Connect with us

تازه خبرونه

طالبانو په افغانستان کې د امریکا له اډو ساتنه کړې – راپور

Published

 on

(Last Updated On: غویی ۱۱, ۱۴۰۰)

رویټرز د درې امریکایي چارواکو د څرګندونو له مخې په ډاګه کړې، چې طالبانو د یوه کال لپاره په افغانستان کې له امریکا سره د یوې ناڅرګندې ضمیمې پر بنسټ د امریکايي اډو ساتنه کړې ده.

دوه لویدیځو سرچینو رویټرز ته څرګنده کړې، چې امریکا د طالبانو هغه وړاندیز، چې له داعش جنګیالیو به د امریکایي اډو ساتنه کوي؛ منلی دی.

راپور زیاته کړې؛ طالبانو غوښتل امریکایانو ته خپل نیک نیت وښیي، چې د افغانستان خاوره به د امریکا پروړاندې ونه کارول شي.

یوه غربي ډیپلوماټ په ډاګه کړې؛ د طالبانو لپاره دا مهمه ده، چې د حقاني شبکې په ګډون پر نورو ډلو هم خپله وړتیا ثابته کړي.

د امریکا بهرنیو چارو وزارت تراوسه پر دې راپور نه تبصره کړې او نه یې رد کړی دی.

د رویټرز د څرګندونو له مخې؛ له طالبانو سره د امریکا د دوحې تړون له لاسلیک وروسته د امریکا پر اډو هیڅ برید ندی شوی او د مرګ و ژوبلې راپور هم ورکړشوی ندی؛ خو پر افغان ځواکونو بریدونه ډېر شوي، چې په کې ملکي وګړیو ته هم ځاني زیان رسېدلی دی.

رویټرز زیاته کړې، چې په تېرو دوه اوونیو کې د طالبانو په بریدونو کې له سل ډېر افغان ځواکونه وژل شوي دي.

دغه راز په افغانستان کې د ناټو او امریکایي ځواکونو قومندان جنرال سکاټ میلر ویلي، چې له افغانستان څخه د بهرنیو ځواکونو منظم وتل پیل شوي دي.

له دې مخکې د امریکا ولسمشر جو بایډن ویلي وه، چې د سپټمبر تر ۱۱ به له افغانستان څخه ټول امریکایي سرتېري وباسي.

له بلې خوا د وسلوالو طالبانو ویاند ذبیح الله مجاهد پدې اړه څه ندي ویلي؛ خو هغه ویلي وه، چې د می له لومړۍ نېټې وروسته داسې کوم ډاډ نشته، چې پر امریکایي ځواکونو به برید نه کیږي.

همدارنګه د افغانستان لپاره د امریکا ځانګړي استازي زلمي خلیلزاد په دوحه کې د طالبانو د خبرو اترو له ډلې سره د سولې د روانو خبرو په اړه خبرې کړې دی.

په قطر کې د طالبانو سیاسي دفتر ویاند ویلي؛ د ملا برادر په مشرۍ طالب استازیو له خلیلزاد سره کتلي؛ دواړو لوریو د افغانستان پر اوسني وضعیت، بندیانو او د سولې پر روان بهیر خبرې کړې دي.

دا په داسې حال کې ده، چې طالب ویاند نعیم وردګ په خپل یوه ټویټ کې د امریکایي اډو د ساتنې ادعا بې بنسټه بولي او وایي، چې دغه څرګندونې حقیقت نلري.

تازه خبرونه

د اسلامي اردو پر جوړولو  منظم او داډمن کار روان دی – دفاع وزارت

Published

on

(Last Updated On: سلواغه ۵, ۱۴۰۱)

د هېواد د وسلوالو ځواکونو لوى درستيز ويلي؛ د اسلامي امارت او دفاع وزارت لخوا د اسلامي اردو پر جوړولو منظم او ډاډمن کار روان دی.

د ملي دفاع وزارت ستر درستیز فصيح الدين فطرت د مخابرې ریاست د سرتېرو د فراغت په مراسمو کې ویلي؛ اسلامي امارت او دفاع وزارت تل د یوې داسې اردو د جوړولو هحې کړي، چې د ایمان او عقیدې پر وسله سمبال وي؛ ځکه، چې د اسلامي امارت ځواکونو په همدې وسلې د نړۍ د قدرتونو پر وړاندې بریا ترلاسه کړې ده.

دغه لوړپوړي امنيتي چارواکي له فارغو شویو سرتېرو وغوښتل، چې د خلکو او هېواد خدمت ته ژمن پاتې شي او په پوره اخلاص او صداقت ګامونه پورته کړي.

د هېواد دغه لوړ پوړي دفاعي چارواکی زیاته کړې، چې د اسلامي امارت ځواکونه د اطاعت له پلوه په نړۍ کې ساری نلري.

د ده په وینا د سرتېرو لخوا د خپل مشر اطاعت د نړۍ پر زبرځواکونه بریا ته ورسول.

نوموړي په افغانستان کې د اسلامي نظام د ټينګښت لپاره د اسلامي امارت د رهبرۍ اطاعت مهم وباله.

د مخابرې ریاست دې سرتېرو درې میاشتنۍ زده‌کړې بشپړې کړې او د فراغت سندونه یې ترلاسه کړل.

Continue Reading

تازه خبرونه

اسلامي امارت په هېواد کې معیاري ښوونیزو خدمتونو ته ژمن دی

Published

on

(Last Updated On: سلواغه ۶, ۱۴۰۱)

پرون د پوهنې وزارت د پوهنې د نړیوالې ورځې په مناسبت په یوه اعلامیه کې ویلي، چې زده‌کړه د هر افغان لپاره لازمه ده او دا وزارت ژمن دی، چې په هېواد کې معیاري ښوونیز خدمتونه وړاندې کړي.

په دې اعلامیه کې ویل شوي، چې زده‌کړه د هر افغان لپاره لارمه ده او اسلامي امارت ژمن دی، چې معیاري تعلیمي خدمتونه وړاندې کړي.

په اعلامیه کې راغلي، چې نړۍ باید دغه وزارت د معیاري تعلیمي خدمتونو په وړاندې کولو کې یوازې پرې نږدي.

د پوهنې وزارت په اعلامیه کې راغلي: د پوهنې وزارت خپلو خلکو او نړیوالې ټولنې ته ډاډ ورکوي، چې اسلامي امارت تعلیم او زده‌کړه د هر افغان لپاره اړینه ګڼي، له اقتصادي محدودیتونو سره سره یې ۱۹۰۰۰ ښوونځي او ۱۳۰۰۰ دیني مدرسې پرانیستي دي او دوه نیم میلیون نجونې هم ښوونځیو ته ځي.

د امریکا د بهرنیو چارو وزارت او د ملګرو ملتونو تعلیمي او فرهنګي ټولنې یا یونسکو دواړو ویلي، چې افغان ښځې او نجونې د زده‌کړو له حقه بې برخې دي.

د یونیسکو عمومي منشي آډري ازولي وایي: یونسکو غواړي سږکال دا ورځ افغان ښځو او نجونو ته ځانګړې کړي، مونږ غواړو، چې د ښځو او نجونو د کار او زده‌کړې حقونه پرته له ځنډه دوی ته ورکړ شي. د ښځو د کار او زده‌کړې پر وړاندې جګړه باید ودرول شي؛ ځکه هره نجلۍ او هلک د زده‌کړې حق لري.

ځینې محصلینې او زده‌کوونکې  له اسلامي امارته غواړي، چې تعلیمي او تحصیلي بندیزونه لرې کړي او دوی ته درسونو ته د ستنېدو اجازه ورکړي.

یو شمېر کارپوهان وايي، چې زده‌کړو ته لاسرسی د ټولنې د هر غړي اساسي او بشري حق دی او باید دا حق له هیچا وانه خیستل شي.

اسلامي امارت پر نجونو د ثانوي او پوهنتوني زده‌کړو محدویتونه دایمي نه بولي؛ خو تمې دادي، چې په را روان پسرلي کې به د نجونو پر مخ د ښوونځیو او پوهنتونونو دروازې پرانیستل شي.

Continue Reading

تازه خبرونه

کابلوف د افغانستان پر ورستیو تحولاتو د خبرو لپاره پاکستان ته سفر کړی

Published

on

(Last Updated On: سلواغه ۵, ۱۴۰۱)

د افغانستان لپاره د پاکستان استازي محمد صادق څرګنده کړې؛ د افغانستان لپاره د روسیې ځانګړي استازي ضمیر کابلوف د سیمې پر وروستیو تحولاتو د خبرو لپاره پاکستان ته سفر کړی دی.

محمد صادق د سه شنبې پر ورځ تویت کړ، چې له کابلوف سره یې د مسکو او اسلام‌آباد ترمنځ د نږدې همکارۍ پر اړتیا هم خبرې کړې دي. هغه کابلوف د پام وړ ښه او پوه دیپلومات په توګه وستایه.

کابلوف پاکستان ته له سفر مخکې په افغانستان کې د اسلامي امارت له لوړ پوړیو چارواکو سره هم کتلي دي.

د افغانستان د بهرنیو چارو وزارت د ویاند مرستیال حافظ ضیا احمد تېره اوونۍ څرګنده کړې وه، چې کابلوف د بهرنیو چارو له وزیر امیرخان متقي سره لیدلي او ټینګار یې کړی، چې روسیه د غربي حکومتونو په څېر نیوکې نکوي.

نوموړي زیاته کړې؛ کابلوف ویلي، هېواد یې په افغانستان کې اقتصادي پرمختګ او ثبات لیدل غواړي او د افغانستان په کورنیو چارو کې د دولت پر چارواکو نیوکې او لاسوهنه نکوي.

Continue Reading

Trending

Copyright © 2022 Ariana News. All rights reserved!