Connect with us

تازه خبرونه

طالبان د جګړې غځولو لپاره نوره پلمه نلري – اشرف غني

Published

 on

(Last Updated On: وری ۳۰, ۱۴۰۰)

د افغانستان ولسمشر محمد اشرف غني د یکشنبې پر ورځ له سي ان ان سره په مرکه کې د افغانستان او ویټنام د جګړې ورتوالی او هغه اندېښنې رد کړې، چې د امریکایي ځواکونو له وتلو وروسته به د افغانستان حکومت او دولت سقوط وکړي.

ولسمشر دا هم په ډاګه کړې؛ اوس هغه وخت رارسېدلی، چې افغانستان د امریکا او نړیوالې ټولنې له ۲۰ کلن شتون وروسته خپل ملي حاکمیت ترلاسه کړي.

نوموړی وایي: په تېرو دوه کلونو کې افغان ملي، دفاعي او امنیتي ځواکونو ۹۰ سلنه عملیات ترسره کړي دي.

اشرف غني څرګنده کړې، چې د امریکایي سرتیرو د وتلو له اعلان سره یوه لوبه بدله کړه؛ خو اوس هغه وخت رارسېدلی، چې طالبان او پاکستان هم غوراوي ولري.

اشرف غني پوښتي، چې: آیا دوی به د سولې لار او که د ګډوډۍ  او دښمنۍ هغه خپله کړي.

غني ویلي، چې طالبان نور د جګړې غځولو لپاره پلمې نلري. اوس نړیوال ځواکونه له افغانستان څخه وځي او دوی د جګړې لپاره هیڅ دیني جواز هم نلري.

هغه زیاته کړې، چې سیاسي جوړجاړی اړین دی؛ خو د لوبې توپ اوس د طالبانو په ډګر کې دی.

د نوموړي د څرګندونو له مخې؛ هغه هیڅکله د سولې خنډ شوی ندی؛ خو د ټرمپ ادارې د قربانی د پسه په توګه کارولی دی.

هغه ویلي، چې د سولې په لاره کې د یو خنډ پر تور هم تورن شوی دی.

هغه زیاته کړې؛ ده د ټرمپ له ادارې غوښتي وه، چې د سرتېرو د وتلو په اړه له افغان حکومت سره معامله وکړي، نه له طالبانو سره.

اشرف غني د طالبانو د راتلونکيو هڅو په اړه ویلي، چې طالبان باید رامنځته شوي پرمختګونه ومني، چې یو سیاسي جوړجاړي ته ورسیږي او د ټاکنو له لارې د سولې دولت رامنځته شي.

هغه دا هم په ډاګه کړې، چې د پاکستان مشرانو یوازې ویلي؛ دوی نه غواړي، چې طالبان حاکم شي  او هیله من دي، چې په افغانستان کې یو باامنه، با ثباته او ډیموکراټیک حکومت وګوري.

هغه زیاته کړې، چې افغانستان د دوی د هوساینې کونجي ده.

نوموړی وایي: پاکستان دوه غوراوي لري؛ د یو باثباته افغانستان په ګټه کې برخه اخیستل یا د ګډوډۍ غوره کول.

هغه ویلي؛ پاکستان هغه هېواد دی، چې په افغانستان کې به له کورنۍ جګړې ډېر اغېزمن شي.

غني د پاکستان په اړه ویلي، چې پاکستان د سیمه ییز ثبات پر مرکز بدلیدلی شي. د چین په اړه هغه ډاډمن دی، چې بیجینګ به په سیمه ییزه شخړه کې ښکېل نشي او وایي، چې افغانستان د امریکایي سرتېرو له وتلو وروسته ځایناستی نه غواړي.

د ولسمشر اشرف غني دغه څرګندونوې له هغې وروسته راپورته کیږي، چې تېره اوونۍ د امریکا ولسمشر جو بایډن او د ناټو عمومي منشي ینس سټولټنبرګ په ډاګه کړه، چې له افغانستان څخه به د ټولو بهرنيو سرتېرو وتل د روان کال د می له لومړۍ پیل او د سپټمبر پر ۱۱ بشپړ شي.

سپینه ماڼۍ ويلي، چې د نړیوالو سرتېرو له وتو وروسته د افغانستان د راتلونکي ضمانت هیڅوک هم نشي کولی.

د سپینې ماڼۍ د ملي امنیت سلاکار جک سالیوان وایي: دا ډاډ نشم ورکولی، چې د سرتېرو له وتو وروسته به په افغانستان کې څه پېښيږي. دا ضمانت هیڅوک نشي کولی.

تر سپتمبر میاشتې پورې له افغانستان څخه د ټولو نړیوالو پوځونو د وتو له اعلان وروسته د افغان سولې لپاره پیل شوې هڅې یو ځل بیا له ستونزو سره مخ شوې دي.

 طالبانو ويلي، چې د استانبول په غونډه کې ګډون نکوي؛ خو ملګري ملتونه او امریکا غواړي، چې د سرتېرو له ایستلو مخکې په افغانستان کې ښکېلې خواوې سیاسي جوړ جاړي ته ورسيږي.

تازه خبرونه

ټاکل شوې په کابل کې د دیني عالمانو او مخورو لویه غونډه جوړه شي

Published

on

(Last Updated On: چنګاښ ۷, ۱۴۰۱)

ټاکل شوې، چې د چارشنبې پر ورځ د چنګاښ پر ۸ به په کابل کې د دیني عالمانو او ولسي مخورو ستره  درې ورځنۍ غونډه پیل شي.

ویل کیږي، چې په دې غونډه کې به له ۳۴ ولایتونو څخه شاوخوا ۳۰۰۰ دیني عالمان او قومي مخور مشران ګډون وکړي، چې له اوسني کړکېچ څخه د افغانستان او خلکو د وتلو لپاره د حل لارې لټول یې یوه بنستیزه موخه یاده شوې ده.

د یادې غونډې ګډونوال به خپل اندونه او وړاندیزونه د اسلامي امارت مشرتابه ته وړاندې او راتلونکیو پرېکړو ته به زمینه برابره کړي.

سیاسي شنونکی توریالی همت وایي: د هغو معلوماتو له مخې، چې زه یې لرم؛ ټول هغه کسان، چې دې غونډې ته رابلل شوي، عالمان، وطن دوستان او خیرخواهان دي. د دې غونډې او نورو غونډو ترمنځ توپیر دا دی، چې د هېوادونو سفیرانو ورته خلک ګمارل؛ خو اوس هغه کسان ټاکل شوي، چې خلکو، هېواد او اسلام ته ژمن دي.

کارپوهان وايي، چې د نجونو د ښوونځیو بیا پرانستل باید د اجنډا په سر کې وي.

د ښځو د حقونو هڅانده ډیوه پتنګ څرګندوي؛ که څه هم تر اوسه د دې غونډې اجنډا نده روښانه؛ خو د هېواد د نورو مسايلو تر څنګ به د نجونو د ښوونځيو بيا پرانيستل د دې غونډې په اجنډا کې د سر ټکی وي.

دغه راز یو شمېر دیني عالمان، چې غونډې ته ببل شوي ندي په اړه یې خپلې اندېښنې او ناخوښي څرګندوي.

تمه دا ده، چې په دې غونډه کې به د هېواد سیاسي، اقتصادي او ټولنیزو ستونزو ته مناسبې حل لارې ولټول شي او د هېواد د راتلونکي لپاره به پلانونو جوړ شي.

Continue Reading

تازه خبرونه

له کوم هېواد یا بهرني شرکت سره د ډبرو سکرو د صادراتو تړون نلرو   

Published

on

(Last Updated On: چنګاښ ۷, ۱۴۰۱)

د کانونو او پترولیم وزارت مسوولینو ویلي؛ د هېواد د کانونو قراردادونه يې له کورنیو شرکتونو سره لاسلیک شوي؛ خو له کوم هېواد یا بهرني شرکت سره د منرالونو د استخراج او صادراتو تړون ندی شوی.

دغه څرګندونې په داسې حال کې راپورته شوي، چې تېره ورځ د پاکستان حکومت له افغانستان څخه پر پاکستانيو کالدارو د ډبرو سکرو د وارداتو د پراخولو پرېکړه کړې ده.

د پاکستان لومړي وزیر د پاکستان د ریل وزارت ته لارښوونه کړې، چې د برښنا فابریکو ته له افغانستان څخه د وارداتي سکرو د چټک رسولو ټول اړین اقدامات تر سره کړي.

نوموړي ویلي، چې که له  افغانستان څخه د ډبرو سکرو د واردتو بهیر چټک شي؛ پاکستان به په کال کې دوه میلیارده ډالرو سپما وکړي.

د کانونو او پترولیم  وزارت ویاند وايي؛ هڅه کوي، چې نړیوالو مارکیټونو ته منرالي او کاني صادرات ولري؛ خو تر اوسه یې د پاکستان په ګډون له نورو هېوادونو او بهرنیو شرکتونو سره د ډبرو سکرو د صادراتو تړون لاسلیک کړی ندی.

د کانونو او پترولیم وزارت ویاند عصمت الله برهان وایي: مونږ تر اوسه له هیڅ هېواد او یا بهرني شرکت سره کوم تړون نلرو. د ډبرو سکرو په برخه کې زمونږ ټول قراردادونه له افغان شرکتونو سره لاسلیک شوي؛ صادرات یې محدود ندي او مونږ ته افغانۍ راکوي.

دغه راز یاد وزارت نن په یوه خبري ناسته کې په ډاګه کړې؛ د هېواد په ۸۰ سیمو کې د ډبرو سکرو کانونه تثبیت شوي، چې له ۱۷ يي استخراج  روان دی او پاتي نور خوندي دي.

د کانونو وزارت د اټکل له مخې؛ په افغانستان کې ۲ میلیارده ۳۵۰ میلیون ټنه د ډبرو سکاره شته.

د مالیې وزارت چارواکو ويلي؛ د افغانستان د ګمرکونو د قانون او د نرخونو د کړنلارې له مخې د هېواد په ګمرکونو کې د ډبرو سکرو د یوه ټن صادراتي بیه له ۹۰ ډالرو څخه ۲۰۰ ډالرو ته لوړه شوې، چې اوس د هېواد په ټولو ګمرکونو کې د پلي کېدو وړ ده.

د افغانستان د ماليي وزارت هم وايي، چې سر له ننه د هېواد د ډبرو سکرو پر یوه ټن صادراتو مو تعروفه له ۲۷ ډالرو څخه ۶۰ ډالرو ته لوړه  کړې ده.

د مالیې وزارت ویاند احمد ولي حقمل ویلي: سر له نن څخه مو ۳۳ سلنه مالیه لوړه کړې او دا به پلي کیږي. د ورځې له ۱۳ زره تنو څخه تر ۱۵ زره ټنو د ډبرو سکارو صادرات لرو. تعروفه مو؛ ځکه لوړه کړې، چې د سړکونو د تخریب مخنیوی وشي او په بندرونو کې مو هم  د وزن د څارنې بهیر قوي کړی دی.

ویل کیږي، چې اوس په نړیوال مارکیټ کې د ډبرو سکرو بیه مخ پر لوړېدو ده او پاکستان غواړي پدې توګه ځانته د دبرو سکرو یوه زیرمه جوړه کړي.

Continue Reading

تازه خبرونه

له ۷۰ سلنې ډېر افغانان له روحي پلوه نا ارامه دي – څېړنه

Published

on

(Last Updated On: چنګاښ ۷, ۱۴۰۱)

د ګالوپ څېړنیز انسټیټیوټ راپور ښيي، چې په تېر کال کې له ۷۰ سلنه ډېر افغانان له روحي پلوه نا ارامه او د نورو هېوادونو د خلکو پر پرتله تر ټولو لږ مثبت عواطف او احساسات یې تجربه کړي دي.

اسلامي امارت دا راپور ردوي او وايي، چې د اسلامي امارت له واکمنۍ وروسته ولس تر بل هر وخت زیات د آرامتیا احساس کړی دی.

د ګالوپ څېړنیز انسټیټیوټ ذهني ارزونې پایلې ښيي، چې په ۲۰۲۱ کال او د دې کال په لومړیو کې ۷۴ سلنه افغانان له منفي عواطفو او احساساتو سره مخ شوي دي. دا څېړنه ښيي، چې افغانان د نړۍ په کچه د هغو کسانو په سر کې دي، چې له رواني پلوه ډېر کړیږي.

د ګالوپ په راپور کې راغلي: افغان ولس په کابل کې د اسلامي امارت له بیا واک ته رسېدو مخکې هم له کړکېچ سره مخ ول؛ ځکه، چې ډېري افغانانو خواړه او سرپناه نلرله.  یوازې لږ شمېر افغانانو د خوندیتوب احساس کاوه او د هر کال پر تېرېدو وضعیت د خرابېدو پر لوري روان و.

افغانان پدې باور دي، چې یوازې سیاسي بدلون نه، بلکې پراخې بې وزلۍ، طبیعي آفتونو، پرلپسې وچکالۍ، بېکارۍ او د نجونو د ښوونځیو تړل کیدو خلک له مثبتو او ښو عواطفو او احساساتو بې برخې کړي دي.

د کابل ښار اوسیدونکی نجیب الله وایي: زمونږ راتلونکی ناڅرګند دی، د هېواد ځوانان بې  برخلیکه دي. د هېواد کدرونه کار نلري او اوس پر سړکونو پېر و پلور لري.

د کابل ولایت اوسیدونکی احمد سیر وایي: د اندېښنې او منفي افکارو ستر علت بېکاري او د زدکړو د زمینې نشتوالی دی.

نقیب الله نومي زدکړیال ویلي ویلي: ارواح پېژندونکي وایي؛ خلک باید امنیتي اقتصادي هوساینه ولري، چې منفي احساسات تجربه نکړي.

اسلامي امارت دغه راپور ردوي او وايي، چې د اسلامي امارت له واکمنۍ او په هېواد کې د جګړې له پای ته رسېدو وروسته خلکو د لومړي ځل لپاره له جګړې پرته ژوند تجربه کړ او په سوله کې د ژوند کولو پر لوري روان دي.

Continue Reading

Trending

Copyright © 2022 Ariana News. All rights reserved!