Connect with us

تازه خبرونه

طالبان په افغانستان کې جګړې ته د چمتووالي هڅې کوي – حمدالله محب

خپور شوی

د

(Last Updated On: سلواغه ۲۵, ۱۳۹۹)

د ملي امنیت شورا سلاکار ویلي؛ طالبانو خپل ټول قومندانان خپل کور کوټې ته غوښتي، چې په پسرلي کې د جګړې د تودولو لپاره چمتووالی ونیسي.

د افغانستان د ملي امنیت شورا سلاکار حمدالله محب نن ( شنبه د سلواغې ۲۵) په یوه ګډه خبري ناسته کې خبریالانو ته ویلي، چې طالبانو ټول قومندانان پاکستان ته غوښتي، چې په پسرلي کې د جګړې لپاره نوې سپارښتنې ترلاسه دکړي. حمدالله محب زیاته کړې؛  د پاکستان او طالبانو کړنو ته په کتو هیڅ داسې تمه نشته، چې پاکستان به د افغان د سولې د بریا لپاره مرسته وکړي.

د ملي شورا سلاکار حمدالله محب ويلي، چې طالبان د خپلو بادارانو په غوښتنه جګړه کوي.

ده دا ټینګار هم کړی؛ طالبان د جګړې ټولې نخچې په پاکستان کې جوړوي.

حمدالله محب څرګنده کړې، چې له دې وروسته به یو طالب زنداني هم خوشې نکړي؛ ځکه، چې د پېنځه زره طالبانو له خوشې کولو سره په افغانستان کې تاوتریخوالی سل په سلو کې لوړ شوی.

د افغانستان د ملي امنیت ريیس او د ملي دفاع وزارت مرستیال وايي، چې په پسرلي کې د طالبانو د بریدونو د مخنیوي لپاره یې چمتووالی نیولی دی.

دغه راز په دې ګډه خبري ناسته کې د ملي امنیت ریاست عمومي مشر احمد ضیا سراج څرګنده کړې؛ طالبان د خبرو له میزه د تېښتې په حال کې دي، خو حکومتي پلاوی خبرو ته په تمه دی.

د ملي دفاع وزارت مرستیال شاه محمود میاخېل وایي: په هر ځای کې، چې هغوی پلانونه جوړ کړي، راټول شي او هلته موتربم جوړ کړي؛ مونږ هلته عملیات کوو.

پر طالبانو دا تورونه په داسې حال کې لګول کیږي، چې طالبانو په خپله تازه اعلامیه کې ویلي؛ د دوحې تړون عملي کول، د پاتې زندانیانو خوشې کول او د تورنوملړه د دوی د مشرانو نومونه لرې کول د روانې شخړې د پای ته رسولو لپاره یوازنۍ لار ده.

تازه خبرونه

د ملګرو ملتونو امنیت شورا نن د افغانستان په اړه غونډه کوي

Published

on

(Last Updated On: کب ۷, ۱۴۰۲)

ټاکل شوې، چې نن ( دوشنبه د کب اوومه / د فبرورۍ شپږویشتمه ) به د ملګرو ملتونو عمومي منشي انټونیو ګوټرش امنیت شورا ته د افغانستان لپاره د ځانګړي استازي او د دوحې د غونډې په اړه خپل راپور وړاندې کړي.

د ملګرو ملتونو د امنیت شورا په دې غونډه کې به د افغانستان لپاره د ځانګړي استازي پر ټاکلو خبرې وشي.

د دې شورا په انټرنیټي پاڼه کې لیکل شوي، چې دا غونډه به د دغې شورا د غړو او د ملګرو ملتونو د عمومي منشي انټونیو ګوټرش په ګډون د نیویارک پر وخت د سهار پر لس بجو پیل او په ځانګړي توګه به په کې د افغانستان لپاره د عمومي منشي د ځانګړي استازي د ټاکلو په اړه سلامشورې وشي.

په ملګرو ملتونوکې د افغانستان د دایمي استازولۍ چارسمبالي نصیر احمد فایق د دې غونډې په اړه ویلي، چې په دې غونډه کې به د امنیت د شورا د ۲۷۲۱ پرېکړه لیک په اړه خبرې وشي.

دا پریکړه لیک پر ۱۳ موافقو رایو د امنیت په شورا کې تصویب شوی؛ خو روسیې او چین دغه پرېکړه لیک ته ممتنع رایه ورکړې ده.

د امنیت شورا د ۲۷۲۱ پرېکړه لیک پر بنسټ به د افغانستان لپاره د ځانګړي استازي د ټاکلو په اړه  د ملګرو ملتونو عمومي منشي ۶۰ ورځې وروسته خپل راپور یادې شورا ته وړاندې کړي.

اسلامي امارت ویلي، چې افغانستان په بحران کې نه‌دی او د ملګرو ملتونو د استازې په شتوالي کې د نوي ځانګړي استازي ټاکلو ته اړتیا نه‌شته.

د اسلامي امارت ویاند ذبیح الله مجاهد وايي: د ځانګړي استازي په اړه د افغانستان اسلامي امارت دریځ پوره روښانه دی او د افغانستان لپاره د ځانګړي استازي ټاکلو ته اړتیا نشته. افغانستان یو خوندي هېواد دی او له کوم بحران سره مخ نه‌دی او نړیوالې همکارۍ ته اړتیا لري؛ خو د تلپاتې همکاریو او د یوناما په شتون به د ملګرو ملتونو او افغانستان ترمنځ ټولې ستونزې اوارې شي.

دا په داسې حال کې ده، چې تېره اوونۍ د افغانستان په اړه په دوحه کې غونډه جوړه شوه، چې د ملګرو ملتونو عمومي منشي یوه بریا ونوموله؛ خوغونډې ته بلل شوي اسلامي امارت یوه ناکامه غونډه ونوموله.

Continue Reading

تازه خبرونه

قطر په افغانستان کې د یوه اتریشي زنداني له خوشي کولو خبر ورکړ

Published

on

(Last Updated On: کب ۷, ۱۴۰۲)

د قطر حکومت څرګنده کړې؛ د دوحې پر منځګړتوب یو اتریشي، چې په افغانستان کې نیول شوی و خوشې شو.

د قطر د بهرنیو چارو وزارت سلاکار  محمد بن عبدالعزیز بن صالح الخلیفي په یوه خپور شوي پیغام کې په دې اړه  د افغانستان اسلامي امارت له همکاریو مننه وکړه.

هغه زیاته کړې؛ قطر د اتریش له جمهوریت سره ژورې دوه اړخیزې اړیکې لري او د دې اتریشي وګړي پر خوشې کیدو خوښ دی.

د قطر بهرنیو چارو وزیر ټینګار کړی، چې هېواد به یې په سیمه او نړۍ کې د سولې او ثبات لپاره د رغنده خبرو اترو او سوله‌ییزو لارو چارو له لارې د شخړو د اواري لپاره د منځګړیتوب هڅې روانې وساتي.

خوشې شوی اتریشي قطر ته رسېدلی دی.

ویل کیږي، چې د قطر بهرنیو چارو وزارت د هغه په ​​اړه نور جزئیات نه‌دي ورکړي.

Continue Reading

تازه خبرونه

د ملګرو ملتونو امنیت شورا سبا( دوشنبه ) د افغانستان په اړه غونډه کوي

Published

on

(Last Updated On: کب ۶, ۱۴۰۲)

ټاکل شوې، چې سبا ( دوشنبه د کب اوومه / د فبرورۍ شپږویشتمه ) به د ملګرو ملتونو عمومي منشي انټونیو ګوټرش امنیت شورا ته د افغانستان لپاره د ځانګړي استازي او د دوحې د غونډې په اړه خپل راپور وړاندې کړي.

د ملګرو ملتونو د امنیت شورا په دې غونډه کې به د افغانستان لپاره د ځانګړي استازي پر ټاکلو خبرې وشي.

د دې شورا په انټرنیټي پاڼه کې لیکل شوي، چې دا غونډه به د دغې شورا د غړو او د ملګرو ملتونو د عمومي منشي انټونیو ګوټرش په ګډون د نیویارک پر وخت د سهار پر لس بجو پیل او په ځانګړي توګه به په کې د افغانستان لپاره د عمومي منشي د ځانګړي استازي د ټاکلو په اړه سلامشورې وشي.

په ملګرو ملتونوکې د افغانستان د دایمي استازولۍ چارسمبالي نصیر احمد فایق د دې غونډې په اړه ویلي، چې په دې غونډه کې به د امنیت د شورا د ۲۷۲۱ پرېکړه لیک په اړه خبرې وشي.

دا پریکړه لیک پر ۱۳ موافقو رایو د امنیت په شورا کې تصویب شوی؛ خو روسیې او چین دغه پرېکړه لیک ته ممتنع رایه ورکړې ده.

د امنیت شورا د ۲۷۲۱ پرېکړه لیک پر بنسټ به د افغانستان لپاره د ځانګړي استازي د ټاکلو په اړه  د ملګرو ملتونو عمومي منشي ۶۰ ورځې وروسته خپل راپور یادې شورا ته وړاندې کړي.

د اسلامي امارت ویاند ذبیح الله مجاهد ټینګار کړي، چې افغانستان په بحران کې نه‌دی او د ملګرو ملتونو د استازې په شتوالي کې د نوي ځانګړي استازي ټاکلو ته اړتیا نه‌شته.

دا په داسې حال کې ده، چې تېره اوونۍ د افغانستان په اړه په دوحه کې غونډه جوړه شوه، چې د ملګرو ملتونو عمومي منشي یوه بریا ونوموله؛ خوغونډې ته بلل شوي اسلامي امارت یوه ناکامه غونډه ونوموله.

Continue Reading

Trending

Copyright © 2022 Ariana News. All rights reserved!