Connect with us

تازه خبرونه

له افغانستان سره د یو میلیارډ ډالرو بشري مرستې ژمنه وشوه

خپور شوی

د

(Last Updated On: )

د ملګرو ملتونو عمومي منشي انټونیو ګوټرش څرګنده کړې، چې مرستندویو هېوادونو له افغانستان سره د یو میلیارد ډالرو مرستې اعلان کړی، چې له تمه شویو ۶۰۶ میلیون ډالرو څخه څه ناڅه دوه برابره ډېرې دي.

د ګوټیرس دوشنبې پر ورځ په افغانستان کې د بشري وضعیت په اړه د وزیرانو د لوړې کچې غونډې ته د مرستې لپاره د ۶۰۶ میلیون ډالرو غوښتنه کړې وه.

ګوترش د دوشنبې پر ورځ ناوخته په دې اړه وویل: دې کنفرانس د افغانستان له خلکو سره د پیوستون په په اړه زما هیلې پوره کړې؛ ځکه، چې دا هېواد د مخ پر ډېرېدونکي بشري او اقتصادي بحران پرڅنډه درېدلی دی.

د دوشنبې پر سهار ګوټرش، چې د غونډې کوربه هم و څرګنده کړې؛ د افغانستان خلک د خپل ژوندانه په تر ټولو ویرجنې شېبې سره مخ دی، چې ژغورنې ته اړتیا لري.

ګوټیرس دا هم ویلي؛ د افغانستان نويو واکمنو خلکو ته د مرستو رسولو د همکارۍ ژمنه کړېاو څرګندوي، چې اړمنو او بې ځایه شویو کورنیو ته به پخپل وخت اړوند مرستې ورورسیږي.

د ملګرو ملتونو مشر څرګنده کړې په هرو دوه افغانانو کې یو نه پوهیږي، چې سبا ته به خواړه له کومې کوي.

هغه زیاته کړې؛ د ژمي له رارسېدو سره ډېري خلک اندېښنه لري، چې د میاشتې په پای کې به دغه خواړه هم وخوري؛ نو حیران پاتې دي، چې بیا به څه کوي.

ګوټرش ونه ویل، چې د دغې یو میلیارد ژمنه شویو ډالرو څومره به د ملګرو ملتونو بېړنۍ بودیجې ته د راتلونکیو میاشتو لپاره ورکړشي یا څه به، چې وروسته بالقوه چمتو کیږي.

نوموړي همدا راز غوښتنه کړې، چې د دې مرستو رسولو لپاره باید له افغانستان سره هوایي دهلېز پرانیستی پاتې شي.

د خواړو نړیوال پروګرام یا ډبلیو اف پي د یوې تر سره شوې سروې له مخې؛ د اګست او سپتمبر په میاشتو کې ۹۳ سلنه خلکو ته پوره خواړه ندي رسیدلي او د پیسو د نشتوالي له کبله ورته له لاسري هم بې برخې پاتې دي.

دغه راز د نړیوال سره صلیب مشر یادې غونډې ته خبرداری ورکړی، چې بشري مرستې له سیاسي شرایطو سره تړل یوه خطرناکه چاره او د بشري حقونو له نړیوال قانون سرغړونه ده.

یادې غونډې ته د ایران استازي ویلي؛ هېواد یې له افغانستان سره اوږده پوله لري او چمتو دي، چې افغانستان ته د بشري مرستو په رسولو کې مرسته وکړي.

دې کنفرانس ته د امریکا استازې ډاډ څرګند کړ، چې هېواد به یې له افغانستان سره د بشري مرستو لپاره ۶۴ میلیون ډالر مرسته کوي؛ خو خو وایي، چې افغان نجونو ته باید د زدکړو اجازه ورکړ شي او همدا راز افغان میرمنې باید د کار کولو اجازه ولري.

دغه راز جاپان د دوه سوه میلیون، فرانسې د سل میلیون یورو، جرمني د پېنځه میلیون یورو او … مرستو ژمنه کړې ده.

د یادونې ده، چې مرستندیو هېوادونو د اړوند مرستو پر بې پرې وېش د ټینګار تر څنګ ویلي، چې د افغانستان ټولو خلکو ته باید د خپلو غوښتنو او پوښتنو د وړاندې کولو ترڅنګ د زدکړې او کار حق ورکړ شي.

تازه خبرونه

د اسلامي امارت پلاوی جاپان ته روان شو

د جاپاني رسنیو د څرګندونو له مخې؛ دا پلاوی شاوخوا شپږ حکومتي چارواکي لري، چې د ډیپلوماسۍ، روغتیایي پاملرنې، تعلیم، کلتوري ملکیتونو او نورو پالیسیو مسوول دي.

Published

on

(Last Updated On: )

تمه کېده، چې د افغانستان اسلامي امارت (IEA) د لوړ پوړو چارواکو یو پلاوی د یکشنبې پر ورځ ټوکیو ته ورسیږي. دا واک  ته ترلاسه کولو راهیسې جاپان ته د لومړي سفر په توګه دی.

د جاپاني رسنیو د څرګندونو له مخې؛ دا پلاوی شاوخوا شپږ حکومتي چارواکي لري، چې د ډیپلوماسۍ، روغتیایي پاملرنې، تعلیم، کلتوري ملکیتونو او نورو پالیسیو مسوول دي.

دا سفر د تېر کال د ساساکاوا سولې بنسټ د اجرائیوي رییس او په افغانستان کې د ملګرو ملتونو د مرستندویه ماموریت (UNAMA) د پخواني مشر تادامیچي یاماموتو لخوا د بلنې په ځواب کې ترسره کیږي.

راپورونه وايي، چې پلاوی به احتمالاً د نورو بشري مرستو غوښتنه وکړي او ممکن د جاپان او افغانستان ترمنځ د اړیکو په اړه د جاپان له حکومتي چارواکو سره هم خبرې وکړي.

جاپان په افغانستان کې ډیپلوماټیک فعالیتونه روان ساتلي او د ملګرو ملتونو له لارې یې د طبي تاسیساتو ملاتړ کړی دی.

د اقتصاد وزارت مرستیال عبداللطیف نظري وايي، چې نن (یکشنبه د سلواغې اته‌ویشتمه) د اسلامي امارت د لوړ پوړي پلاوي سره جاپان ته روان شو.

هغه په ​​ایکس پاڼه کې لیکلي: “مونږ د یو پیاوړي، متحد، پرمختللي، سوکاله، پرمختللي افغانستان او د نړیوالې ټولنې د فعال غړيتوب لپاره له نړۍ سره د درناوي وړ تعامل غواړو.”

د یادونې ده، چې نظري د دې سفر په اړه نور جزئیات ندي ورکړي.

Continue Reading

تازه خبرونه

د کډوالو چارو وزارت په بلوچستان کې له کورونو څخه د افغان کډوالو شړل وغندل

د کډوالو چارو وزارت په خبرپاڼه کې راغلي، چې د ۱۴۰۳ لمریز لېږدیز کال د سلواغې پر اووه‌ویشتمه پاکستانيو پولیسو د بلوچستان ایالت په کوټه او کچلاک سیمو کې د شپې لخوا د یو شمېر افغان کډوالو پر کورونو چاپه ووهله؛ یو شمېر افغان کډوال یې پر زور له خپلو کورونو وشړل او له ناوړه چلند سره یې مخ کړل.

Published

on

(Last Updated On: )

د کډوالو چارو وزارت د یکشنبې د ورځېسلواغې اته‌ویشتمه ) د خپرې شوې خبرپاڼې له مخې؛ دې وزارت د پاکستان په بلوچستان ایالت کې له خپلو کورونو څخه د افغان کډوالو جبري ایستل وغندل.

د کډوالو چارو وزارت په خبرپاڼه کې راغلي، چې د ۱۴۰۳ لمریز لېږدیز کال د سلواغې پر اووه‌ویشتمه پاکستانيو پولیسو د بلوچستان ایالت په کوټه او کچلاک سیمو کې د شپې لخوا د یو شمېر افغان کډوالو پر کورونو چاپه ووهله؛ یو شمېر افغان کډوال یې پر زور له خپلو کورونو وشړل او له ناوړه چلند سره یې مخ کړل.

په خبرپاڼه کې زیاته شوې، چې د پاکستانيو پولیسو لخوا په شړل شویو کسانو کې ۶۵ ماشومان او ۳۰ افغان میرمنې دي، چې د کندهار ولایت د سپین بولدک له سرحدي لارې افغانستان ته راوشړل شول.

د پاکستان حکومت په تېرو دوه کلونو کې پرله‌پسې دا ډول هڅې کړې دي، چې د ګاوږنډیتوب له ټولو اصولو او نړیوالو اسلامي قوانینو پر خلاف دي او ذا چاره یې روانه ساتلې ده.

په خبرپاڼه کې ټینګار شوی، چې د کډوالو او راستنېدونکو چارو وزارت دا ډول کړنې غندي او له نړیوالو بنسټونو یې غوښتي، چې په هغه هېواد کې له افغان کډوالو سره خپلې مرستې او همکاري روانه وساتي، چې له عزت سره خپل هېواد ته راستانه شي.

Continue Reading

تازه خبرونه

پاکستان د سرحدي قبیلوي ډیپلوماسۍ لپاره افغانستان ته دوه پلاوي لیږي

جیو ټلویزیون راپور ورکړی، چې لومړی پلاوی به د خبرو اترو او ډیپلوماټیکو مسلو د اداره کولو لپاره د مناسب چاپېریال رامنځته کولو دنده ولري.

Published

on

(Last Updated On: )

د خیبر پښتونخوا د وزیر اعلی سلاکار وکیل محمد علي سیف ویلي، چې ولایتي حکومت به د خبرو اترو لپاره دوه پلاوي افغانستان ته واستوي.

جیو ټلویزیون راپور ورکړی، چې لومړی پلاوی به د خبرو اترو او ډیپلوماټیکو مسلو د اداره کولو لپاره د مناسب چاپېریال رامنځته کولو دنده ولري.

وروستۍ برخه به بېلابېل اړخونه ولري او بحث به د اقتصادي اړیکو پر پیاوړتیا راڅرخي.

دا په داسې حال کې ده، چې په پاکستان کې د ترهګریزو بریدونو کچه لوړه شوې او اسلام‌آباد یې پړه په افغانستان کې پر ډلو اچوي.

د ترهګرۍ مسله د پاکستان لپاره یوه مهمه ستونزه ده؛ له افغانستان څخه یې غوښتي، چې په خپله خاوره کې تحریک طالبان پاکستان (TTP) ته د ورته ډلو لخوا د دې خاورې د کارولو مخه ونیسي.

اسلامي امارت تل د پاکستان دا ادعاوې رد کړي او ویلي یې دي، چې هیڅ فرد یا ډلې ته به اجازه ورنکړي، چې بل هېواد ته ګواښ رامنځته کړي.

جیو ټلویزیون راپور ورکړی، چې د خیبر پښتونخوا امنیتي وضعیت ته پر پاملرنه د کرمې په اړوند سیمه کې د څو میاشتینیو ناکراریو په ګډون د خیبر پښتونخوا اعلی وزیر ګنډاپور د ۲۰۲۴ کال په سپټمبر کې له افغانستان سره د مستقیمو خبرو اترو وړاندیز وکړ، چې په ناکراره سرحدي سیمو کې د تلپاتې سولې لپاره د ترهګرۍ اندېښنو ته لاسرسی رامنځته شي.

اعلی وزیر د روانې میاشتې په پیل کې خپل دریځ بیا تکرار کړ او ویې ویل، چې د خیبر پښتونخوا حکومت به ګاونډ هېواد ته یوه جرګه واستوي.

Continue Reading
Advertisement

Trending

Copyright © 2024 Ariana News. All rights reserved!