متقي سره لیدلي او ټینګار یې کړی، چې روسیه د غربي حکومتونو په څېر نیوکې نکوي.

نوموړي زیاته کړې؛ کابلوف ویلي، هېواد یې په افغانستان کې اقتصادي پرمختګ او ثبات لیدل غواړي او د افغانستان په کورنیو چارو کې د دولت پر چارواکو نیوکې او لاسوهنه نکوي.

Continue Reading

Trending

Copyright © 2022 Ariana News. All rights reserved!