Connect with us

سیمه ییز خبرونه

ننګرهار کې ماین چاودنې ۳۰ کسانو ته مرګ و ژوبله اړولې

Published

 on

(Last Updated On: غبرګولى ۳۰, ۱۴۰۱)

د ننګرهار ولایت د غني خېل ولسوال څرګنده کړې؛ نن سهار ۹ بجې د یادې ولسوالۍ په شېرګړ بازار کې د ولسوالۍ د روغتيا د برخې د مدیر پر کرولا ډوله موټر نښلېدونکي ماین چاودنه کړې.

د ننګرهار ولایت د غني خېل ولسوالۍ ولسوال مولوي صدیق الله ویلي، چې په دې چاودنه کې دوه ملکي وګړي وژل شوي او د اسلامي امارت د پېنځه سرتېرو په ګډون اته ویشت کسان ټپیان دي.

ولسوال زیاته کړې؛ ټپیان د درملنې لپاره ننګرهار حوزوي روغتون ته لېږدول شوي او روغتیایي حالت یې د ډاډ وړ ښودل شوی دی.

په کابل کې د یوناما دفتر دا برید غندلی او څرګندوي، چې دا چاودنه په یوه بازار کې رامنځته شوې او د ماشومانو په ګډون یې ملکي وګړي زیانمن کړي دي.

دغه بنسټ پر ملکي وګړیو د پرلپسې بریدو نو د درولو غوښتنه کړې ده.

د یادونې ده، چې د يادې پېښې پړه تر دې دمه چا پرغاړه نده اخستې.

سیمه ییز خبرونه

په بدخشان ولايت کې سيلابونو مالي زيانونه رامنځته کړي

Published

on

(Last Updated On: غبرګولى ۲۶, ۱۴۰۱)

د بدخشان ولایت سیمه ییزو چارواکو تائید کړه، چې نن په دغه ولایت کې سیلابونو د زیباک ولسوالۍ  خلکو ته پراخ مالي زیانونه اړولي دي.

د زیباک ولسوالۍ د پراختيايي شورا مشر فضل احمد فيضي ویلي؛ ګلخانه، ډنډ، دشت خان، نوآباد او خالخان د دې ولسوالۍ هغه سيمې دي، چې تر ټولو ډېرې زيانمنې شوې دي.

هغه وایي: دغه سيلابونه د سختو بارانونو له کبله رامنځته شوي دي.

فيضي باختر آژانس ته په ډاګه کړې: دغو سيلابونو ٤٤ هکتاره کرنيزه ځمکه، کښتونه، اته کورونه، د اوبو لګولو ډنډونه او هغه سړک، چې دوه کلي سره نښلوي زيانمن کړي دي.

د چارواکو په خبره په سیلابونو کې د اړوند کلیو څاروي هم مردار شوي دي.

Continue Reading

سیمه ییز خبرونه

په بدخشان ولایت کې د طبیعي ډبرو او منرالونو د پروسس او پلور مرکز جوړ شو

Published

on

(Last Updated On: غبرګولى ۲۴, ۱۴۰۱)

په بدخشان ولایت کې د لومړي ځل لپاره د صنایعو او کانونو خونه او همدارنګه د طبیعي ډبرو او منرالونو د پروسس او پلور مرکز جوړ شو.

د اقتصاد وزارت د چارسمبالی قاري دين محمد حنيف پر مشرۍ یو پلاوي د صنایعو او کانونو خونې او د قیمتي ډبرو د پروسس او پلور د مرکز د پرانستلو په موخه بدخشان ته تللی دی.

قاري دين محمد حنيف وايي؛ په تېرو کلونو کې ميلياردونه ډالر بیځایه لګول شوي او هیڅ داسې کار ندی شوي، چې افغانستان له اقتصادي انحصاره خلاص کړي.

دی وايي، چې افغانستان هر کال یوازې د برښنا له درکه ۳۴۰ میلیون ډالره نورو هېوادونو ته ورکوي. د دغه مرکز له جوړېدو څخه مو موخه ملي او نړیوالو بازارونو ته د قیمتي او نیمه قیمتي ډبرو چمتو کول او پروسس کول دي.

د اقتصاد وزارت چارسمبالي قاري دین محمد حنیف د دغه مرکز د پرانېستې پر مهال څرګنده کړه: سره له دې، چې په تېرو کلونو کې میلیونونه ډالر افغانستان ته راغلل؛ خو افغانستان له اقتصادي انحصاره خلاص نشو او هیڅ بنسټیز کار ندی شوی.

د سوداګرۍ او صنایعو خونې اجرائیوي مشر رحیم الله سمندر ويلي، چې بدخشان لسګونه ډوله قیمتي ډبرې او طبیعي کانونه لري، چې د دغه مرکز له جوړېدو سره به قیمتي ډبرې پروسس او په ملي او نړیوالو بازارونو کې به پلور ته وړاندې شي.

د بدخشان خلک هم هیله لري، چې د دغه مرکز له جوړیدو او د طبیعي زیرمو په ځانګړي توګه د قیمتي ډبرو استخراج سره به دوی ته د کار او روزګار ډاډمنه زمینه هم برابره شي.

بدخشان ولایت د طبیعي زیرمو له پلوه بډای ولایت دی، چې په تېرو څو لسیزو کې سیمه ییز چارواکي د دغو زیرمو په ناقانونه استخراج او بهرنیو هېوادونو ته پر قاچاق تورن شوي دي.

Continue Reading

سیمه ییز خبرونه

په تخار ولایت کې اووه داعش وسلوال ووژل شول

Published

on

(Last Updated On: غبرګولى ۲۲, ۱۴۰۱)

په تخار ولایت کې امنیتي ځواکونو د داعش وسلوالو پر یوه مرکز عملیات کړي، چې په کې پر اووه داعشیانو سربېره  دوه ملکي وګړي هم وژل شوي دي.

د شبنې پر ورځ د غبرګولي ۲۱ د  تخار ولایت د مرکز تالقان ښار د څلورمې حوزې د ختیځې پروژې په اړوند سیمه کې د امنیتي ځواکونو او د داعش وسلوالو ترمنځ نښته شوې وه.

د تخار پولیسو ويلي، د داعش پر پټنځي پوځي عملیات د استخباراتي معلوماتو له مخې تر سره او دا ډله له پښو وغورزول شوه.

د تخار امنیه قومندان مولوي حبیب الله شاکر ویلي؛ دغه دوه تنه په تخار ښار کې د ورانکارو ډلو په ډله کې ول، چې د کشفي معلوماتو له مخې مرکز يې کشف او وروسته د امنيتي ځواکونو له خوا پرې عملیات ترسره او له شاوخوا يو ساعت نښتې يې اووه وسلوال غړي ووژل شول او درې نور یې ژوندي ونيول شول.

هغه زیاته کړې؛ له دغو وسلوالو څخه یو شمېر بېلابېل مهمات او وسلې ترلاسه شوي دي.

هغه وایي؛ په خواشینۍ، چې په دې عملیاتو کې دوه ملکي وګړي هم وژل شوي دي.

د اسلامي امارت ویاند ذبیح الله مجاهد ویلي، چې په دې عملیاتو کې د داعش د تمویلو تجهیز او روزنې مرکز له منځه وړل شوی او د قومندان یونس ازبکستانی په ګډون د داعش اته کسان وزل شوي دي.

ویل کیږي، چې نن په کونړ، کندوز او بدخشان ولایتونو کې چاودنې شوې، چې مرګ و ژوبله هم لري.

د کونړ ولایت امنیه قومندان مولوي عبدالحق څرګنده کړې؛ نن سهار شاوخوا نهه بجې په اسعد آباد ښار کې پر رینجر موټر ځای پرځای شوي نښلېدونکي ماین چاودنه کړې؛ یو پولیس وژل شوی او پېنځه نور ټپیان دي.

دغه راز د بدخشان ولايت په مرکز فيض آباد ښار کې د سړک د غاړې د ماين چاودنې له کبله يو ماشوم ټپي شوی او په کندوز ولايت کې هم يوې چاودنې درې کسان ټپيان کړي.

د دغو بریدونو مسوولیت چانه دی منلی.

Continue Reading

Trending

Copyright © 2022 Ariana News. All rights reserved!