Connect with us

تازه خبرونه

طالبان له نړۍ سره د دوستانه او رسمي اړیکو غوښتونکي دي- مجاهد

خپور شوی

د

(Last Updated On: زمری ۲۸, ۱۴۰۰)

د طالبانو ویاند ذبیح الله مجاهد د پنجشنبې پر ورخ د زمري ۲۸ د هېواد د خپلواکۍ د ۱۰۲ کلیزې په مراسمو کې وویل، چې طالبان د نړۍ له ټولو هېوادونو په ځانګړي توګه له امریکا سره دوستانه اړیکې غواړي او له کوم هېواد سره دښمني نلري.

تر سپین بیرغ لاندې د هېواد د خپلواکۍ د ورځې په نمانځغونډه کې ذبیح الله مجاهد له خلکو څخه د ټولګډونه نظام په جوړولو کې د یووالي غوښتنه وکړه او وایي، چې خپل هېواد په بحران کې له ډوبېدو څخه وژغورئ.

که څه هم دا مراسم د تېرو کلونو پر پرتله په بله بڼه ترسره شوي؛ خو طالبان وايي، چې دا ورځ باید ونمانځل شي.

د طالبانو ویاند ذبیح الله مجاهد په دې مراسمو کې د سیاسي مسلو په اړه ډېرې خبرې وکړې او د نړۍ له هېوادونو یې وغوښتل، چې دوی پر رسمیت وپېژني.

ذبیح الله مجاهد د طالبانو د فرهنګي چارو کمیسیون ویاند او مشر ويلي، چې دوی د نړۍ له ټولو هېوادونو سره دوستانه او رسمي اړیکې غواړي؛ خو خبرداری ورکوي که دا هېوادونه بیا د لاسوهنې نیت ولري؛ دوی به یې پر وړاندې ودریږي.

نوموړی وایي: نړۍ باید له مونږ څخه وېره ونلري. مونږ باید وپېژندل شو او مونږ غواړو، چې د امریکا په ګډون د نړۍ له ټولو هېوادونو سره دوستانه اړیکې ولرو.

طالبان د تېرو کلونو پر پرتله د خپلواکۍ کلیزه؛ ځکه ښه نمانځي، چې په وینا یې دوی په افغانستان کې د نړۍ لوی ځواک ته ماتې ورکړې د ه.

سردار محمد شکیب د طالبانو د فرهنګي چارو کمیسیون غړی زیاتوي: ټول خلک خوشحاله دي، چې نن زمونږ هېواد کې د بهرنیو له لاسوهنو ژغورل شوی دی.

طالبانوله خلکو غوښتي، چې د دوی تر حاکمیت لاندې له شخصي غوښتنو تېر شي او له دغه فرصت څخه ګټه پورته کړي، چې یو ټولګډونه حکومت رامنځته شي.

د طالبانو د فرهنګي  چارو کمیسیون مرستیال احمدالله وثیق وایي: مونږ له خلکو غواړو، چې د سیسټم په جوړولو کې له مونږ سره همکاري وکړي او خپلې شخصي غوښتنې په پام کې ونه نیسي؛ ځکه ټولې ستونزې د اسلام په رڼا کې حل کیدی شي.

طالبانو په داسې حال کې له نړیوالې ټولنې څخه د رسمیت پېژندنې غوښتنه کوي، چې هغوی وار دمخه ویلي؛ په افغانستان کې به د زور له لارې رامنځته شوي حکومت پر .رسمیت ونه پېژني

تازه خبرونه

اوس هم په یو شمېر دولتي ادارو کې چارې ځنډول کیږي – عبدالسلام حنفي

Published

on

(Last Updated On: تله ۱۰, ۱۴۰۲)

د ریاست الوزرا اداري مرستیال ويلي؛ اوس هم په یو شمېر دولتي ادارو کې چارې چټکې نه تر سره کیږي او  خلک پر اوونیو او میاشتو انتظار باسي، چې په دولتي ادارو کې خپل کار پای ته ورسوي.

د اداري اصلاحاتو او ملکي خدمتونو ریاست، شهیدانو او معلولینو وزارت او برښنا شرکت ترمنځ د اداري پړواوونو ساده کولو په موخه تفاهم لیک لاسلیک شو.

په دې  غونډه کې د ریاست الوزرا اداري مرستیال ويلي، چې اوس هم په یو شمېر دولتي ادارو کې کاغذ پراني شته او دولتي کارکوونکي د خلکو کارونه په سمه توګه نه ترسره کوي.

عبدالسلام حنفي وايي؛ اسلامي امارت برښنايي حکومتدارۍ ته ژمن دی او هڅه کوي، چې دولتي ادارې سره ونښلوي او کارونه چټک ترسره او د فساد مخه ونیول شي.

د ریاست الوزرا اداري مرستیال دا هم ويلي، چې د بل هر بنسټ پر پرتله د شهیدانو او معلولینو په وزارت کې د پروسې ساده کول اړین دي؛ ځکه زیانمن کسان همدې ادارې ته مراجعه کوي.

د اسلامي امارت دغه لوړپوړي چارواکی وایي، چې د قوش‌تېپې ملي کانال د دوه‌یم فاز کار هم پیلیږي؛ ځکه، چې د لومړي فاز کار مخ پر بشپړېدو دی.

عبدالسلام حنفي ویلي، چې اسلامي امارت د خلکو خدمت او د هېواد پرمختګ ته ژمن دی.

دغه راز د اداري اصلاحاتو او ملکي خدمتونو عمومي رییس عبدالحنان عارف الله ویلي: په دولتي ادارو کې د متخصصو او مسلکي کسانو د جذبولو په لټه کې دي او غواړي، چې چارې مسلکي کسانو ته وسپارل شي.

د برشنا شرکت سوداګریز رییس عبدالرحمن رحماني وايي، چې تر اوسه یې له زورواکو څخه ۱۱۸ میلیون افغانۍ پور راټول کړی دی.

ویل کیږي، چې په روان کال کې د شهيدانو لپاره ١٣،٥ ميليارد افغانۍ بودجه ځانګړې شوې ده. د معلولینو او یتیمانو په ډله کې ټول معلولین او د شهیدانو کورنۍ شاملې دي او په دې برخه کې یې هیڅ ډول توپیر نه‌دی کړی.

Continue Reading

تازه خبرونه

په هند کې د افغانستان سفارت رسماً خپل فعالیتونه وځنډول

Published

on

(Last Updated On: تله ۹, ۱۴۰۲)

په هند کې د افغانستان سفارت اعلان کړی، چې د کوربه حکومت د نه ملاتړ له کبله به له یکشنبې ( د تلې ۹ / د اکتوبر لومړۍ) څخه د دغه سفارت فعالیتونه ودرول شي.

یاد سفارت د شنبې پر ورځ په یوه اعلامیه کې څرګنده کړې، چې دوی د افغانستان او خپلو اتباعو د ګټو د خوندي کولو لپاره د اړتیاوو او غوښتنو په پوره کولو کې خپلې نیمګړتیاوې مني، چې لامل یې په هند کې د دیپلوماټیک ملاتړ او په کابل کې د قانوني فعال حکومت نه‌شتوالی دی.

سربېره پر دې دا سفارت د پرسونل او منابعو کمښت د تړل کیدو لامل بولي.

په هند کې د افغانستان سفارت ویلي، چې افغان وګړیو ته به د قونسلګرۍ عاجل خدمتونه تر هغې روان وي، چې استازیتوب یې کوربه هېواد ته نه وي سپارل شوی.

سفارت هم د دیپلوماتیکو کارکوونکیو تر منځ د شخړو یا داخلي شخړو تورونه رد کړي دي.

د دغه سفارت په اعلاميه کې دا هم راغلي، چې په هند کې د افغانستان د کونسلګرۍ فعاليتونه، چې په خپلواکه توګه ترسره کېږي، د ديپلوماتيک ماموريت له اصولو سره په ټکر کې دي.

Continue Reading

تازه خبرونه

افغان میرمنو ته د زده‌کړو او کار امکانات برابر کړئ – رینا امیري

Published

on

(Last Updated On: تله ۸, ۱۴۰۲)

د افغانستان د ښځو او بشري حقونو لپاره د امریکا ځانګړې استازې رینا امیري ټینګار کړی، چې نړیواله ټولنه باید د اسلامي امارت د محدودیتونو د مخنیوي لپاره ښځو ته د زدهکړو، تحصیلي بورسونو او کار زمینه برابره کړي.

رینا امیري د شنبې پر ورځ په ایکس چینل کې له خپلو همکارانو او افغان فعالانو سره د تېرې میاشتې د لیدنو په اړه څرګنده کړې، چې ښايي په افغانستان کې د “ویجاړونکي” وضعیت د ښه کولو لپاره لارې چارې توپیر ولري؛ خو هغه کسان، چې د بشري حقونو د خوندیتوب په لټه کې دي باید مدني فضا رامنځته کړي. خبرې اترې او زغم، چې دوی یې هیله لري په افغانستان کې رامنځته او وځلوي.

هغې څرګنده کړې: مونږ باید په ټولیزه توګه طالبانو (اسلامي امارت) ته دا روښانه کړو، چې که څه هم مونږ د ویجاړونکي وضعیت د ښه کولو هڅه کوو؛ خو د روان حالت په ښه ‌کېدو کې به پرمختګ تر هغې رانه‌شي، چې هغوی د افغانانو حقونو ته درناوی ونه‌کړي.

نوموړې زیاته کړې: مونږ باید د افغانانو په ځانګړي توګه له ښځو څخه د ملاتړ په برخه کې خپل بیانونه د طالبانو (اسلامي امارت) له افراطي او ظالمانه کړنو سره د مقابلې لپاره د زده‌کړو، تحصیلي بورسونو، کار او نورو وسایلو د برابرولو لپاره، چې له زمونږ له غوښتنو سره مطابقت ولري؛ پخپلو سرچینو سمبال کړو.

رینا اميري ويلي، چې د ملګرو ملتونو په عمومي ناسته کې څو لوړپوړې ناستې ترسره شوې، چې يوه يې په افغانستان کې د ښځو د حقونو په اړه د وزيرانو پر کچه غونډه وه.

هغه وایي؛ پیغام مو روښانه دی: که طالبان (اسلامي امارت) د افغانانو حقونو ته درناوی ونه‌کړي او د ټولنې نیمايي وګړي حذف کړي؛ د نړیوالې ټولنې د یوې برخې کیدو تمه هم نه‌شي کولی.

دغه راز څرګندوي، چې د ملګرو ملتونو د عمومي ناستې په څنډه کې یې د مسلمانو هېوادونو له استازو سره په کتنه کې هوکړه کړې، چې د طالبانو (اسلامي امارت) ظالمانه تګلارې په ځانګړي توګه د ښځو او نجونو پر وړاندې؛ د افغانستان او نړۍ لپاره ویجاړوونکې او ښې نه‌دي.

هغې زیاته کړې: مونږ هوکړه وکړه، چې باید د افغانستان د ښځو او نجونو په اړه نړیوال پیوستون وساتو او د دیپلوماتیکو او کوټلو هڅو له لارې په افغانستان کې دننه او بهر له افغان میرمنو او نجونو ملاتړ روان وساتو.

دا په داسې حال کې ده، چې اسلامي امارت د شریعت په چوکاټ کې د ښځو د تعلیم او کار کولو د حقونو په ګډون د بشري حقونو درناوي ته خپله ژمنتیا تل ښکاره کړې ده.

 

Continue Reading

Trending

Copyright © 2022 Ariana News. All rights reserved!