Connect with us

تازه خبرونه

طالبانو شپږ نورې ولسوالۍ هم ونیولې – سرچینې

خپور شوی

د

د سیمه ییزو سرچینو د څرګندونو له مخې؛ له تېرې یوې شپې او ورځ راپدیخوا طالبانو له امنیتي ځواکونو شپږ ولسوالۍ بېرته نیولې دي.

په څه باندې شلو ولایتونو کې سخته جګړه، هغه جګړه چې هره ورځ په کې څو ولسوالۍ د جګړې ښکېلو خواوو تر منځ نیول کیږي او خوشې کیږي.

د سیمه ییزو چارواکو د څرګندونو له مخې؛ تر اوسه د پکتیا میرزکه، د فاریاب دولت آباد، د بلخ شورتیپه او کلدار، د تخار چاه آب او هزار سموچ او د بغلان تاله وبرفک ولسوالۍ بېرته د طالبانو لاسونو ته ولوېدې.

ملي دفاع وزارت وایي؛ امنیتي او دفاعي ځواکونه په یوه منظم  پروګرام کار کوي، چې له لاسه وتلې سیمې بېرته تر څارنې لاندې راشي او د ولسي پاڅونوالو په مرسته وساتل شي.


د ملي دفاع وزارت د ویاند مرستیال  فواد امان وایي: مونږ ډېرې سیمې نیولي او دښمن ته پوره ځاني زیانونه رسېدلي دي.

د عطامحمد نور په ګډون افغان ځواکونه د سې شنبې پر غرمه د بلخ ولایت په کلدار ولسوالۍ کې ول؛ خو طالبانو یوه ورځ وروسته د یوې ویډیو په خپرولو د دې ولسوالۍ له بېرته نیولو خبر ورکړ.

دا راز طالبانو د پکتیا میرزکه، د فاریاب دولت آباد، د بلخ شورتېپه، د تخار هزار سموچ او چاه آب او د بغلان تاله و برفک ولسوالۍ له امنیتي ځواکونو بېرته نیولي دي.

د بغلان ښاري هڅاند شفیق الله احدي ویلي؛ د دې ولایت له ۱۴ ولسوالیو ۷ یې د طالبانو تر څارنې لاندې دي او نورې سیمې هم نیسي.

په شمال ختیځ ښار تالقان کې هم حالات ښه ن دي او  ویل کیږي، چې دا ښار طالبانو کلابند کړی او په بدخشان کې هم د ځینو ولسوالیو د نیولو هڅې روانې دي.

د تخار د ولایتي شورا غړی سید صلاح الدین برهاني وایي: طالبانو تخار محاصره کړی دی؛ خو پوځي عملیات په کې روان ندي.

په ولسي جرګه کې د بدخشان استازی ضیاالحق اتید وایي: طالبان هڅه کوي، چې ډېرې سیمې ونیسي.

د کندهار درې ولسوالۍ هم د طالبانو په ولکه کې دي؛ خو تازه یې خاکریز له لاسه ورکړې.

په هلمند کې د افغان ځواکونو او طالبانو تر منځ مخامخ جګړه په ګرشک، ګرم سیر، مارجه، نادعلي او ناوه ولسوالیو کې روانه ده،  د مرکز لښکرګاه ښار په څنډو کې هم جګړه د جګړو خبرونه تر لاسه شوي دي.

د هلمند د ولایتي شورا مشرعطاالله افغان څرګنده کړې: طالبان غواړي ولسوالۍ ونیسي او که حکومت عملیات ونکړي؛ لښکرګاه ته هم رارسیږي.

دغه راز ملي دفاع وزارت وایي، چې له تېرې یوې شپې او ورځې راپدیخوا په کندوز ولایت کې د امام صاحب بندر له طالبانو پاک شوی او پر وړاندې یې چاڼیز عملیات روان دي.

د سرچینې د څرګندونو له مخې؛ تر دې دمه یو سل و اته شپیته طالب جنګیالي د هېواد په بېلابېلو سیمو کې وژل شوي دي.

تازه خبرونه

سږکال په کابل ښار کې دوه میلیون نیالګي کېنول شول – کابل ښاروالۍ

د کابل ښاروالۍ ویاند نعمت الله بارکزي نن (پنجشنبه د وږي دوه‌ویشتمه) د یوکلنو لاسته راوړنو د بیانولو په مراسمو کې ویلي: کابل ښاروالۍ دوه کاله مخکې ۲۰۰ زره نیالګي کېنول، تېر کال ۶۰۰ زره نیالګي او سږ کال یې په ټول کابل ښار کې دوه میلیون نیالګي او زینتي ګلان کېنولي دي.

Published

on

د کابل ښاروالۍ وياند ويلي، چې د دې ادارې لخوا سږکال په ټول کابل ښار کې دوه ميليون نيالګي او زينتي ګلونه کېنول شوي دي.

د کابل ښاروالۍ ویاند نعمت الله بارکزي نن (پنجشنبه د وږي دوه‌ویشتمه) د یوکلنو لاسته راوړنو د بیانولو په مراسمو کې ویلي: کابل ښاروالۍ دوه کاله مخکې ۲۰۰ زره نیالګي کېنول، تېر کال ۶۰۰ زره نیالګي او سږ کال یې په ټول کابل ښار کې دوه میلیون نیالګي او زینتي ګلان کېنولي دي.

د کابل ښاروالۍ د ښاري خدماتړو او چاپېریال ساتنې رییس محمد خالد سجستاني هم ویلي، چې د کابل ښار څه باندې ۱۲۵ کیلومټره عامه او منځني سړکونه پاخه، پراخه او تیږي لګول شوي دي.

محمد خالد سجستاني زیاته کړې، د ښار د ښکلا لپاره د سړکونو په اوږدو کې پېنځه زره نوي څراغونه لګول شوي او د ښار په بېلابېلو سیمو کې ۹۷۰۰ نور څراغونه رغول شوي دي.

سجستاني څرګنده کړې: په کابل ښار کې نوي سرکونه جوړ شوي او خلک ترې ګټه پورته کوي.

د دې بنسټ د څرګندونو له مخې، دغه راز له کابل ښار څخه څه باندې یو نیم میلیون ټنه کثافات پاک او ځانګړیو ځایونو ته لېږدول شوي دي.

دې ادارې تر اوسه د هوا فلټرونو د نشتوالي له کبله ۶۲۵ لوړې ماڼۍ تړلي او په تېر کال کې د کابل ښاروالۍ عواید ۶ میلیارډ افغانۍ وې.

کابل ښاروال همدا راز زیاته کړې، د سوداګریزو او استوګنې ساحو لپاره تفصیلي پلانونه، وړاندیز شوي پلانونه، د ۲۴۸ ودانیو د جوازونو صادرول او د کابل ښار په ۲۲ ناحیو کې د ۳۰۹۵ ودانیو د سرغړونو مخنیوی د دې ادارې مهمې لاسته راوړنې دي.

له بلې خوا دغه رياست ویلي، چې د نورو موسسو په همکارۍ پر ٢٠٠ پروژو کار کوي، چې د ١٩٠ پروژې کارونه بشپړې شوي دي.

د کابل ښاروالۍ چارواکو د ښاري نظم د رامنځته کولو او د ټرافیکو د بهیر د عادي کولو لپاره د ښار له بېلابېلو برخو څخه ۲۶۰۰ خنډونه راټول کړي دي.

Continue Reading

تازه خبرونه

د اسلامي امارت او ملګرو ملتونو ترمنځ اړيکې د ډاډ وړ دي

د کورنیو چارو وزارت په خبرپاڼه کې راغلي، چې په دې ليدنه کې جیل مشاو د ملګرو ملتونو د کارکوونکیو له خوندي امنيت له کبله د مننې تر څنګ ويلي: د اسلامي امارت او ملګرو ملتونو ترمنځ اړيکې پياوړې شوې دي.

Published

on

 د کورنيو چارو وزارت چارسمبالي سراج الدين حقاني د ملګرو ملتونو عمومي منشي مرستيال جيل مشاو او په کابل کې د دغه سازمان د امنيت مسووول انډريکا راټواټ سره وکتل.

د کورنیو چارو وزارت په خبرپاڼه کې راغلي، چې په دې ليدنه کې جیل مشاو د ملګرو ملتونو د کارکوونکیو له خوندي امنيت له کبله د مننې تر څنګ ويلي: د اسلامي امارت او ملګرو ملتونو ترمنځ اړيکې پياوړې شوې دي.

هغه له افغانستان سره د مرستو پر دوام هم خبرې کړې دي. ویل کیږي، چې سراج الدین حقاني د ښه راغلاست تر څنګ دغو استازیو ته ډاډ ورکړ، چې په ټول هېواد کې امنيت خوندي دی؛ د ملګرو ملتونو غړي او مرستندویان کولی شي ډاډمنې هڅې ترسره کړي.

Continue Reading

تازه خبرونه

پر توشیح شويو تقنيني اسنادو نیوکه کوونکی له شرعي چلند سره مخ ‌کېږي

د عدلیې وزارت د خبرپاڼې له مخې؛د اسلامي امارت ټول ادارات  اړ دي، چې: د تقنيني سند د ابتدايي مسودې د تسويد لپاره د علماوو، متخصصينو او په دې برخه کې د تجربه لرونکیو مسلکي کارمندانو کمېټه جوړه او توظيف کړي.

Published

on

د اسلامي امارت د رهبر هبة‌الله اخوندزاده د فرمان له مخې د اسلامي امارت اړوند هره اداره اړه ده، چې د شريعت له اصولو سره سم خپل تقنيني اسناد تسويد کړي؛ ځکه، چې نیوکه کوونکي به پرې له شرعي چلند سره مخ شي.

د عدلیې وزارت د خبرپاڼې له مخې؛د اسلامي امارت ټول ادارات  اړ دي، چې: د تقنيني سند د ابتدايي مسودې د تسويد لپاره د علماوو، متخصصينو او په دې برخه کې د تجربه لرونکیو مسلکي کارمندانو کمېټه جوړه او توظيف کړي.

 د عدلیې وزارت په خبرپاڼه کې راغلي: دا حکم په  ټولو اداراتو کې تعميل شوی دی او د تقنیني سند ابتدایي مسوده له پورتنيو اجراآتو څخه وروسته د شرعي څېړنې، تدقيق او کره کتنې لپاره عدليې وزارت ته لېږل کېږي.  

د عدليې وزارت مکلفيت لري، چې د اړوندې ادارې لخوا د تقنيني سند ابتدایي مسوده د الله تعالی له کتاب، د رسول الله صلی الله عليه وسلم له سنتو او د حنفي فقهې له معتبرو کتابونو څخه تخريج کړي او په اړه یې بشپړه څېړنه او تدقيق ترسره کړي.

د عدلیې وزارت دا هم څرګنده کړې، چې د دې کار لپاره په دې وزارت کې د علماء کرامو، مفتيانو او شيوخو کمېټې جوړې او په دې برخه کې کار او څېړنې کوي او هر تقنيني سند لپاره  د الله تعالی له کتاب، د رسول الله صلی الله عليه وسلم له سنتو او د حنفي فقهې له معتبرو کتابونو څخه تخريج شوی او هرې مادې لپاره په پایڅوړ کې د حوالې ذکر شوی دی.

عدلیې وزارت ټیګار کړی، چې قوانين او نور تقنيني اسناد سل سلنه شرعي دي.

که څوک وروسته له دې په رسنيو او يا په نورو مجالسو کې د اسلامي امارت د تقنیني سندونو مخالفت کوي او پر هغو باندې د تخریب په موخه او یا هم د عناد په اساس نیوکه کوي؛ نو له شرعي چلند سره مخ‌کېږي او محکمو ته به وروپېژندل شي.

ویل کیږي که د قوانينو پر کومه ماده په سمه توګه د چا پوهه حاصله شوې نه‌وي او وضاحت غواړي یا د اصلاح لپاره کوم ملاحظات ولري؛ د عدليې وزارت دروازې د هغوی پر مخ خلاصې دي او کولی شي، چې عدليې وزارت ته مراجعه وکړي.

Continue Reading

Trending

Copyright © 2024 Ariana News. All rights reserved!