Connect with us

نړۍ

فنلنډ او سویډن غواړي له ناټو سره یوځای شي

خپور شوی

د

(Last Updated On: وری ۲۵, ۱۴۰۱)

په ناټو کې د فنلنډ او سویډن غړیتوب یوه وخت ناشونی ګڼل کېده او د دواړو هېوادونو خلکو له ناټو سره یوځای کېدو ته زړه نه ښه کاوه؛ خو پر اوکراین د روسیې یرغل د دې لامل شو، چې له ناټو سره یوځای کېدو ته لیواله شي.

د جرمني یوې راډیو او تلویزیوني شبکې په یوه مفصل راپور کې، چې له ناټو سره یې د فنلنډ او سویډن د یوځای کېدو په اړه څېړنه کړې، څرګندوي، چې په ۲۰۱۴ کال کې له روسیې سره د کریمیه له یوځای کېدو او د سړې جګړې ناخوالو هم فنلنډ او سویډن دې ته اړ نکړل، چې له ناټو او د شمالي اټلانټیک له تړون سره یوځای شي.

فنلنډ په ځانګړې توګه نه غوښتل، چې خپل ګاونډ روسیه په غصه کړي او تل یې د نړۍ په سیاست کې د ختیځ او لویدیځ تر منځ د پل په توګه کار کړی دی.

فنلنډ دا رول د ۲۰۱۸ کال په هلسنګي کې د روسیې د ولسمشر ولادیمیر پوتین او بیا د امریکا د ولسمشر ډونالډ ټرمپ تر منځ په کتنه کې ترسره کړ؛ خو په وروستیو کلونو کې سویډن او فنلنډ ناټو ته نږدې شوي دي.

د ۲۰۲۲ کال د مارچ په وروستیو کې دواړو هېوادونو په ناروې کې د ناټو په سترو تمریناتو کې ګډون وکړ.

په فنلنډ کې دا اندېښنه مخ په زیاتېدو ده، چې دغه هېواد له روسیې سره د ۱۳۰۰ کیلومټره پولې له کبله ډېر زیانمن شوی دی.

دواړه هېوادونه اوس دې نتیجې ته رسیدلي، چې د ناټو له غړیتوب پرته په بېړني حالت کې د نورو لویدیځو هېوادونو بشپړ پوځي ملاتړ ترلاسه کولی نشي.

د روان کال له جنورۍ راپدیخوا په فنلنډ کې یوې نظر پوښتنې وښودله، چې یوازې ۳۰ سلنه له ناټو سره د یوځای کیدو غوښتنه لري؛ خو د مارچ په پای کې پر اوکراین د روسیې له یرغل وروسته ۶۰ سلنې ته پورته شوه او خلکو له ناټو سره د دې هېواد له یوځای کېدل وغوښتل او دا لیوالتیا مخ پر ډېرېدو ده.

د فنلنډ حکومت د چارشنبې پر ورځ د خپلې بهرنۍ او امنیتي پالیسۍ په اړه یو راپور خپور کړ.

د فنلنډ ولسمشر ساولي نينيسټو ويلي، چې غواړي په ناټو کې د شاملېدو لپآره د هېوادوالو پرېکړه پارلمان ته وړاندې کړي او د اکثريت قانون جوړونکیو رضايت خپل کړي؛ خو واکمن کیڼ اړخي ګوند په ناټو کې د خپل هېواد له غړیتوب سره مخالفت ښکاره کړ.

دغه راز سویډن له ناټو سره د یوځای کیدو پلوي دی.

په سویډن کې هم ډېري خلک خپله دودیز پوځي خپلواکۍ د ویاړ وړ بولي؛ ځکه له تېرو ۲۰۰ کلونو څخه راپدیخوا په جګړه کې ښکېل شوي ندي. دې ناپیلتوب د شلمې پېړۍ له نړیوالو جګړو څخه د سویډن په ژغورلو کې مرسته کړې ده.

په هرصورت د سویډن ډېر خلک اوس غواړي، چې له ناټو سره یوځای شي.

په یوه ټولپوښتنه کې، چې د اوکراین د جګړې له پیل څخه لږ وروسته ترسره شوې، نږدې نیمایي ځواب ویونکیو له ناټو سره د خپل هېواد یو ځای کېدل غواړي، خو یوازې څلورمه برخه یې په ښکاره مخالفت کوي.

په سویډن کې سیاسي وضعیت یو څه پیچلی دی او ټاکل شوې، چې پارلماني ټاکنې په روان مني کې ترسره شي او په دې وروستیو اوونیو کې له ناټو سره د یو ځای کیدو مسله هم مخ پر زیاتېدو ده.

د سویډن د صدراعظمې مګدالینا اندرسن واکمن سوسیال ډیموکراټان په دودیز ډول په ناټو کې د دې هېواد له غړیتوب سره مخالفت لري، خو مخالف ګوندونه له دې مسلې څخه ؛ټه پورته کوي او پر حکومت فشار راوړي، چې انتخاباتي کمپاین پیل کړي.

د سویډن د اپوزیسیون مشر الف کریسټرسن ژمنه کړې، چې که ټاکنې وګټي د ناټو غړیتوب لپاره به غوښتنه وکړي.

دغه راز له ناټو سره د فنلینډ او سویډن یوځای کېدل به د دواړو هېوادونو لپاره خوندي نه وي. روسیې په وار وار د ناټو له غړیتوب سره خپل مخالفت څرګند کړی دی.

د کرملین ویاند دیمیتري پیسکوف په دې وروستیو کې ویلي، چې په ناټو کې د فنلنډ او سویډن غړیتوب کولی شي اروپا بې ثباته کړي.

د روسیې د بهرنیو چارو وزارت ویاندې ماریا زاخارووا د فبرورۍ په وروستیو کې ګواښ کړی و، چې په ناټو کې د دواړو هېوادونو یوځای کېدل به “جدي پوځي او سیاسي پایلې” ولري.

نړۍ

امریکا او بریټانیا په یمن کې د حوثيانو پر ضد بریدونه وکړل

Published

on

(Last Updated On: کب ۶, ۱۴۰۲)

د امریکا او بریټانیا ځواکونو د شنبې پر ورځ په یمن کې د حوثيانو پر ۱۸ مرکزونو بریدونه وکړل.

د رویټرز د څرګندونو له مخې؛ امریکا د حوثیانو پر وړاندې نږدې هره ورځ د کښتیو پر نښه کولو له کبله بریدونه کوي. حوثيانو ويلي، چې پر کښتیو بریدونه یې د اسرائیلو تر برید لاندې له فلسطینیانو سره د خواخوږۍ شکارندویي کوي.

تر اوسه دغو عملیاتو د حوثيانو د بریدونو مخه نه‌ده نیولې.

د هغو هېوادونو په ګډه اعلامیه کې، چې یا په دغو عملیاتو کې برخه لري او یا یې ملاتړ کړی ویل شوي؛ د یمن په اته بېلابېلو سیمو کې د حوثيانو د ۱۸ پوستو په ګډون د وسلو او توغندیو سیسټمونه، د ځمکې لاندې تاسیسات، د هوايي دفاع سیسټمونه، رادارونه او یوه چورلکه  ویشتل شوي دي.

د امریکا دفاع وزیر لویډ آسټین ویلي، چې د دې بریدونو موخه د ایران د ملاتړو حوثي ملیشو د ظرفیتونو ګډوډول او کمزوري کول دي.

آسټین زیاته کړې: مونږ به حوثیانو ته روښانه کړو، چې که دوی خپل غیرقانوني بریدونه بند نه‌کړي او د منځني ختیځ اقتصاد، چاپېریال او یمن او نورو هېوادونو ته د بشري مرستو رسولو ته زیان رسول روان وساتي؛ پایلې به یې هم زغمي.

استرالیا، بحرین، کاناډا، ډنمارک، نډرلنډ او نیوزیلنډ د امریکا او بریټانیا له عملیاتو ملاتړ کړی دی.

د یمني حوثيانو المسیره ټلویزیوني شبکې د شنبې پر ورځ تائید کړې، چې د امریکا او بریټانيا ځواکونو د دغه هېواد په پلازمېنه صنعا کې یو لړ بریدونه کړي دي.

د دې اوونۍ په پیل کې حوثيانو د بریټانیا پر کارګو کښتۍ د برید او په یوه امریکایي کښتۍ د بې پیلوټه الوتکې د برید مسوولیت پر غاړه واخیست، چې له بالستیک توغندیو او ډرونونو سره یې د اسرائیلو بندر او ایلات ښار دمه‌ځی پر نښه کړ.

Continue Reading

نړۍ

د چین په ختیځ کې د اور لګیدو ۵۹ کسانو ته مرګ و ژوبله اړولې

Published

on

(Last Updated On: کب ۶, ۱۴۰۲)

چارواکو ویلي، چې د جمعې پر ورځ ( د کب څلورمه) د چین د ختیځ په نانجینګ ښار کې د اور لګیدو په پېښه کې لږ تر لږه ۱۵ کسان مړه شوي او ۴۵ نور ټپیان دي.

چینایي رسنیو څرګنده کړې؛ د لومړنیو څېړنو له مخې اور د شپې ناوخته د یوې ودانۍ په لومړي پوړ کې ولګید، چې په کې برښنایي بایسکیلونه ځای پر ځای شوي وه.

چارواکو ویلي، چې اور پر سیمه‌ییز وخت د سهار پر ۶ بجو مړ شو؛ خو د ژغورنې او لټون عملیات د ماسپښین تر دوه بجو روان ول.

نانجینګ ښار د شانګهای له ښاره څه نا څه ۲۶۰ کیلو مټره شمال ختیځ لوري ته پروت دی او په کې څه باندې ۸ میلیون وګړي استوګن دي.

په ټولنیزو شبکو کې خپاره شوي انځورونه ښیي، چې له یوې لوړې ودانۍ څخه نیمه شپه لوګي لمبې پورته کیږي او امبلانسونه هم ودانۍ ته نږدې لیدل کیږي.

مسوولانو ویلي؛ په اور کې ۴۴ کسان ټپي دي، چې د درملنې لپاره روغتونونو ته رسول شوي.

په روغتون کې ډاکټرانو ویلي، چې یو ټپي شوي کس ډېر سوځیدلی دی.

د ۲۰۲۳ کال په لومړیو کې هم د بیجینګ په یوه روغتون کې د اورلګېدنې له کبله ۲۹ کسان مړه او لسګونه نور ټپیان شول، چې د دغه هېواد د چارواکو د پراخو نیوکو لامل شو.

ویل کیږي، چې د دې ودانۍ په تلخونه کې پټاکۍ ساتل کېدې او د اورلګېدنې لامل هم د هغو چاودنه ده.

Continue Reading

نړۍ

امريکا د اوکراين د جګړې او نوالني د وژنې له کبله پر روسيې سلګونه بنديزونه ولګول

Published

on

(Last Updated On: کب ۵, ۱۴۰۲)

امریکا جمعې پر ورځ پر روسیې پراخ بندیزونه ولګول، چې له ۵۰۰ حخه ډېر افراد او بنسټونه رانغاړي.

رویټرز راپور ورکړی، چې دا بندیزونه د اوکراین پر خاوره د روسیې د پوځي برید د دوه‌یم کال او د روسیې د حکومت ضد مخالف الکسي نوالني د وژنې له کبله لګول شوي دي.

د امریکا ولسمشر جو بایډن ویلي؛ له دې کړنې یې موخه داده، چې د روسیې د فډراسیون ولسمشر ولادیمیر پوتین به د بهرني یرغل او کورني مخالفت د ځپلیو له کبله ډېر نور څه هم له لاسه ورکړي.

ولسمشر بایډن وایي: دا بندیزونه به هغه کسان، چې د ناولني له زنداني کولو سره تړاو لري او دغه راز د روسیې مالي سکتور، دفاعي صنعتي اډې، د تدارکاتو شبکې او د نړۍ د څو وچو په یو شمېر هېوادونو کې سرغړونکي پر نښه کړي.

په واشنګټن کې د روسیې سفیر اناتولي انتونوف ویلي: ایا واشنګټن له پامه غورځولې، چې بندیزونه مونږ له منځه وړلی نه‌شي؟!

دغه راز د نړۍ اووه سترو اقتصادونو، اروپايي اتحادیې او استرالیا یو ائتلاف اعلان کړی، چې غواړي د روسیې د خامو تېلو د یو بیلر ۶۰ ډالره بیه نوره هم راکمه کړي.

بایډن ویلي، چې پوتین د ۴۷ کلن ناوالني د مړینې مسوول دی، خو د روسیې حکومت په دې پېښه کې لاس لرل رد کړل.

ولسمشر بایډن د پنجشنبې پر ورځ ویلي وه، چې په کالیفورنیا ایالت کې یې د ناولني له کونډې او لور سره په شخصي توګه لیدنه کړې ده.

په سان فرانسیسکو ښار کې د ناولني له میرمنې یولیا او لور داشا ناولني سره له لیدو وروسته بایډن خبریالانو ته وویل، چې د پوتین مخالف “یو باور نه کیدونکی زړور سړی” و.

د ناولني له مړینې وروسته یو شمېر اروپايي حکومتونو روسي ډیپلوماټان احضار کړل او د کریملین د دغه سخت مخالف د مړینې له کبله یې پر هغوی نیوکې وکړې.

 اروپایي ټولنې، بریټانیا او کاناډا هم پر روسیې لو لړ بندیزونه ولګول.

امریکا او متحدینو یې د جګړې له پیل راپدیخوا د روسیې پر وړاندې یو لړ اقدامات پلي کړي، چې په کې د مالي شتمنیو بندول، د پرمختللي تخنیکي صادراتو محدودول او د روسیې د تېلو صادراتو د پلور بیې ته د رسمي حد ټاکل شامل دي.

د بهرنیو چارو وزارت ۲۵۰ اشخاص، د سوداګرۍ وزارت ۹۰ شرکتونه او خزانې وزارت نږدې ۳۰۰ کسانو او بنسټونه د بندیزونو په نوملړ کې راوستي دي.

د ۲۰۲۲ ز.کال د فبرورۍ پر ۲۴  وسیې پر اوکراین برید وکړ او له همغې ورځې راپدیخوا د روسیې پر ضد د متحدینو کمپپاین روان دی. امریکا او متحدینو یې بېلابېل بنسټونه تر بندیز لاندې راوستي دي.

په دې جګړه کې زرګونه کسان وژل شوي، دوه اعشاریه دوه ټریلونه صادرات خنډیدلي دي.

Continue Reading

Trending

Copyright © 2022 Ariana News. All rights reserved!