Connect with us

تازه خبرونه

طالبان د سولې لپاره د ولسمشر اشرف غني ګوښه کېدل غواړي

Published

 on

(Last Updated On: زمری ۱, ۱۴۰۰)

طالبانو په ډاګه کړې: په افغانستان کې د واک انحصار نه غواړي؛ خو تر هغه وخته، چې په افغانستان کې ولسمشر اشرف غني د واک او ځواک لرونکی وي افغانستان به له سولې برخمن نشي.

په قطر کې د طالبانو د خبرو اترو د ډلې غړي سهيل شاهین اسوشیټیډ پریس سره په یوه مرکه کې ولسمشر اشرف غني تورن کړی، چې د سولې غوښتونکی ندی او د طالبانو تسلیمیدل غواړي.

شاهین زیاته کړې: هغوی یعنې حکومت پخلاینه نه غواړي؛ خو غواړي، چې تسلیم شو. دوی غواړي، چې تاسې راشئ او اوربند اعلان کړئ؛ خو مونږ به حکومت لکه څرنګه، چې دی روان ساتو. له همدې کبله دا یو رښتینی او عملي چلند ندی. اړینه ده، چې ټول افغانان نوی حکومت ولري یا پرې هوکړه وکړي او دا حکومت په کابل کې د اوسني حکومت ځایناستی شي او همدا حکومت به مونږ او نورو افغانانو ته د منلو وړ وي.

دا په داسې حال کې ده، چې ولسمشر غني یو ځل بیا د افغانستان لپاره راتلونکې شپږ میاشتې برخلیک ټاکونکې بولي او ځواکونه ټینګار ته هڅوي.

اشرف غني په دې اړه وایي؛ نن مو هېواد او مور پر تاسو حق لري؛ آیا تاسې درېدو ته چمتو یاست؟

ولسمشر غني د جګړې د څارنې لپاره په خپله طرحه کې د راتلونکیو درې تر شپږ میاشتو پورې یوه موخه ټاکلی دی؛ هغه موخه، چې د هغه په ​​باور که د طالبانو د بریدونو پر وړاندې ټینګار او مقاومت وشي، سولې ته به زمینه برابره شي.

اشرف غني زیاتوي: زه له تاسې څخه د ډېر وخت غوښتنه نکوم؛ له درې څخه تر شپږ میاشتو پورې ودریږئ، د جګړې لوری بدلیږي او هغه سوله، چې تاسې غواړئ هغه به رامنځته شي.

نوموړی وایي: مونږ د سولې لپاره کومه قرباني نه ده، چې ورکړې مونده. طالبان ویجاړتیا او منځه وړل غواړي، د ټاکنو وخت رارسېدلی، په دې وخت کې دا مهمه ده، چې ودریږو. زمونږ نن، راتلونکې درې یا شپږ میاشتې دي.

دا په داسې حال کې ده، چې د امنیتي ځواکونو او طالبانو تر منځ نښتې ډېرې شوي او د دواړو خواوې ولسوالۍ نیسي او خوشې کوي.

تازه خبرونه

د امریکا ځانګړی استازی له بهرنیو همکارانو او افغان کډوالو سره د خبرو نیت لري

Published

on

(Last Updated On: سلواغه ۱۰, ۱۴۰۱)

د امریکا د بهرنیو چارو وزارت څرګنده کړې؛ د افغانستان لپاره د امریکا ځانګړی استازی توماس ویست په روانه اوونۍ کې پاکستان، جرمني او سویس ته له ملګرو، افغانانو او د بشري مرستو له موسسو سره د خبرو لپاره سفر کوي.

یاد  وزارت یکشنبه ناوخته (د سلواغې ۹ ) څرګنده کړه، چې توماس ویست به دغو هېوادونو ته په خپل څلور ورځني سفر کې له امریکايي همکارانو، افغانانو او مرستندویه بنسټونو سره پر سلا مشورو سربېره د افغانستان په اړه هم خبرې وکړي.

د یادې سرچینې د څرګندونو له مخې؛ پاکستان، جرمني او سویس ته د توماس ویست د څلورورځني سفر موخه دا ده، چې له شریکانو او افغان کډوالو سره د هغو د ګڼو ننګونو په اړه سلا مشورې وکړي، چې دمګړۍ د افغانستان خلک، ښځې او نجونې ورسره مخ دي.

توماس ویست تویت کړی: زه به د جنورۍ له ۲۹ څخه د فبرورۍ تر ۴ پورې پاکستان، جرمني او سویس ته سفر وکړم، چې له شریکانو، افغانانو او بشردوستانه مرستندویه موسسو سره د هغو غیر معمولي ننګونو په اړه مشوره وکړم، چې مونږ د افغانانو د ملاتړ په برخه کې ورسره مخ یوو.

بهرنیو حکومتونو او نړیوالو مرستندویه موسسو په وار وار د اسلامي امارت له چارواکو غوښتي، چې دا پرېکړه بېرته واخلي او افغان میرمنو او نجونو ته د زده‌کړو، کار، سپورت او عامه ژوند کولو اجازه ورکړي؛ خو تر اوسه کوم تعامل ته رسېدلي ندي.

Continue Reading

تازه خبرونه

د سږني ژمي په طبیعي پېښو کې د مړو شویو کسانو شمېر ۱۷۰ تنو ته لوړ شو

Published

on

(Last Updated On: سلواغه ۱۰, ۱۴۰۱)

د طبیعي پېښو پر وړاندې د مبارزې وزارت څرګنده کړې؛ په تېرو شل ورځو کې د سړې هوا او طبیعي پېښو له کبله لږ تر لږه ۱۷۰ کسان مړه شوي او ۳۰ نور ټپیان دي.

د دغه وزارت د څرګندونو له مخې؛ د هېواد په بېلابېلو سيمو کې د اورښتونو، واورې ورېدو او د ژمي د يخنۍ له کبله نږدې ٨٠زره څاروي له منځه تللي او د استوګنې ١٥٠ کورونه پوره يا نیمه ويجاړ شوي دي.

د طبیعي پېښو د تلفاتو د مخنیوي لپاره دغه وزارت له مرستندویه بنسټونو او د ملګرو ملتونو له دفترونو غوښتي، چې اړمنو او ټپیانو ته د بشري مرستو رسول روان وساتي.

د طبیعي پېښو پر وړاندې د مبارزې وزارت ویاند شفیع الله رحیمي وايي: بشري مرستې باید سیاسي نشي او په دې ناوړه وضعیت کې له هېوادونو او مرستندویه بنسټونو څخه غواړو، چې د انساني تلفاتو د مخنیوي لپاره خپلې مرستې روانې وساتي.

په ورته وخت کې سختې واورې په یو شمېر ولایتونو کې لارې تړلې دي.

د ټولګټو وزارت د مواصلاتي لارو او ټولو لویو لارو پر پرانیستو ټینګار کړی دی.

دغه وزارت وايي، د سالنګونو لویه لار یوازې د مسافرو پر مخ خلاصه ده؛ خو د بامیانو د حاجيګګ کوتل تړل شوی دی.

سربېره پر دې د هوا پېژندنې ادارې په راتلونکیو درې ورځو کې له سختو واورو او بارانونو خبرداری هم ورکړی دی.

د هوا پېژندنې ادارې د وړاندوینې مرکز مشر محمد جمعه نوروزي ویلي: د هوا پېژندنې د بېلابېلو نقشو او موډلونو د تحلیل له مخې؛ په راتلونکیو درې ورځو کې به د هېواد په سویل، سویل ختیځ، ختیځو، مرکزي ولایتونو، کابل او سالنګونو په ګډون نسبتاً سخت بارانونه او واوره وورېږي.

Continue Reading

تازه خبرونه

خصوصي پوهنتونونه دې د کانکور په ازموینه کې د نجونو له نوم لیکنې ډډه وکړي

Published

on

(Last Updated On: سلواغه ۹, ۱۴۰۱)

د لوړو زده‌کړو وزارت خصوصي پوهنتونونو ته په یوه مکتوب کې سپارښتنه کړې، چې تر راتلونکي خبرتیا پورې دې د کانکور او پسرلني سمستر په ازموینو کې د نجونو له نوم لیکنې ډډه وکړي.

دا ځل د خصوصي پوهنتونونو د ۱۴۰۲ ل.ل کال په کانکور ازموينه کې د نجونو پر ګډون هم بندیز ولګید. د لوړو زده‌کړو وزارت په یوه مکتوب کې خصوصي پوهنتونونو ته امر شوی، چې د کانکور په ازموينه کې دې نجونې نه شاملوي او تر بل امر پورې دې انتظار وباسي.

 په دغه لیک کې خبرداری ورکړ شوی، چې له سرغړوونکیو سره به قانوني چلند وشي.

 یو شمېر نرینه او ښځینه زده‌کوونکي وايي، له زده‌کړو ناهیلي شوي دي.

زده‌کړیاله آسیه جسور وايي، چې د روښانه راتلونکي لپاره هېی هيله نلري، ځکه ټولې دروازې يې پر مخ تړلې دي.

د چارو شنونکيو ويلي، چې د نجونو پر زده‌کړو بندیز به هېواد شاته ټېلوهي او اسلامي امارت باید پدې پرېکړه له سره غور وکړي.

ډېري په دې باور دي، چې د ۱۴۰۲ ل. ل کال د خصوصي پوهنتونو د کانکور په ازموینه کې د نجونو پر ګډون له بندیزه داسې ښکاري، چې له زده‌کړو او تحصیل څخه د نجونو د موقتي راګرزولو خبرې هم ناسمې بریښي او ښکاري، چې دا بندیزونه به دوام وکړي.

Continue Reading

Trending

Copyright © 2022 Ariana News. All rights reserved!