د افغانستان اسلامي امارت د مهاجرینو او راستنېدونکیو چارو وزارت د چارسمبالی خلیل الرحمن حقاني پر " شهادت " خپله خواخوږي څرګنده کړې او څرګندوي، چې نوموړی د خدای په لار کې نه ستړی کیدونکی مجاهد و.

د افغانستان اسلامي امارت د ویاند ذبیح الله مجامد د هېواد د کډوالو چارو وزارت د چارسمبالي خلیل الرحمن حقاني "شهادت" تائید کړی او څرګندويۍ: "نوموړی نن له غرمې وروسته د خوارجو په یو ناځوانمردانه برید کې شهید شوی دی."

د اسلامي امارت د ویاند د خواخوږۍ په پیغام کې راغلي: د "شهید حقاني" "شهادت" د اسلامي امارت، مجاهدینو، کورنۍ او ټولو افغانانو لپاره یو ستره ضایعه ده.

د یادې خبرپاڼې له مخې؛ خلیل الرحمن حقاني د الله تعالی د لارې یو ستړی مجاهد و، چې ټول عمر یې د الله تعالی له دین څخه د دفاع په لاره کې جهاد کړی و.

د دې پیغام له مخې:(( د خوترجو دا عمل نشي کولی د مسلمانانو ارادې کمزورې کړي، بلکې داسې بزدلانه عمل د اسلام او دین د دښمنانو مخ توروي او د هغوی د شومو ارادو څرګندونه کوي.))

ویل کیږي، چې دا برید نن له غرمې وروست په کډوالو چارو وزارت کې دننه رامنځته شوی؛ خو تر اوسه د نورې مرګ او ژوبلې په اړه څه ندي ویل شوي

د ایران پوځي چارواکو له افغانستان سره د دغه هېواد د ختیځې پولې د ۳۵ کیلومټره پولې له تړلو خبر ورکړی دی.

ایراني رسنیو د سې‌شنبې پر ورځ( د لیندۍ پر شلمه ) د دغه هېواد په سویل ختیځ کې ځمکني پوځ د قومندان امیر غلام‌علیان د څرګندونو له مخې راپور ورکړی، چې د ۳۵ کیلومټره پر اوږدوالي د دیوال جوړولو چارې بشپړې شوې دي.

نوموړي ویلي؛ دې کار پر پوله د افغانانو تګ‌راتګ کم کړی دی.

غلام‌علیان وایي: « په ټولو هغو نقطو کې، چې له افغانستان سره پرې کوم اختلاف نشته؛ کار یې ښه سرته رسطدلی دی .»

د راپورونو پر بنسټ، د پولې تړلو طرحې له پېل مخکې د افغانانو تګ‌راتګ ډېر و؛ خو اوس دا شمېر نیمايي ته راکښته شوی دی.

د نوموړي د څرګندونو له مخې؛ د دې طرحې له بشپړېدو سره به د افغانستان او ایران  د ختیځو پولو ترمنځ امنیت ټینګ شي او نور به ډلې او ناقانونه کډوال ونشي کړی، چې ایران ته راواوړي.

ویل کیږي، چې ایران له دې مخکې خبر ورکړی و، چې له پاکستان او افغانستان سره د دغه هېواد د «پولو تړلو طرحه» د پلي کېدو په حال کې ده.

د لوړو زده‌کړو وزارت په خبرپاڼه کې لیکل شوي، چې د دغه وزارت د رهبرۍ شورا د پرېکړې پر بنسټ د ۱۱ خصوصي تحصیلي بنسټونو کاري جوازونه لغو شوي دي.

د لوړو زده‌کړو وزارت د څارنې پر بنسټ؛ په دغو ۱۱ تعلیمي ادارو کې د علمي، تحصیلي او اداري اصولو نه مراعات، د خیالي قراردادي استادانو شتون، د خیالي محصلینو شتون، له اصولو سره سم د رهبرۍ او اداري کارکوونکیو نه شتون، د ټولګيو او ازموينې خونو نشتون او يا هم له اصولو سره سم نه تنظيمېدل، د مهمو درسي اسانتياوو نشتوالى او نورې ستونزې او سرغړونې د دې لامل شوي، چې د يادو تحصيلي موسسو کاري جوازونه لغو شي.

په اړوند خبرپاڼه کې راغلي، چې په غزني کې د سلطان محمود غزنوي، په فراه کې د ابو نصر، په بادغیس کې د حنظله او حکمت، په تخار کې د فجرستان، په کندوز کې د نمر، په بغلان کې د رویان او قدس، په بلخ کې د سادات، په سمنګان کې د مولانا جلال الدین بلخي او په هرات کې الغیاث د خصوصي لوړو زده‌کړو موسسو د فعالیت جوازونه لغو شوي دي.