لوبی
نوین، نجیب او قیس کرکټ ملي لوبډله د اماراتو پر وړاندې بریا ته ورسوله
د افغانستان کرکټ ملي لوبډلې د عربي متحده اماراتو پر وړاندې د شل اوریزو لوبو لړۍ ۲-۱ وګټله.
د سې شنبې پر ورځ په شارجه کې د اړوند لوبلړۍ په درېیمه او وروستۍ لوبه کې د اماراتو لوبډلې د پچې له ګټلو وروسته لومړی توپوهنه وکړه او د ۹ لوبغاړو پر سوځېدو یې ۱۲۶ منډې جوړې کړې. لوبډلمشر محمد وسیم تر ټولو زیاتې (۲۷) منډې جوړې کړې.
نوین الحق څلور او قیس احمد درې ویکټې واخیستې. عظمت الله عمرزي دوه لوبغاړي وسوځول.
د افغانستان له لوري ورکړ شوي هدف ته د رسېدو لپاره رحمان الله ګربز پر ۱۴ توپونو ۲۰ منډې، حضرت الله ځاځي ۳۶ او ابراهیم ځدراڼ ۲۳ منډې وکړې.
افغانستان د ۸۵ او ۱۰۳ منډو تر منځ د څلور لوبغاړو پر له لاسه ورکولو له خطر سره مخ شو؛ خو په ۱۸ توپونو ۲۴ منډو ته اړتیا وه، چې په ۱۸ اورونو کې نجیب الله ځدراڼ دوه څلوریزې ووهلې. په داسې حال کې، چې په وروستیو دوه اورونو کې ۱۳ منډو ته اړتیا وه، هغه لوبه پر شپږ منډو پای ته ورسوله. نجیب الله ټولټال ۲۸ منډې جوړې کړې.
لوبی
د افغانستان او ایران فوټسال لوبډلې ۲-۲ مساوي شوې
په هغه لوبه کې، چې نن (پنجشنبه د لړم پنځلسمه ) د سعودي عربستان په ریاض کې ترسره شوه، سید مجتبی حسیني او مهدي نوروزي د افغانستان لپاره ګولونه ووهل.
د افغانستان فوټسال ملي لوبډلې د اسلامي پیوستون لوبو په چوکاټ کې خپله دوهیمه لوبه له ایران سره ۲-۲ مساوي کړې.
په هغه لوبه کې، چې نن (پنجشنبه د لړم پنځلسمه ) د سعودي عربستان په ریاض کې ترسره شوه، سید مجتبی حسیني او مهدي نوروزي د افغانستان لپاره ګولونه ووهل.
د هېواد فوټسال لوبغاړو، چې د دې سیالۍ په لومړۍ لوبه کې یې تاجکستان ته ماتې ورکړې ده؛ د راتلونکې شنبې پر ورځ به د ګروپي پړاو په وروستۍ لوبه کې له مراکش سره مخ شي.
لوبی
د کابل په لویدیځ کې د فوټسال له ملي اتلانو بې ساری هرکلی وشو
د ملي لوبغاړو له بېرته راستېدا سره سم د کابل د لویدیځ په دشت برچي سیمه کې هم د خلکو د هرکلي بې سارې شېبې له ټولنیزو رسنیو خپرې شوې.
د افغانستان فوټسال لوبډلې په آسیایي اتلولۍ کې د ایران پر وړاندې له تاریخي بریا وروسته په کور دننه او بهر افغانانو خپله دغه لاسته راوړنه د افغان سپورت په تاریخ کې یوه بې ساري او ویاړلې پېښه وبلله.
د ملي لوبغاړو له بېرته راستېدا سره سم د کابل د لویدیځ په دشت برچي سیمه کې هم د خلکو د هرکلي بې سارې شېبې له ټولنیزو رسنیو خپرې شوې.
په خپرو شویو ویډیوګانو کې لیدل کیږي، چې د دشت برچي سړکونه د سیمې له زرګونو اوسېدونکو ډک دي له لېوالتیا سره د خوښۍ او ویاړ پر غږ پورته کولو له افغان آسیایي اتلانو تود او بې ساری هرکلی کوي.
دغه پراخه لېوالتیا د افغانانو د یووالي او ملي ویاړ څلی ګرځېدلی او په رسنیو او ټولنیزو شبکو کې ورسره د خلکو پوره مینه وځلول شوه.
لوبی
افغان فوټسال ۱۷ کلنې لوبډلې په آسیايي سیالیو کې پایلوبې ته لار وموندله
د افغانستان ځوانې لوبډلې د لوبې په بهیر کې نهستړې کېدونکې هڅې ترسره او خپل ځانګړی هوډ ښکاره کړ. له دې بریا سره، افغانستان د اتلولۍ پایلوبې ته ورسېد.
د افغانستان فوټسال ملي لوبډلې ځوانو لوبغاړو د آسیایي سیالیو په نیمه پایلوبه کې ټایلینډ ته ۹ ـ ۱ ماتې ورکړه او د ۲۰۲۵ کال د آسیا ځوانانو پایلوبې ته لار پیدا کړه.
د افغانستان ځوانې لوبډلې د لوبې په بهیر کې نهستړې کېدونکې هڅې ترسره او خپل ځانګړی هوډ ښکاره کړ. له دې بریا سره، افغانستان د اتلولۍ پایلوبې ته ورسېد.
افغانستان به د پنجشنبې پر ورځ له خپل سیمهییز ځواکمن سیال ایران سره مخ شي او دواړه لوبډلې به د آسیایي ځوانانو لوبو اتلولۍ ته د رسېدو لپاره ولوبیږي.
د سپورټ شنونکو د افغان ځوانانو له تاکتیکي نظم او بریدګر مزاج ستاینه کړې او د دوی پرمختګ یې په افغانستان کې د فوټسال د پرمختګ لپاره یو د ټینګار وړ پړاو وباله.
دې تاریخي بریا په ټول هېواد کې د فوټسال مینهوالو ترمنځ جشنونه راوپارول او ډېر یې د افغان فوټسال راتلونکي ته هیله من کړل.
د یادونې ده، چې ۱۷ کلنه فوټسال ملي لوبډله به د دې سیالیو په پایلوبه کې سبا پنجشنبه له ایران سره مخ شي.
-
نړۍ5 days agoپه مکسیکو کې د اور لګېدو له کبله ۲۳ کسان مړه شول
-
تازه خبرونه4 days agoولې افغانستان زلزلو ته ډېر مناسب دی؟
-
تازه خبرونه3 days agoد افغانستان په شمال کې زلزلې بشري وضعیت اغېزمن کړی – ملګري ملتونه
-
سیمه ییز خبرونه3 days agoامریکا دې له اسرائیلو ملاتړ پای ته ورسوي او له منځني ختیځ څخه دې ووځي
-
تازه خبرونه2 days agoله هیلو سره د استانبول غونډې ته ځو – د پاکستان بهرنیو چارو وزیر
-
سیمه ییز خبرونه5 days agoد سوریې ولسمشر الشرع واشنګټن ته سفر کوي – د امریکا ځانګړی استازی
-
تازه خبرونه2 days agoد کانونو په پروژو کې د کورنیو سرچینو د کارولو په اړه د پالیسۍ مسوده د تصویب لپاره وارزول شوه
-
تازه خبرونه5 days agoپه هرات ولایت کې هریرود سیند ته د سلما بند اوبه خوشې شوې
