Connect with us

نړۍ

محمد بن سلمان د سعودي عربستان د لومړي وزیر په توګه وټاکل شو

Published

 on

(Last Updated On: تله ۶, ۱۴۰۱)

د سعودي عربستان پاچا سلمان بن عبدالعزیز د سعودي عربستان د لومړي وزیر څوکۍ د سعودي عربستان ولیعهد محمد بن سلمان ته وسپارله.

د سعودي عربستان د رسمي خبري آژانس د خبر له مخې؛ د سعودي عربستان پاچا خپل زوی د دغه هېواد د لومړي وزیر په توګه وټاکه.

د محمد بن سلمان د حکم له مخې؛ خالد بن سلمان د سعودي عربستان د دفاع د وزیر د مرستیال په توګه وټاکل شو.

د دغه فرمان له مخې؛ د پاچا سلمان بل زوی خالد بن سلمان، چې له محمد بن سلمان کوچنی دی، د سعودي عربستان د دفاع د وزیر په توګه وټاکل شو.

خالد بن سلمان له دې مخکې د دفاع وزارت مرستیال و.

رویترز راپور ورکړی، چې محمد بن سلمان د ولیعهد په توګه دنده ترسره کوي او هغه د سعودي عربستان اصلي حاکم دی. دغه هېواد د نړۍ ترټولو لوی تېل صادرونکی او په منځني ختیځ کې د امریکا بنسټیز متحد دی.

د دغه راپور له مخې؛ فیصل بن فرحان د بهرنیو چارو وزیر، عبدالعزیر بن سلمان د برېښنا وزیر، خالد بن عبدالعزیر الفلیح د پانګونې وزیر، عبدالعزیز بن سعود بن نایف بن عبدالعزیز د کورنیو چارو وزیر او محمد بن عبدالعزیز د کورنیو چارو وزیر دی. د دغه هېواد د مالیې وزیر بن عبدالله الجدان د دغه هېواد په کابینه کې بدل شوي ندي.

په فرمان کې دا هم ویل شوي، چې پاچا سلمان به د کابینې د هغو غونډو مشري ته دوام ورکړي، چې هغه په کې ګډون کوي.

د دغه حکم له خپرېدو څو ساعته وروسته د سعودي عربستان دولتي تلویزیون وښودله، چې پاچا سلمان د سې شنبې پر ورځ د کابینې د غونډې مشري کوي.

۸۶ کلن پاچا سلمان په ۲۰۱۵ کال کې د سعودي عربستان پاچا شو؛ هغه په ​​تېرو دوه کلونو کې څو ځله په روغتون کې بستر شوی دی. محمد بن سلمان په ۲۰۱۷ کال کې د سعودي عربستان د ولیعهد په توګه له ټاکل کېدو راپدیخوا په دغه هېواد کې د بدلون راوستلو لپاره پراخې هڅې پیل کړې دي.

رویترز وايي، محمد بن سلمان د اقتصاد د تنوع او پر تېلو د تکیه کمولو هڅې کړي، ښځو ته یې د موټر چلولو اجازه ورکړې او په ټولنه کې یې د علماوو واک کم کړی دی.

د محمد بن سلمان اصلاحات د اپوزیسیون له پراخ غبرګون سره مخ شول او د شاهي کورنۍ غړي، سیاسي فعالان او د ښځو د حقونو او همدارنګه سوداګر زنداني شول.

د سعودي عربستان لیکوال او ژورنالیست جمال خاشقجي، چې د واشنګتن پوست لپاره یې هم لیکنې کولې؛ پر ۲۰۱۸ ز. کال د سعودي په استانبول قونسلګرۍ کې ووژل شو، چې دې کار د سعودي اعتبار ته یې زیان رسولی او له امریکا او نورو غربي متحدینو سره یې د سلطنت اړیکې خړې پړې کړې دي.

جمال خاشقجي سعودي قونسلګرۍ ته د ننوتو په لومړي ساعت کې هغه مهال ووژل شو، چې له خپلې پخوانۍ مېرمنې د طلاق په تړاو یې رسمي اسناد ترلاسه کړي وه، چې له یوې ترکۍ ښځې سره یې د واده کولو اجازه ورکړې وه.

جمال خاشقجي ته په امریکا کې د پاتې کېدو او کار کولو اجازه ورکړ شوې وه؛ خو هغه امریکايي تبعه نه و.

نړۍ

مونږ له ټولو حکومتي بنسټونو څخه د وتلو پرېکړه کړې – عمران خان

Published

on

(Last Updated On: ليندۍ ۶, ۱۴۰۱)

د پاکستان پخواني لومړي وزیر او د پاکستان تحریک انصاف (پي ټي آی) مشر عمران خان د شنبې پر ورځ له ټولو مقننه اسمبلیو څخه د وتلو اعلان وکړ، چې موخه یې له وخت مخکې ټاکن دي.

د پاکستان تحریک انصاف ګوند مشر او پخواني لومړي وزير عمران خان د راولپنډۍ غونډې ته په وينا کې ویلي؛ مونږ له ټولو اسمبليو د وتلو پرېکړه کړې او نه غواړو، چې نور د نظام برخه وو.

هغه دا هم ویلي، چې د دې پرېکړې عملي نېټه به بیا وروسته اعلان شي.

هغه وایي: ټول ملت انتخابات غواړي او مونږ له دې وارد شوي حکومته د ټاکنو غوښتنه کړې وه.

عمران خان څرګنده کړې؛  مونږ پر ادارو فشار راوړ، د اقتصاد حالت خراب دی او دوی ورته د حللار نلري.

دی وایي: زه ځواکمنو ادارو ته وايم، چې دا هېواد د خرابېدو پر لوري روان دی. کله، چې د يوه هېواد اقتصاد خرابېږي، د هغو ملي امنيت هم اغېزمنېږي.

عمران خان ټینګار کړی؛ زه په واک کې یوځای پاتې راغلم، ځواکمن کسان مې قانون ته تابع نه کړای شول.

ده وویل، چې د پاکستان د حساب ورکولو ملي مرکز یا (نیب) زما په واک کې نه و، بلکې د پوځ په کنټرول کې و.

نوموړي دا هم ویلي؛ کله به یې، چې د واک پرمهال د حساب ورکولو د نه ترسره کېدو پوښتنه وکړه؛ ځواب به دا و، چې ته باید پر اقتصاد تمرکز وکړې.

عمران خان د خلکو دې غونډې ته ډاډ څرګند کړ، چې پر ده د برید په دسیسه کې درې کسان اوس هم پر لوړو څوکیو پاتې دي؛ ما ته یې وویل، چې ممکن بیا برید وشي.

د عمران خان او ملاتړیو د امنیت لپاره یې هلته پر دنګو ودانیو سنایپر نښه ویشتونکي ځای پرځای شوی، چې د تحریک انصاف پر مشر د ممکنه برید مخه ونیسي.

د تحریک انصاف یوه بل مشر اعظم سواتي د پاکستان د پوځ مخکني مشر قمر جاوېد باجوه ته په خطاب کې وویل؛ باجوه صاحب! زه له تا پوښتم او دا په وار وار درنه پوښتم، چې ستا شتمني له کوم ځایه راغلې ده.

له خیبر پښتونخوا او نورو بېلابېلو سیمو د پاکستان تحریک انصاف ګوند په مشرۍ احتجاج کوونکي د پنډۍ- اسلام آباد ته تللي.د لاریونوالو مخکښان د پاکستان تحریک انصاف ګوند مرکزي مشران پروېز خټک، تیمور سلیم جګړا او علي امین ګنډا دي.

Continue Reading

نړۍ

شمالي کوریا د نړۍ تر ټولو قوي اتومي ځواک لرل غواړي – کیم جونګ اون

Published

on

(Last Updated On: ليندۍ ۶, ۱۴۰۱)

دولتي رسنیو د یکشنبې پر ورځ څرګنده کړې؛ د شمالي کوریا مشر کیم جونګ اون ویلي، چې خپلواک هېواد او د نړۍ ترټولو پیاوړی اتومي ځواک غواړي.

د شمالي کوریا کیم جونګ اون زیاته کړې؛ موخه مو دا ده، چې د نړۍ تر ټولو غښتلې ستراتیژیکه قوه ولرو، داسې بشپړه قوه، چې په دې پېړۍ کې ساری ونلري.

کیم دا څرګندونې په هغو ځانګړیو مراسمو کې کړي، چې د هغو په لس ګونه پوځي افسرانو د ترفیع لپاره ترتیب شوې، چې د دې هېواد تر ټولو د ستر بالاستیک توغندي په آزمایښت کې یې لاس درلود.

د شمالي کوریا مشر د نومبر پر ۱۷  (Hwasong-17) نومي بین القاروي بالاستیک توغندي له آزمایښت څخه وروسته ژمنه وکړله، چې د امریکا لخوا متوجه اتومي ګواښونو ته به په اتومي وسلو ځواب ورکړي.

کیم جونګ اون تازه آزمایل شوی بین القاروي توغندی (Hwasong-17) د نړۍ تر ټولو قوي ستراتیژیکه وسله وبلله او وایي؛ دا ډول توغندي جوړول د شمالي کوریا عزم او وړتیا ښیي، چې غواړي بالاخره د نړۍ تر ټولو قوي پوځ جوړ کړي.

هغه پرته لدې، چې نور جزئیات ورکړي پخپلو خبرو کې ویلي؛ د شمالي کوریا ساینس پوهانو په بالاستیک توغندیو کې د اتومي سرګلولو د ځای پر ځای کولو د تکنالوژۍ د پرمختګ په برخې کې ستر ګام اخیستی.

د کوریا مشر له دې ساینس پوهانو، انجنیرانو او پوځي چارواکو سره، چې په تازه آزمایښت کې یې برخه درلوده، سره په ملاقات کې ویلي: تمه ترې لري، چې د هېواد د اتومي وسلو د وسعت او قوت لپاره په دومره چټکۍ کار وکړي، چې ساری ونلري.

د شمالي کوریا بین القاروي توغندي دا وړتیا لري، چې د امریکا خاوره په نښه کړي.

له دې آزمایښت څخه وروسته امریکا د ملګرو ملتونو د امنیت شورا څخه وغوښتل، چې د تازه آزمایښت له کبله شمالي کوریا مسووله وبلل شي؛ ځکه، چې پر دغو وسلو د ملګرو ملتونو د امنیت شورا د پرېکړه لیکونو له مخې بندیز دی.

Continue Reading

نړۍ

د اندونیزیا په زلزله کې د قربانیانو شمېر ۳۱۰ کسانو ته ورسید

Published

on

(Last Updated On: ليندۍ ۵, ۱۴۰۱)

د اندونیزیا له ناورین سره د مبارزې ملي ادارې د جمعې پر ورځ ویلي: د روانې اوونۍ د مرګونې زلزلې له کبله، چې جاوا جزیره یې ولړزوله؛ د مړه شویو کسانو شمېر ۳۱۰ ته لوړ شوی دی.

د دوشنبې د ورځې زلزلې او ځمکې ښویېدنې د خلکو د کورونو چتونه او دیوالونه راونړول او قربانیان یې د ځمکې په پلابېلو برخو کې تر خاورو لاندې کړل.

د یادې ادارې مشر سوهاریانتو، چې د یوه نوم لرونکی دی؛ ویل، چې د لویدیځ جاوا په سیانجور ښارګوټي کې ۲۴ کسان اوس هم ورک دي.

د چارشنبې پر ورځ آزکار نومی یو شپږ کلن ماشوم له کنډواله شوي کور له خاورو دوه  ورځې وروسته ژوندی وژغورل شو.

سختو بارانو او د احتمالي مرګونې زلزلې ټکانونو د ژغورنې هڅې له خنډ او خنډ سره مخ کړې دي.

د ملي لټون او ژغورنې ادارې مشر هانري الفیندي آر تي اي خبري څانګې ته ویلي: ستونزې له بې ثباته خاورې، د ځمکې ښویېدنې د ډنډونو او د پرلپسې بارانونو او ټکانونو له کبله رامنځته شوي او د نورو زلزلو د رامنځته کېدو اندېښنې یې راپارولي دي.

هغه ویلي، چې د لټون او ژغورنې هڅو لپاره بېړنی وخت به د دوشنبې تر ورځې روان وساتو او چارواکي به دا ارزونه هم وکړي؛  که ټول ورک شوي کسان ونه موندل شي، نو پلټنه به وغزول شي.

د چارواکو د څرګندونو له مخې، په زلزله کې ډېري مړه شوي او زیانمن هغه ماشومان دي، چې ځینې یې د ښوونځي په ټولګیو کې ول.

Continue Reading

Trending

Copyright © 2022 Ariana News. All rights reserved!