Connect with us

سوداگري

هند او پاکستان افغانستان ته د واګه له لارې د غنمو پر لېږد هوکړه وکړه

Published

 on

(Last Updated On: سلواغه ۴, ۱۴۰۰)

ټایمز اف انډیا ورځپاڼې څرګنده کړې، چې هند او پاکستان افغانستان ته د واګه بندر له لارې د ۵۰ زره ټنو غنمو پر لېږدولو هوکړه کړې ده.

ټایمزاف انډیا پخپل یوه تازه رپوټ کې  ویلي، هند څه باندې دوه میاشتې مخکې له افغانستان سره د ۵۰ زره ټنو غنمو مرسته کړې وه؛ خو پاکستان اجاره نه ورکوله، چې دغه غنم افغانستان ته د پاکستان له لارې ولېږدول شي.

د دغه خبر له مخې؛ اوس د هند او پاکستاني لوري ترمنځ د پاکستان له لاري د دې غنمو پر لېږد هوکړه شوي.

د ورځپاڼې د راپور له مخې؛ د دغو مرسته شویو غنمو د لېږد بهیر به د راتلونکې میلادي میاشتې په دوه یمه اوونۍ کې افغانستان ته پیل شي.

د افغانستان د خصوصي سکتور غړيو ويلي، چې افغانستان ته د دې غنمو رارسېدل د روان بشري ناورین په مدیریت کې مهم دي.

د افغانستان د صنایعو او کانونو خونې مسوولین د پاکستان له لارې افغانستان ته د ۵۰ زره ټنو غنمو له لیږد هرکلۍ کوي او څرګندوي، چې دا مرستي د افغانستان په روان اقتصادي او بشري  بحران کې ژوند بښونکی ارزښت لري.

د صنایعو او کانونو خونې غړی عبدالنصیر رښتیا وایي؛ د دغو غنمو له رالېږدېدو سره به د افغانستان روان اقتصادي بحران حخ نا څه تر څارنې لاندې راشي او پروسس یې هم کورنیو کارخونو ته کاري زمینه برابروي.  

که څه هم پاکستان په لومړیو کې اعلان کړی و، چې هند ته د دې غنمو د لېږد اجازه ورکوي؛ خو د دوو میاشتو پر تېرېدو اوس هم دغه زمینه برابره شوې نده.

د یادونې وړ ده، چې د اسلامي امارت د بهرنیو چارو سرپرست وزیر مولوي امیر خان متقي پاکستان ته د خپل وروستي سفر پرمهال د دې هېواد له چارواکو غوښتي وه، چې د هند مرسته شویو غنمو ته د لېږد اجازه ورکړي.

سوداگري

ملي پانګوال دې په اقتصادي ځانبسیاینه کې ونډه واخلي ـ اسلامي امارت

Published

on

(Last Updated On: غبرګولى ۲۹, ۱۴۰۱)

د افغانستان اسلامي امارت د رییس الوزرا اقتصادي مرستیال د افغان انویست نومي سهامي شرکت د پرانستلو پرمهال له ملي پانګوالو وغوښتل، چې په اقتصادي ځانبسیاینه کې ونډه وا خلي.

دا شرکت، چې د خصوصي سکټور د دیارلس ملي پانګوالو لخوا جوړ شوی؛ په لومړیو کې به د ۲۵۰ میلیون ډالرو پر پانګونه د خپلو فعالیتونو  بهیر پیل کړي او له اسلامي امارته د ملاتړ غوښتنه کوي.

د رییس الوزرا اقتصادي مرستیال ملا عبد الغني برادر وايي؛  تر هغې، چې افغانان پخپله د افغانستان په آبادۍ  کې ونډه وانخلي نور هېوادو نه به د افغانستان  آبادۍ ته رانشي.

ښاغلي  برادر په هیواد کې د ننه او بهر له ټو لو افغان پانګوالو غوښتنه کړې، چې را شي او د هېواد په اقتصادي ځانبسیاینه کې و نډه واخلي  او ژمنه  کوي، چې  د خصوصي سکتور د مالي او ځاني امنیت  خوندیتوب یې د اسلامي امارت له مسوولیتونو څخه دی.

د رییس الوزرا لومړی مرستیال ملا عبدالغني برادر وایي: مونږ تل د خصوصي سکتور د ستونزو د حل لپاره  چمتو یوو او له دې وروسته هم د هېواد له پانګوالو غواړو، چي د هېواد د اقتصادي آبادۍ لپاره راشي او په پانګونه کې یې ونډه وا خلي.

  د افغان انویست شرکت مسوولین وایي؛ افغان سوداګرو پرېکړه وکړه، چې د هېواد د اقتصادي ثبات او پانګونې د پیل لپاره د اشرکت رامنځته  کړي. د دې شرکت لومړنۍ  پانګونه ۲۵۰ میلیون ډالرو ته رسیږي، چې په څلور بروخو( کرنې، کانونو، انرژۍ د تولید او ساختمان) کې به پانګونه کیږي.

د افغان انویست شرکت مشر شېرباز کمین زاده ویلي؛ مونږ غواړو، چې اسلامي امارت له دې شرکته ملاتړ وکړي او په راتلونکي کې دا شرکت د لویو پروژو د عملي کولو جوګه شي.

د سوداګرۍ او پانګونې خونې مرستیال خیرالدین مایل وایي: مونږ د خپل هېواد او ولس د آبادۍ لپاره ژمن یو. دا شرکت به هم د هېواد د آبادۍ لپاره زیاتې هڅې وکړي، چې په هېواد کې پانګونه وده او پراختیا پیدا کړي.

د افغانستان اسلامي امارت د یو شمېر سکتوري  وزارتونو وزیرانو هم  د دې شرکت په پرانست غونډه کې دا شرکت د پانګونې د نوي  پیل لپاره اړین و باله او زیاتوي، چې خصوصي سکتور باید دا شرکت هېواد د آبادۍ پر نیت فعال کړي او دوی هم له دې شرکت سره د خپلې هر اړ خیزې همکارۍ ژمنه وکړه.

د کانونو او پټرولیم وزارت چارسمبالي شیخ شهاب الدین دلاور څرګنده کړې: زه له خصوصي سکتور سره د همکارۍ ژمنه کوم، چې په هېواد کې به مو د پانګونې د ودې او پراختیا لپاره زمینه برابره شي او هیله لرم، چې بهرني پانګوال هم له تاسې سره ونډوال شي.

د صنعت او سوداګرۍ وزارت سرپرست نورالدین عزیزي ویلي؛ مونږ خوښ یوو، چې د خصوصي سکتور غړي په هېواد کې د پانګونې لپاره یو داسې ابتکار وکړ، چې مونږ خپل راتلونکي ته نور هم هیله من کوي. دا شرکت به په هېواد کې د پانګونې نوی بهیر پیل کړي.

د اقتصادي چارو کارپوهان پدې باور دي، چې د دا سې سهامي شرکتونو رامنځته کول کولی شي د هېواد په اقتصاد کې مثبت اغېز رامنځته کړي او همداراز هیله څرګندوي، چې ښايي بهرني پانګوال هم د پانګونې لپاره لیوالتیا پیدا کړي.

Continue Reading

سوداگري

په هېواد کې له اوبو څخه د برښنا د تولید پر ۱۶ پروژو کار روان دی

Published

on

(Last Updated On: غبرګولى ۲۸, ۱۴۰۱)

د اوبو او انرژۍ وزارت مسوولینو ويلي؛ په روان کال کې له اوبو څخه د انرژۍ د تولید شپاړلس پروژې تر لاس لاندې دي او له لمر، ګازو او ډبرو سکرو څخه د برښنا د ترلاسه کولو لپاره مو پانګوال پانګونې ته هڅولي دي.
د افغانستان اوبو او انرژۍ وزارت مسوولینو څرګنده کړې، چې په هېواد کې د برښنا د تولید لپاره نه ستړې کېدونکې هڅې روانې دي او پدې اړه یې کورني او بهرني پانګوال پانګوني ته هم هڅولي دي.
د اوبو او انرژۍ وزارت مسوولینو زیاته کړې؛ د روسيي، ایران، امریکا، چین او ترکیې هېوادونو ځینو پانګوالو د انرژۍ په تولید کې پانګونې ته لیوالتیا ښودلې؛ خو تر اوسه د کومې ځانګړې پروژې د ترسره کولو لپاره ورسره هوکړې رسیدلي نه یوو.
د اوبو او انرژۍ وزارت ویاند مولوي اخترمحمد نصرت وایي: مونږ سره کورني او بهرني پانګوال که هغه د روسیې دي که د چین، که د تر کیې؛ د بېلابېلو هېوادونو له پانګوالو سره مو خبري رواني دي او په اړوند برخو کې یې پانګونې ته لیوالتیا ښودلې ده.
د اقتصادي چارو کارپوهانو هم ويلي، چې که په هېواد کې د انرژۍ د تولید په اړه پانګوال پانګونې ته وهڅول شي افغانستان به له اقتصادي بحران څخه وایستل شي او له بېلابېلو سرچینو څخه د انرژۍ تولید کولی شي د هېواد په اقتصاد وده او پراختیا کې رغنده او اړین اغېزه ولري.
د اقتصادي چارو شنونکی تاج محمد تلاش وایي: افغانستان د انرژۍ د تولید لپاره خورا زیاتې سرچینې لري، چي باد، لمر، د ډبرو سکاره او ګاز یې د یادونې دي. که له دغو سرچینو د برښنا تولید رامنځته کړو؛ نو هېواد به مو د انرژۍ له بحران خلاص او او قتصاد به مو له ودې او پراختیا هم برخمن شي.
د هېواد د خصوصي سکتور غړيو هم ويل؛ي که د انرژۍ په دغو برخو کې د حکومت لخوا د پانکوالو لپاره آسانتیاوې زیاتې شي؛ نو دوی هم چمتو دي، چې په کور دننه په بېلابېلو برخو کې د انرژۍ د تولید لپاره پانګونه وکړي.

دا په داسې حال کې ده، چې افغانستان دمګړۍ دېره برښنا له ګاونډ هېوادونو واردوي، چې د اقتصاد وزارت د معلوماتو له مخې مونږ د کال ۲۵۰ میلیون ډالرنورو هېوادونو ته د برښنا لګښت ورکوو.

Continue Reading

سوداگري

افغان بیسیم او افغان پوست د افغان بیسیم سیم کارتونو د وېش تړون لاسلیک کړ

Published

on

(Last Updated On: غبرګولى ۲۶, ۱۴۰۱)
د چارشنبې پر ورځ د افغان بېسیم مخابراتي شرکت او افغان پوست ترمنځ د بلخ ولایت په ولسوالیو کې د افغان بېسیم د سیم کارتونو د پلورلو هوکړه لیک لاسلیک شو.

د افغان بیسیم مخابراتي شرکت چارواکو ویلي؛ غواړو، چې په ټول ولایت کې خلکو ته مخابراتي او انټرنیټي خدمات وړاندې شي او د دې ولایت اوسیدونکي په ځانګړي توګه هغه خلک، چې په لرې پرتو ولسوالیو کې اوسیږي؛ د سیم کارتونو ترلاسه کولو ته آسانه لاسرسی ولري.

د افغان پوسټ چارواکو تائید کړه، چې دوی به د سیم کارتونو په پلور او وېش کې آسانتیاوې رامنځته کړي او له مخې به یې ډېر خلک ګرځند او انټرنیټي آسانتیاوو ته لاسرسی ومومي.

د افغان پوست عمومي مدیر حمیدالله رحمانیار ویلي؛ مونږ به په ۱۴ ولسوالیو او مزارشریف ښار کې د پلور اړوند بهیر پیل کړو. دا پروګرام د دې لپاره دی، چې له لرې پرتو سیمو خلکو ته د سیم کارتونو د ترلاسه کولو بهیر آسانه کړي.

په شمال کې د افغان بیسیم مخابراتي شرکت سیمه ییز مشر محمد یعقوب ثاقب ویلي، د دې تړون موخه خلکو ته د اړیکو د آسانتیاوو برابرول دي.

ثاقب ويلي: د نومليکنې سيستم د سړي، پېژندپاڼې او انځور پر بنسټ جوړېږي. که مونږ سيم کارت پر ١٥٠ افغانیو پلورو؛ نو پېرودونکیو ته به ٧٥ افغانۍ کريډټ هم ورکول کېږي.

د افغان بیسیم د سیمه ییز دفتر مسوولینو ويلي: دا شرکت اوسمهال د لرې پرتو ولسوالیو او کلیو په ګډون په ډېرو سیمو کې خلکو ته مخابراتي خدمات وړاندې کوي؛ خو دوی هیله لري، چې په ټول هېواد کې د مخابراتي خدمتونو د کیفیت لوړولو لپاره خپل خدمات پراخه کړي.

افغان بیسیم مخابراتي شرکت په افغانستان کې یو مخکښ بیسیم مخابراتي شرکت دی، چې په ۲۰۰۲ زېږدیز کال کې جوړ او هڅې یې پیل کړې دي.

له یوې لسیزې راپدیخوا افغان بیسیم مخابراتي شرکت د خپلو نوښتګرو هڅو او پرمختګ په برکت پر نړیواله کچه غوره اچ ډي غږیزې او انځوریزې اړیکې جوړې کړي؛ انټرنیټ، معلومات او ګرځند تادیاتي خدماتو رامنځته کړل، چې ورسره د هېواد مخابراتي سوداګرۍ هم چټکه وده کړې ده.

نن افغان بیسیم د افغانستان په ټولو۳۴ ولایتونو کې میشتو پېنځه میلیونه سوداګرو او لګښتکوونکیو او  پېرودونکیو ته اچ ډي، جي دوه، جي درې او جي څلور ګړندی انټرنیټ او د پیسې مې ګرځند تادیاتو خدمتونه وړاندې کوي.

دا شرکت په ۱۲۵ هېوادونو کې له ۴۲۵ بېسیم کیریرونو سره ستراتیژیک شراکت هم لري.

Continue Reading

Trending

Copyright © 2022 Ariana News. All rights reserved!