Connect with us

تازه خبرونه

ما اسلامي امارت کابل ته د ګډوډۍ د مخنیوي لپاره راوغوښت ـ حامد کرزی

Published

 on

(Last Updated On: ليندۍ ۲۴, ۱۴۰۰)

پخواني ولسمشر حامد کرزي ویلي، چې ما د زمري پر ۲۴ \ د اګست پر ۱۵ د افغان ولسمشر اشرف غني له پټې او ناڅاپي تېښتې وروسته د ګډوډۍ د مخنیوي لپاره اسلامي امارت کابل ته راوغوښت.

له اسوشیټیډ پریس سره په مرکه کې حامد کرزي ویلي؛ د غني له تېښتې او د واک د خلا له رامنځته کېدو وروسته یې پر اسلامي امارت غږ کړی، چې په کابل کې د ګډوډۍ مخه ونیسي او د ښاریانو د ساتنې لپاره دې ښاري نظم رامنځته او د یو شمېر عناصرو لخوا د هېواد لوټمار ودروي.

حامد کرزي زیاته کړې، چې د غني له تګ سره حکومتي چارواکي هم له کابله ووتل؛ هغه د دفاع له پخواني وزیر بسم الله خان سره په یوه ټیلیفوني اړیکه کې پوه شو، چې د پخواني حکومت هیڅوک پاتې ندي او ان د کابل امنیه قومندان هم له ښاره وتلی دی.

بسم الله خان هم له کرزي څخه پوښتلي، چې آیا هغه د کابل د پریښودو اراده لري؟

حامد کرزی، چې د سپټمبر له یوولسمې وروسته دیارلس کاله د امریکا پر ملاتړ د افغانستان ولسمشر و؛ له هېواده وتل یې رد کړل.

نوموړي ویلي، چې اشرف غني اسلامي امارت ته د واک د سوله ییز احتمالي لېږد تړون مات کړ او  وتښتید؛ خو د تېښتې د علت په اړه یې څه ندي ویلي.

له سقوط یوه ورځ مخکې حامد کرزي او عبدالله عبدالله له اشرف غني سره د لیدلو هوکړه وکړه، چې بله ورځ له اسلامي امارت سره په قطر کې د واک پر شریکولو خبرې وکړي.

حامد کرزي ویلي؛ که څه هم د اسلامي امارت ځواکونه کابل ته را رسیدلي وه؛ خو په قطر کې د اسلامي امارت مشرتابه ژمنه کړې وه، چې دغه ځواکونه به له ښاره بهر په دروازو کې پاتې شي.

نوموړي زیاته کړې، چې دی د اګست د ۱۵ نېټې تر سهار پورې د هغو ۱۵ کسانو نوملړ ته په تمه و، چې له ده او عبدالله عبدالله سره به دوحې ته سفر وکړي. په ښار کې حالات بدل شوي وه او داسې اوازې هم وې، چې اسلامي امارت کابل نیولی دی.

حامد کرزي ویلي؛ له کابله یې په دوحه کې د اسلامي امارت له مشرانو سره اړیکه ونیوله او د اسلامي امارت مشرتابه ورته ډاډ ورکړ، چې ښار ته به نه ننوځي.

حامد کرزي د همدې ورځې پر غرمه مهال اسلامي امارت ته زنګ وواهه او ويې ويل: حکومت خپل سنګرونه او دریځ ساتي او کوم بل حرکت نکوي؛ ځکه اسلامي امارت کابل ته د ننوتو نيت نلري.

کرزي زیاته کړې؛ ما او نورو له بېلابېلو چارواکو سره خبرې کړې وې او هغوی مونږ ته ډاډ راکړ، چې امریکایانو او حکومتي ځواکونو خپلې پوستې ساتلي او کابل به سقوط ونکړي.

د ماسپښین ۲:۴۵ په ډاګه شوه، چې اشرف غني له کابل ښاره تښتېدلی دی. کرزي دفاع وزیر، کورنیو چارو وزیر او د کابل امنیه قومندان ته زنګونه ووهل؛ خو یو هم نه و، ټول وتلي وه.

د حامد کرزي د څرګندونو له مخې: په پلازمېنه کابل کې نه کوم چارواکی و، نه امنیه قومندان، نه د قول اردو قومندان او نه پوځي قطعه وه؛ دوی ټول له ښارع وتلي وه.

د اشرف غني د امنیتي قطعې مرستیال له کرزي غوښتي وه، چې ارګ ته ورشي او د ولسمشرۍ دنده پر غاړه واخلي.

اسوشیټیډ پریس دا هم په ډاګه کړې، چې حامد کرزي دا وړاندیز رد کړ او ځان یې د دې کار قانوني وړ ونه ګاڼه او پرځای یې پرېکړه وکړه، چې خلکو ته ووایي: دی او کورنۍ یې له خپلو ماشومانو سره په کابل کې دي.

 حامد کرزی باوري دی، چې که اشرف غني په کابل کې پاتې وای، د واک د سوله ییز لېږد هوکړه به دهم  شونې وه.

تازه خبرونه

د ملګرو ملتونو امنیت شورا د افغانستان د روان وضعیت په اړه غونډه کوي

Published

on

(Last Updated On: تله ۴, ۱۴۰۱)

د ملګرو ملتونو د اووه ورځنۍ غونډې له پای ته رسېدو وروسته ټاکل شوې، چې د دغې ټولنې امنیت شورا سبا سې شنبه د تلې پر پېنځمه د افغانستان د روان وضعیت د څېړلو لپاره خپله غونډه وکړي.

تمه ده، چې د ملګرو ملتونو د امنیت شورا په دې غونډه کې د افغانستان پر اقتصادي، بشري او د دې هېواد له خاورې پر امنیتي اندېښنو خبرې وشي.

د افغانستان د څوکۍ چارسمبالی نصیراحمد فایق به په دې غونډه کې ګډون او وینا وکړي.

په ملګرو ملتونو کې د افغانستان د څوکۍ چارسمبالی نصیراحمد فایق په یوه تویت کې څرګنده کړې؛ په دې غونډه کې به د افغانستان استازیتوب وکړي.

په ملګرو ملتونو کې د افغانستان د څوکۍ چارسمبالی نصیراحمد فایق څرګنده کړې: زه به د ملګرو ملتونو د امنیت شورا په هغه غونډه کې، چې د سپتمبر پر ۲۷ د افغانستان د وضعیت په اړه جوړېږي او تمرکز به یې د افغانستان د وضعیت په اړه بحث وي؛ ګډون او وینا وکړم. په دې مهمه غونډه کې به د تل په څېر د خپل ولس په استازیتوب د دوی غوښتنې او غږ پورته کوم.

د اسلامي امارت د ویاند مرستیال بلال کریمي وايي؛ د هرې هغې غونډې هرکلی کوو، چې د افغانستان له حکومت او خلکو سره د همکارۍ لپاره جوړېږي او ټینګار کوي، چې دا غونډې باید د افغانستان له نوي حکومت سره د تعامل او همکارۍ د پراخولو زمینه برابره کړي.

د اسلامي امارت له بیا واکمنېدو راپدیخوا د ملګرو ملتونو د امنیت شورا په غونډو کې د افغانستان وضعیت له تودو موضوعاتو څخه و او تر دې دمه دې ټولنې د افغانستان د اقتصادي، بشري او امنیتي اندېښنو په اړه څو ځانګړې غونډې کړې، چې وروستۍ هغه یې د روان کال د وږي میاشتې پر اوومه نېټه د روسیې په غوښتنه غونډه ده.

په داسې حال کې، چې د افغانستان اسلامي حکومت په تېرو نږدې څوارلس میاشتو کې هم له رسمي دریځه برخمن شوی ندی او په ملګرو ملتونو کې د افغانستان څوکۍ ورسپارل شوې نده او اسلامي امارت دا چاره غیرعادلانه او د نړیوالو اصولو او قوانینو خلاف بولي او ټینګار کوي، چې د مشروع دولت ټول شرایط یې پوره کړي دي.

Continue Reading

تازه خبرونه

شیخ یوسف القرضاوي وفات شو

Published

on

(Last Updated On: تله ۴, ۱۴۰۱)

د اسلامي نړۍ نومیالی عالم او د مصر د اخوان المسلمین روحاني مشر شیخ یوسف القرضاوي نن دوشنبه د تلې پر څلورمه د ۹۶ کلونو پر عمر وفات شو.

شیخ القرضاوي د اسلامي عالمانو د نړیوال اتحاد بنسټ ایښودونکی هم و.

د نوموړي له ۱۲۰ ډېر کتابونه خپاره شوي او په دیني علومو کې یې اته نړیوالې جایزې ترلاسه کړي. شیخ القرضاوي په اوسني وخت کې یو له خورا اغېزمنو اسلامي عالمانو څخه و.

نوموړي په الجزیره شبکه کې خپله د شریعت او ژوند خپرونه خپروله، چې په ټوله نړۍ کې له ۴۰ څخه تر ۶۰ میلیون لیدونکي لري.

القرضاوي د اخوان المسلمین یو له مخکښو فکري شخصیتونو څخه و، چې د خپل ژوند په ټول اوږده پړاو کې یې خپله سیاسي او دیني پوهه په ساده ژبه وړاندې کړه.

د افغانستان اسلامي امارت د خواخوږۍ په یوه پیغام کې څرګنده کړې، چې د شیخ یوسف القرضاوي مړینه د اسلامي امت لپاره یوه نه جبرانېدونکې ستره ضایعه ده.

Continue Reading

تازه خبرونه

په دوبۍ کې د افغانستان د ۵۰۰۰ قیراطي یاقوت مخکتنه وشوه

Published

on

(Last Updated On: تله ۴, ۱۴۰۱)

د دوبۍ په یوه ځانګړي نندارتون کې د افغانستان یو نه لیدل شوی ۵۰۰۰ قیراطي یاقوت نندارې ته وړاندې شو.

د نشنل نیوز د څرګندونو له مخې؛ دا یاقوت شاوخوا یو کیلو ګرامه وزن لري، چې د لاس د خپړې پرکچه  لوی او زړه راکښونکی ارغواني رنګ لري.

دا یاقوت د ایران او افغانستان د پولې د حیدرآباد د اړوند سیمې په یوه کلي کې موندل شوی او مالک یې وايي؛ هیله ده دا ناڅاپه موندنه به د هغه کلي د اوسیدونکیو بخت بدل کړي، چې ښوونځي، روغتون او حتا برښنا ته لاسرسی نلري.

ویل کېږي، چې په بازار کې د دغې بې اسناده ډبرې ارزښت شاوخوا لس میلیون دالره دی.

د هند د راجستان ایالت د جیپور ښار د جواهراتو د کتونکې آزاد رخستي نړیوال لابراتوار د دې یاقوت وزن او کیفیت تائید کړی او څرګندوي، چې تر دې دمه یې په دې کچه ( ۵۰۱۰ قیراطه) یاقوت لیدلی ندی.

Continue Reading

Trending

Copyright © 2022 Ariana News. All rights reserved!