Connect with us

تازه خبرونه

هند د نړۍ درېیم کرونا ځپلی هېواد وشمېرل شو

Published

 on

(Last Updated On: چنګاښ ۱۶, ۱۳۹۹)

هندوستان د یکشنبې پر ورځ پر کرونا ویروس د اخته کسانو د ډېر شمېر د ثبتولو له مخې له روسیې وروسته درېیم هېواد وشمېرل شو.

د ورلد میتر د څرګندونو له مخې؛ د یکشنبې پر ماښام ناوخته په هند کې د کرونا ویروس ۲۴۰۰۰ مثبتې پېښې ثبت شوې، چې له دې سره پر دې ویروس د اخته کسانو شمېر ۶۹۷۸۳۶  ته پورته شوی دی.

د هند روغتیا وزارت د یکشنبې پر ورځ په ډاګه کړې، چې په یوه شپه او ورځ کې پر کرونا ویروس اخته ۶۱۳ ناروغان مړه شوي دي.

د روسیې د وروستیو مثبتو پېښو شمېر ۶۸۱۲۵۱ دی او هند ترې مخکې شو. په داسې حال کې، چې یوازې امریکا او برازیل د هندوستان په پرتله د کرونا ویروس د مثبتو پېښو لوړ شمېر ثبت کړی دی.

د هندي رسنیو د څرګندونو له مخې؛ د کرونا ویروس په مثبتو پېښو کې هغه وخت ډېروالی رامنځته شو، چې د هند لویدیځې او سویلي سیمې اورښتونو وځپلې او ور سره ډېر کسان پر کرونا اخته شول.

د هندي رسنیو د راپورونو له مخې؛ مهاراشترا ایالت له ټولو زیانمنه سیمه ده، چې په کې ۷۰۰۰ نوي پېښې ثبت شوي دي. پداسې حال کې، چې تامیل نادو ۴۲۰۰ او دیلي ۲۵۰۰ نوې مثبتې پېښې ثبت کړي دي.

په هند کې د کرونا ویروس د مثبتو پېښو د ثبت کچه لوړه شوې؛ که څه هم لومړي وزیر نریندرا مودي د مارچ په میاشت کې د کرونا ویروس د ودې مخنیوي ته د نړۍ یو له ترټولو ځواکمن قرنطین پلی کړ؛ خو سره له دې هم دغه ویروس په کې ډېر شوی دي.

چارواکو په عامه ځایونو کې ماسکونه اغوستل لازمي کړي. پداسې حال کې، چې لویې غونډې منع شوي او د ټولنیز واټن له منلو سره پلورنځي او نور عامه تاسیسات پرانستي دي.

ویل کیږي، چې د وبا ناروغیو پوهانو د هند رسنیو ته ویلي، چې په هېواد کې کیدی شي د کرونا ویروس د ودې څوکه اوونۍ او میاشتې نور هم پاتې او د دغه هېواد د روغتیا او درملنې سیستم به نور هم تر فشار لاندې وي.

تازه خبرونه

د حکومت د لوړپوړیو چارواکو پر سفرونو د بندیزونو روان ساتل ظالمانه کړنه ده  

Published

on

(Last Updated On: ليندۍ ۱۳, ۱۴۰۱)

اسلامي امارت د نړیوالې ټولنې لخوا د حکومت د لوړ پوړیو چارواکو پر سفرونو د بندیزونو روان ساتل  یوه ظالمانه او ناعادلانه کړنه بولي.

څه باندې درې میاشتې کېږي، چې د رییس الوزرا په ګډون د اسلامي امارت د ۱۳ لوړپوړیو چارواکو پر سفر د بندیزونو معافیت د روان کال د زمري میاشتې پر ۲۹ نېټه پای ته ورسید؛ خو تر اوسه د ملګرو ملتونو امنیت شورا د دغو چارواکو او غړیو پر سفر د بندیز معافیت ندی غزولی او د اسلامي امارت غړي، چې په دې نوملړ کې زاغلي له افغانستان څخه بهر سفر نشي کولی.

اوس اسلامي امارت د نړیوالې ټولنې لخوا د دغو بندیزونو دوام ظالمانه او ناعادلانه بولي او ټینګار کوي؛ که نړۍ له اسلامي امارت سره تعامل غواړي، باید د افغانستان پر نوي حکومت ټول بندیزونه پای ته ورسوي.

 د اسلامي امارت د ویاند مرستیال بلال کریمي په هېواد کې شته ستونزې د امریکا او نړیوالې ټولنې لخوا د افغانستان پر نوي حکومت د لګول شويو ناعادلانه بندیزونه له کبله بولي او ټینګار کوي، چې که نړۍ وغواړي له اسلامي امارت سره اړیکي ولري؛ باید ټول بندیزونه لرې کړي.

بلال کریمي وايي: سیاسي انزوا لکه څنګه، چې پخوا کومه پایله نه درلوده؛ اوس به هم کومه پایله ونلري. د افغانستان خلک او مونږ له هغو هېوادونو سره ښې اړیکې غواړو، چې متقابل درناوي ته ژمن وي.

د اسلامي امارت د چارواکو پر سفرونو د بندیز معافیت له پای ته رسېدو وروسته د ملګرو ملتونو امنیت شورا تر دې دمه د دغو چارواکو پر سفرونو د بندیز معافیت د غزولو او یا ردولو په اړه د پرېکړې په موخه دوه غونډې کړې؛ خو په دواړو غونډو کې د ملګرو ملتونو د امنیت شورا غړي کومې پایلې ته سره رسیدلي ندي.

د تېر کال د زمري پر ۲۴ نېټه په کابل کې د اسلامي امارت له بیا واکمنېدو وروسته، نړیوالې ټولنې تل د یوه جامع حکومت رامنځته کېدل، د بشري حقونو خوندیتوب او له افغانستان څخه د ترهګریزو ګواښونو له منځه وړل د اسلامي امارت د رسميت پېژندلو او د افغانستان د نوي حکومت پر وړاندې د بنديزونو ختمولو لپاره د خپلو بنسټیزو شرطونو په توګه یاد کړي دي.

په ورته وخت کې اسلامي امارت ټینګار کړی، چې د رسمیت لپاره یې ټول شرایط پوره کړي؛ خو نړیوالې ټولنې پر اسلامي امارت بېځایه بندیزونه لګولي دي.

Continue Reading

تازه خبرونه

په جلال آباد کې د تېر ماښام چاودنې مالي او ځاني زیانونه اړولي

Published

on

(Last Updated On: ليندۍ ۱۳, ۱۴۰۱)

د ننګرهار ولايت د مرکز جلال آباد ښار د لومړۍ ناحیې په اړوند سیمه کې د تېرې ورځې ناوخته چاودنې د يوازني سکهـ اوسیدونکي ګلچرن په ګډون هټيوالو ته مالي او ځاني زيانونه اړولي دي.

د دې ولایت امنیتي چارواکو ويلي، چاودنه په یوه ګلدان کې د ځای پر ځای شوي ماین له کبله رامنځته شوې، چې ۶ کسان یې ټپیان کړي او ګڼشمېر دوکانونو ته مالي زیانونه اوښتي دي.

زیانمن شوي هټيوال جان آغا څرګنده کړې، په دې ولایت کې د يوازني پاتي افغان سیکهـ ګلچرن هټۍ هم ویجاړه شوې ده.

هټيوال میا نورالدین شاه میاخېل ويلي، چې میلیونونه افغانۍ تاوان ور رسېدلی دی.

د جلال آباد ښار اوسېدونکي محمد دین وايي؛ شومې کړۍ په داسې ځایونو کې چاودنې کوي، چې د افغانانو تر منځ حساسیت را وپاروي.

د ننګرهار د اطلاعاتو او فرهنګ ریاست ویاند قریشي بدلون ويلي، چاودنه په يوه ګدان کې د ځای پر ځای شويو چاودېدونکیو توکو له کبله رامنځته شوې، چې شپږ کسان يې ټپیان کړي دي.

هغه دا هم مني، چې د دې چاودنې له کبله د پېښې سیمې ته ورڅېرمه يو شمېر هټيو ته مالي زیانونه  وراوښتي دي.

د دغې چاودنې مسوولیت تر دې دمه چا په غاړه ندی اخیستی.

سیمه ییز مسوولین وايي يو شمېر کړۍ هڅه کوي امنیتي فضا ګډوډه کړي او خلکو ته وښيي، چې امنیت نشته؛ خو امنیتي ارګانونه هڅه کوي دغه ډول کسان ونیسي او د قانون منګولو ته يې وسپاري.

خلک له اسلامي امارت څخه غواړي، چې د دې ډول پېښو مخنیوی وکړي او عاملین یې د قانون منګولو ته وسپاري.

Continue Reading

تازه خبرونه

اسلام آباد له ترهګرۍ سره مبارزې ته ژمن دی

Published

on

(Last Updated On: ليندۍ ۱۳, ۱۴۰۱)

د افغانستان لپاره د پاکستان ځانګړي استازي محمد صادق ویلي، په کابل کې د پاکستان پر سفارت د جمعې د ورځې( د لیندۍ ۱۱) برید د هغه ګواښ یادونه کوي، چې ترهګري د افغانستان او سیمې لپاره اوس هم ګواښ دی.

محمد صادق د یکشنبې پر ورځ ( د قوس ۱۳) په یوه تویت کې څرګنده کړې، چې پاکستان له ترهګرۍ سره د مبارزې په برخه کې خپلو ژمنو ته ژمن دی.

دا په داسې حال کې ده، چې داعش ډلې د یوې اعلامیې پره خپرولو په کابل کې د پاکستان پر سفارت د جمعې د ورځې د برید مسوولیت منلی دی.

د کابل په کارته پروان سیمه کې د پاکستان پر سفارت د وسلوال برید په پایله کې د دغه سفارت یو ساتونکی ټپي شوی دی.

د کابل پولیسو ویاند د شنبې پر ورځ په ډاګه کړې، چې د برید په اړه یې یو شکمن کس نیولی او دوه میله وسلې هم ترلاسه شوې دي.

دغه راز متقي د دغه برید د غندلو پرمهال ویلي، چې اسلامي امارت به د دغه سفارت امنیت ته جدي پاملرنه وکړي.

له بلې خوا د پاکستان د بهرنیو چارو وزیر په ډاګه کړې، چې په افغانستان کې د پاکستانيو دیپلوماتانو او کارکوونکیو خوندیتوب یوه ډېره مهمه موضوع ده.

همدارنګه د پاکستان د بهرنیو چارو وزیر بلاول بوتو هم له متقي سره په خبرو کې ویلي: د افغانستان حکومت باید د ترهګرو لخوا د پاکستان او افغانستان د اړیکو د خرابیدو مخه ونیسي.

هغه ټینګار کړی، چې دا ډول “بزدلانه بریدونه” به له ترهګرۍ سره د مبارزې په برخه کې د پاکستان ژمنې زیانمنې نکړي.

په همدې حال کې د پاکستان د بهرنیو چارو وزارت ویاند څرګنده کړې، چې په کابل کې د دغه هېواد د سفارت د تړلو او یا هم د دې هېواد د دیپلوماتانو د ایستلو کوم پلان نشته.

Continue Reading

Trending

Copyright © 2022 Ariana News. All rights reserved!