تازه خبرونه
م.م له افغانستان سره د مرستې لپاره د انتقالي تعامل کړنلاره اعلان کړه

د افغانستان په اړه د ملګرو ملتونو د امنیت شورا په غونډه کې د انتقالي تعامل کړنلاره وروستۍ او په ډاګه شوه.
په افغانستان کې اقتصادي او بشري ناورین ملګري ملتونه اړ ایستل، چې له افغانستان سره د بشري مرستو د تنظیم لپاره د انتقالي تعامل کړنلاره اعلان کړي.
د افغانستان لپاره د ملګرو ملتونو د سرمنشي د ځانګړي استازي مرستیال او د بشري مرستو همغږې کوونکی وايي، د افغانستان روان وضعیت ته په کتو به د ملګرو ملتونو دا ستراتیژي اړمنو افغانانو ته د بنسټیزو بشري مرستو برابرولو موکه برابره کړي.
افغانستان لپاره د ملګرو ملتونو د سرمنشي د ځانګړي استازي مرستیال رامز الاکبروف ویلي: دا ستراتیژي به پر روغتیا او پوهنې سربېره د افغانانو لپاره د اړین ټولنیز جوړښت په برخه کې بنسټیزې او اوږدمهاله مرستې تضمین او همغږې کړي. په دغه چاره کې یوسلواته پنځوس ملګري په ګډه کار کوي، چې د روغتیايي خدمتونو او د ژوندانه نورو برخو کې خپلې مرستې وغزوي.
د ملګرو ملتونو سرمنشي د چارشنبې پر ورځ په نیوریارک کې د افغانستان په اړه د امنیت شورا غونډې ته د هغو قواعدو د ځنډولو غوښتنه کړې، چې افغانستان ته د اقتصاد او بشري مرستو په رسولو کې خنډ پېښوي.
د ملګرو ملتونو سرمنشي انټونيو ګوټرش وایي: مونږ باید هغه قواعد او شرطونه وځنډوو، چې د افغانستان پر اقتصاد سربېره یې د خلکو پر ژغورنې هم اغېزکړی او په کار ده، چې د اړتیا په دې سختو شرایطو پرې له سره غور وشي.
اسلامي امارت د ویاند مرستیال بلال کریمي د ملګرو ملتونو له دې دریځه پر هرکلي سربېره له افغانستان سره د بشري مرستو پر دوام د ټینګار تر څنګ ویلي، چې د افغانستان له بشري او اقتصادي ناورین سره باید سیاسي چلند ونشي.
په کابل کې د اسلامي امارت له بیا واکمنېدو شاوخوا شپږ میاشتې تېرېږي او هېوادوال له سخت اقتصادي ناورین سره مخ دې. له دې سره هممهاله نړیواله ټولنه او مرستندوی بنسټونه هم د هرې ورځې په تېرېدو پر احتمالي بشري کړکېچ د اندېښنې ترڅنګ، له افغانانو سره د بشري مرستو پر دوام ټینګار کوي.
تازه خبرونه
د نړیوالې جنایي محکمې حکمونه د اسلامي امارت مذهبي دریځ اغېزمنولی نشي – ذبیح الله مجاهد
د اسلامي امارت ویاند په یوه غږیزه څرګندونه کې ویلي: “مونږ د نړیوالې جنایي محکمې پر نوم اداره نه پېژنو او نه هم مونږ د هغې د حکمونو منلو ته اړ یوو.”

ذبیح الله مجاهد د اسلامي امارت د مشر او قاضي القضات د نیولو په اړه د هاګ نړیوالې جنایي محکمې د راپور د خپرېدو په غبرګون کې ويلي، چې دا ډول حکمونه د اسلامي امارت پر” اراده او مذهبي دریځ” اغېزه نشي کولی.
د اسلامي امارت ویاند په یوه غږیزه څرګندونه کې ویلي: “مونږ د نړیوالې جنایي محکمې پر نوم اداره نه پېژنو او نه هم مونږ د هغې د حکمونو منلو ته اړ یوو.”
مجاهد زیاته کړې، چې په غزه کې د فلسطینیانو نسل وژنه د اسرائیلو لخوا او د دې رژیم د ملاتړ کوونکو هېوادونو پر ملاتړ ترسره کیږي او هره ورځ سلګونه ماشومان او ښځې پرته له کوم دلیل څخه وژل کیږي.
د نوموړي د څرګندونو له مخې؛ د نړیوالې جنایي محکمې لخوا د بشري حقونو شعار یوه “شرموونکې” موضوع ده.
په هاګ کې د جرمونو نړیوالې محکمې نن (سېشنبه) له “بشري حقونو د سرغړونې” پر تور د اسلامي امارت د رهبر هبةالله آخوندزاده او د قاضي القضات عبدالحکیم حقاني د نیولو امر صادر کړی دی.
تازه خبرونه
بیات بنیاد د هرات په اسلامکلا پوله کې زرګونو کډوالو ته مرستې ووېشلې
د بیات بنیاد لوی مشر احسان الله بیات ويلي، چې له ایران څخه راستنېدونکو کډوالو ته د دې بنیاد مرستې د پولې په صفري نقطه کې د خیمو ایښودل، د خوراکي توکو د بستو وېشل او د اسلامکلا له پولې څخه د زرګونو خلکو لېږدول رانغاړي.

بیات بنیاد ویلي، چې د هرات په اسلامکلا پوله کې یې زرګونو افغان کډوالو ته خوراکي او ناخوراکي مرستې وېشلې دي.
د بیات بنیاد لوی مشر احسان الله بیات ويلي، چې له ایران څخه راستنېدونکو کډوالو ته د دې بنیاد مرستې د پولې په صفري نقطه کې د خیمو ایښودل، د خوراکي توکو د بستو وېشل او د اسلامکلا له پولې څخه د زرګونو خلکو لېږدول رانغاړي.
احسان الله بیات ویلي: ” له ګاونډ هېواد څخه زمونږ د عزیزانو بېرته راستنېدل په داسې غمجن حالت کې د منلو وړ ندي. دوی باید دومره ځوریدلي نه وای. له همدې کبله زه د خپلې کورنۍ، بیات بنیاد پر استازیتوب او له افغان بېسیم شرکت سره پر همکارۍ هڅه کوو، چې د خپلو هېوادوالو دا بېرته کډوالي آسانه کړو.”
نوموړي زیاته کړې: “مونږ یو لړ ترتیبات د ټرانسپورټ، خوړو، اوبو او ځینو نورو توکو په ګډون، چې عزیزان (کډوال) مو ورته د تغذیې لپاره اړتیا لري؛ په پام کې نیولي او دا مرستې نورې هم پراخوو.”
بیات ټینګار کړې؛ دا همکاري د مهاجرو د لېږد رالېږد د بهیر د آسانه کولو پر موخه ترسره کیږي.
د نوموړي د څرګندونو له مخې؛ له ایران حخه راستنطدونکو ته دا امکانات نور هم براخیږی.
هغه ټینګار وکړ، چې د دې بنیاد د همکاريو موخه د مهاجرینو د لېږد آسانه کول او له ایران څخه راستنېدونکو مهاجرینو ته د آسانتیاوو برابرول دي.
احسان الله بیات وایي، چې په راتلونکو پړاوونو کې به د بیات بنیاد لخوا د همکارۍ د زیاتوالي هڅې روانې وساتل شي.
هغو کډوالو، چې د بیات بنیاد مرستې ترلاسه کړي؛ ترې خپل رضایت څرګندوي او غواړي، چې را بنیاد خپلې مرستې روانې وساتي.
تازه خبرونه
په ۱۴۰۴ کال کې د افغانستان نفوس ۳۶.۴ میلیون اټکل شوی
د دغه راپور له مخې، د دې نفوس ۵۱ سلنه نرینه او ۴۹ سلنه ښځینه دي.

د احصائې او معلوماتو ملي ادارې د څرګندونو له مخې؛ په ۱۴۰۴ لمریز لېږدیز کال کې د اټکلونو پر بنسټ د افغانستان نفوس شاوخوا ۳۶.۴ میلیون ته رسېدلی دی.
د دغه راپور له مخې، د دې نفوس ۵۱ سلنه نرینه او ۴۹ سلنه ښځینه دي.
د احصائې ادارې زیاته کړې، چې د هېواد په ولایتونو کې کابل تر ټولو ډېر نفوس لرونکی ولایت دی، چې د اټکلونو له مخې؛ په کې شاوخوا ۶.۱ میلیون خلک ژوند کوي.
دا اټکلونه په ټولنیزو خدماتو، اقتصادي پراختیا، عامې روغتیا او تعلیمي سکټورونو کې بنسټیز رول لري، چې د پالیسۍ جوړولو او ملي سرچینو د تخصیص بنسټ ګڼل کیږي.
-
تازه خبرونه3 days ago
له افغانستان وتل مو د تاریخ له شرمه ډکه شېبه وه – ټرمپ
-
تازه خبرونه3 days ago
د محرم لسمه د امن په فضا کې ترسره شوه
-
تازه خبرونه3 days ago
په تېرو ۱۰۰ ورځو کې د دوغارون له لارې ۴۹۰ زره افغانان ستانه شول
-
تازه خبرونه4 days ago
په غزني کې د سلطان بند د ساتنې او څارنې پروژه پرانیستل شوه
-
تازه خبرونه3 days ago
د کونړ ولایت په لرې پرتو ولسوالیو کې پر ۳۵ پرمختیایي پروژو کار پیل شو
-
تازه خبرونه2 days ago
په ټګزاس کې د سیلابونو له کبله د مړو شمېر ۷۸ کسانو ته ورسېد
-
تازه خبرونه2 days ago
په اسلام آباد کې د افغانانو په ګډون د ویزو د جعل کارۍ یوه ډله ونیول شوه
-
تازه خبرونه2 days ago
د چین یو خصوصي شرکت په بېلابېلو ولایتونو کې ګډ بازارونه، لارې او صنعتي پارکونه جوړوي