Connect with us

تازه خبرونه

مالیه د یوې رڼې تګلارې له مخې راټولېږي

خپور شوی

 په

(Last Updated On: مرغومی ۲۵, ۱۴۰۰)

د افغانستان اسلامي امارت چارواکو په کابل کې د مالیې راټولو اوونۍ پیل او د یوې رڼې تګلارې له مخې غواړي، چې مالیه راټوله او د لګښت په اړه یې ملت ته روڼ حساب ورکړي.

د افغانستان د اومړي وزیر دوه یم مرستیال مولوي عبدالسلام حنفي څرګندوي، چې په هېواد کې به د کورنۍ او بهرنۍ پانګونې بهیر پراخه او د پلي کولو وړ شي.

هغه وایي، چې له هغو شرکتونو سره یې دولتي تړونونه لغوه کړي، چې ملي عواید یې شخصي جیبونو کې اچول.

مولوي حنفي زیاته کړې؛ د هېواد مالیه به د یوه سیسټم له مخې راټوله او د افغانستان د آبادۍ لپاره به رڼه ولګول شي.

هغه په ډاګه کړې، چې د مالیې وزارت د مالیې د راټولولو د بهیر پر ساده کولو کار کوي، چې هېوادوال او پانګوال وکولی شي آسانه او رڼه مالیه ورکړي.

مولوي عبد السلام حنفي وایي: مونږ، چې کوم عواید راټولوو هغه بېرته هېوادوالو ته د آسانتیاوو خدمت په برخه کې وړاندې کوو او هغه شرکتو نه، چې ملي عواید يي شخصي جبونو ته اوچول کیده؛ مونږ يي قرار دادونه له منځه لرې کړل.

د افغانستان د ماليې وزارت چارسمبالي ملا هدایت الله بدري ويلي؛ هڅې يي پیل کړي، چې کورنیو مالیه ورکوونکیو ته آسانتیاوي زیاتي کړي او له هېوادوالو غواړي، چې د ماليې ورکړه کولی شي هېواد له اقتصادي بحرانه وژغوري.

ملا هدایت الله بدری وایي: د هېوادوالو مالیات کولی شي، چې د حکومت اقتصادي ستونزې اوارې او بېرته د هېواد په آبادۍ کې ولګول شي. مونږ غواړو، چې د مالیاتو د ورکړې په برخه کې آسانتیاوې رامنځته کړو.

د صنعت او سوداګرۍ وزارت چارسمبالی نور الدین عزیزي ویلي: مونږ له ټولو هېوادوالو غواړو، چې د قانون له مخې باید مالیه ورکړي، چې د هېواد په آبادۍ کې ولګول شي.

د اقتصاد وزارت چارسمبالی دین محمد حنیف وایي؛ مالیه د یوه هېواد په اقتصادي کې د زړه شیریانونو ته ورته ارزښت لري. هیله لرم، چې ټول مالیه ورکوونکي خپلي ماليي پخپل وخت وسپاري.

د خصوصي سکتور غړي بیا له ماليي وزارته غوښتنه کوي، چې د مالیې راټولولو په برخه کې د مالیې وزارت ته آسانتیاوې رامنځته کړي.

خصوصي سکتور ويلي، چې حکومت باید له دوی څخه درې میاشتني راپور ونغواړي او د کال په پای کې له دوی سره د مالیې له درکه حساب او کتاب وکړي.

د سوداګرۍ او پانګونې خونې مالي مشر حاجي شیرین آغا سخي وایي؛ مونږ له اسلامي امارته غوښتنه کوو، چې رهبري يي زمونږ د څلور میاشتیني اظهار نامو ستونزه حل کړي او که هرڅومره د مالیاتو دورکړې سیسټم آسان شي؛ حکومت ډېر عواید تر لاسه کولی شي.

د اسلامي امارت چارواکي وايي، چې دوی نه غواړي پر بهرنیو مرستو تکیه وکړي.

دا په داسې حال کې ده، چې اسلامي امارت د لومړي ځل لپاره د ملي بودجې داسې طرحه جوړه کړه، چې پر کورونیو عوایدو ولاړه ده او بهرنیو مرستو ته په کې ځای ورکړ شوی ندی.

تازه خبرونه

د سیمې هېوادونو د افغانستان په کورنیو چارو کې پر نه لاسوهنه ټینګار کړی

خپور شوی

په

توسط

(Last Updated On: غبرګولى ۷, ۱۴۰۱)

د سیمې د امنیتي سرمشریزې غړیو هېوادونو امنیتي سلاکارانو د افغانستان په کورنیو چارو کې د نه لاسوهنې او دوستانه اړیکو د ساتلو ژمنه کړې ده.
دغو سلاکارانو د افغانستان امنیت د سیمې د ټولو هېوادونو په ګټه بللی او څرګندوي، چې د افغانستان په کورنیو چارو کې باید هیڅ راز لاسوهنه ونشي
د تاجکستان د دوه ورځنۍ امنیتي سرمشریزې په وروستۍ اعلامیه کې دا هم ویل شوي، چې ټولې خواوې باید له افغانستان سره خپلې اړیکې روانې وساتي او د یوه ټولګډونه حکومت د جوړولو، روښانه کورني او بهرني سیاست او له ټولو هېوادونو سره د دوستانه اړیکو د پراختیا لپاره کار وکړي.
په تاجکستان کې د امنیتي غونډې د اعلامیې په یوه برخه کې راغلي؛ ټول اړخونه باید له افغانستان سره خپلو اړیکو ته دوام ورکړي او د یوه جامع حکومت د رامنځته کولو، د یوه روښانه کورني او بهرني سیاست او له ټولو هېوادونو په ځانګړې توګه د سیمې له هېوادونو سره د دوستانه اړیکو د پراختیا لپاره کار وکړي.
د اسلامي امارت د ویاند مرستیال بلال کریمي هم ډاډ ورکوي، چې افغانستان له نړۍ سره رغنده تعامل ته تر بل هر وخت ډېر چمتو دی.
سیاسي شنونکي محمد صابر صادقي هم ټینګار کوی، چې د سیمې د هېوادونو نه لاسوهنه به د افغان سولې او ثبات سره پوره مرسته وکړي.
کارپوهان پدې باور دي، چې د سیمې هېوادونه د خپلو ستراتیژیکو ګټو پر بنسټ له نورو هېوادونو سره تعامل کوي او اسلامي امارت ته په کار ده، چې له نړۍ سره په داسې طریقه تعامل وکړي، چې د افغانستان ملي ګټې په کې خوندي کړي.

Continue Reading

تازه خبرونه

په تېرو ۹ میاشتو کې څه باندې ۷۰۰ زره افغان کډوال له ایرانه ایستل شوي

خپور شوی

په

توسط

(Last Updated On: غبرګولى ۷, ۱۴۰۱)

د کډوالو او راستنیدونکیو چارو وزارت د کډوالو او راستنیدونکیو د ستونزو د څېړلو لپاره هرات ته رسېدلی دی.

د کډوالو او راستنیدونکیو چارو وزارت چارسمبالي محمد ارسلا خروټي نن یوې خبري غونډې ته وویل، چې په تېرو ۹ میاشتو کې څه باندې ۷۰۰ زره افغان کډوال له ایران څخه راستانه شوي، چې ډېري یې پر زوره ایستل شوي دي.

د دغه وزارت مرستیال ټینګار کړی، چې په ایران کې له افغان کډوالو سره د ناوړه چلند موضوع څو ځله د ایران له حکومت سره یاده شوې ده.

د مهاجرینو او راستنیدونکیو چارو مرستیال محمد ارسلا خروټی وایي: مونږ د ایران له حکومت سره هم اړیکه ونیوله او د بهرنیو چارو وزارت د ایران سفیر احضار کړ او خپله نارضايتي مو ورته څرګنده کړه. هغه کسان، چې له افغانانو سره پر ناوړه چلند تورن دي، باید محاکمه شي او مجرمین باید مجازات شي.

په دې خبري غونډه کې د امريکا يوې خيريه موسسې هم د کډوالو چارو رياست ته د جامو يوه ستره مرسته وسپارله، چې په پام کې ده د دغو جامو ډېره برخه په ډېرو ولايتونو کې پر اړمنو خلکو ووېشل شي.

د خيريه بنسټ د همغږۍ مسوول فرهاد ساپي ويلي: دوى زيانمن او اړين دي.

نوموړي زیاته کړې، چې دغه لېږد شاوخوا پېنځه میلیون ډالر ارزښت لري؛ نو اړتیا ده، چې د هېواد په ډېرو ولایتونو کې پر ټولو اړمنو کسانو ووېشل شي.

د کډوالو او راستنیدونکیو چارو مرستیال محمد ارسلا خروټي ویلي: مونږ تاسې ته ډاډ درکوو، چې مرسته شوې شتمنۍ به په پوره شفافیت سره مستحقو او اړمنو کسانو ته ورسوو.

دا مرستې په داسې حال کې تر سره کېږي، چې په دې وروستیو کې له ایران څخه د افغانانو د ویستلو لړۍ چټکه شوې او چارواکي وايي، هره ورځ د اسلام کلا له پولې له ۳۰۰۰ ډېر افغانان هرات ته رادننه کیږي.

Continue Reading

تازه خبرونه

اسلامي امارت د واک انحصار نه غواړي – ملا برادر

خپور شوی

په

توسط

(Last Updated On: غبرګولى ۷, ۱۴۰۱)

د لومړي وزیر مرستیال ملا عبدالغني برادر پرون له یو شمېر افغان شیعه عالمانو او مخورو سره په خبرو کې ویلي، چې افغانستان د ټولو افغانانو ګډ کور دی او اسلامي امارت د واک انحصار نغواړي.

ملا عبدالغني برادر زیاته کړې: د افغانستان پرمختګ د دې هېواد د ټولو خلکو ګډ مسوولیت دی او د اسلامي امارت غېږه د ټولو هېوادوالو پر مخ خلاصه ده.

نوموړي همداراز زیاته کړې، چې د خلکو هوساینه او اقتصادي ثبات د اسلامي امارت اړین لومړیتوبونه دي.

سیعه عالمانو او مخورو ویلي، چې تل یې د اسلامي نظام او اسلامي امارت ملاتړ کړی او هغه کړنې او هڅې غندي، چې روان اسلامي نظام کمزوري کوي.

دوی همدارنګه اسلامي امارت په افغانستان کې د میشتو قومونو د یووالي او پیوستون مرکز وباله او څرګندوي: عالمانو تل د شیعه ګانو په سیمو کې د هر ډول بغاوت او ناامنۍ مخه نیولې ده.

دوی دا ټینګار هم وړاندې کړی؛ د بن سند کنفرانس د اشغال، توکمیزو او سیمه ییزو تعصبونو زېږنده و او د دوحې تړون برعکس، د ملتونو ترمنځ د آزادۍ، یووالي او ورورولۍ سند دی.

د لومړي وزیر د مرستیال دفتر ویلي؛ دغه پلاوي له ملا برادر سره په لیکلې بڼه خپل وړاندیزونه شریک کړي دي.

ملا برادر دا هم ویلي، چې د اسلامي امارت دروازې د ټولو افغانانو پر مخ خلاصې دي. مونږ له هر هغه چا هرکلی کوو، چې افغانستان او د افغانستان خلکو ته خدمت کوي.

هغه د خلکو هوساینه او اقتصادي ثبات د حکومت له مهمو پروګرامونو بولي او وایي، چې موخه یې په لنډ مهال کې د اقتصادي وضعیت ښه کول، خلکو ته د کار زمینه برابرول او د هېواد د ملي عوایدو لوړول دي.

Continue Reading

Trending

Copyright © 2022 Ariana News. All rights reserved!