Connect with us

سیمه ییز خبرونه

له باراني هوا سره د هند په تونل کې د ژغورنې عملیاتو د ستونزمنېدو شونتیا ډېره ده

خپور شوی

د

(Last Updated On: ليندۍ ۶, ۱۴۰۲)

د دوشنبې د ورځې د هوا حالاتو اټکل د هغو ۴۱ کارګرانو د ژغورنې عملیاتو ته نورې ستونزې رامنځته کړي، چې دوه اوونۍ مخکې د هند همالیا د غرونو په یوه تونل کې بند پاتې ول؛ خو د مرستو تنظیموونکي ډاډ ورکوي، چې ورسره ډغرو وهلو ته چمتوالی لري.

رویترز راپور ورکړی، چې د هند د ځینو بې‌وزلو ایالتونو کارګران د نومبر له ۱۲ نېټې راپدیخوا د اوتراکند ایالت کې په څلورنیم کیلومتري تونل کې بند پاتې دي.

خرابه هوا له برښنا، ږلۍ او ټيټې تودوخې سره غرونو ته نږدې کیږي؛ خو د مرستې تنظیم کوونکیو ویلي، چې دوی به ورسره ډغرې ووهي.

د NHIDCL رییس محمود احمد، چې د تونل په جوړولو او مرستو رسولو کې هڅې کوي ویلي؛ دوی (د ژغورنې ډلې) روزل شوي، چې په هر ډول شرایطو کې کار وکړي، نو دا زمونږ لپاره د اندېښنې وړ نه‌ده.

یو څلویښت بند پاتې کسان خواړه، اوبه، رڼا، اکسیجن او درمل د یوه نري پایپ له لارې ترلاسه کوي؛ خو د دوی د ایستلو لپاره د تونل د کیندلو هڅې له خنډونو سره مخ شوې.

د برمه کولو ماشینونه زیانمن شوي او ژغورونکیو د لاس په واسطه کیندلو ته لار اواره کړې ده.

د یکشنبې پر ورځ دوی د خلکو د راایستلو لپاره بله لار پرانستله، چې موخه یې د پورتنۍ برخې سوري کول او د هغو راایستل دي.

د برمه کولو SJVNL  شرکت مشر جسونت کپور ویلي: مشکلات به وي، له ستونزو سره به مخ کیږو؛ خو مونږ ورته چمتو یوو.

د دوشنبې پر ورځ پر تندر او ږلۍ سربېره، لږ تر لږه د سانتي ګرید ۹ درجې وړاند ویېنه شوې ده.

دغه تونل د چار دام د لویې لارې یوه برخه ده، چې د لومړي وزیر نریندرا مودي یوه له سترو پروژو څخه ده، چې موخه یې د هندوانو څلور زیارتونه د ۸۹۰ کیلومتره سړک له لارې نښېدا ده.

چارواکو تر دې دمه نه‌دي ویلي، چې د تونل د نړېدو لامل څه دی؛ خو په سیمه کې له دې مخکې هم ځمکه ښوېدنې، زلزلې او سیلابونو لیدل شوي دي.

سیمه ییز خبرونه

مولانا فضل الرحمن د پاکستان د ټاکنو پایلې رد کړې

Published

on

(Last Updated On: سلواغه ۲۶, ۱۴۰۲)

د پاکستان جمعیت علمای اسلام ګوند مشر د سلواغې د نولسمې په پارلماني ټاکنو کې له ماتې وروسته ویلي، چې ګوند یې؛ ځکه ټاکنې بایللې، چې له پاکستان سره د افغانستان د اړیکو پیاوړتیا او د اسلامي امارت د ثبات غوښتونکی و.

هغه ويلي، چې د پاکستان د ټاکنو پايلې نه مني او له همدې کبله د ټاکنو د پايلو پر ضد به لاريون ترسره کړي.

په دې ټاکنو کې د جمعيت علما اسلام ګوند يوازې څلور څوکۍ وګټلې.

مولانا فضل الرحمن د چارشنبې پر ورځ (د سلواغې پېنځه‌ویشتمه) په اسلام‌آباد کې یوه خبري کنفرانس ته د وینا پر مهال ویلي؛ د ده د ګوند ټاکنیزه ماته د هغې درغلۍ پایله وه، چې د ” اسلام ضد نړیوالو قدرتونو” ورته سپارښتنه کړې وه.

نوموړي پر امريکا او اسرائيلو تور ولګاوه، چې د اسلامي امارت او پاکستان ترمنځ د اړيکو د ښه کولو له هڅو سره مخالف دي او د ده د بريا مخه یې ونيوله.

فضل الرحمان وایي: زمونږ جرم دا دی، چې مونږ په افغانستان کې د اسلامي امارت د ثبات او د پاکستان او افغانستان ترمنځ د سوله‌ییزو اړیکو لپاره هڅې وکړې او جمعیت علمای اسلام د اسرائیلو د دولتي ترهګرۍ پر وړاندې د حماس له دریځه ملاتړ کړی دی.

د دېره اسماعیل خان له حوزې څخه پارلماني ټاکنو ته نوماند مولانا فضل الرحمان د تحریک انصاف ګوند سره تعلق لرونکي آزاد امیدوار علي امین خان ګنډاپوري څخه ماتې وخوړه.

فضل الرحمن په خپل خبري کنفرانس کې دا ادعا هم کړې، چې د فبرورۍ د اتمې په ټاکنو کې له بریالیو او ناکامو نوماندانو څخه رشوتونه اخیستل شوي دي.

هغه د پاکستان د ټاکنو کمیسیون پر فساد تورن کړ او ادعا یې کړې، چې په پېښور کې یو افغان وګړي هم د پاکستان پارلماني ټاکنې وګټلې.

Continue Reading

سیمه ییز خبرونه

شهباز شریف د پاکستان صدراعظمۍ ته ائتلافي نوماند شو

Published

on

(Last Updated On: سلواغه ۲۵, ۱۴۰۲)

پخواني لومړي وزیر شهباز شریف ته یوه نږدې کس ویلي، چې د سې شنبې پر ورځ( د سلواغې څلیریشتمه ) ځان د بېلابېلو ګوندونو د جوړ شوي نوي ائتلاف مشرۍ ته نوماند کړ.

د پاکستان پیپلز پارټۍ د سې شنبې پر ورځ ویلي؛ دوی به د سیاسي ثبات د رامنځته کولو لپاره د نواز شریف د ګوند ملاتړ وکړي او پاکستان به له ناڅرګند برخلیکه وژغوري.

د نواز شريف د ګوند وياندې مريم اورنګزېب په ایکس پاڼه کې لیکلي، چې د شهباز مشر ورور نواز شريف هغه د دې څوکۍ لپاره نومولی دی.

شهباز شریف د خپل ورور پاکستان مسلم لیګ نواز سره بشپړ تړاو لري او دې ګوند ۸۰  څوکۍ او پیپلز ګوند  ۵۴ هغو پر ګټلو دوه‌یم ځای خپل کړی دی. دواړه ګوندونه به پر ګډه د ۲۶۴ څوکیو لپاره په مقننه قوه کې د ساده اکثریت لپاره بس وي.

د پاکستان پيپلز پارټۍ د مشر پخواني اصف علي زرداري زوی بلاول بوټو د شهباز شریف او د نورو سیاسي ګوندونو د مشرانو تر څنګ ناست یو خبري کنفرانس ته ویلي؛ مونږ پرېکړه کړې، چې له ناورین څخه د پاکستان د ایستلو لپاره به په ګډه حکومت جوړوو.

له دې مخکې د زرداري زوی او د پيپلز ګوند مشر بلاول بوټو زرداري د نواز شريف په مشرۍ د ائتلاف ملاتړ ته شرطونه ايښي وه او ويلي يې ول، چې د لومړي وزير په ټاکلو کې به د دوی ملاتړ کوي؛ خو د حکومت برخه به نه‌وي.

په هرحال پېنځه ورځې وروسته د فبرورۍ د ۸ ټاکنو د رایو د وېش له کبله د بې ثباتۍ اندېښنې راوپارولې دي.

د بندي پخواني لومړي وزیر عمران خان له ملاتړه برخمنو خپلواکو نوماندانو ۹۲ څوکۍ ګټلې، چې تر ټولو لویه ډله ده؛ خو دوی نه‌شي کولی نه د فرد په توګه او نه د ګوند په توګه په‌خپل‌سر حکومت جوړ کړي. دوی له مسلم لیګ (ن) او پیپلز ګوند سره هم د اتحاد خبره رد کړې ده.

Continue Reading

سیمه ییز خبرونه

د ټاکنو په وروستۍ شمېرنه کې د عمران خان خپلواک ملاتړي مخکښ شول

Published

on

(Last Updated On: سلواغه ۲۲, ۱۴۰۲)

 د پاکستان د ټاکنو کمیسیون اوبپاڼې په ډاګه کړې، چې د یکشنبې پر ورځ د پاکستان د پارلماني ټاکنو د رایو شمېرنه په زندان کې د بندي پخواني لومړي وزیر عمران خان د ګوند خپلواکو نوماندانو پر بریا پای ته ورسېده او ویل کیږي، چې د عمران خان د تحریک انصاف ګوند خپلواکو ملاتړیو له ۲۶۴ څوکیو څخه ۱۰۱ څوکۍ ګټلې دي.

رویټرز راپور ورکړی، چې د پنجشنبې د ورځې د پارلماني او ایالتي شوراګانو وروستۍ رایې له درې ورځني ځنډ  وروسته خپرې شوې، چې دې ځنډ د ټاکنیز بهیر په اړه پوښتنې راپورته کړې دي.

خپلواک نوماندان د لومړي وزیر نواز شریف له ګوند څخه، چې ۷۵ څوکۍ یې وګټلې؛ مخکښ او په پارلمان کې ترټولو لوی واحد ګوند شو؛ ځکه، چې د خان خپلواک ملاتړي د انفرادي کسانو په توګه ودریدل.

نواز شریف ویلي: ګوند یې له نورو ډلو سره د ائتلافي حکومت پر جوړولو خبرې کوي؛ ځکه، چې په خپله د لوی اکثریت په تر لاسه کولو کې پاتې راغی.

د عمران خان تحریک انصاف ګوند د شنبې پر ورځ ګواښ کړی و که د یکشنبې پر شپه رایې اعلان نه‌شي په ټول هېواد کې به سوله‌ییز لاریونونه وکړي او ځینې کوچني اعتراضونه د شپې لخوا هم ترسره شول.

د پاکستان لنډمهالي حکومت ويلي؛ د ټاکنو پر ورځ د انټرنټ د بندېدو او مخابراتي ستونزو له کبله رای شمېرنې وځنډېدلې؛ خو هغو چارواکو، چې دا ځنډ پر امنیتي دلایلو له کبله ګڼلی و، د امریکا په ګډون د بشري حقونو ډلو او بهرنیو حکومتونو اندېښنې راوپارولې.

د یکشنبې پر ورځ په ایکس پاڼه کې د عمران خان پي ټي آی ګوند سکرتر عمومي لاریونونه لغو کړل؛ خو څرګندوي: په هغو ټاکنیزو دفترونو کې دې لاریونونه وشي، چې د جعلي پایلو شک پرې کیږي.

شاوخوا ۹۳ خپلواک نوماندان، چې څوکۍ یې ګټلې د عمران خان له تحریک انصاف ګوند سره تړاو لري.

د خان ملاتړي د خپلواکو نوماندانو په توګه ودرېدل؛ ځکه، چې دوی د ټاکنو کمیسیون د ګوندي ټاکنیز سمبول له لارې په ټاکنو کې له ګډون کولو څخه منع شوي وه.

د بندیز سره سره او خان د دولتي رازونو له افشا کولو څخه د فساد او غیرقانوني واده کولو په تورونو کې د محکومیت سره سره، د پخواني کرکټر ملیونونه ملاتړي هغه ته د رایې ورکولو لپاره راوتلي، که څه هم هغه په ​​بند کې پاتې کیدو سره د هیڅ حکومت برخه نشي کیدی.

د ټاکنو کمیسیون له دې مخکې څرګنده کړې وه، چې د دوه څوکیو پایلې اوس هم راونغښتل شوې؛ خکه، په یوه کې یو کاندید وژل شوی، چې د رایې ورکولو ځنډولو ته اړتیا لري او په یو بل مرکز کې، چې رای اچونه یې د میاشتې تر پایه بشپړېده.

د یادونې ده، چې عمران خان د فساد، درغلۍ او ناقانونه واده پر تور د اس کلن بند شپې سبا کوي.

Continue Reading

Trending

Copyright © 2022 Ariana News. All rights reserved!