Connect with us

تازه خبرونه

طالبانو د سرپرست وزیرانو نومونه په ډاګه کړل

Published

 on

(Last Updated On: وږی ۱۶, ۱۴۰۰)

د طالبانو ویاند ذبیح الله مجاهد نن د وږي ۱۶ / د سپټمبر ۷ یوې خبري ناستې ته څرګنده کړه، چې دا سرپرست وزیران به د سرپرست لومړي وزیر او د هغه تر مشرۍ لاندې خپلې اړوند ورسپارل شوې دندې ترسره کوي.

ذبیح الله مجاهد ویلي، چې د سرپرست لومړي وزیر ملا محمد حسن، لومړي مرستیال ملابرادر او دوه یم مرستیال ملا عبدالسلام حنفي په مشرۍ یوې سرپرستې کمېټې ته دنده سپارل شوې، چې په پوره ایماندارۍ دولتي او حکومتي چارې د سرپرستانو په توګه ترسره کړي.

دغه راز مجاهد زیاته کړې؛ دفاع وزارت ته  مولوي محمد یعقوب عمري، کورنیو چارو وزارت ته ملا سراج الدین حقاني،بهرنیو چارو وزارت ته مولوی امیرخان متقي، د ماليې وزارت ته ملا هدایت الله بدري، د پوهنې وزارت ته شیخ مولوي نورالله منیر، د اطلاعاتو فرهنګ وزارت ته خیرالله خیرخوا، د اقتصاد وزارت ته قاري دین محمد حنیف، د حج او اوقاف وزارت ته شیخ نورمحمد ثاقیب، عدلیې وزارت ته عبدالحکیم شرعي،، د سرحدونو او قبایلو چارو وزارت ته نور الله نوري، د کلیو او پراختیا وزارت ته ملا محمد یونس اخوندزاده، د امر بالمعرف او نهی او نهي له منکر وزارت ته شیخ محمد خالد، د ټولګټو چارو وزارت ته ملا عبدالمنان عمري، د کانونو او پترولیم وزارت ته ملا محمد عیسی اخوند، د برښنا او اوبو وزارت ته ملا عبداللطیف منصور، د هوایي چلند او ټرانسپورټ وزارت ته ملا حمیدالله اخوندزاده، د لوړو زدکړو وزارت ته مولوي عبدالباقي حقاني، د مخابراتو وزارت ته مولوي نجیب الله حقاني، د کدوالو چارو وزارت ته مولوي خلیل الرحمن حقاني، د ملي امنیت ریاست ته ملا عبدالحق وثیق، د افغانستان بانک مشرمحمد ادریس، د اداري چارو وزارت ته مولوي احمد جان احمدي، د دفاع وزارت مرستیالۍ ته ملا محمد فاضل مظلوم، د پوځ لوی درستیزۍ ته قاري فتح الدین، د کورنیو چارو وزارت مرستیالۍ ته مولوي نور جلال، د اطلاعاتو او فرهنګ وزارت مرستیالۍ ته ذبیح الله مجاهد، د ملي امنیت لومړي مرستیالۍ ته ملا تاج محمد جواد، د ملي امنیت اداري مرستیالۍ ته ملا رحمت الله نجیب او د کورنیو چارو وزارت د نشه یي توکو پر صد د مبارزې مرستیالۍ ته ملا عبدالحق اخوند سرپرستان ټاکلي او اړوند دندو ته ورپېژندل شوي دي.

ذبیح الله مجاهد زیاته کړې، چې د سرپرستې کابینې له اعلامه موخه داده، چې د حکومتدارۍ بهیر عادي حالت ته راوګرزي او ډېر ژر به نورو اړوند بنسټونو ته هم نوې څېرې او مشران وټاکل شي.

که څه هم ذبیح الله مجاهد د ملا هبة الله اخوندزاده نوم نه اخلي؛ خو خلیل الرحمن حقاني په یوه ناسته کې  ویلي، چې راتلونکی حکومت به د مشر ملا صاحب لخوا رهبري کیږي.

حقاني زیاته کړې، چې خلک ترې ملاتړ کوي او تر څنګ یې دریږي.

دا په داسې حال کې ده، چې د هېواد ټول خواریکښ اوسیدونکي، اداري مامورین او ښوونکي خپلو ورخنیو دندو ته د ورستنېدو په اړه اندېښمن دي؛ خو طالبانو ټولو هېوادوالو ته د کار، معاش او اقتصادي ودې ډاډ ورکړی دی.    

تازه خبرونه

د پکتیکا ولایت د ګیان ولسوالۍ زلزله ځپلي اوس هم خوراکي توکو او سرپناه ته اړ دي

Published

on

(Last Updated On: چنګاښ ۴, ۱۴۰۱)

د افغانستان د پکتیکا ولایت د ګیان ولسوالۍ ژوندي پاتې شوي کسان، چې د کورنۍ څو غړي یې د سترګو په رپ کې له لاسه ورکړي د بې کوره کېدو او لوږې ترخې کیسې کوي.

له یوې خوا دغو خلکو د خپلو عزیزانو د له لاسه ورکولو درد پر اوږو بار کړی او له بلې خوا لوږې او بې کورۍ یې ژوند تریخ کړی دی.

 د اسلامي امارت چارواکي، چې ګیان ولسوالۍ ته ورغلي وايي؛ په سیمه کې شاوخوا ۹۰ سلنه کورونه ویجاړ شوي دي.

په نړیدلیو خټینو کورونو کې د دې سیمې بېوزله کورنیو ژوند کاوه، ماشومان د خپلو میندو په تودو غېږو کې پر درنده خوب ویده ول، چې دغه طبعیي ناورین وځپل او هر څه یې لوټه لوټه او کورنۍ یې یا نیمګړې کړې او یا یې هم بشپړې ووېشلې؛ خو ژوندي پاتې خلک یې سمدلاسه خواړو او سرپناه ته اړ دي.

د پکتیکا زلزله ځپلی سيد بختاجان وایي، چې د زلزلې له کبله یې د کورنۍ څلور غړیو ژوند له لاسه ورکړی او دوه نور یې په روغتون کې دي.

دی وايي، چې ژوندي پاتې کسان یې تر شنه آسمان لاندې پاتې دي.

بختا جان ته اوس د هغه د کورنۍ غړیو یوازې جامې ور پاتې دي.

د عامې روغتیا وزارت سرپرست قلندر عباد ویلي؛ دغې ویجاړوونکې او مرګونې زلزلې په ګیان ولسوالۍ کې ۹۰ سلنه کورونه نړولي او په ټولیزه توګه یې  ۱۰۳۶ کسان مړه کړل او شاوخوا  دوه زره نور په روغتونونو کې بستري شوي دي.

د طبیعي پېښو پر وړاندې د مبارزې وزارت د مرستیال شرف الدین مسلم د څرګندونو له مخې؛ خامه او کنډو کپرو سړکونو د مرستې هڅې له خنډ او ځنډ سره مخ  کړي؛ ځکه، نو په ګیان کې دغه بشري ناورین ځپلي کسان بېړنیو مرستو ته اړتیا لري.

دا په داسې حال کې ده، چې د جمعې پر ورځ د دوه یم ځل لپاره هم زلزلې دغه سیمه ولړزوله، چې په کې لږ تر لږه پېنځه کسان مړه شول.

Continue Reading

تازه خبرونه

د افغانستان په وروستۍ زلزله کې ۲۸۸ ماشومانو ته مرګ و ژوبله اوښتې

Published

on

(Last Updated On: چنګاښ ۴, ۱۴۰۱)

د ملګرو ملتونو د ماشومانو وجهي صندوق (یونیسف) وايي، په افغانستان کې د وروستۍ زلزلې له ۱۰۰۰ د ډېرو قربانیانو په ډله کې ۲۲۱ ماشومانو هم ژوند له لاسه وکړی او ۶۷ نور ټپیان دي.

په خوست او پکتیکا ولایتونو کې د تېرې سې شنبې شپې ناوخته ۶ اعشاریه یوې درجې زلزلې د تلفاتو له زیاتېدو سره د کورنیو او نړیوالو مرستندویه موسسو او بنسټونو اندېښنو زور اخیتسی او هڅه کوي، چې زیانمنو کسانو ته بېړنۍ مرستې ورسوي.

دا اداره وايي، چې ماشومان او تنکي ځوانان د زلزلې د خورا زیان اړوونکو پایلو او کورنیو څخه د بېلوالي او ټولنیزو ستونزو سره مخ دي.

په افغانستان کې د ملګرو ملتونو د ماشومانو د وجهي صندوق استازي د چارشنبې د شپې په زلزله کې د تلفاتو او ټپیانو په اړه تازه شمیرې وړاندې کړې. د یونیسف ادارې مسوولین وايي چې په پکتیکا او خوست کې د زلزلې له امله د وژل شویو شمیره یو زرو شپږ دیرشو ته لوړه شوې او شپاړس سوه دري څلویښت ټپیان شوي دي.

د ملګرو ملتونو د ماشومانو د ملاتړ صندق د مسوولینو د څرګندونو له مخې؛ په دې زلزله کې ۱۲۱ ماشومان مړه شوي او ۶۷ نور ټپیان دي.

په افغانستان کې د ملګرو ملتونو د ماشومانو د ملاتړ صندق استازی محمد ایویا ویلي: د تېرې شپې تر ناوخته پورې، د مړو شویو شمېر لږ تر لږه ۱۰۳۶ او د ټپیانو هغه ۱۶۴۳ ته رسیدلی، چې په کې ۱۲۱ ماشومان هم وژل شوي او ۶۷ ماشومان ټپیان دي. د تلفاتو ټول دقیق شمېر وړاندې کول سخت کار دی؛ ځکه ښايي د ځينو ټپیانو روغتیایي حالت د اندېښنې وړ دی او ښايي د تلفاتو شمېر نور هم لوړ شي.

د ملګرو ملتونو د ماشومانو وجهي صندوق پر ماشومانو او لویانو د دې زلزلې د منفي پایلو په اړه اندېښنه لري.

دوی څرګنده کړې، چې ماشومان او تنکي ځوانان له کورنيو څخه د بېلېدو له ناوړه پایلو سره مخ دي او روحيه يې سخته ځپل شوې ده.

د راپورونو له مخې؛ د پکتیکا ولایت ګیان ولسوالۍ کې تر ټولو ډېر تلفات اوښتي، څو زره کورونه ویجاړ شوي او یا هم زیانمن شوي، ماشومان او تنکي ځوانان کورنیو پاتې دي، احساساتي کړاوونو، ناوړه استفادې او نورو ګواښونو سره مخ دی.

نړیوالې ټولنې او بنسټونه، چې د سړکونو خرابوالی او پر لرې پرتو سیمو کې فقر او بېوزلۍ خلک له ناورین سره مخ کړي دي او اوس د مرستو رسولو چارې له ستونزو سره مخ دي.

له دې ټولو سره سره  اسلامي امارت او د سیمې او نړۍ ګڼو هېوادونو په تېرو څلور ورځو کې د زلزله ځپلیو کورنیو سره په لسګونه زره ټنه خوراکي توکي، درمل او د لومړنیو وسایلو مرسته کړې ده.

Continue Reading

تازه خبرونه

پاکستان د افغانستان زلزله ځپلیو ته د مرستې دوه یمه ټولګه راولېږله

Published

on

(Last Updated On: چنګاښ ۴, ۱۴۰۱)

د پاکستان لومړي وزیر شهباز شریف د جمعې پر ورځ د افغانستان د زلزله ځپلیو کورنیو لپاره اته نورې لارۍ له مرستو ډکې راولېږلې.

د پاکستان د حکومت په خپره شوې خبرپاڼه کې راغلي؛ د طبیعي پېښو پر وړاندې د مبارزې ملي ادارې لخوا راټوله شوې مرسته افغان چارواکو ته سپارل شوې ده.

په دې ټولګه کې خېمې، ترپالونه، کمبلې او بېړني درمل شته.

دغه راز ویل شوي؛ پاکستان ژمن دی، چې افغان وروڼو ته مرسته رسول روان وساتي.

دا په داسې حال کې ده، چې پاکستان د چارشنبې پر ورځ د افغانستان په پکتیکا او خوست ولایتونو کې د ۶.۱ درجې زلزلې له رامنځته کېدو وروسته، چې له ۱۰۰۰ ډېر کسان په کې مړه شول او زرګونه کورونه یې ویجاړ کړل خپلې اته لارۍ مرستې راولیږلې.

Continue Reading

Trending

Copyright © 2022 Ariana News. All rights reserved!