Connect with us

تازه خبرونه

هیچاته د صحرایي محاکمې اجازه نه ورکول کیږي- مولوي عبدالسلام حنفي

Published

 on

(Last Updated On: سلواغه ۲۰, ۱۴۰۰)

د لومړي وزیر دوه یم مرستیال عبدالسلام حنفي د افغانستان لپاره د ملګروملتونو د ځانګړې استازې ډیبرا لاینز سره  په کتنه کې ژمنه کړې، چې هیچا ته به د صحرايي محاکمې اجازه ورنکړ شي.

د سې شنبې پر ورځ په دې کتنه کې د ځانګړې استازې مرستیال ډاکټر رمیزالاکبروف او ورسره مل پلاوي هم ګډون درلود او پر بېلابېلو موضوعاتو خبرې وشوې.

د لومړي وزیر دوه یم مرستیال مولوي عبدالسلام حنفي د افغانستان لپاره د ملګرو ملتونو له ځانګړې استازې ډيبرا لاينز سره کتلي او هغې ته یې ډاډ ورکړی، چې هېچا ته به اجازه ورنکړ شي، چې څوک  صحرايي محاکمه کړي.

مولوي حنفي ټینګار کړی، چې که څوک دا کار وکړي؛ له سرغړوونکیو سره قانوني چلند کیږي.

نوموړي د اسلامي امارت او ملګرو ملتونو د ارګانونو ترمنځ پر اړیکو او همغږۍ رامنځته کولو ټينګار کړی او ویلي یې دي، چې د فساد او ګډوډیو مخه باید ونیول شي.

مولوي عبدالسلام حنفي د ملګروملتونو استازې او ورسره مل پلاوي ته ويلي: د بېلابېلو موسسو لخوا قرارداد شوې نيمګړې پروژې بايد بشپړې شي، چې خلک ترې ګټه پورته کړي او له اقتصادي پلوه د زيانمن شويو قرارداديانو معاشونه ورکړ شي.

دغه راز هغه زياته کړې، چې په ټول افغانستان کې امنيت تامين شوى او هیڅوک له شریعته سرغړونه نشي کولی.

ډیبرا لاینز د افغانستان له امنیتي وضعیت څخه خوښه ده؛ خو په دې وروستیو کې یې د یو شمېر ښځو پر ورکېدو اندېښنه څرګنده کړې ده.

همدارنګه د یوناما مرستیال رمیزالاکبروف د بشردوستانه مرستو، په وروستیو میاشتو کې نهه میلیون وګړیو ته د خوراکي توکو د وېش او اته میلیون وګړیو ته د روغتیايي خدمتونو په اړه معلومات وړاندې کړل.

نوموړي ویلي: د ٢٥٠٠ روغتيايي کلينيکونو د روغتيايي کارکوونکیو معاشونه ورکوي او دغه راز بریالي شوي، چې ٣١٢ ميليون نغد ډالر افغانستان ته راولېږدوي؛ خو دا مرستې بسنه نکوي او باید په بېلابېلو برخو کې نور ډېر کار وشي.

دغه راز د امر باالمعروف او نهی عن المنکر وزارت ویاند د هېوادوالو هغو اندېښنو ته، چې وايي؛ د اسلامي امارت ځواکونه خلک بیځایه پلټي، ځواب ویلی.

د دې وزارت د چارسمبالي ویاند عاکف مهاجر ویلي، چې د اسلامي امارت ځواکونه به هیڅوک هم د جامو د اغوستو د څرنګوالي او ظاهري بڼې له کبله ونپوښتل شي.

د یادونې ده، چې هېوادوال د اسلامي امارت له دې سپارښتنې او هڅو هرکلی کوي او وايي، چې د خلکو فردي آزادي باید خوندي وي.

تازه خبرونه

د لوړو زده‌کړو وزیر د روسیې د تاتارستان جمهوریت ته سفر کړی

Published

on

(Last Updated On: غبرګولى ۱۸, ۱۴۰۲)

د اسلامي امارت د لوړو زده‌کړو وزیر ندا ​​محمد ندیم د سې شنبې پرشپه ( د غبرګولي ) د یوه پلاوي په مشرۍ د روسیې د تاتارستان پلازمېنې کازان ته روان شو.

د لوړو زده کړو وزارت ویاند ضیاء الله هاشمي ويلي، دغه سفر د روسیې فدراسیون د تاتارستان په رسمي بلنه ترسره شوی او ندا محمد ندیم د تاتارستان له چارواکو سره د کتنې ترڅنګ مسکو ته د بېلابېلو پوهنتونونو او افغان محصلینو سره د لیدنې لپاره هم سفر وکړي.

ضیاء الله هاشمي زیاته کړې، چې په دغه سفر کې به ندا محمد ندیم او ورسره پلاوی په تاتارستان کې د پوهنې او لوړو زده‌کړو د وزیرانو په غونډه کې ګډون وکړي.

دغه راز د بهرنیو چارو وزارت د ویاند مرستیال په ډاګه کړې، چې د لوړو زده‌کړو وزیر شیخ ندا محمد ندیم او ورسره مل پلاوی یې د روسیې فدراسیون د تاتارستان په جمهوریت کې د پوهنې وزیرانو نړیوال فورم (راتلونکې جوړونه) ته د ګډون لپاره دغه هېواد ته سفر کړی دی.

یاد فورم د روان زېږدیز کال د می له ۷ څخه تر ۱۰ مې نېټې دوام مومي، چې د افغانستان په ګډون ورته د نړۍ د ٢٠ هېوادونو د ښوونې او روزنې وزیران لکه؛کوبا، وینزویلا، کنګو، میانمار، زیمبابوی، پاکستان، او قطر حضوري او د ۸ نورو هېوادونو لکه؛ ویتنام، شمالي کوریا، ماداګاسکار، نامیبیا، اتیوپي، برازیل او جنوبي آفریقا وزیران به په انلاین ډول په فورم کې ګډونوال وي.

په روسیه کې د افغانستان پر لوی سفارت سربېره، د عربي متحده اماراتو، برازیل، کیوبا او زیمبابوې سفیران او دیپلوماتان هم را بلل شوي دي.

یو شمېر کار پوهانو ویلي، چې په داسې شرایطو کې، چې د افغانانو پر زده‌کړو محدودیتونه دي، دا ډول سفرونه د محصلینو د شمېر پر لوړولو، د محصلینو لپاره د بورسونو د ونډې پر زیاتولو او همدارنګه د حکومتدارۍ د ښې تجربې پر ترلاسه کولو مثبت اغېز لرلی شي.

که څه هم د اسلامي امارت ځینو چارواکو ویلي؛ د نجونو لپاره د پوهنتونونو او ښوونځیو د بیا پرانستلو پر کړنلاره کار روان دی؛ خو خلک پر اسلامي امارت نیوکه کوي، چې دا ستونزه باید زر تر زره حل کړي او نجونو ته د تعلیم او تحصیل بشپړه زمینه برابره کړي.

Continue Reading

تازه خبرونه

د کابل په پل‌سرخ څلورلاري کې د افغان بېسیم پر مالي مرسته د یوه منار د بنسټ ډبره کېښودل شوه

Published

on

(Last Updated On: غبرګولى ۱۷, ۱۴۰۲)

د کابل ښار د درېیمې ناحیې اړوند په پل‌‌سرخ څلورلاري کې د افغان بېسیم مخابراتي شرکت پر مالي مرسته د یو منارد بنسټ ډبره شوه.

د کابل ښاروالۍ وايي؛ دا منار پر دودیزه او لرغوني بڼه د تاریخي آبداتو د یوې بېلګې په توګه جوړیږي.

د اړوند مسوولینو د څرګندونو له مخې، د کابل ښار په څلورلاریو کې د تاریخي آبداتو د بېلګو جوړول د کابل ښاروالۍ د مشرتابه یوه پرېکړه ده.

د کابل ښاروالۍ د فرهنګي چارو رییس ولي ګل جواد وايي: مونږ له افغان بېسیم مخابراتي شرکت څخه د ښاري خدمتونو په برخه کې، چې له کابل ښاروالۍ سره همکاري کوي؛ د زړه له تله مننه کوو. دوی د یو ګډ ښار په توګه فکر کوي او ان شاءالله له مونږ سره په ښاري خدمتونو کې اوږه پر اوږه پرمخ ځي. 

دغه ۱۳ متره لوړ منار د افغان بېسیم مخابراتي شرکت پر مالي لګښت جوړېږي، چې د غزني ولایت د سلطان محمود غزنوي د منار بڼې ته به ورته والي ولري.

د افغان بېسیم مخابراتي شرکت چارواکي وايي؛ دوی به له دولتي بنسټونو سره د ودانیزو چارو په برخه کې خپلې مرستې روانې ساتي.

د افغان بېسیم مخابراتي شرکت د مرکزي زون رییس سلیمان خرم وایي؛ دا پروژه زمونږ لومړۍ او وروستۍ پروژه نه‌ده او تاسې به نورې ښې پروژې هم ووينئ. د افغانستان اسلامي امارت له کابل ښاروالۍ مننه کوو، چې په دې برخه کې یې له مونږ سره پوره همکاري وکړه او زمونږ غوښتنه یې ومنله.     

افغان بېسیم په تېرو دوه لسیزو کې له دولتي بنسټونو سره په بېلابېلو برخو کې همکاري کړې او په ټول هېواد کې یې ډېرې پروژې پلې کړې دي.

Continue Reading

تازه خبرونه

داعش د بدخشان والي د مرستیال د وژنې پړه پر غاړه واخیسته

Published

on

(Last Updated On: غبرګولى ۱۷, ۱۴۰۲)

داعش ډلې د یوه پیغام پر خپرولو د بدخشان والي د مرستیال نثار احمد احمدي د وژنې پړه ومنله.

د بدخشان والي مرستیال د سې شنبې پر سهار د بدخشان ولایت په مرکز فیض‌آباد ښار کې د موټر بم چاودنې له کبله ووژل شو.

د سیمه ییزو چارواکو د څرګندونو له مخې؛ په دغه برید کې د نوموړي په ګډون د هغه موټرچلوونکی هم وژل شوی او شپږ نور کسان ټپیان دي.

اسلامي امارت د داعش د غړیو پر ضد عملیات روان ساتلي دي. دې ډلې په ښاري مرکزونو کې د ګڼو لویو بریدونو مسوولیت هم منلی دی.

ویل کیږي، چې داعش ډلې تل د اسلامي امارت چارواکي پر نښه کړي؛ شاوخوا درې میاشتې مخکې یې د بلخ ولایت په مقام کې د دې ولایت والي په یوه چاودنه کې وواژه.

Continue Reading

Trending

Copyright © 2022 Ariana News. All rights reserved!