Connect with us

تازه خبرونه

ملګري ملتونه د افغانستان له څوکۍ د فشار د وسیلې په توګه کار اخلي – سهیل شاهین

خپور شوی

د

(Last Updated On: ليندۍ ۵, ۱۴۰۲)

په قطر کې د اسلامي امارت د سیاسي دفتر مشر ویلي، ملګري ملتونه د نړیوالو اصولو خلاف او د سیاسي ملحوظاتو پر بنسټ په دې ټولنه کې د افغانستان څوکۍ د اسلامي امارت استازي ته نه سپاري.

له څه باندې دوه کلونو راپدیخوا اسلامي امارت د نړیوال مشروعیت او په ملګرو ملتونو کې د افغانستان د دایمي څوکۍ غوښتنه کوي.

په قطر کې د اسلامي امارت د سیاسي دفتر مشر له ملي تلویزیون سره په مرکه کې ویلي، چې ملګري ملتونه د موقت حکومت پر وړاندې د سیاسي ملحوظاتو پر بنسټ د نړیوالو اصولو خلاف عمل کوي او په دې ټولنه کې د افغانستان څوکۍ د اسلامي امارت استازي ته نه‌ورکوي.

هغه ویلي، چې ملګري ملتونه دا څوکۍ د اسلامي امارت پر وړاندې د فشار په توګه کاروي.

په قطر کې د اسلامي امارت د سیاسي دفتر مشر سهیل شاهین ټینګار کړی، چې د ملګرو ملتونو دغه هڅه د دې نړیوال ټولنې بې‌پریتوب تر پوښتنې لاندې راولي.

سهیل شاهین دغه راز د امریکا له لوري د دوحې له تړون څخه د سرغړونو د پېښو په اړه ویلي، د دغه تړون د یوې مادې له مخې باید امریکا له افغانستان څخه له وتلو وروسته د دغه هېواد په بیارغونه کې فعاله ونډه اخیستې وای؛ خو داسې نه‌دي شوي او تر اوسه یې په دې اړه کوم اقدام نه‌دی کړی.

له بلې خوا د ازبکستان ولسمشر افغانستان د منځنۍ آسیا یوه نه بېلېدونکې برخه وبلله او په آذربایجان کې یې د سپیکا یا د منځنۍ آسیا د هېوادونو د اقتصاد لپاره د ملګرو ملتونو د ځانګړي پروګرام په غونډه کې ټینګار وکړ، چې په دغه هېواد کې ثبات د سیمې لپاره مهم دی.

هغه ویلي، چې په نړیوالو غونډو کې د افغانستان د اوسني حکومت له ګډون پرته له دې غونډو مثبته پایله  ترلاسه کېدی نه‌شي.

د ازبکستان ولسمشر شوکت میرزایف څرګنده کړې، چې افغانستان د منځنۍ آسیا د نه بېلېدونکې برخې په توګه د سیمې په ثبات مهم رول لري او دا هېواد نه‌شي کولی افغانستان یوازې پریږدي.

هغه وایي: که څه هم افغانستان د منځنۍ آسیا یوه نه بېلېدونکې برخه او د سیمې د ثبات لپاره مهم دی؛ خو د ځینو دلایلو له مخې به نننۍ غونډه د دغه هېواد د استازیو له حضور پرته ترسره شي. زه خپلو همکارانو ته درناوی لرم او د سپیکا له مشرتابه غواړم، چې له افغانستان سره اړیکې او همکارۍ روانې وساتي. مونږ نه‌شو کولی، چې دا هېواد ستونزو ته یوازې پرېږدو.

دا په داسې حال کې ده، چې نړیوالې ټولنې تل د بشري حقونو په ځانګړي توګه د ښځو او توکمیزو لږکیو د حقونو د خوندیتوب، د یوه ټولګډونه حکومت د رامنځته کولو، له افغانستان څخه د تروریستي ګواښونو د له منځه وړلو او د نشه‌یي توکو د کښت او قاچاق د مخنیوي په برخه کې خپل غږ پورته کړی؛ خو اسلامي امارت څرګندوي، چې د نړیوال مشروعیت ټول شرایط یې پوره کړي دي.

تازه خبرونه

له عربي متحده اماراتو څخه بلخ ولایت ته لومړۍ سوداګریزه الوتنه تر سره شوه

Published

on

(Last Updated On: کب ۴, ۱۴۰۲)

د اسلامي امارت له بیا رامنځته کېدو وروسته د لومړي ځل لپاره له عربي متحده اماراتو څخه د بلخ ولایت هوايي ډګر ته د هوايي دهلیز له لارې الوتنه ترسره شوه.

 د مولانا جلال الدین محمد بلخي هوايي ډګر مسوولینو ویلي، چې د بیات پاور شرکت ۱۶ ټنه برښنایي سوداګریز توکي له دوبۍ څخه مزارشریف ښار ته راولېږدول شول.

په دې اړه د مولانا جلال الدين محمد بلخي هوايي ډګر د ګمرک رييس عبدالله موحد ويلي: دا لومړى ځل دى، چې له دوبۍ څخه مزارشريف ته د هوايي دهلېز له لارې الوتنه کېږي. له سوداګرو سره خبرې اترې روانې دي او مونږ هیله لرو، چې دا دهلیز په راتلونکي کې هم فعال پاتې شي.

د بلخ د سوداګرۍ او پانګونې خونې چارواکي د هوايي دهلېز پر پرانیستلو او د هوا له لارې د سوداګریزو مالونو د لېږد د عمومي بهیر پر پیل ټینګار کوي.

د بلخ د سوداګرۍ او پانګونې خونې مشر اسدالله اسدي څرګنده کړې: د هوايي کارګو له لارې د سوداګريزو مالونو د لېږد په برخه کې ډېرې مهمې ستونزې شته.

دا په داسې حال کې ده، چې له دې مخکې هم د مولانا جلال الدین محمد بلخي هوايي ډګر د هوايي دهلېز له لارې جلغوزي او نور سوداګریز توکي د سیمې هېوادونو ته صادرېدل.

Continue Reading

تازه خبرونه

د اسلامي امارت د غوښتنو له منل‌کېدو پرته به د م.م په غونډو کې ګډون ونه‌کړو- مولوي عبدالکبیر

Published

on

(Last Updated On: کب ۴, ۱۴۰۲)

د ریاست الوزراء سیاسي مرستیال مولوي عبدالکبیر د دوحې په ناسته کې د اسلامي امارت د پلاوي د ګډون په اړه د ملګرو ملتونو وروستۍ پرېکړې ته ګوته ونیوله او هغه یې ناسمه وبلله.

مولوي عبدالکبیر په دې اړه څرګنده کړې؛ که ملګري ملتونه او هېوادونه د اسلامي امارت غوښتنې ومني؛ نو د ملګرو ملتونو او هېوادونو په راتلونکیو غونډو کې به د افغانانو استازیتوب وکړي.

د ارګ په خبرپاڼه کې راغلي، چې تېر ماښام (پنجشنبه د کب درېیمه) په کابل کې د افغانستان اسلامي امارت د رياست الوزراء سياسي مرستيال مولوي عبدالکبیر له سراج الاسلام دارالعلوم څخه د فارغو شویو عالمانو د دستار بندۍ پر مهال ویلي؛ که د اسلامي امارت غوښتنې ومنل شي؛ نو د ملګرو ملتونو او هېوادونو په راتلونکیو غونډو کې به د افغانستان پر استازیتوب ګډون وکړو.

د یادونې ده، چې د دوحې له غونډې مخکې د افغانستان بهرنیو چارو وزارت چارسمبالي له ملګرو ملتونو څخه د خبرو اترو او تعامل لپاره د استازیتوب غوښتنه کړې وه؛ خو د نه منل کېدو پر دلیل بیا اسلامي امارت په دې غونډه کې د نه ګډون پرېګړه وکړه.

Continue Reading

تازه خبرونه

په افغانستان کې د ګډو ګټو لپاره یوه ځواکمنه اجماع رامنځته شوې – ټوماس ویسټ

Published

on

(Last Updated On: کب ۴, ۱۴۰۲)

د افغانستان لپاره د امریکا ځانګړي استازي ټوماس ویسټ د پنجشنبې پر ورځ (د کب درېیمه) په ایکس پاڼه کې لیکلي، چې د فبرورۍ پر اتلسمه او نولسمه د دوحې له تر سره شوي دوه ورځني کنفرانس څخه واشنګټن ته راستون شوی دی.

ټوماس ویسټ د دوحې د غونډې په اړه څرګنده کړې؛ هیڅ هېواد نه غواړي، چې د تروریزم ګواښ له افغانستان څخه راپورته شي او ټول کار او ټولنیز ژوندانه ته د افغان نجونو د راګرځېدا او د منځنيو ښوونځيو، لیسو او پوهنتونونو د پرانیستې غوښتونکي دي.

د افغانستان لپاره د امریکا ځانګړي استازي دا هم ویلي، چې له افغانانو سره د مرستې لپاره کلکې ژمنې شته؛ خو د اقتصادي ثبات او د افغانانو د اقتصادي راتلونکي مالکیت په اړه اندېښنې شته.

ټوماس ویسټ د اسلامي امارت له‌خوا د کوکنارو پر کښت د بندیز د پلي کیدو یادونه هم کړې او وایي، چې ډېرو هېوادونو منلې او د ملګرو ملتونو د اړوندې ادارې د ارزونې له مخې د کوکنارو په کښت کې ۹۵ سلنه کموالی راغلی دی.

دغه راز نوموړي د افغانستان د مدني ټولنې له استازو سره ناستې ته نغوته کړې او ټینګار کوي، چې امریکا د ملګرو ملتونو پر مشرۍ د افغانستان په اړه د دغه راز غونډو له جوړېدو ملاتړ کوي.

همدارنګه په دې اړه وایي، چې د افغانانو او نړیوالو ګډې ګټې باید د دغو غونډو په‌سر کې وي.

دا په داسې حال کې ده، چې افغانستان د دوحې له غونډې مخکې د بهرنیو چارو وزارت چارسمبالي پر استازیتوب له ملګرو ملتونو څخه دې غونډې ته د لوړې کچې د خبرو اترو او تعامل وړاندیز کړی و؛ خو د نه منل کېدو پر دلیل بیا اسلامي امارت په دې غونډه کې د نه ګډون پرېګړه وکړه.

Continue Reading

Trending

Copyright © 2022 Ariana News. All rights reserved!