تازه خبرونه
ناروې له افغانستان سره یو اعشاریه اته میلیون ډالر مرسته وکړه
اوچا د یکشنبې پر ورځ ( د وږي اتلسمه) د ایکس پاڼې له لارې په یوه پیغام کې لیکلي، چې دا مرسته د افغانستان د بشري مرستو له صندوق سره شوې ده.
په افغانستان کې د ملګرو ملتونو د بشري مرستو د همغږۍ دفتر ( اوچا ) له دغه هېواد سره د یو اعشاریه اته میلیون ناروېژي ډالر مرستې اعلان وکړ.
اوچا د یکشنبې پر ورځ ( د وږي اتلسمه) د ایکس پاڼې له لارې په یوه پیغام کې لیکلي، چې دا مرسته د افغانستان د بشري مرستو له صندوق سره شوې ده.
اوچا د ناروې له نوې مرستې مننه کړې او وایي، چې دغه هېواد په تېرو لس کلونو کې له افغانستان سره د بشري مرستو له صندوق سره ١٨٩ ميليون کروړه مرسته کړې ده.
دې ادارې تېره میاشت اعلان وکړ، چې په ۲۰۲۴ ز. کال کې افغانستان ته د اړتیا وړ درې اعشاریه صفر شپږ میلیارډ ډالر څخه یوازې ۲۵ سلنه برابرې شوي دي.
اوچا په هغه وخت کې له مرستندويه هېوادونو او بنسټونو وغوښتل، چې په افغانستان کې د بشري ناورين د پاى ته رسولو لپاره ډېرې نورې مرستې وکړي.
دغه نړیوال بنسټ شاوخوا دوه میاشتې مخکې راپور ورکړ، چې په افغانستان کې ۲۳ اعشاریه ۷ میلیون خلک بشري مرستو ته اړتیا لري.