Connect with us

مهم خبرونه

هند دې اسلام او مسلمانانو ته د سپکاوي مخه ونیسي – اسلامي امارت

Published

 on

(Last Updated On: غبرګولى ۱۷, ۱۴۰۱)

د افغانستان اسلامي امارت د دوشنبې پر ورځ د اسلام ستر پیغمبر حضرت محمد ص ته د هند د واکمن ګوند د چارواکو لخوا له سپکاوي ډکې څرګندونې وغندلې.

تېره اوونۍ د هند د صدراعظم نرندرا مودي د بهاراتیا جنتا ګوند یوې غړې نوپور شرما په یوه تلویزیوني مناظرې کې د اسلام د پیغمبر محمد ص په اړه څرګندونې لرلې، چې نه یوازې یې په هند کې د مسلمانانو احساسات راپارول، بلکې د ګڼشمېر اسلامي هیوادونو سخت غبرګونونه هم ورسره مل شول.

د هند حکومت د مسلمانانو احساساتو ته د درناوي پر پار په ګوند کې د نوموړې غړیتوب وځنډاوه او د دې ګوند د یو بل غړي د څرګندونو پر وړاندې یې د هغه پر ګوندي هڅو بندیز ولګاوه او له ګونده وویستل شو.

د اسلامي امارت ویاند ذبیح الله مجاهد نه یوازې دغه ګستاخانه څرګندونې وغندلې، بلکې دهند له حکومته یې د  متعصبو اشخاصو د څرګندونو د مخنیوي غوښتنه هم وکړه او وایي، چې هند باید اجازه ورنکړي، چې چارواکي یې د اسلام مبارک دین ته سپکاوی وکړي او د مسلمانانو احساسات راوپاروي.

همدارنګه د قطر او کویټ حکومتونو هم د هند سفیران احضار کړي او په دې برخه کې د هند حکومت د رسمي بخښنې غوښتنه کړې ده.

د قطر د بهرنیو چارو وزارت په ډاګه کړې: د هند سفیر ته رسمي اعتراض لیک وسپارل شو او د هند له حکومته غوښتل شوي، چې بښنه وغواړي او دا څرګندونې وغندي.

په سعودي عربستان کې د اسلامي همکاریو سازمان هم دغه له سپکاوي ډکې څرګندنې رد کړي او ویلي یې دي، چې یادې څرګندونې په هند کې د اسلام او مسلمانانو سره د بد چلند لامل کیږي.

په هند کې د بهاراتیا جنتا ګوند، پرون یکشنبه په دغه ګوند کې د نوپورشرما غړیتوب وځنډاوه او څرګندوي، چې د نوموړې څرګندونې د «د دغه حزب له تګلارې سره په تناقض» کې دي.

د بهارتیا جنتا ګوند، چې تل په هند کې د مسلمان اقلیتونو پر وړاندې په تندو انتقادونو سره تورن شوی؛ د شرما د غړیتوب د ځندولو ترڅنګ ویلي، چې دغه ګوند «ټولو ادیانو» ته احترام لري.

شرما هم په خپل ټویټ کې د اسلام په اړه د نوموړې څرګندونې د هندیانو د «شیوا» الهه د انتقاد په اړه وې. هغې لیکلي: “که زما څرګندونې د دیني اړخه د کوم چا د ناراحتۍ سبب شوې وي، له قید او شرطه پرته خپلې خبرې بیرته اخلم.

د یادونې ده، چې اسلامي امارت پر داسې مهال پر هند نیږکه کوي، چې تېره اوونۍ د هند د بهرنیو چارو وزارت یو پلاوی له افغان چارواکو سره د لیدنې لپاره کابل ته راغلی و.

روغتيا

په کابل پوهنتون کې د څارویو د پوستکي پر ویروسي ناروغۍ علمي غونډه ترسره شوه

Published

on

(Last Updated On: زمری ۱۹, ۱۴۰۱)

 په کابل پوهنتون کې د څارويو د پوستکي د ناروغۍ په اړه د جوړې شوې علمي غونډې ګډونوالو د څارويو د پوستکي ويروس يو له خطرناکو ويروسونو ګڼي او په هېواد کې يې د خورېدو پر مخنیوي ټينګار وکړ.

 په دې غونډه کې د کابل پوهنتون یو شمېر استادانو؛ د عامې روغتیا، کرنې او مالدارۍ وزارتونو او ښاروالۍ استازیو د دې ویروس د نښو او خطرونو په اړه بحث او خبرې وکړې.

دا ناروغي(lumpy skin disease) اوس د افغانستان په کونړ، ننګرهار، لغمان او سویل ختيځو ولايتونو پکتيا، پکتيکا، خوست لوګر او غزني کې هم لیدل شوې ده.

د افغانستان د عامې روغتیا وزارت د استازي نصیر احمد د څرګندونو پر بنسټ، د څارویو او لبنیاتو کمېدل به د شیدو ورکوونکیو میندو او ماشومانو تغذیه کمزورې کړي.

نوموړي زیاته کړې: دا ویروس د خواړو روغتیا لپاره ستونزه ده؛ په ځانګړي توګه پر خوارځواکۍ د اخته کسانو لپاره، چې د اړوند محصولاتو له نشتوالي سره به ستونزې ولري.

دا ویروس له ناروغ حیوان څخه روغ حیوان ته د غوماشو په واسطه لېږدول کیږي؛ خو انسان پرې نه اخته کیږي.

د کابل پوهنتون د وترنرۍ پوهنځۍ مشر شېرشاه سادات ویلي؛ دا ویروس له ختیځو او سویل ختیځو ولایتونو لکه لغمان، ننګرهار او کونړ څخه خپور شوی، خو دا مهال دغه ویروس واکسین نلري او د خوشبختۍ خبره دا ده، چې دا ناروغي انسانانو ته نه انتقالیږي.

دا ویروس ساري دی او د حشراتو له لارې لیږدول کیږي.

د کابل پوهنتون استاد اسدالله صمدي په دې اړه وایي: دا ویروس له یوه څاروي څخه بل ته د مچیو په واسطه لیږدول کیږي او د لیږد سرچینه باید له منځه یوړل شي؛ قرنطین او واکسین کول د دې ناروغۍ سره د مبارزې لپاره ډاډمنې لارې دي.

د کرنې او مالدارۍ وزارت استازي ابراهیم فروتن ویلي؛ په نږدې راتلونکې کې به په ټولو ولایتونو کې د نړیوالو موسسو پر همکارۍ د دغه ویروس د مخنیوي لپاره پراخ کمپاین پیل شي.

د حیواناتو د پوستکي ناروغي له آفريقا څخه اروپا ته رسیدلې، چې اوس یې په هند، بنګله دېش او پاکستان کې هم بیېلګې موندل شوې دي. دا ناروغي اوس د افغانستان په کونړ، ننګرهار، لغمان او سویل ختيځو ولايتونو پکتيا، پکتيکا، خوست لوګر او غزني کې هم لیدل شوې ده.

Continue Reading

تازه خبرونه

په کابل کې د اسلامي امارت له ځواکونو سره په نښته کې ۴ داعشیان ووژل شول

Published

on

(Last Updated On: زمری ۱۳, ۱۴۰۱)

د اسلامي امارت ویاند ذبیح الله مجاهد تویت کړی، چې په کابل ښار کې د اسلامي امارت له ځواکونو سره د داعش د غړیو وسلواله نښته د داعشیانو پر وژل کېدو پای ته رسیدلې ده.

ذبیح مجاهد څرګنده کړې، چې د اسلامي امارت ځواکونو د چهارشنبې پر سهار د کابل ښار د درېیمې امنیتي حوزې اړوند په کارته سخي سیمه کې د داعشیانو پر یوه پټنځی چاڼیز عملیات ترسره کړل.

د اسلامي امارت ویاند زیاته کړې؛ د دغو عملیاتو په پایله کې د داعش ډلې ۴ غړي وژل شوي او یو بل هغه یې ژوندی نیول شوی دی.

نوموړي په ډاګه کړې؛ په دې عملیاتو کې ګڼ شمېر وسلې او مهمات د اسلامی امارت د ځواکونو لاس ته ورغلي دي.

ذبیح الله مجاهد دغه را څرګنده کړې؛ داعش ډلې پلان درلود، چې له دغه مرکز څخه د هېواد پر هغو شیعه وګړیو برید وکړی، چې ډېري یې د محرم په ورځو کې د کارته سخی زیارت ته راځي.

هغه د اسلامي امارت ځواکونو ته د اوښتو تلفاتو په اړه څه ندي ویلي؛ خو د کابل پولیسو له دې مخکې څرګنده کړې وه، چې په دې عملیاتو کې د یوې أولیس میرمنې په ګډون دوه امنیتي منسوبین وژل شوي او څلور نور ټپیان دي.

دا په داسې حال کې ده، چې دغه نښته د چارشنبې پر ورځ له غرمې مخکې شاوخوا ١١:٣٠ بجې پيل شوه او له غرمې وروسته د داعشیانو تر وژل کېدو روانه وه.

Continue Reading

ساینس او ​​ټیکنالوژي

چین خپل ګرځند فضایي تمځي ته بشپړ څېړنیز لابراتوار ولېږداوه

Published

on

(Last Updated On: زمری ۳, ۱۴۰۱)

چین د وینچانګ له فضایي اډې څخه خپل ګرځند فضایي تمځي ته بشپړ څېړنیز لابراتوار ولېږداوه، چې په راتلونکیو خلایي څېړنو کې به رغنده رول ولوبوي.

د اسوشیتید پرس د څرګندونو له مخې؛ دغه وینتیان نومی لابراتوار د یکشنبې پر ورځ د های نان ولایت د استوایي تاپو له وینچانګ فضایي اډې څخه د لیواله انځورګرو او د فضا مینه والو د لوی شمېر په ګډون وتوغول شو.

د چین فضایي ادارې ویلي، چې د دوشنبې پر سهار له ۱۳ ګړیو الوتنې وروسته له خپلې سپوږمکۍ سره ونښلول شو.

د دولتي ګلوبل تایمز ورځپاڼې د څرګندونو له مخې؛ دغه ۲۳ ټني دروند وینتیان د ساینسي او ​​بیولوژيکي تجربو لپاره ډیزاین.

وینتیان به د دوه یم لابراتوار مینګتیان لخوا تر څارڼې لاندې وي، چې د اکتوبر په میاشت کې به وتوغول شي شي.

درې ستورمزلي اوسمهال په اصلي ماډل کې شپږ میاشتني ماموریت ترسره کوي او وینتیان یې تر څارنې لاندې نیولی دی.

Continue Reading

Trending

Copyright © 2022 Ariana News. All rights reserved!