Connect with us

تازه خبرونه

طالبان دې بهرنیانو ته د کارکولو پر ځای د حکومت ملګرتیا وکړي – اشرف غني

خپور شوی

 په

(Last Updated On: چنګاښ ۱۹, ۱۴۰۰)

د افغانستان ولسمشر اشرف غني په خوست ولایت کې یوې ولسي ناستې ته د خبرو پر مهال ټینګار کړی، چې طالبان د بهرنيانو د ګټو لپاره جګړه کوي.

ولسمشر غني نن شنبه د چنګاښ پر ۱۹ د یو لوړپوړي پلاوي پر مشرۍ خوست ولایت ته ولاړ او لومړی یې د خوست هوایي ډګر پرانیسته وکړه او بيا یې له متحده عربي اماراتو څخه په یوه الوتکه کې رارسېدلیو خوستیانو ته هم ښه راغلاست ووایه.

وروسته بیا ولسمشر اشرف غني په خوست کې له مشرانو، متنفذینو، ځوانانو او د بېلابېلو اقشارو استازیو سره په یوه ولسي غونډه کې خلکو ته د بېخبنایي پروژو د پلې کولو د ژمنې تر څنګ وویل: له طالبانو پوښتم؛ چاته جګړه کوئ؟ د افغانستان لپاره جنګیږئ او که غواړئ دا هېواد د نورو غلام کړئ؟ که له افغانستان سره مینه لرئ؛ ومنئ، چې د ډیورنډ کرښه مو نده منلې، ډاډ راکړئ، چې افغانستان له څلور لاري، یوې لارې ته نه بدلوئ، ژمنه وکړئ، چې د نورو غلامي نکوئ!  

ولسمشر اشرف غني د خوست ولایت مشرانو ته یو ځل بیا پر طالبانو د نیوکې پر مهال څرګنده کړې، چې که طالبان شریعت پېژني؛ باید سوله وکړي.

نوموړی له طالبانو پوښتي؛ د الله پاک شریعت منئ؟ راشئ کېنئ. هغوی وایي، چې نه! له امریکا سره هوکړه.  آیا له امریکا سره هوکړه له اسلامي شریعته هم پورته ده؟ امریکایي؛ خو ولاړ له چا هوکړه غواړئ؟ فکر کوئ، چې بندیان مو له مونږ پرته بل څوک خلاصولی شي! د دې جګړې ملامتي د طالبانو پر غاړه ده.

ولسمشر غني د افغانستان جګړه د دوزخ له دروازو سره تشبیه کړه او زیاته یې کړه، چې د ورځې د ۲۰۰ او ۶۰۰ تنو ترمنځ د بیګناه وګړیو وژل کېدل او دارنګه د بېخبناوو له منځه وړل هېچا ته ګټه نه رسوي.

هغه ویلي: ځینې شک کوي، چې دوی له کوم ځایه راځي؟ څوک په دې شک کې دې، چې ځایونه یې چرته دي؟ مونږ له ټولو سره سوله غواړو؛ د دوزخ په دروازو کې یئ یا نه؟ که د ورځې ۲۰۰ او ۴۰۰ کسان او یا ۶۰۰ کسان وژل کیږي ګټه یې چاته ده، که ودانۍ سوځي او بېخبناوې ړنګیږي ګټه یې چاته رسیږي؟

ولسمشر غني دلته د خوست له خلکو سره ژمنه وکړه، چې بېخبنايي پروژې به ورته عملي کړي او ټینګار يې وکړ، چې د افغانستان خلک باید متحد شي له دې پرته به شپږ نسله الله پاک ته ځواب ویوونکي وي.

تازه خبرونه

د حج د چارو د تنظيم، سمون او ترسره کولو ملي کمیټه ومنل شوه

خپور شوی

په

توسط

(Last Updated On: غبرګولى ۱, ۱۴۰۱)

د افغانستان اسلامي امارت د ویاند مرستیال ویلي، چې د کابینې د پرېکړې پر بنسټ د ترانسپورت او هوايي چلند وزارت د حج د چارو د تنظیم، سمون او ترسره کولو ملي کمیټه جوړه او طرحه یې تصویب شوه.

د افغانستان اسلامي امارت د ویاند مرستیال انعام الله سمنګاني زیاته کړې؛ د حج د چارو د تنظیم، سمون او ترسره کولو ملي کمیټه د لومړي وزیر د مرستیال عبدالسلام حنفي په مشرۍ او د حج او اوقافو ریاستونو، هوايي ډګرونو، هوایي چلند او ترانسپورت، عدلیې، مالیې، بهرنیو چارو، کورنیو چارو وزارتونو، ریاستونو او سوداګرۍ نونې د استازیو په ګډون یوه کمېټه جوړه شوې ده.

د یادونې ده، چې په ولایتونو کې به د دې کمیتې مشري د والي د مرستیال پر غاړه وي.

Continue Reading

تازه خبرونه

هیچا ته به د ګډوډۍ رامنځته کولو اجازه ورنکړ شي – مولوي محمد یعقوب مجاهد

خپور شوی

په

توسط

(Last Updated On: غویی ۳۱, ۱۴۰۱)

د اسلامي امارت د دفاع وزارت چارسمبالي مولوی محمد یعقوب مجاهد تېره ورځ پنجشیر ولایت ته په سفر کې ډاډ څرګند کړی، چې هیچا ته به د ګډوډۍ د رامنځته کولو اجازه ورنکړ شي.

نوموړي د دغه ولایت له خلکو، قومي مخورو او امنیتي مسوولینو سره وکتل او له خلکو یې وغوښتل، چې د دښمن پر تبلیغاتو ونه غولېږي او خپل عادي ژوند روان وساتي.

مولوي محمد یعقوب مجاهد د دې ولایت د خلکو وړاندیزونه هم واورېدل او پر خلکو یې غږ وکړ، چې د نظم په ټینګښت کې له خپلو چارواکو سره پوره همکاري وکړي.

نوموړي ډاډ ورکړ، چې هیڅ ډول وسلوالو ته به اجازه ورنکړ شي، چې امنیت ګډوډ کړي.

د ملي دفاع وزارت چارسمبالي د دغه ولایت امنیتي وضعیت ښه وګاڼه او د اسلامي امارت د مسوولینو او ځواکونو له کړنو او دندو څخه یې ستاینه وکړه.

د یادونې ده، چې مجاهد د امنیت د خوندي ساتنې په اړه اړوند مسوولینو ته لازمې لارښوونې هم وکړې.

Continue Reading

تازه خبرونه

اسلامي امارت له رسنیو خپل ملاتړ روان ساتي – مجاهد

خپور شوی

په

توسط

(Last Updated On: غویی ۲۹, ۱۴۰۱)

د اسلامي امارت ویاند ویلي، چې حکومت له رسنیو او خبریالانو سره همکاري کوي او رسنۍ دې هم په خپلو خپرونو کې اسلامي ارزښتونه، د رسنیو اصول او ملي ګټې په پام کې ونیسي.

د اسلامي امارت ویاند ذبیح الله مجاهد نن پنجشنبه د غويي ۲۹ د مطبوعاتو د آزادۍ د نړیوالې ورځې په نمانځغونډه کې څرګنده کړې چې د رسنیو د سرغړونو کمیسیون نن خپل کار پیل کړی او اطلاعاتو ته د لاسرسي هغه به هم په نږدې راتلونکي کې خپل کار پیل کړي.

د ذبیح الله مجاهد د څرګندونو له مخې؛ اسلامي امارت د اسلامي شریعت په چوکاټ کې د رسنیو ملاتړ ته ژمن دی. نوموړي پر رسنيو غږ وکړ، چې په خپلو خپرونو کې ملي ګټې او اسلامي ارزښتونه پام ونيسي.

نوموړی وایي: حکومت له رسنیو سره اقتصادي ملاتړ ته دوام ورکوي او مونږ غواړو، چې د رسنیو ستونزې صفر ته راکښته کړو.

هغه له رسنیو وغوښتل، چې د اسلامي اصولو پر بنسټ د رسنیو فعالیت تروان وساتل شي.

د اطلاعاتو او فرهنګ وزارت د معلوماتو له مخې، د تېر حکومت له نسکورېدو وروسته اوسمهال په هېواد کې ۱۹۸ چاپي او غږیزې رسنۍ شته، چې ۱۷۰ رسنۍ له اقتصادي ستونزو له کبله تړل شوې دي.

د اطلاعاتو او فرهنګ وزارت د خپرونو مشر عبدالحق حماد ويلي: ډېري رسنۍ، چې بندې دي؛ مسوولين يې له افغانستان څخه وتلي او نورې يې د بهرنيانو په ملاتړ پورې تړلې وې، چې اوس فعالې ندي.

په افغانستان کې وروستیو سیاسي پرمختګونو د رسنیو پر وضعیت هم اغېز کړی، چې د راپورونو له مخې د یو شمېر رسنیو د تړل کېدو له کبله د رسنیو شاوخوا ۶۰۰۰ کارکوونکطو خپلې دندې له لاسه ورکړې دي.

Continue Reading

Trending

Copyright © 2022 Ariana News. All rights reserved!