لوبی
لبنان په آسیا ملتونو ساحلي فوټبال جام کې افغانستان ته ۵ پر صفر ماتې ورکړه
لبنان له دې بریا سره شپږ امتیازونه ترلاسه کړل او د سیالیو د یوېڅلورمې پایلوبې پړاو ته د لار موندلو په لور نږدې شو؛ خو افغانستان په دغو سیالیو کې د خپلې لومړۍ بریا په لټه کې دی.
Last Updated on: ليندۍ ۱, ۱۴۰۵
د لبنان د ساحلي فوټبال ملي لوبډلې د ۲۰۲۶ز.کال د آسیا ملتونو ساحلي فوټبال جام په لړ کې د شنبې پر ورځ افغانستان ته ۵ پر صفر ماتې ورکړه.
لبنان له دې بریا سره شپږ امتیازونه ترلاسه کړل او د سیالیو د یوېڅلورمې پایلوبې پړاو ته د لار موندلو په لور نږدې شو؛ خو افغانستان په دغو سیالیو کې د خپلې لومړۍ بریا په لټه کې دی.
افغانستان په دغو سیالیو کې خپله لومړۍ لوبه ایران ته بایللې وه.
د افغانستان د ساحلي فوټبال ملي لوبډله به د ګروپي پړاو په وروستۍ لوبه کې د دوشنبې پر ورځ له ویتنام سره مخ شي او لبنان به له ایران سره سیالي وکړي.