Connect with us

تازه خبرونه

طالبانو په ۱۰۶ ولسوالیو کې ۲۶۰ حکومتي ودانۍ ویجاړې کړي – حکومت

Published

 on

(Last Updated On: چنګاښ ۲۴, ۱۴۰۰)

د اداري سمونونو او ملکي خدمتونو کمیسیون مشر نادر نادري وایي، چې وسلوالو طالبانو په وروستیو اوونیو کې لږ تر لږه  ۱۰۶ ولسوالیو ۲۶۰ حکومتي ودانۍ ویجاړې او یا سوځولي دي.

د اداري سمونونو او ملکي خدمتونو کمیسیون مشر نادر نادري نن پنجشنبه د چنګاښ ۲۴ یوې خبري ناستې ته یو لړ موندنې وړاندې کړې او څرګندوي، چې ۲۶۰ حکومتي ودانۍ یې ورانې کړي، د ملکي خدمتونو پنځوس زره کارکوونکي یې زیانمن کړي، ۱۱۲ پراختیایي پروژې یې درولي او په ۳۵ ولسوالیو کې یې پنځوس سلنه عامه ادارې لوټ او غلا کړي دي.

هغه ویلي: طالبانو د درې میاشتني اوربند وړاندیز کړی؛ خو په بدل کې یې د ملګرو ملتونو له تور نوملړه د هغو د یو شمېر مشرانو د نومونو لرې کولو او د ۷۰۰۰ بندیانو د خوشې کولو غوښتنه کړې ده.

نادر نادري ویلي، چې دا شرایط ډېر درانده دي او د اووه زره بندیانو خوشې کول، چې خوشې کېدنې یې په تېرو کې تاوتریخوالی ډېر کړی دی.

د نادر نادري  موندنې ښيي؛ طالبانو په تر خپل ولکې لاندې سیمو کې وېره خپره کړې او د ملکي خدمتونو څلور زره کارکوونکي بې ځایه شوي، چې عاملین یې باید د نړیوالو قوانینو له مخې عدالت ته راکاږل شي.

د افغانستان د بشري حقونو خپلواک کمیسیون ویلي، چې طالبانو د کندوز، بدخشان، فاریاب او تخار ولایتونو په ځینو سیمو کې خپل قوانین لګولي او سړیو ته یې ویلي، چې پګړۍ پر سر او ږیره هم پرېدي.

د افغانستان د بشري حقونو خپلواک کمیسیون ویاند ذبیح الله فرهنګ ویلي، چې طالبانو تر خپل کنترول لاندې سیمو کې پر ښځو سخت محدودیتونه لګولي او سړیو ته یې د پګړیو پر سر کولو او ږیرو پرېښودو امر کړی؛ خو طالبان دا خبرې ردوي.

د افغانستان د سمون غوښتونکیو بهیر مرستیاله حسینه رفیع ټینګار کوي، چې د خپلو لپاره مبارزه کوي او نه ترې په شا کیږي.

د بشري حقونو خپلواک کمیسیون د رپوټ له مخې: د چنګاښ په ۱۵ لومړیو ورځو کې د جګړې شدت سبب شو، چې ۱۹۱ کسان ژوند وبایلي، چې ۱۴۸ یې نرینه، ۱۴ ښځې او نهه ویشت ماشومان دي. دغه راز ۱۰۵۹ کسان، چې ۵۴۸ یې نرینه، ۱۱۷ یې ښځې او ۳۹۴ ماشومان دي، ټپیان شوي.

دا په داسې حال کې ده، چې د بادغیس والي حسام الدین شمس د څرګندونو له مخې؛ طالبانو په بادغیس کې د مشرانو او مخورو پر منځګړیتوب  اوربند کړی، جګړه یې پای ته رسولې او د قلعه نو له شاوخوا سیمو وتلي دي؛ خو طالبانو په دې اړه څه ندي ویلي.

تازه خبرونه

د احمدشاه بابا له نړیوال هوايي ډګره نړیوالې الوتنې پیل شوې

Published

on

(Last Updated On: سلواغه ۱۷, ۱۴۰۱)

د احمدشاه بابا نړیوال هوایي ډګر  رییس حافظ عصمت الله څرګنده کړې؛ له کام ایر هوایي شرکت سره مو په ګډه د الوتنو د ترسره کولو هڅي کړي او نن رسماً د کندهار او دوبۍ ترمنځ دوه اړخیز پرازونه پيل شول.

د کندهار زون د کام ایر هوايي شرکت مسوول مولوي نورعلي حیدري ویلي: د کندهار سوداګريزو اړتیاوو اړ کړو، چي د کندهار او دوبۍ ترمنځ کام ایر هوايي شرکت دوه اړخیز پروازونه پيل کړي.

د نوموړي د څرګندونو له مخې؛ له دې وروسته به له کندهار څخه د شنبې پر ماښام دوبۍ ته او د یکشنبې پر سهار له دوبۍ څخه کندهار ته پروازونه ولرو.  

د يادونې ده، چې په نږدې راتلونکي کې به د کندهار- ډيلي او کندهار- چين ترمنځ دوه اړخيزې الوتنې هم پيل شي.

Continue Reading

تازه خبرونه

اسلامي امارت په افغانستان کې د مرستو رسول له خطر سره مخ کوي – د امریکا استازی

Published

on

(Last Updated On: سلواغه ۱۶, ۱۴۰۱)

د افغانستان لپاره د امریکا ځانګړی استازي ويلي؛ په سویس کې د مرستندویه ټولنو استازیو منلې، چې په بهرنیو ادارو کې د ښځو پر کار بندیز میلیونونه خلکو ته د بشري مرستو رسول ستونزمن کړي دي.

نن یکشنبه د افغانستان لپاره د امریکا ځانګړي استازي تام ویست څرګنده کړې، چې په ژنیو کې یې د ملګرو ملتونو له لوړپوړیو چارواکو، د روغتیا نړیوالې ټولنې (WHO) له چارواکو، د مهاجرت نړیوالې ټولنې او نورو مرستندویه موسسو سره، چې له افغانستان سره د مرستې لپاره کار کوي، وکتل او د دغه هېواد د وضعیت په اړه یې تفصیلي خبرې وکړې.

 تام ویست ټینګار کوي، چې د بشري حقونو وضعیت مخ پر خرابېدو دی؛ کار او زد کړو ته د ښځو او نجونو له لاسرسي باید ملاتړ وشي.

ټام ویست وايي؛ په دې غونډه کې ټولو ومنله چې په نړیوالو ادارو کې د ښځو پر کار بندیز میلیونونو خلکو ته د بشري مرستو رسول ستونزمن کړي دي.

تام ویست وایي: له نېکه مرغه مونږ د روغتیا نړیوالې ټولنې او نورو مرستندویه موسسو له مشرتابه سره، چې ټول په افغانستان کې د خلکو د ژوند پر ژغورلو بوخت دي وکتل. دوی ټول پدې باور دي، چې د طالبانو تګلارې په افغانستان کې میلیونونو اړمنو خلکو ته د بشري مرستو رسول له ګواښ سره مخ کړي دي.

له بلې خوا اسلامي امارت د ویاند مرستیال بلال کریمي ويلي، چې د اسلامي اصولو په رڼا کې کوښښ کوو، چې د هېواد ټولې ستونزې حل شي.هېوادونه د فشار د وسیلې په توګه غیر عادلانه او غیر معقولې پلمې لټوي. د اقتصاد کمزورتیا تازه ستونزه نده، بلکې د تېرو کلونو راپدیخوا دې وضعیت دوام موندلی دی.

دغه را زیاته شوې، چې د افغانستان د اقتصاد د ښه والي لپاره یې بېلا بېلې سرچینې په کار اچولي دي.

د اسلامي امارت لخوا د ښځو پر زده‌کړې او کار له بندیزونو وروسته یو شمېر مرستندویه موسسو په هېواد کې خپل فعالیتونه ودرول، چې له کبله یې میلیونونه خلکو ته د بشري مرستو رسول او وېشل ستونزمن شوي دي.

د یادونې ده، چې له دې مخکې تام ویست پاکستان او جرمني ته تللی و او د افغانستان پر حالاتو یې د دې هېوادونو له چارواکو سره خبرې کړې وې.

Continue Reading

تازه خبرونه

تېر کال په افغانستان کې ۶۱۱ نادولتي موسسو نړیوالې هڅې تر سره کړي

Published

on

(Last Updated On: سلواغه ۱۶, ۱۴۰۱)

 د اقتصاد وزارت مسوولین وايي، چې له دې وزارت سره ۲۵۷۰ نادولتي موسسې ثبت او راجستردي، چې په ۲۰۲۲ ز. کال  کې ترې ۶۱۱ هغو په هېواد کې نړیوال فعالیتونه ترسره کړي دي.

د اقتصاد وزارت مسوولینو ويلي، چې په هېواد کې له ۲۵۷۰ کورنیو او بهرنیو نادولتي مواسسو څخه ۶۱۱ فعالیت لري، چې ډېرې یې د هېواد په  بیلا بیلو ولایتونو او مرکز کې د ملګرو ملتونو د بشري مرستو  اړوند فعالیتو نه ترسره کوي.

د اقتصاد وزارت مسوولینو ويلي، چې د دغو نادولتي موسسو له ټولو پروګرامونو څخه په منظم ډول  څارنه لري او تر دېره بریده یې د اقتصادي وزارت له و ضع شويو  ټولو اصول سم خپل فعالیتونه ترسره کړي دي.

د اقتصادي  وزارت مسوولین وايي؛ هغه نادولتي موسسو، چې تر اوسه یې د خپل فعالیت راپور  ندی ورکړی؛ عالت يي هم د مالي تمویل کمښت او د فعالیتونو نشتوالی دی.

د اقتصاد وزارت ویاند عبدالرحمان حبیب وایي: له دغو ۶۱۱ نادولتي موسسو څخه ۳۸۰ یې پروژې درلودې او خپل شپږ میاشتیني راپورو نه يي ورکړي او پاتي نورې موسسې فعاله دې؛ خو تردې د مه پروژه نلري.

د اقتصادي چارو یو شمېر پوهان هم له اسلامي امارته غوښتنه کړې، چې په هېواد کې د نادولتي  مواسسو د فعالیتو لپاره نورې اسانتیاوې هم رامنځته کړي، چې دوی و کولی شي له نړیوالو ټولنو سره د همغږۍ له مخې خپلو هېوادوالو ته خدمتونه وړاندې کړي.

دغه راز دوی د هېواد اوسنیو اقتصادي شرایطو له مخې په هېواد کې د نادولتي موسسو فعالیتونه خورا اغېزمن بولي.

د خصوصي سکتور غړی عبد النصیر رشتیا وایي: زمونږ په هېواد کې دمګړۍ خلک له فقر او بیکارۍ  ځوریږي او اوسنیو شرایطو کې خورا اړینه ده، چې د اقتصاد وزارت نور هم نادولتي موسسو د فعالیت ساحه پراخه کړي.

د اقتصادي وزارت مسوولینو ویلي، چې د تېر یوه کال په لړ کې نږدې ۵۰۰ نوې نادولتي موسسو له اقتصاد وزارت سره نوملیکنه کړې ده.

د دې  وزارت مسوولینو زیاته کړې، چې په هېواد کې ورځ  تر بلې د نادولتي موسسو لپاره قانوني چو کاتونه منظم کیږي او د دوی فعالیتونه هم  د پرا ختیا په حال کې دي.

Continue Reading

Trending

Copyright © 2022 Ariana News. All rights reserved!