Connect with us

تازه خبرونه

له افغانستان څخه د امریکا وتلو مستبد مشران لکه پوتین زړور کړي دي  

خپور شوی

 په

(Last Updated On: سلواغه ۷, ۱۴۰۰)

امریکا پدې باور ده، چې له افغانستان څخه د امریکايي ځواکونو وتلو د نړۍ په کچه استبدادي مشران لکه د روسیې ولسمشر ولادیمیر پوتین، زړور کړي دي.

د امریکا د بهرنیو چارو وزارت ویاند نډ پرایس په یو خبري کنفرانس کې ویلي؛ داسې ښکاري، چې روسیه هره شېبه پر اوکراین برید ته چمتو ده.

دی زیاتوي؛ په افغانستان کې د جګړې پای ته رسول امریکا ته اجازه ورکوي، چې له روسیې سره د مقابلې لپاره غوره سټراټیژیک دریځ غوره کړي.

پرایس زیاته کړې، چې نه پوهیږي له افغانستان څخه د امریکايي پوځونو د وتلو موضوع له روسیې سره څه ډول تړاو لري! امریکا هر کال په میلیارډونو ډالر مصرف کړي. که اوس هم همداسې وای؛ نو څنګه به مونږ له روسیې سره د مقابلې لپاره ښه سټراټیژیک موقعیت غوره کړی و؟

له افغانستانه د امریکا وتل او دا، چې امریکا اوس هم د افغانانو د ایستلو په لټه کې ده، لانجمن  موضوعات بلل کیږي.

نډ پرایس وایي: لومړی دا، چې امریکا له افغانستان څخه مخ ندی اړولی. دا انګیرنه ناسمه ده، چې مونږ افغانستان هیر کړی، بلکې مونږ له ګواښونو او فرصتونو سره د لازم چلند لپاره چمتووالی نیسو او له افغانانو سره مشارکت هم روان ساتو.

له بلې خوا اسلامي امارت وايي؛ د افغانستان ملي ګټو ته ژمن دی او اسلامي امارت د یو خپلواک دولت په توګه د خلکو په خوښه جوړ شوی دی.

د اسلامي امارت ویاند بلال کریمي ویلي: اسلامي امارت یو خپلواک حکومت دی، چې د خلکو د ارادې له مخې جوړ شوی او د افغانستان ټول مسایل حل کوي. بله ځانګړې موضوع داده، چې اسلامي امارت د افغانستان ملي ګټو ته ژمن دی.

له افغانستان څخه د امریکا له وتلو وروسته اسلامي امارت ویلي، چې په افغانستان کې جګړه باید کلونه مخکې پای ته رسېدلې وای او بل دا، چې بهرني هېوادونه د افغانستان په کورنیو چارو کې لاسوهنه ونکړي.

تازه خبرونه

په تېرو ۹ میاشتو کې څه باندې ۷۰۰ زره افغان کډوال له ایرانه ایستل شوي

خپور شوی

په

توسط

(Last Updated On: غبرګولى ۷, ۱۴۰۱)

د کډوالو او راستنیدونکیو چارو وزارت د کډوالو او راستنیدونکیو د ستونزو د څېړلو لپاره هرات ته رسېدلی دی.

د کډوالو او راستنیدونکیو چارو وزارت چارسمبالي محمد ارسلا خروټي نن یوې خبري غونډې ته وویل، چې په تېرو ۹ میاشتو کې څه باندې ۷۰۰ زره افغان کډوال له ایران څخه راستانه شوي، چې ډېري یې پر زوره ایستل شوي دي.

د دغه وزارت مرستیال ټینګار کړی، چې په ایران کې له افغان کډوالو سره د ناوړه چلند موضوع څو ځله د ایران له حکومت سره یاده شوې ده.

د مهاجرینو او راستنیدونکیو چارو مرستیال محمد ارسلا خروټی وایي: مونږ د ایران له حکومت سره هم اړیکه ونیوله او د بهرنیو چارو وزارت د ایران سفیر احضار کړ او خپله نارضايتي مو ورته څرګنده کړه. هغه کسان، چې له افغانانو سره پر ناوړه چلند تورن دي، باید محاکمه شي او مجرمین باید مجازات شي.

په دې خبري غونډه کې د امريکا يوې خيريه موسسې هم د کډوالو چارو رياست ته د جامو يوه ستره مرسته وسپارله، چې په پام کې ده د دغو جامو ډېره برخه په ډېرو ولايتونو کې پر اړمنو خلکو ووېشل شي.

د خيريه بنسټ د همغږۍ مسوول فرهاد ساپي ويلي: دوى زيانمن او اړين دي.

نوموړي زیاته کړې، چې دغه لېږد شاوخوا پېنځه میلیون ډالر ارزښت لري؛ نو اړتیا ده، چې د هېواد په ډېرو ولایتونو کې پر ټولو اړمنو کسانو ووېشل شي.

د کډوالو او راستنیدونکیو چارو مرستیال محمد ارسلا خروټي ویلي: مونږ تاسې ته ډاډ درکوو، چې مرسته شوې شتمنۍ به په پوره شفافیت سره مستحقو او اړمنو کسانو ته ورسوو.

دا مرستې په داسې حال کې تر سره کېږي، چې په دې وروستیو کې له ایران څخه د افغانانو د ویستلو لړۍ چټکه شوې او چارواکي وايي، هره ورځ د اسلام کلا له پولې له ۳۰۰۰ ډېر افغانان هرات ته رادننه کیږي.

Continue Reading

تازه خبرونه

اسلامي امارت د واک انحصار نه غواړي – ملا برادر

خپور شوی

په

توسط

(Last Updated On: غبرګولى ۷, ۱۴۰۱)

د لومړي وزیر مرستیال ملا عبدالغني برادر پرون له یو شمېر افغان شیعه عالمانو او مخورو سره په خبرو کې ویلي، چې افغانستان د ټولو افغانانو ګډ کور دی او اسلامي امارت د واک انحصار نغواړي.

ملا عبدالغني برادر زیاته کړې: د افغانستان پرمختګ د دې هېواد د ټولو خلکو ګډ مسوولیت دی او د اسلامي امارت غېږه د ټولو هېوادوالو پر مخ خلاصه ده.

نوموړي همداراز زیاته کړې، چې د خلکو هوساینه او اقتصادي ثبات د اسلامي امارت اړین لومړیتوبونه دي.

سیعه عالمانو او مخورو ویلي، چې تل یې د اسلامي نظام او اسلامي امارت ملاتړ کړی او هغه کړنې او هڅې غندي، چې روان اسلامي نظام کمزوري کوي.

دوی همدارنګه اسلامي امارت په افغانستان کې د میشتو قومونو د یووالي او پیوستون مرکز وباله او څرګندوي: عالمانو تل د شیعه ګانو په سیمو کې د هر ډول بغاوت او ناامنۍ مخه نیولې ده.

دوی دا ټینګار هم وړاندې کړی؛ د بن سند کنفرانس د اشغال، توکمیزو او سیمه ییزو تعصبونو زېږنده و او د دوحې تړون برعکس، د ملتونو ترمنځ د آزادۍ، یووالي او ورورولۍ سند دی.

د لومړي وزیر د مرستیال دفتر ویلي؛ دغه پلاوي له ملا برادر سره په لیکلې بڼه خپل وړاندیزونه شریک کړي دي.

ملا برادر دا هم ویلي، چې د اسلامي امارت دروازې د ټولو افغانانو پر مخ خلاصې دي. مونږ له هر هغه چا هرکلی کوو، چې افغانستان او د افغانستان خلکو ته خدمت کوي.

هغه د خلکو هوساینه او اقتصادي ثبات د حکومت له مهمو پروګرامونو بولي او وایي، چې موخه یې په لنډ مهال کې د اقتصادي وضعیت ښه کول، خلکو ته د کار زمینه برابرول او د هېواد د ملي عوایدو لوړول دي.

Continue Reading

تازه خبرونه

د ښځو د حقونو په اړه د امنیت شورا اندېښنه بې ځایه ده – اسلامي امارت

خپور شوی

په

توسط

(Last Updated On: غبرګولى ۷, ۱۴۰۱)

اسلامي امارت د ښځو د حقونو په اړه د ملګرو ملتونو اعلامیه رد کړې او څرګندوي، چې پر افغان میرمنو د محدودیتونو لګولو په اړه د امنیت شورا اندېښنه بې بنسټه او د ټولنې له واقعیتونو سره اړخ نه لګوي.

د اسلامي امارت د بهرنیو چارو وزارت د جمعې پر ورځ د غبرګولې شپږمه د ښځو د حجاب او اړوند حقونو په اړه د ملګرو ملتونو څرګند شوی راپور رد کړ او په ډاګه کوي، چې د افغان ښځو د حقوقو په اړه د امنيت شورا په اعلاميې کې ذکر شوې اندېښنې له واقعيته لرې دي او د افغانانو د منل شویو دیني او کلتوري لارښوونو په چوکاټ کې د ښځو، ماشومانو او لږکیو د بشپړو حقوقو د تأمین په برخه کې پخپله ژمنه یو ځل بیا ټینګار کوي.

دا په داسې حال کې ده، چې د ملګرو ملتونو امنیت شورا د سې شنبې پر ورځ د غبرګولي درېیمه) د رایو پر اکثریت له طالبانو وغوښتل، چې په افغانستان کې د بشري حقونو او افغان میرمنو پر وړاندې محدود کوونکي سیاستونه سمدستي ودروي.

اسلامي امارت له نړۍ ووغوښتي، چې د افغانستان د خلکو دیني او فرهنګي ارزښتونو ته دې درناوی وکړي.

دا په داسې حال کې ده، چې د افغانستان لپاره د ملګروملتونو ځانګړي راپورورکوونکی ریچارد بینیټ په افغانستان کې خپل ۱۱ ورځنی سفر پای ته رسولی او له نږدې یې له بشري حقونو سرغړونې لېدلې دي.

Continue Reading

Trending

Copyright © 2022 Ariana News. All rights reserved!