تازه خبرونه
مونږ په افغانستان کې خپل ماموریت روان ساتو- سټولټنبرګ

د ناټو عمومي منشي د دوشنبې پر ورځ( د سلواغې پر ۲۷) د دغې ټولنې د عمومي ناستې په درشل کې یوې خبري ناستې ته ویلي، چې سرتېري یې په افغانستان کې نور هم پاتې کیږي.
د ناټو عمومي منشي ینس سټولټنبرګ په افغانستان کې طالبان د تاوتریخوالي پر ډېرولو تورنوي او ټینګار کوي، چې د دوحې هوکړې ژمنې یې پلې کړې ندي.
ینس سټولتنبرګ زیاته کړې؛ د سولې بهیر ماتېدونکی دی او تاوتریخوالي هم مخ پر ډېرېدو دی. طالبان باید تاوتریخوالی راکم کړي، په ښه نیت خبرې وکړي او له ترهګرو سره پر اړیکو پرېکولو دې عمل وکړي.
د ناټو عمومي منښي ویلي، چې د ناټو دفاع وزیران به له افغانستان څخه د سرتېرو د ایستلو پرېکړه ونکړي او دا به د شرایطو له ښه کېدو سره ونښلوي.
دغه راز یوې آلمانې خبري سرچینې د ناټو له قوله لیکلي، چې آلمان او نور ملګري به یې د ناټو د دفاع وزیرانو په غونډه کې له افغانستان څخه د سرتېرو ستنولو ته رایه ورنکړي.
انګیرنې داسې دي که نړیوال سرتېري له افغانستان بهر نشي، له مې میاشتې وروسته به په افغانستان کې د طالبانو بریدونه ډېر شي.
د افغانستان د ملي دفاع وزارت مسوولین وايي، چې له طالبانو سره هر ډول جګړې ته چمتو دي.
د ملي دفاع وزارت د ویاند مرستیال فواد امان ویلي؛ د افغانستان امنیتي او دفاعي ځواکونه له خلکو ساتنه کوي او طالبانو ته به دا وخت ورنکړي، چې د افغانستان خلک زیانمن کړي.
یوشمېر پوځي کارپوهانو وايي، که د ناټو پوځيان په افغانستان کې پاتې شي؛ جګړه به زور واخلي.
له دې مخکې د ناټو عمومي منشي ویلي وه، چې دغه سازمان په افغانستان کې له پیچلي وضعیت سره مخ دی او د سرتېرو د پاتې کیدو یا وتلو پرېکړه به ورته سخته وي.
ټاکل شوې، چې دوه ورځې وروسته یعنې د فبرورۍ پر اتلسمه د ناټو دفاع وزیران په بروکسل کې غونډه وکړي او په افغانستان کې د خپلو سرتېرو پر پاتې کیدو یا وتلو به پریکړه وکړي.
تازه خبرونه
د روسیې سترې محکمې د اسلامي امارت نوم د منع شویو ډلو له نوملړه لرې کړ
د روسیې د سترې محکمې قاضي اولیګ نیفیدوف په یوه حکم کې اعلان وکړ: “هغه بندیز، چې پخوا د طالبانو (اسلامي امارت) پر فعالیتونو لګول شوی و او د ممنوعه ډلو په فډرالي نوملړ کې راغلي وه، چې اوس وځنډول شو.”

د روسیې سترې محکمې په هېواد کې له ۲۰۰۳ کال راپدېخوا د اسلامي امارت پر فعالیتونو بندیز لګولی و، چې اوس یې نوم د ممنوعه ډلو له نوملړ څخه وویست.
د روسیې د سترې محکمې قاضي اولیګ نیفیدوف په یوه حکم کې اعلان وکړ: “هغه بندیز، چې پخوا د طالبانو (اسلامي امارت) پر فعالیتونو لګول شوی و او د ممنوعه ډلو په فډرالي نوملړ کې راغلي وه، چې اوس وځنډول شو.”
د نوموړي د څرګندونو له مخې، دا پرېکړه سمدلاسه نافذه ده.
د روسیې د ممنوعه ډلو له نوملړ څخه د اسلامي امارت د لرې کولو غوښتنه تېره میاشت د دې هېواد د لوی څارنوال لخوا وړاندې شوه.
د اسلامي امارت ویاند ذبیح الله مجاهد مخکې د روسیې دولتي خبري سرچینې تاس ته ویلي وه، چې دا اقدام به د دواړو هېوادونو ترمنځ د اړیکو په پیاوړتیا کې مرسته وکړي او “زمونږ په نظر خورا ارزښتناک دی.”
له دې مخکې د تېر کال په می میاشت کې د روسیې بهرنیو چارو او عدلیې وزارتونو ولسمشر پوتین ته د منع شویو ډلو له نوملړ څخه د اسلامي امارت د لرې کولو په اړه د وړاندیزونو یو نوملړ وړاندې کړی و. دیادونې دهو چې اسلامي امارت د روسیې له دې پرېکړې هرکلی کړی او څرګندوي، چې دا کار به د اړیکو په پیاوړتیا کې رغنده رول ولوبوي.
تازه خبرونه
د قطر د دولت وزیر له امیر خان متقي سره ټیلیفوني خبرې وکړې

په بهرنیو چارو کې د دولت وزیر محمد بن عبدالعزیز الخلیفي د افغانستان د بهرنیو چارو وزارت له چارسمبالي امیر خان متقي سره ټیلیفوني خبرې وکړې.
د بهرنیو چارو وزارت د عامه اړیکو رییس ضیا احمد تکل په یوه رسنیزه خبرپاڼه کې لیکلي، چې په دې ټیلیفوني خبرو کې د ډیپلوماټیکو اړیکو د ودې، د دواړو هېوادونو ترمنځ د همکارۍ د پراختیا او دوحې ته د امیرخان متقي د راتلونکي سفر په اړه هم خبرې شوې دي.
تازه خبرونه
د افغانستان او پاکستان استازو په اسلام آباد کې پر سوداګرۍ خبرې وکړې
په اسلامآباد کې د افغانستان سفارت ویلي؛ د دواړو خواوو ترمنځ به بېلابېلې تخنیکي غونډې ترسره شي، چې د شته ننګونو په اړه بشپړ بحث وشي او د دوه اړخیزې سوداګرۍ د ودې لپاره مناسبې حل لارې ولټول شي.

د صنعت او سوداګرۍ وزارت چارسمبالي(سرپرست) نورالدین عزیزي له خپل پاکستاني سیال سره وکتل او دواړو خواوو د سوداګرۍ، ټرانزیټي همکارۍ، شته ننګونو، ممکنه حل لارو او د دواړو هېوادونو لپاره د نورو مهمو مسایلو په اړه خبرې وکړې.
په اسلامآباد کې د افغانستان سفارت ویلي؛ د دواړو خواوو ترمنځ به بېلابېلې تخنیکي غونډې ترسره شي، چې د شته ننګونو په اړه بشپړ بحث وشي او د دوه اړخیزې سوداګرۍ د ودې لپاره مناسبې حل لارې ولټول شي.
د صنعت او سوداګرۍ وزارت دا هم ویلي، چې په دې ناسته کې د افغانستان او پاکستان ترمنځ د ورورګلوۍ او دوستۍ، متقابلو ګټو او د تاریخي او اوږدمهاله سوداګریزو اړیکو پر ټینګار د اپټا تړون د غځولو، د ټرانزیټ اسانتیاوو او د توکو د قاچاق مخنیوي، پاکستان ته د افغانستان د ډبرو سکرو صادراتو، د تورخم بندر د ۲۴ ساعته فعالیت، د غلام خان بندر له لارې دوه اړخیزه سوداګري، د دواړو حکومتونو د خاورې له لارې د بار وړونکو موټرو د لېږد، بانکي تضمین او د بندرونو د تنظیم لپاره د جامع میکانیزم د تنظیم په اړه بحثونه او خبرې وشوې.
-
تازه خبرونه2 days ago
اروپايي ټولنې د کډوالو د ایستلو لپاره د خوندي هېوادونو نوملړ اعلان کړ
-
تازه خبرونه5 days ago
په تورخم کې راستنېدونکو ته منظم، چټک او معیاري خدمتونه وړاندې کېږي
-
سیمه ییز خبرونه2 days ago
ټرمپ د ایران پر اټومي تاسیساتو د اسرائیلو د پلان شوي برید مخه ونیوله
-
نړۍ5 days ago
اروپايي ټولنه د فلسطین له ادارې سره مالي ملاتړ زیاتوي
-
تازه خبرونه2 days ago
اسلامآباد له بل څه ناراضه دی خو له افغان کډوالو غچ اخلي – مولانا فضل الرحمن
-
تازه خبرونه3 days ago
د پاکستان ځانګړی استازی کابل ته راغی
-
تازه خبرونه5 days ago
د افغانستان او ازبکستان د کرنې په سکټور کې به همکاري پراخه شي
-
سیمه ییز خبرونه3 days ago
د بل اړخ په اړه ډېر خوشبین نهیم – آیتالله خامنهیي