Connect with us

نړۍ

مونږ په ناټو کې له ترهګرۍ د ملاتړیو هېوادونو غړيتوب نه غواړو

خپور شوی

د

(Last Updated On: )

د ترکیې ولسمشر رجب طیب اردوغان د یکشنبې پر ورځ ویلي؛ ترکیه به د ترهګرۍ ملاتړیو هېوادونو ته اجازه ورنکړي، چې د ناټو غړیتوب خپل کړي.

سویدن او فنلند له دې مخکې هم د ترهګرۍ غندنه کړې؛ خو اردوغان پدې باور دی، چې دوی پوره اندازه مخلص او صادق ندي.

د سویدن او فنلند ګډ پلاوي د چارشنبې پر ورځ په انقره کې له ترکي چارواکو او دیپلوماتانو سره د منځني ختیځ له دغه هېواد سره د شخړې د حل لپاره خبرې وکړې.

اردوغان له آذربایجان څخه ترکیې ته له الوتنې وروسته په الوتکه کې خبریالانو ته وویل، چې د دوی تر منځ د تېرې اوونۍ خبرې اترې د خوښې تر کچې نه وې.

د ترکیې ټي آر ټي دولتي ټلویزیون د اردوغان د څرګندونو له مخې ویلي، دوی تمه لري؛ خو د ترکیې په اړه یې اړین ګامونه ندي پورته کړي.

د ترکيې ولسمشر زیاته کړې؛ دوی هغه فعاليتونو ته دوام ورکوي، چې ترکيه پرې نيوکې کوي.

هغه څرګندوي: تر هغې، چې طیب اردوغان د ترکیې ولسمشر وي؛ مونږ هغو هېوادونو ته، چې د ترهګرۍ ملاتړ کوي د ناټو په چوکاټ کې دننه کېدو اجازه نشو ورکولی.

سویډن او فنلینډ تېره اوونۍ په رسمي توګه د روسیې او اوکراین له شخړې وروسته، چې د فبرورۍ په میاشت کې پیل شوه؛ په ناټو کې د غړیتوب غوښتنه وکړه.

له ترکیې پرته د ناټو متحدینو د دواړو هېوادونو له وړاندیز هرکلی کړی دی. د نویو غړیو هېوادونو یو ځای کېدل د ناټو د ټولو ۳۰ موجودو غړیو هوکړې ته اړتیا لري.

ترکي لوري، د کردستان له کارګرانو ګوند یا پي کې کې او نورو ترکي ضد ډلو سره د سویډن او فنلند اړیکو ته په نغوته کې د دوی پر غړیتوب نیوکه وکړه.

یاد ګوند د ترکیې لخوا په تور نوملړ کې نیول شوی، چې له درې لسیزو راپدیخوا د ترکیې د حکومت پر ضد بغاوت کوي.

ترکیه دغه راز دواړه هېوادونه د ګولن د غورځنګ غړیو ته پر پناه ورکولو تورنوي، چې انقره یې د ۲۰۱۶ زېږدیز کال د ناکامې پوځي کودتا تر شا پر لاس لرلو تورنوي.

ترکيې له سويډن او فنلنډ څخه له دغو ډلو څخه د ملاتړ د پای ته رسولو او «مثبت ډاډ» غوښتی او له ترکیې څخه يې د وسلو د بنديزونو د لرې کولو غوښتنه کړې ده.

اردوغان دا هم ویلي، چې هغه به د دوشنبې پر ورځ په ترتیب سره د روسیې او اوکراین له ولسمشرانو سره ټیلیفوني خبرې وکړي او یادونه یې کړې، چې ترکیه به دواړه لوري خبرو او ډیپلوماتیکو هڅو ته وهڅوي.

نړۍ

د روسیې توغول شویو توغندیو ۲۱۱ اوکراینیانو ته مرګ او ژوبله واړوله

اوکرایني سرچینو تائید کړې، چې په دنیپروپیتروسک سیمه کې ۱۱ کسان وژل شوي او ۶۸ نور ټپیان دي. دوی وايي، درې نور کسان په ختیځ ښار پوکروفسک کې وژل شوي دي.

Published

on

(Last Updated On: )

رویټرز راپور ورکړی، چې د اوکراین په کیف ښار کې د ماشومانو د روغتون په ګډون په څو ښارونو کې د روسیې پر توغندیزو بریدونو د دغه هېواد لږترلږه ۴۱ کسان وژل شوي او له ۱۷۰ ډېر ټپیان دي.

دا په وروستیو میاشتو کې پر اوکراین د روسیې تر ټولو مرګونی برید یاد شوی دی.

رویټرز خبري آژانس راپور ورکړی، چې دا برید د دوشنبې پر ورځ (د چنګاښ پر اتلسمه) تر سره شوی؛ د اوکرایني وګړو لپاره خورا وېروونکی و.

نن سې شنبه د اوکراین حکومت د عامه ماتم ورځ اعلان کړې ده.

د رویټرز د څرګندونو له مخې؛ د اوکراین حکومت ویلي: له دې بریدونو ښکاري، چې اوکراین د خپل هوايي دفاعي سیستم د لوړولولپاره د خپلو لویدیځو متحدینو ملاتړ ته بېړنۍ اړتیا لري.

دغه خبري آژانس د اوکراین د هوايي ځواک د څرګندونو له مخې ویلي، چې د دوی ځواکونو د روسیې ۳۸ توغول شوي راکټونه له منځه وړي دي.

د اوکراين د کورنيو چارو وزارت اعلان وکړ، چې د روسيې پر راکټي بريدونو د اوکراين په يو شمېر مرکزي او ختيځو ښارونو کې د استوګنې د کورونو، يو سوداګريز مرکز او دوه روغتيايي مرکزونو په ګډون پنځوس ملکي ودانۍ زيانمنې شوې دي.

رویټرز زیاته کړې، چې دې خبري سرچینې په کییف ښار کې د ماشومانو پر روغتون د راکټ د لګېدو یوه ویډیو لیدلې، چې له کبله یې لویه چاودنه شوې ده. د اوکراین امنیتي ادارې ویلي، چې دا یو کروز توغندی و.

اوکرایني چارواکو ویلي، چې له دې راکټ او د یو بل راکټ له لګېدو وروسته د دوه ماشومانو په ګډون ۲۷ کسان وژل شوي او ۸۲ نور ټپیان دي.

اوکرایني سرچینو تائید کړې، چې په دنیپروپیتروسک سیمه کې ۱۱ کسان وژل شوي او ۶۸ نور ټپیان دي. دوی وايي، درې نور کسان په ختیځ ښار پوکروفسک کې وژل شوي دي.

د اوکراین ولسمشر ولادیمیر زیلینسکي پولنډ ته د سفر پر مهال د دغه هېواد له لومړي وزیر ډونالډ ټوسک سره په ګډه خبري غونډه کې ویلي، چې اوکراین به د دغو بریدونو غچ واخلي او د دغو بریدونو سخت ځواب به ورکړي.

خبرهای مرتبط:

امریکا له اوکراین سره نوې پوځي مرسته اعلان کړه

امریکا به افغانستان ته ورته په اوکراین کې هم له شرمېدلې ماتې سره مخ شي – روسیه

Continue Reading

نړۍ

د اسرائیلو په هوایي برید کې د غزې د یوه ښوونځي ۱۶ کسان وژل شوي

د غزې عامې روغتیا وزارت ویلي، چې د اسرائیل په بریدونو کې تر دې دمه له ۳۸ زره ډېر فلسطینیان وژل شوي. د روغتیا وزارت د جنګیالیو او ناجنګیالیو ترمنځ توپیر نه‌کوي؛ خو چارواکي وايي، چې اکثره وژل شوي کسان ملکي وګړي دي.

Published

on

(Last Updated On: )

د فلسطین د روغتیا وزارت ویلي؛ د شنبې پر ورځ د چنګاښ شپاړلسمه د غزې په مرکزي برخه کې د بې ځایه شویو فلسطیني کورنیو پر یوه ښوونځي د اسرائیلو په برید کې لږ تر لږه ۱۶ کسان وژل شوي؛ خو اسرائیلي پوځیانو ویلي، چې په دې برید کې وسلهوال وژل شوي دي.

د فلسطین د عامې روغتیا وزارت چاوراکو رویټرز ته ویلي؛ په دې برید کې د النصیرات ښوونځی ویشتل شوی، چې له ۵۰ ډېر کسان په کې ټپيان دي.

د اسرائیلو پوځ ویلي، له ښوونځی څخه وسلوالو د پوځیانو پر ضد د بریدونو د پلان او ترسره کولو لپاره د پټنځای په توګه کار اخیست او د ملکي وګړو د خطر کمولو لپاره یې بشپړ احتیاطي تدابیر نیولي دي. حماس دا رد کړې او وایي، چې په دې برید کې ښځې او ماشومان پر نښه شوي او هلته د دوی جنګیالي نه‌ول.

د غزې د ملکي بېړنیو خدماتو ویاند محمود بصال په یوه خبرپاڼه کې ویلي، چې ښايي د مړو شمېر زیات شي؛ ځکه، چې د ډېرو ټپیانو حالت د اندېښنې وړ ښودل شوی دی.

د نوموړي  څرګندونو له مخې؛ په غزې کې د ملکیانو لپاره، چې د سرپناه په لټه کې دي د خوندیتوب هیڅ ځای نشته.

النصیرات د غزې د تړانګې د کډوالو د اته تاریخي کمپونو څخه یو دی، چې د شنبې پر ورځ اسرائیلو بمبارډ کړ.

د ډاکټرانو د څرګندونو له مخې؛ له دې مخکې په همدې کمپ کې پر یوه کور هوايي برید لږ تر لږه ۱۰ کسان ووژل او ګڼ نور یې ټپیان کړل.

په یوه ورځنۍ تازه جګړه کې د وژل شویو کسانو په اړه د غزې روغتیا وزارت ویلي، چې په تېرو ۲۴ ساعتونو کې د اسرائیلي ځواکونو په بمبارډ کې لږ تر لږه ۲۹ فلسطینیان وژل شوي او ۱۰۰ نور ټپیان دي.

 

د حماس تر مشرۍ لاندې د غزې د حکومتي رسنیو دفتر ویلي؛ د شنبې پر ورځ په بېلابېلو هوایي بریدونو کې پېنځه سیمه‌ییز خبریالان هم شته، چې د اوکتوبر له اوومې راپدیخوا د وژل شویو خبریالانو شمېر ۱۵۸ ته لوړ شو.

د غزې عامې روغتیا وزارت ویلي، چې د اسرائیل په بریدونو کې تر دې دمه له ۳۸ زره ډېر فلسطینیان وژل شوي. د روغتیا وزارت د جنګیالیو او ناجنګیالیو ترمنځ توپیر نه‌کوي؛ خو چارواکي وايي، چې اکثره وژل شوي کسان ملکي وګړي دي.

اسرائیل په غزه کې ۳۲۳ پوځیان له لاسه ورکړي او وايي لږ تر لږه یو پر درېیمه برخه فلسطینیان یې جنګیالي دي.

اسراییلو د اکتوبر پر اوومه پر اسرائیلو د حماس پر مشرۍ د برید په ځواب کې، چې د اسرائیلو د څرګندونو له مخې په کې ۱۲۰۰ کسان ووژل شول او له ۲۵۰ ډېر یرغمل شول؛ د حماس د له منځه وړلو په هدف خپل برید پیل کړ.

پر رفح بریدونه:

روغتیايي چارواکو ویلي، اسرائیلي ځواکونو، چې د مصر پولې ته څېرمه د رفح ښار په جنوب کې یې خپل یرغل ډېر کړی؛ د شنبې پر ورځ د دوی پر موټر په یوه هوايي برید کې څلور فلسطینی پولیس وژل شوي او اته نور ټپیان دي.

د حماس د کورنیو چارو وزارت له‌خوا په یوه خپره شوې خبرپاڼه کې راغلي، چې په وژل شویو کې د تل السلطان په لویدیځه رفح سیمه کې د پولیسو د ځواکونو مشر فریس عبدالال هم شته.

د اسرائیلو پوځ ویلي، چې ځواکونو یې په رفح کې د “استخباراتي بنسټ عملیاتو” ته دوام ورکړی؛ د ځمکې لاندې څو ودانۍ یې ویجاړې کړي، وسلې او تجهیزات یې نیولي او څو فلسطینیان یې وژلي دي.

اسرائیلو دا هم ویلي، چې په رفح کې یې د عملیاتو هدف د حماس وسله‌والې ډلې وروستۍ وسله‌والو له منځه وړل دي.

د اسرائیلو پوځ ویاند ویلي، چې د غزې په مرکزي ښار دیر البلاح کې یې د حماس د راکټ یو مرکز له منځه وړې، چې د بشري مرستو لپاره ټاکل شوې سیمه کې یې دننه فعالیت کاوه.

 هغه ویلي، چې له دې برید وروسته یې ډاډ ترلاسه کړ، چې ملکي خلکو ته زیان ندی رسیدلی.

د حماس او اسلامي جهاد وسله‌والو ډلې ویلي، چې جنګياليو یې د غزې په څو سیمو کې پر اسرائیلي ځواکونو د ټانک ضد راکټونو او هاوان بمونو بریدونه کړي دي.

اړوند  خبرونه:

پر رفح د برید په صورت کې به پر اسرائیلو وسلوال ملاتړ ودرول شي – جو بایډن

 

اسرائیلو پر تېروتنه د حماس په بند کې خپل درې کسان ووژل

Continue Reading

نړۍ

د غزې په تړانګه کې پر یوه مرستندویه مرکز د هوایي برید له کبله ۸ کسان ووژل شول ـ عیني شاهدان

عیني شاهدانو ویلي، چې په دې برید کې د هغه مرکز یوه برخه هم ویجاړ شوې، چې د ملګرو ملتونو مرستندویه اداره UNRWA یې اداره او له بې ځایه شویو کورنیو سره مرسته کوي.

Published

on

(Last Updated On: )

فلسطیني عیني شاهدانو ويلي، د یکشنبې پر ورځ د غزې ښار ته څېرمه پر یوه روغتیايي مرکز د اسرائیلي الوتکو په برید کې ۸ فلسطینیان وژل شوي دي.

عیني شاهدانو ویلي، چې په دې برید کې د هغه مرکز یوه برخه هم ویجاړ شوې، چې د ملګرو ملتونو مرستندویه اداره UNRWA یې اداره او له بې ځایه شویو کورنیو سره مرسته کوي.

 د اسرائیلو پوځ اعلان کړی، چې دا مرکز په تېرو وختونو کې د UNRWA کارمندانو په لاس کې و او دا مهال د حماس او د فلسطین اسلامي جهاد وسله‌والو لخوا کارول کېده.

دغه راز څرګندوي، چې د دې عملیاتو له پلي کېدو مخکې د ملکي وګړو د زیان د خطر کمولو لپاره « د مخنیوي تدابیر» نیول شوي دي.

د اسرائیلو پوځ په خپله خبرپاڼه کې ټینګار کړی: د یکشنبې پر سهار یې هغه بنسټونه، چې د حماس او اسلامي جهاد ترهګر په کې فعال ول؛ بمبارډ کړي دي.

د خبرپاڼې له مخې؛ د حماس د ترهګریزو فعالیتونو لپاره د انساني سپر په توګه ملکي بېخبناوې او ملکي وګړي کاروي.

ویل کیږي، چې په فلسطین کې ملکي زیانونه ورځ تر بلې مخ پر ډېرېدو دي او د اوربند خبرې یې هم زیانمنې کړې دي.

اړوند خبرونه:

په غزه کې جګړې د ژوندانه چاپېریال زیانمن کړی – ملګري ملتونه

اسلامي امارت په غزه کې د اوربند لپاره د امنیت شورا پرېکړې ته د امریکا منفي رایه وغندله

Continue Reading

Trending

Copyright © 2022 Ariana News. All rights reserved!