تازه خبرونه
له یو کال راپدیخوا په کابل ایمرجنسي روغتون کې له ۳۰۰۰ ډېر ټپیان بستر شوي

د کابل ایمرجنسي روغتون د جمعې پر ورځ څرګنده کړې، چې له یو کال راپدیخوا یې د رامنځته شویو چاودنو له کبله له ۲۷۰۰ ډېر ټپیان بستر کړي دي.
ایمرجنسي روغتون د یو ایتالوي نادولتي بنسټ لخوا تمویلیږي، چې د جګړې د قربانیانو په درملنه کې د تخصص لرونکی دی ویلي؛ د کابل، لښکرګاه او د پنجشیر د انابې ولسوالۍ په روغتونونو کې یې له ۱۶۰۰۰ څخه ډېر ناروغان تر درملنې لاندې نیولي دي.
په افغانستان کې د ایمرجنسي روغتون چارسمبالي دژان پانیک کابل روغتون ته په نغوته کې ویلي: یوازې په تېرو دوه میاشتو کې مونږ په خپل دې روغتون کې د چاودنو له کبله ۱۱ ټپیان بستر کړي او مونږ هره ورځ د ټوپکو، ډزو، چړو، ماین چاودنو او چاودیدونکو توکو څخه د ټپیانو درملنه کوو.
نوموړي ویلي، چې امنیتي حالات په ځانګړي توګه په کابل کې بشپړ پېچلی دی.
نوموړي ويلي، د کابل په کاج ښوونیز مرکز کې د جمعې د ورځې له ځانمرګي بریده ۲۲ ټپیان وروړل شوي دي.
هغه زیاته کړې: قربانیان ټول د ۱۸ او ۲۵ کلونو ترمنځ دي، چې ډېري یې په ټولګي کې د ازموینې په حال کې ول. له ټپیانو څخه یو کس له رسیدو سره سمه ساه ورکړه او بل یې له داخلیدو وروسته مړ شوی دی.
د کورنیو چارو وزارت د جمعې د ورځې د چاودنې په اړه ویلي وه، چې ۱۹ کسان وژل شوي او ۲۷ نور ټپیان دي.
په افغانستان کې د ملګرو ملتونو مرستندویه پلاوي د شنبې پر ورځ ویلي، چې په دې چاودنه کې لږ تر لږه ۳۵ کسان وژل شوي او ۸۲ نور ټپیان دي، چې ډېري یې نجونې او میرمنې دي.
تازه خبرونه
سراج الدین حقاني له یو شمېر افغان سياسي کارپوهانو او فعالانو سره وکتل

د افغانستان د کورنیو چارو وزارت څرګنده کړې، چې د دې وزارت چارسمبالي سراج الدین حقاني د هېواد له ځینو سیاسي اشخاصو او لیکوالو سره په لیدنه کې د ځينو ستونزو د حل او پرمختګونو په اړه په جوړه شوې غونډه کې ګډون وکړ.
په دې لیدنه کې د سیاسي چارو کارپوه حميدالله هوتک د هېواد بېلابېلو سیمو ته د سراج الدین حقاني په ګډون، د مشرانو سفرونه د ملي او سیاسي همغږۍ د روحیې د پياوړتیا لپاره ګټور وبلل او د ولسي حقونو تضمین یې د حکومت مسوولیت یاد کړ.
د غونډې د ګډونوالو د څرګندونو له مخې؛ د کورنیو چارو وزارت سفرونه د ولس د اقشارو تر منځ د وحدت سبب ګرځېدلي دي.
دغه راز دوی ويلي: له افغان شخصیتونو سره د اړیکو کمیسیون باید د کادرونو د رابللو چارې لا ګړندۍ کړي او د پردیو هېوادونو له کمپونو یې را وباسي.
همدارنګه معین ګل څمکني څرګنده کړې: د پردیو توطیو دا هېواد شاوخوا ۴۵ کاله په شخړو کې ښکېل کړی و، چې باید له دې وروسته افغانان د نورو پر لمسون د ناخوالو د رامنځته کولو کوښښ ونهکړي.
د کورنیو چارو وزارت چارسمبالي سراج الدین حقاني د ګډونوالو د نظرونو له اورېدو او ستاینې وروسته ويلي: د متقابل زغم له لارې ستونزې ختمېدی او د بدبينۍ او نفاق روحیه له منځه تلی شي.
د نوموړي د څرګندونو له مخې؛ ملي او اسلامي روحیه د ملت د استحکام بنسټونه دي او تر ټولو ډېره توجه د مثبت ذهنیت جوړښت ته لازمه ده.
هغه وایي: د عصري او ديني علم په نامه د علم تر منځ فاصله ایجادول زمونږ د اکثرو ستونزو لامل ګرځېدلی دی.
دغه راز یې زیاته کړې، چې د فکري اختلاف ستونزه به هم پر مشوره او وحدت حل شي؛ خو مهمه دا ده، چې موجود فرصتونه ضایع نهشي.
سراج الدین حقاني د عامه نظم د ټينګښت په اړه ډاډ څرګند کړ او وایي، چې له جوازه پرته څوک وسله ګرزولی نهشي او د پوليسو د تشکیلاتو له بشپړاوي وروسته به یې جوازونه او يونیفورم هم بشپړ شي.
تازه خبرونه
د افغانستان د خواړو او درملو ملي ادارې چارسمبالی ایران ته ولاړ

د افغانستان د خواړو او درملو ملي ادارې چارسمبالی او ورسره مل پلاوی د G5 په غونډه کې د ګډون لپار ایران ته ولاړ.
د افغانستان د خواړو او درملو ملي اداره وايي؛ د دغې ادارې چارسمبالی داکتر عبدالباري عمر او ورسره مل پلاوی نن پنجشنبه د تلې ۶ نېټه د پېنځه هېوادونو د ډلې په ۲۷ غونډه کې، چې د روغتیا دیپلوماسۍ او د درملو او طبي تجهیزاتو سیستم تر سرلیک لاندې جوړیږي د ګډون لپاره ایران ته روان شو.
د پېنځه هېوادونو د ډلې غونډه د غړیو هېوادونو د درملو او خواړو د ادارې د مشرتابه او د روغتیا نړیوالې ټولنې په حضور کې د دغو هېوادونو د روغتیا د ودې او پراختیا لپاره ترسره کیږي.
تازه خبرونه
امیر خان متقي د مسکو د لوی جومات له ملا امام سره وکتل

د بهرنیو چارو وزیر مسکو ته د رسمي سفر په لړ کې د روسیې فدراتیف د لوی مفتي او د مسکو لوی جومات له ملا امام راویل عین الدین سره ولیدل.
د بهرنیو چارو وزارت د ویاند مرستیال حافظ ضیا احمد ویلي؛ په دې لیدنه کې مفتي راویل عین الدین د روسیې د مسلمانانو او دیني مراکزو په اړه بشپړ معلومات وړاندي کړل.
همدارنګه یې د تاتارستان او افغانستان ترمنځ پر تاریخي اړیکو رڼا واچوله، تاتارستان یې د روس او اسلامي نړۍ ترمنځ د اړیکو تار وباله.
د بهرنیو چارو وزیر امیر خان متقي ویلي؛ امید لرم، چې تاسې به د افغانستان او روسیې ترمنځ د هر اړخیزو اړیکو د پیاوړتیا په برخه کې مؤثر او اغېزمن رول ولوبوئ.
د بهرنيو چارو وزارت د وياند مرستيال وايي، اميرخان متقي د روسيې له عالمانو سره د افغانستان روان حالت او ثبات شريک کړ او له هغوى يې وغوښتل، چې د افغانستان او روسيې ترمنځ د هر اړخيزو اړيکو په پياوړتيا کې همکاري وکړل.
په پای کې مفتي راویل عین الدین د افغانستان او روسیي فدارتیف تر منځ د اړېکو په پوره ښه کیدا کي د مرستې ډاډ څرګند کړ.
دغه راز د امریکا د بهرنیو چارو وزارت ويلي، چې د امریکا استازی به په دې غونډه کې ګډون ونهکړي؛ ځکه، چې امریکا د مسکو د فارمټ غړیتوب نه لري.
د امریکا د بهرنیو چارو وزارت ویاند میتیو میلر وایي: زه له دې زیات نه شم ویلی، چې مونږ د مسکو له غونډې خبر یوو؛ خو مونږ د دې فورم غړي نهیوو؛ نو د امریکا استازی به په کې ګډون ونهکړي.
د روسیې تاس خبري اژانس د افغانستان لپاره د روسیې د ځانګړي استازي ضمیر کابلوف له قوله خبر ورکړی، چې د مسکو په غونډه کې به په افغانستان کې د ټولګډونه حکومت پر رامنځته کولو، له ترهګرۍ او نشهيي توکو سره پر مبارزې خبرې وشي.
امیر خان متقي د دوشنبې پر ورځ د روسیې د حکومت پر رسمي بلنه د مسکو په غونډه کې، چې ټاکل شوې د جمعې پر ورځ د روسیې په کازان ښار کې جوړه شي؛ د ګډون لپاره دغه هېواد ته سفر کړی دی. ویل کیږي، چې په دې غونډه کې به د افغانستان په اړه د ګاونډ او سیمې هېوادونو استازي خبرې وکړي.
-
روغتيا4 days ago
په ټول افغانستان کې د ګوزڼ واکسین کمپاین پیل شو
-
تازه خبرونه4 days ago
د چین په اسیایي لوبو کې ۸۴ افغان لوبغاړي ګډون کوي
-
لوبی4 days ago
چين د اسيايي لوبو په لومړۍ ورځ د سرو زرو مډالونه وګټل
-
لوبی4 days ago
د ۲۰۲۳ کرکت نړیوال جام نغدي جایزې ځانګړې شوې
-
سوداگري3 days ago
د نړیوالې ټولنې میلیاردونو دالرو مرستې د افغانیو په ارزښت ساتلو کې مرسته کړې – بلومبرګ
-
لوبی3 days ago
امول نومي هندي شرکت په نړیوال جام کې د ګډون لپاره د افغان لوبډلې د مالي ملاتړ ډاډ څرګند کړ
-
نړۍ4 days ago
په نایجریا کې وسلهوالو ۱۴ کسان وژلي او ۶۰ نور تښتولي
-
لوبی3 days ago
افغانستان د ۲۰۲۳ کال اسیايي لوبو کې د برونزو مدال وګاټه