Connect with us

تازه خبرونه

طالبان باید د افغانستان اشغال پای ته ورسوي – ترکیه

Published

 on

(Last Updated On: چنګاښ ۲۸, ۱۴۰۰)

د ترکیې ولسمشر رجب طیب اردوان نن دوشنبه د چنګاښ ۲۸ یوې خبري غونډې ته ویلي، چې طالبان باید د افغانستان اشغال پای ته ورسوي.

اردوغان زیاته کړې، چې که ترکي ځواکونه د کابل هوایي ډګر ساتلو ته پاتې شي؛ طالبان دې ترکي ځواکونو ته له ګواښه باید ډډه وکړي.

اردوغان ویلي، چې د طالبانو چلند مناسب نه و، چې یو مسلمان له بل سره مخ شي.

هغه په دې اړه ویلي: طالبان باید د خپلو وروڼو د خاورې اشغال پای ته ورسوي او نړۍ ته وښیي، چې په افغانستان کې سوله رامنځته کیږي.

دغه راز فرانس پریس په ډاګه کړې، چې ترکیه غواړي له طالبانو سره د کابل هوایي ډګر د اداره کولو او ساتنې په اړه خبرې وکړي.

دا په داسې حال کې ده، چې له دې څرګندونو مخکې ترکیې په مشروط بڼه د کابل هوایي ډګر د ادارې او ساتنې وړاندیز کړې او په دې اړه ویل شوي وه، چې دوی په دې برخه کې د امریکا مالي، لوژیستیکي او سیاسي مرستې ته اړتیا لري.

تازه خبرونه

په کابل ښار کې د ځمکې کرې نقشه یوازې سمبولیکه بڼه لري – کابل ښاروالۍ

Published

on

(Last Updated On: ليندۍ ۱۷, ۱۴۰۱)

له هغې وروسته، چې د کابل ښار د دهن باغ په اړوند سیمه کې د “ځمکې” په بڼه د یوه څلي پر جوړولو نیوکې ډېرې شوې؛ کابل ښاروالۍ په ډاګه کړه، چې له جوړېدو یې موخه یوازې د ښار ښکلا ده نه سیاسي موخې.

کابل ښاروالۍ ويلي؛ دا اداره یوازې یوه کاري اداره ده او په هیڅ بڼه نشي کولی، چې سیاسي او نظامي بڼه خپله کړي.

د کابل ښاروالۍ د څرګندونو له مخې: د ځمکې په کُره کې، چې کومه نقشه لیدل کیږي؛ یوازې سمبولیکه نقشه ده او حقیقي هم نده.

دغه بنسټ په یوه ویدیويي پیغام کې ویلي: زمونږ موخه دا ده، چې د افغانستان نقشه یو څه زوم (نږدې) او روښانه کړو. په دې برخه کې کوم سیاسي هدف نشته.

نوموړي په دغه پيغام کې زياته کړې: دا ډول نيوکې د کابل ښاروالۍ د ښار ښکلا او د پراختيايي پلانونو د پلي کولو اراده تر پوښتنې لاندې نشي راوستلى.

دا په داسې حال کې ده، چې کابل ښاروالۍ د دهن باغ په اړوند څلور لاري کې د ځمکې اته متریزه څلی جوړ کړی، چې د افغانستان نقشې او کچې پرې بېلابېل غبرګونونه راپارولي دي.

Continue Reading

تازه خبرونه

له افغانستان څخه د وسلو د قاچاق هڅه شنډه شوه

Published

on

(Last Updated On: ليندۍ ۱۷, ۱۴۰۱)

د ننګرهار ولایت سیمه ییزو چارواکو د چارشنبې پر ورځ څرګنده کړې، چې د تورخم پر پوله د ګمرک چارواکو پاکستان ته د وسلو او مهماتو د قاچاق هڅه شنډه کړې ده.

یوه چارواکي، چې وسلې یې نندارې ته وړاندې کړي وایي؛ دا هڅه له هغې وروسته شنډه شوه، چې دوی ته پر انارو د بار لارۍ د ثبت شوي نمبر E-3657 خبر ورکړ شو؛ لارۍ مو له پولې څخه د تېرېدو په حال کې ودروله.

د ګمرک مشر امجد الرحمان ويلي؛ پېښور ته پر لاره لارۍ مو ولټوله؛ په امریکا کې جوړې شوې ۱۶ تودې وسلې او یو شمېر مهمات مو ترې راوویستل، چې د لارۍ په پټو غارونو کې پټې شوې وې.

نوموړي ويلأ؛ نيول شوې وسلې په پاکستان کې منع دي او د ترهګرۍ په اړوند پېښو کې کاریږي.

ویل کیږي، چې د لارۍ موټر چلوونکي د پېښې له ځايه تښتېدلى؛ خو په اړه یې څېړنې روانې دي.

Continue Reading

تازه خبرونه

په افغانستان کې نږدې ۹۰۰ زره ماشومان له ډنګرېدنې ځوریږي – یونیسف

Published

on

(Last Updated On: ليندۍ ۱۶, ۱۴۰۱)

د ملګرو ملتونو د ماشومانو وجهي صندوق (یونیسف) څرګنده کړې، چې په افغانستان کې د ماشومانو د درملنې او له بشري ناورین سره د مبارزې لپاره بېړنۍ مرستې ته اړتیا لري.

یادې ټولنې نن (چارشنبه د لیندۍ ۱۶) په ډاګه کړې، چې په افغانستان کې شاوخوا ۸۷۵ زره ماشومان د وزن له کمېدو سره مخ دي.

د ماشومانو دغه خیریه موسسه وايي، په ۲۰۲۳ ز. کال کې د ماشومانو د درملنې او د بشپړې خوارځواکۍ د مخنیوي لپاره مرستې ته اړتیا لري.

دغه راز یونیسف پرون د یوې بشري غوښتنې له لارې څرګنده کړې، چې ماشومان په ټوله نړۍ کې له یوه تاریخي ناورین سره مخ دي.

دې ټولنې د ۲۰۲۳ ز. کال لپاره د ۱۰ اعشاریه ۳ میلیارد دالرو غوښتنه وکړه، چې په ټوله نړۍ کې پرې د ۱۱۰ میلیون ماشومانو روغتیایي ستونزې حل کړي.

Continue Reading

Trending

Copyright © 2022 Ariana News. All rights reserved!