Connect with us

تازه خبرونه

وسلوالو طالبانو پر الیشنګ ولسوالۍ او مرکز مهترلام بریدونه کړي

Published

 on

(Last Updated On: غبرګولى ۲, ۱۴۰۰)

سرچینو په ډاګه کړې، چې طالبانو د لغمان ولایت پر مرکز او الیشنګ ولسوالۍ پراخ بریدونه کړي، چې ورسره د امنیتي ځواکونو جګړه روانه ده.

یادې سرچینې ویلي، چې طالبانو د لغمان زندان محاصره کړې او له بندیانو څخه د تېښتې د غوښتنې لپاره خپل لوړغږی هم کارولی دی.

د لغمان له زندان څخه یوې سرچینې، چې نه یې غوښتل نوم یې واخیستل شي؛ آریانا نیوز ته ویلي، چې زندان ته نږدې دوه پوستو سقوط کړی دی.

هغه ویلي، چې وسلوالو طالبانو له تېرو څلیریشت ګړیو راپدیخوا په الیشنګ ولسوالۍ کې د افغان ځواکونو دوه اډې او په مهترلام ښار کې یوه قرارګاه طالبانو نیولې ده.

ویل کیږي، چې وسلوالو طالبانو په الیشنګ او الینګار ولسوالیو کې درې امنیتي پوستې او په مهترلام ښار کې ۱۲ هغه نورې نیولي او یو شمېر نورې له مقاومت او ټینګار پرته طالبانو ته اوښتې دي.

د لغمان ځایي او امنیتي چارواکو تر دې دمه پدې اړه څه ندي ویلي.

دا په داسې حال کې ده، چې طالبانو ویلي؛ په مهترلام ښار کې یې دوه پوستې او یوه امنیتي قرارګاه نیولې او یو شمېر افغان سرتیري یې نیولي دي.

ویل کیږي، چې ځانګړي ځواکونه هم مهترلام ښار ته رسیدلي دي.

ملي دفاع وزارت دا هم ویلي، چې د هېواد لوی درستیز او د دفاع وزارت چارسمبالي محمد یاسین ضیا لغمان ولایت کې دی او د وسلوالو مخالفانو پروړاندې عملیات رهبري کوي، چې ښایي د طالبانو بریدونه پرشا وتمبول شي.

تازه خبرونه

د بلخ ولایت په شولګره ولسوالۍ کې د ګرځندوی صنعت مخ پر وده روان دی

Published

on

(Last Updated On: زمری ۱۶, ۱۴۰۱)

د سیمه ییزو چارواکو د څرګندونو له مخې؛ په تېره یوه میاشت کې ۳۰ زره کورنیو سیلانیانو د بلخ ولایت له شولګرې ولسوالۍ لیدنه کړې ده.

په هېواد کې د امنیت له ټینګښت وروسته د بلخ ولایت دمه ځیو او تاریخي سیمو ته د سیلانیانو ورتګ ډېر شوی دی.

سیمه ییزو چارواکو په ډاګه کړې؛ د خواجه سکندر چینه د شولګرې ولسوالۍ له زړه راکښونکیو دمه ځیو څخه ده او ډېر خلک د سیل او چکر لپاره ورځي.

د بلخ ولایت اوسیدونکی محمد حسین خوښ دی، چې په دغه ولايت کې د ګرځندوى صنعت پراخه شوى دى.

د شولګرې ولسوالۍ امنيتي مسوولين هم خلکو ته ډاډ ورکوي، چې له کومې وېرې پرته اړوند دمه ځیو ته ورتلی شي.

د شولګرې ولسوالۍ امنيه قومندان مولوي محمد خان فاتح له خلکو غوښتي، چې د دې ولسوالۍ دمه ځیو او تفريحي ځايونو ته په ډاډه زره تګ راتګ وکړي؛ ځکه دوی د خلکو امنيت خوندي کړی دی.

د يادونې ده، چې په هېواد کې د وروستيو پرمختګونو او د نسبي امنيت له رامنځته کېدو سره په ډېرو برخو کې د ګرځندوى صنعت ښه شوی او مخ پر وده او پراختیا روان دی.

Continue Reading

تازه خبرونه

په تخار کې ۱۰۰۰ ډېر کسان د نس ناستي پر ناروغۍ اخته دي

Published

on

(Last Updated On: زمری ۱۶, ۱۴۰۱)

د تخار ولایت د عامې روغتیا ریاست نن یکشنبه د زمري پر ۱۶ څرګنده کړې؛ له تېرو درې ورځو راپدیخوا په تخار ولایت کې له زر ډېر کسان د نس ناستي پر ناروغۍ اخته شوي دي.

د یادې سرچینې د څرګندونو له مخې؛ سیمې ته ګرځند روغتیايي ډلې استول شوي دي.

په تخار ولایت کې د موسمي ناروغیو پراخې خپرېدا جدي اندېښنې راپارولي دي.

یوازې په تېرو درې ورځو کې د تخار ولایت په دوه ولسوالیو کې ۱۳۰۰ کسان د نس ناستي یا اسهال پر ناروغۍ اخته شوي دي.

د دې ولایت د عامې روغتیا مشر عبدالقهار احمدي ويلي، چې د ناروغانو د ژر تر ژره درملنې لپاره یې هڅې کړي او سیمې ته یې ګرځند روغتیایي ډلې استولي دي.

د ځاني زیان د مخنیوي لپاره په تخار کې د ادا بنسټ همغږي کوونکی احسان الله تلاش هم د دغې ناروغۍ د خپرېدو د مخنیوي لپاره کار پیل کړی دی.

د اشکمش ولسوالۍ اوسیدونکی محمد صفر وايي، چې د دغه ولایت په لریو پرتو سیمو کې روغتیايي مرکزونه نشته او له حکومته غوښتنه کوو، چې په دغو سیمو کې ګرځند روغتیايي مرکزونه جوړ کړي.

ویل کیږي، چې د حفظ الصحې نه مراعات، ګرمه هوا او د ناپاکو اوبو کارول د دې ناروغۍ د خپرېدو لاملونه بلل کېږي.

Continue Reading

تازه خبرونه

د وزير محمد اکبر خان او شيرپور تر منځ  د سړک جوړولو چارې پيل شوې

Published

on

(Last Updated On: زمری ۱۶, ۱۴۰۱)

کابل ښاروالۍ د کابل ښار د وزیر محمد اکبر خان له سیمې څخه تر شېرپور پورې د نښلوونکي سړک د جوړولو چارې پیل کړې.

د کابل ښاروالۍ د څرګندونو له مخې، دغه سړک د ٣٩١ مترو پر اوږدوالي او ٢٢،٥ مترو پر سور د کابل ښاروالۍ د کار، ساتنې او مراقبت رياست لخوا سږ کال د ١٥ ميليون افغانيو پر لګښت جوړوي، چې پلې لارې او څنډې هم په کې دي؛ جوړوي.

دغه نښلوونکی سړک د وزیر محمد اکبر خان پېنځلسم سړک د شیرپور له دوه یم سړک سره نښلوي.

د کابل ښاروالۍ د معلوماتو له مخې؛ د دغه سړک په اوږدو کې شپږ ملکیتونه تر استملاک لاندې دي، د نړولو او پاکولو چارې هم پيل شوې دي.

د دغه سړک له جوړېدو سره به د ترافیکو ګڼه ګوڼه ووېشل شي او د اړوند سیمو د چاپېریال ستونزې به هم ورسره اوارې شي.

Continue Reading

Trending

Copyright © 2022 Ariana News. All rights reserved!