Connect with us

تازه خبرونه

عبدالله، حکمتیار او نبیل د رایو بیا شمېرنې پیل شوی بهیر تحریم کړ

خپور شوی

 په

(Last Updated On: لړم ۱۸, ۱۳۹۸)

د ولایتي رایو بیا شمېرنه نن د شنبې پر ورځ(د لړم ۱۸) په رسمي توګه اعلان شوه؛ خو د دې بهیر له پیلېدو سره سم د عبدالله عبدالله، ګلبدین حکمتیار او رحمت الله نبیل ټاکنیزو ډلو د رایو بیا شمېرنه تحریم کړه.

ټاکنو کمیسیون له شپږ ورځو وروسته څلور دېرش ولایتونو ته خپل پلاوي د رایو د بیا شمېرلو لپاره ولیږل. په دې بهیر کې به تخنیکي وسایل او کڅوړې بیا وشمېرل شي او وروسته بیا صندوق ته د توکو له اچولو وروسته د ځمکې او هوا له لارې دا توکي ولایتونو ته او بیا مرکز ته رالیږدول کیږي.

 ټاکل شوې د آته زره او دوه سوه پېنځه پنځوس محلونو رای پاڼې په څلوردېرش ولایتونو کې بیا وشمېرل شي.

د ټاکنو خپلواک کمیسیون د دارالانشا رییس حبیب الرحمن ویلي، د رایو بیا شمېرنې پیلېدو ته فني چمتووالی لري او ژر به دا بهیر پای ته ورسیږي.

د نوموړي د څرګندونو له مخې؛ د محلونو د ټولو رایو له بیا شمېرنې وروسته به پاکې او ناپاکې را څرګندې او تورې به له سبینو هغو بېلې شي.

د ټاکنو خپلواک کمیسیون له ټاکڅارو غوښتي، چې د ټاکلي وخت له مخې د رای شمېرنې په دغه بهیر کې ګډون وکړي.  

د عبدالله عبدالله، ګلبدین حکمتیار او رحمت الله نبیل ټاکنیزې ډلې، چې دا بهیر يې تحریم او ناروا ګڼلی وايي؛ تر هغې، چې د بایومتریکي رایو کره اندازه نهایي نشي؛ خپل څارونکي به د دې بهیر بیا شمېرلو ته ورونه لیږي.

د عبدالله په مشرۍ د ثبات او همپالنې ټاکنیزې ډلې اعلان کړی، چې د خلکو له پاکو رایو د دفاع لپاره ټولو ولایتي څارونکیو ته لارښونه شوې، چې د قضيې تر رڼښت پورې په دې بهیر کې له ګډون ډډه وکړي.

د ښاغلي ګلبدین حکمتیار په مشرۍ د سولې او اسلامي عدالت او رحمت الله نبیل په مشرۍ د امنیت او عدالت ټاکنیزو ډلو هم د رایو بیا شمېرنه تحریم کړې ده.

د حکمتیار په مشری د سولې او اسلامي عدالت ټاکنیزې ډلې غړی همایون جریرویلي؛ تر هغې، چې د بایومتریک شویو پاکو رایو بشپړ شمېر وروستی شوی نه وي او د رایو چاڼ رامنځته نشي؛ د بیا شمېرنې بهیر نه منو.  

د رحمت الله نبیل په مشری د امنیت او عدالت ټاکنیزې ډلې څارونکی مطیع الله ابراهیمزي ویلي، چې د رایو د بیا شمېرنې بهیر یوازې د یوې ټاکنیزې ډلې په ګټه دی او مونږ ته د منلو وړ ندی.

د اشرف غني په مشرۍ د دولت جوړونکې ټاکنیزې ډلې څارونکیو ویلي؛ د هر هغه بهیر ملاتړ کوي، چې د کمیسیون له خوا قانوني تر سره کیږي.

د دولت جوړونکې ټاکنیزې ډلې څارونکی فضل الرحمن عمرخېل ویلي؛ دا یو قانوني بهیر دی، چې پر ټاکلي وخت پیلیږي. دا، چې اوس پیل شوی؛ مونږ ترې ملاتړ کوو.  

د افغانستان د رڼو ټاکنو بنسټ څارونکي په ولایتونو کې د رایو بیا شمېرنه له رښتیا لیرې بولي.

د افغانستان د رڼو ټاکنو د بنسټ څارونکی ناصر ناصر زاده څرګنده کړې؛ ټاکنو کمیسیون، چې د بیا شمېرنې نیت کړی باید لږ تر لږه د هغو محلونو بشپړ شمېر ورته معلوم وي، چې بیا شمېرل کیږي.

مخکې له دې د ټاکنو خپلواک کمیسیون یوه غړي ویلي وه، چې د رایو د بیا شمېرنې په بهیر کې څو ورځني ځنډ ته په پاملرنه کیدی شي، چې د لومړنیو پایلو په اعلان کې دوه یم مهالوېش هم عملي نشي. ټاکنو کمیسیون باید د تلې پر اووه ویشتمه پایلې اعلان کړې وای؛ خو د لړم درویشتمې ته يې پرېښوده، چې اوس هم دا نېټه ځنډيږي.

تازه خبرونه

د حج د چارو د تنظيم، سمون او ترسره کولو ملي کمیټه ومنل شوه

خپور شوی

په

توسط

(Last Updated On: غبرګولى ۱, ۱۴۰۱)

د افغانستان اسلامي امارت د ویاند مرستیال ویلي، چې د کابینې د پرېکړې پر بنسټ د ترانسپورت او هوايي چلند وزارت د حج د چارو د تنظیم، سمون او ترسره کولو ملي کمیټه جوړه او طرحه یې تصویب شوه.

د افغانستان اسلامي امارت د ویاند مرستیال انعام الله سمنګاني زیاته کړې؛ د حج د چارو د تنظیم، سمون او ترسره کولو ملي کمیټه د لومړي وزیر د مرستیال عبدالسلام حنفي په مشرۍ او د حج او اوقافو ریاستونو، هوايي ډګرونو، هوایي چلند او ترانسپورت، عدلیې، مالیې، بهرنیو چارو، کورنیو چارو وزارتونو، ریاستونو او سوداګرۍ نونې د استازیو په ګډون یوه کمېټه جوړه شوې ده.

د یادونې ده، چې په ولایتونو کې به د دې کمیتې مشري د والي د مرستیال پر غاړه وي.

Continue Reading

تازه خبرونه

هیچا ته به د ګډوډۍ رامنځته کولو اجازه ورنکړ شي – مولوي محمد یعقوب مجاهد

خپور شوی

په

توسط

(Last Updated On: غویی ۳۱, ۱۴۰۱)

د اسلامي امارت د دفاع وزارت چارسمبالي مولوی محمد یعقوب مجاهد تېره ورځ پنجشیر ولایت ته په سفر کې ډاډ څرګند کړی، چې هیچا ته به د ګډوډۍ د رامنځته کولو اجازه ورنکړ شي.

نوموړي د دغه ولایت له خلکو، قومي مخورو او امنیتي مسوولینو سره وکتل او له خلکو یې وغوښتل، چې د دښمن پر تبلیغاتو ونه غولېږي او خپل عادي ژوند روان وساتي.

مولوي محمد یعقوب مجاهد د دې ولایت د خلکو وړاندیزونه هم واورېدل او پر خلکو یې غږ وکړ، چې د نظم په ټینګښت کې له خپلو چارواکو سره پوره همکاري وکړي.

نوموړي ډاډ ورکړ، چې هیڅ ډول وسلوالو ته به اجازه ورنکړ شي، چې امنیت ګډوډ کړي.

د ملي دفاع وزارت چارسمبالي د دغه ولایت امنیتي وضعیت ښه وګاڼه او د اسلامي امارت د مسوولینو او ځواکونو له کړنو او دندو څخه یې ستاینه وکړه.

د یادونې ده، چې مجاهد د امنیت د خوندي ساتنې په اړه اړوند مسوولینو ته لازمې لارښوونې هم وکړې.

Continue Reading

تازه خبرونه

اسلامي امارت له رسنیو خپل ملاتړ روان ساتي – مجاهد

خپور شوی

په

توسط

(Last Updated On: غویی ۲۹, ۱۴۰۱)

د اسلامي امارت ویاند ویلي، چې حکومت له رسنیو او خبریالانو سره همکاري کوي او رسنۍ دې هم په خپلو خپرونو کې اسلامي ارزښتونه، د رسنیو اصول او ملي ګټې په پام کې ونیسي.

د اسلامي امارت ویاند ذبیح الله مجاهد نن پنجشنبه د غويي ۲۹ د مطبوعاتو د آزادۍ د نړیوالې ورځې په نمانځغونډه کې څرګنده کړې چې د رسنیو د سرغړونو کمیسیون نن خپل کار پیل کړی او اطلاعاتو ته د لاسرسي هغه به هم په نږدې راتلونکي کې خپل کار پیل کړي.

د ذبیح الله مجاهد د څرګندونو له مخې؛ اسلامي امارت د اسلامي شریعت په چوکاټ کې د رسنیو ملاتړ ته ژمن دی. نوموړي پر رسنيو غږ وکړ، چې په خپلو خپرونو کې ملي ګټې او اسلامي ارزښتونه پام ونيسي.

نوموړی وایي: حکومت له رسنیو سره اقتصادي ملاتړ ته دوام ورکوي او مونږ غواړو، چې د رسنیو ستونزې صفر ته راکښته کړو.

هغه له رسنیو وغوښتل، چې د اسلامي اصولو پر بنسټ د رسنیو فعالیت تروان وساتل شي.

د اطلاعاتو او فرهنګ وزارت د معلوماتو له مخې، د تېر حکومت له نسکورېدو وروسته اوسمهال په هېواد کې ۱۹۸ چاپي او غږیزې رسنۍ شته، چې ۱۷۰ رسنۍ له اقتصادي ستونزو له کبله تړل شوې دي.

د اطلاعاتو او فرهنګ وزارت د خپرونو مشر عبدالحق حماد ويلي: ډېري رسنۍ، چې بندې دي؛ مسوولين يې له افغانستان څخه وتلي او نورې يې د بهرنيانو په ملاتړ پورې تړلې وې، چې اوس فعالې ندي.

په افغانستان کې وروستیو سیاسي پرمختګونو د رسنیو پر وضعیت هم اغېز کړی، چې د راپورونو له مخې د یو شمېر رسنیو د تړل کېدو له کبله د رسنیو شاوخوا ۶۰۰۰ کارکوونکطو خپلې دندې له لاسه ورکړې دي.

Continue Reading

Trending

Copyright © 2022 Ariana News. All rights reserved!