Connect with us

تازه خبرونه

مونږ په افغانستان کې د سیاسي حل بشپړ ملاتړي یو – مولوي هبة الله اخندزاده

خپور شوی

د

(Last Updated On: چنګاښ ۲۷, ۱۴۰۰)

د طالبانو مشر مولوي هبة الله اخندزاده د یکشنبې پر ورځ د لوی اختر په مناسبت څرګنده کړې، چې طالبان له خپلو ټولو بریاوو او نظامي پرمختګونو سره سره په دې هېواد د سیاسي حل بشپړ ملاتړ کوونکي دي.

هغه ویلي، چې طالبان به هر هغه فرصت وکاروي، چې د اسلامي نظام د رامنځته کېدو او په هېواد کې د سولې او امنیت راوستلو لامل شي.

طالب مشر په داسې وخت کې د سولې او سیاسي حل غږ راپورته کړی، چې په دوحه کې د قطر پر کوربتوب دوه ورځنۍ خبرې روانې دي. په دې خبرو کې د حکومتي پلاوي مشر د ملي پخلاینې عالي شورا مشر عبدالله عبدالله او د طالبانو د دوحې د سیاسي دفتر مشر ملا عبدالغني برادر اخند دی.

د طالبانو مشر ویلي؛ دوی د خبرو اترو او سیاسي بهیر د ښه پرمختګ لپاره یو سیاسي دفتر پرانیستی، چې د خبرو اترو دنده ور سپارل شوې او ژمن دي، چې د خبرو اترو له لارې ستونزې حل کړي.

هغه افغان حکومت ته په نغوته کې ویلي؛ وخت مه ضایع کوئ؛ پر بهرنيانو د تکیه کولو پرځای راځئ خپلې ستونزې پخپله حل کړو او هېواد له اوسني حالته وژغورو.

مولوي هبة الله اخندزاده له افغانستان څخه د بهرنیو ځواکونو وتلو ته په نغوته کې څرګنده کړې: د هېواد ډېرې ولسوالۍ او لویې سیمې له امنیت برخمنې شوي او طالبان د پخوا په پرتله ډېر ځواکمن، منظم، ښه تجهیزاو پیاوړي شوي دي.

دا په داسې حال کې ده، چې طالبانو له څو میاشتو راپدیخوا د افغانستان لسګونه ولسوالۍ نیولي، تجهیزات او وسلې یې هم لاسونو ته لوېدلي؛ خو د کندهار والي روح الله اخندزاده ویلي، چې د کندهار ولایت ولسوالۍ طالبانو پر جګړه او زور نه، بلکې پر سیاسي جوړجاړي نیولي دي.

تازه خبرونه

یو افغان په اتریش کې د درې ښځو د قتل پر تور ونیول شو

Published

on

(Last Updated On: کب ۶, ۱۴۰۲)

د اتریش پولیسو یو ۲۷ کلن افغان د دغه هېواد د پلازمېنې ویانا په یوه فاحشه‌خانه کې د درې ښځو د وژلو پر تور نیولی دی.

د بي بي سي خبریال راپور ورکړی، چې دغه درې ښځې پر چړې وژل شوي او شکمن کس په داسې حال کې، چې چړه ورسره وه فاحشه‌خانې ته نږدې پټ شوی و.

تر اوسه د پېښې انګېزه نه ده معلومه؛ خو له نیول شوي افغان څخه پوښتنې روانې دي.

ویل کیږي، چې په ويانا کې يوه ښځه او د هغې لور هم په يوه ناڅرګنده پېښه کې وژل شوي؛ خو چارواکي په دې باور دي، چې د دغې ښځې خاوند د پېښې مسوول دی.

Continue Reading

تازه خبرونه

امیرخان متقي ترکمنستان ته ولاړ

Published

on

(Last Updated On: کب ۶, ۱۴۰۲)

د افغانستان بهرنیو چارو وزارت چارسمبالی امیر خان متقي د یوه پلاوي پر مشرۍ د ترکمنستان ته ولاړ.

د بهرنیو چارو وزارت د ویاند مرستیال حافظ ضیا احمد د یکشنبې پر ورځ ( د کب شپږمه ) په ایکس پاڼه کې لیکلي، چې د بهرنیو چارو وزارت چارسمبالی امیرخان متقي د ترکمنستان د بهرنیو چارو د وزیر رشید مردوف پر بلنه پر دوه اړخیزو مسایلو د خبرو لپاره دغه هېواد ته روان شو .

د دې پلاوي په سفر کې د کانونو او پټرولیم وزارت، د اوسپنې‌پټلۍ ادارې او د افغانستان برښنا شرکت چارواکو ګډون کړی دی.

Continue Reading

تازه خبرونه

خواشینوونکې ده، چې اسلامي امارت ته د دوحې په غونډه کې د خبرو زمینه برابره نه‌شوه – چین

Published

on

(Last Updated On: کب ۵, ۱۴۰۲)

د افغانستان په چارو کې د چین استازي یو شیایویونګ د شنبې پر ورځ په ایکس پانه کې لیکلي، چې دا ناسته د اندونو د وړاندې کولو لپاره ګټوره وه او هېوادونو له افغانستان سره د عملي اړیکو او خبرو عوښتنه وکړه.

نوموړي زیاته کړې؛ افسوس، چې د افغانستان په اړه د دوحې د غونډې ګډونوال یو ځل بیا د چارسمبالي حکومت ( اسلامي امارت  ) له واکمنو چارواکو سره پر خبرو کولو بریالي نه‌شول. لکه څنګه، چې چین او د سیمې هېوادونه یې غوښتونکي وه.  

د چین دې ډیپلومات زیاته کړې؛ هېواد یې په دې ناسته کې د ډېرو بشري مرستو، معتدلې حکومتولۍ او د ښځو او نجونو لپاره د زده‌کړو غوښتونکی شو.

دغه راز چین له امریکا غوښتي، چې د افغانستان د بیا جوړونې او رغونې مسوولیت دې پر غاړه واخلي، د افغانستان بندې شتمنۍ دې ازادې او یو اړخیزه بندیزونه دې لرې کړي.

ملګرو ملتونو اسلامي امارت ته بلنه ورکړې وه، چې د افغانستان په اړه د دوحې په دوه‌یمه ناسته کې له نورو استازیو سره ګډون وکړي؛ خو اسلامي امارت د خپلو غوښتنو د نه منل کېدو له کبله هغه رد کړه.  

اسلامي امارت په دې غونډه کې د ګډون لپاره د افغانستان د خلکو استازيتوب، تعامل او له عمومي منشي سره د لیدنې غوښتنه کړې وه.

Continue Reading

Trending

Copyright © 2022 Ariana News. All rights reserved!