Connect with us

تازه خبرونه

ولسمشر غني له ناټو او امریکا سره د سولې ګډه اعلامیه لاسلیک کړه

خپور شوی

 په

(Last Updated On: کب ۱۱, ۱۳۹۸)

په ارګ کې ولسمشر اشرف غني نن د کب پر ۱۰ چې د فبروري له ۲۹ سره برابره ده د طالبانو او امریکایانو مشرانو د سولې له هوکړې سره همهاله د ناټو له سرمنشي او د امریکا له دفاع وزیر سره د سولې یوه ګډه اعلامیه لاسلیک کړه.

ولسمشر غني وایي، د دغې ګډې اعلامیې پر بنسټ له متحدینو او امریکا سره زمونږ اړیکې پر متقابل درناوي ولاړې دي.

ولسمشر غني وایي؛ د تاوتریخوالي کمي اوونۍ افغانانو ته په پرتلیز ډول د سولې خوندي چاپېریال را منځته کړ او هیله ده، چې دا پر دایمي اوربند بدل شي.

نوموړي زیاته کړې؛ د سولې په خبرو کې ځينې ملاحظات لري، چې له طالبانو سره به په مخامخ خبرو کې مطرح شي.

هغه دغه راز څرګنده کړې، چې د بهرنیو ځواکونو د کمي وړاندیز د لومړي ځل لپاره ده کړی و.

د امریکا دفاع وزیر مارک ایسپر ویلي، افغان دولت او طالبان دواړه سولې ته لیوال ښکاري او دوی هڅه کوي، چې یوه دایمي اوربند ته لار پرانیزي.

د نوموړي د څرګندونو له مخې؛ سولې ته د رسیدو هڅې مو ښیي، چې دواړه خواوې سولې ته لیواله دي او دا کولی شي، چې په افغانستان کې د امریکا تر ټولو ستره جګړه پای ته ورسوي.

د ناټو سرمنشي هم دې خبرې غونډې ته خبرې وکړې.

د ناټو سرمنشي ینس ستولتنبرګ ویلي، د ناټو متحدین د امریکا او طالبانو د سولې له هوکړې هرکلی کوي.

هغه زیاته کړې؛ مونږ هڅه کوو، چې د افغانانو تر منځ یو پوهای وشي او دا کار به د جګړې پای او سولې ته د افغانستان د رسیدو لار اواره کړي.

د دغې اعلامیې له مخې تمه ده ټول بهرني ځواکونه د څوارلس میاشتو په موده کې له افغانستان څخه ووځي.

له افغان حکومت سره د امریکا متحده ایالتونو د ګډې اعلامیې له مخې د ۱۳۵ ورځو په لړ کې به امریکايي ځواکونه اته زرو او ۶۰۰ ته راکم شي.

په کابل کې د امریکا له دفاع وزیر او د ناټو له سرمنشي سره د ولسمشر غني له لیدنې وروسته په خپره شوې اعلامیه کې راغلي، چې: د امریکا متحده ایالتونو او د افغانستان د اسلامي جمهوریت په ګډه اروزنه امریکا د دغه هېواد متحدان او ائتلاف به له افغانستان څخه د پاتې بهرنیو ځواکونو وتل د دې ګډې اعلامیې له خپرولو او د امریکا او طالبانو د سولې د هوکړه لیک له لاسلیک کیدو څوارلس میاشتې وروسته بشپړکړي او په افغانستان کې له پاتې اډو نه خپل ټول ځواکونه په دې هوکړه لیک کې د طالبانو د ژمنو په ترسره کیدو سره وباسي.

د دې اعلامیې په بله برخه کې راغلي: د افغانستان له پوځیانو ملاتړ، د افغان حکومت د رضایت په صورت کې له نورو ترهګرو ډلو سره مبارزه او دغه راز د افغانستان او پاکستان تر منځ د مذاکراتو د آسانتیاوو برابریدل له افغانستان سره د امریکا د ژمنو یوه بله برخه ده.

دغه راز د اعلامیې په بله برخه کې لیکل شوي: افغانستان اسلامي جمهوریت ژمن دی، چې د بین الافغاني خبرو اترو له پیلیدو سره سم به د ډیپلوماټیکو اقداماتو له لارې د ملګرو ملتونو د امنیت شورا د بندیزونو له نوملړ څخه د یو شمېر طالب زندانیانو د نومونو د لیرې کولو لپاره د ۲۰۲۰ز کال د مۍ تر ۲۹ نېټې پورې اقدام کوي. دا اقدام به په هر صورت کې د کاري چوکاټ د موافقې او تلپاتي او پراخ بنسټه اوربند تر موافقې وروسته په ۳۰ ورځو کې کېږي.

د دې اعلامیې په درېیمه برخه کې ټينګار شوی، چې له طالبانو سره د امریکا هوکړه به د ملګرو ملتونو د سازمان د امنیت شورا په تصویب او تائید سره وي. د بیارغونې لپاره به اقتصادي همکارۍ دوام ولري. امریکا به د افغانستان د ځکمنۍ بشپړتیا یا سیاسي خپلواکۍ پر وړاندې د ګواښ او زور له کارولو او یا د هېواد په کورنیو چارو کې له لاسوهنې ډډه وکړي. یوې سیاسي هوکړې ته د رسیدو لپاره به د سیمه ییزې او نړیوالې اجماع د جوړولو په موخه دوامدارو هڅو ته دوام ورکړي.

همدارنګه په قطر کې د طالبانو د سیاسي پلاوي غړي مولوي عبدالسلام حنفي د آریانا نیوز خبریال ته ویلي، چې د بهرنیو ځواکونو لومړۍ جوپه به لس ورځې وروسته د بګرام له پوځي ادې ووځي او د وتلو ټول بهیر به په ۱۴ میاشتو کې بشپړ شي.

دا په داسې حال کې ده، چې طالب مشر ملا هبت الله اخند په خپل یوه پیغام کې عمومي بښنه اعلان کړې او څرګندوي، چې هیڅوک دې وېره نلري؛ موږ ټول بښلي دي.

تازه خبرونه

اسلامي امارت له رسنیو خپل ملاتړ روان ساتي – مجاهد

خپور شوی

په

توسط

(Last Updated On: غویی ۲۹, ۱۴۰۱)

د اسلامي امارت ویاند ویلي، چې حکومت له رسنیو او خبریالانو سره همکاري کوي او رسنۍ دې هم په خپلو خپرونو کې اسلامي ارزښتونه، د رسنیو اصول او ملي ګټې په پام کې ونیسي.

د اسلامي امارت ویاند ذبیح الله مجاهد نن پنجشنبه د غويي ۲۹ د مطبوعاتو د آزادۍ د نړیوالې ورځې په نمانځغونډه کې څرګنده کړې چې د رسنیو د سرغړونو کمیسیون نن خپل کار پیل کړی او اطلاعاتو ته د لاسرسي هغه به هم په نږدې راتلونکي کې خپل کار پیل کړي.

د ذبیح الله مجاهد د څرګندونو له مخې؛ اسلامي امارت د اسلامي شریعت په چوکاټ کې د رسنیو ملاتړ ته ژمن دی. نوموړي پر رسنيو غږ وکړ، چې په خپلو خپرونو کې ملي ګټې او اسلامي ارزښتونه پام ونيسي.

نوموړی وایي: حکومت له رسنیو سره اقتصادي ملاتړ ته دوام ورکوي او مونږ غواړو، چې د رسنیو ستونزې صفر ته راکښته کړو.

هغه له رسنیو وغوښتل، چې د اسلامي اصولو پر بنسټ د رسنیو فعالیت تروان وساتل شي.

د اطلاعاتو او فرهنګ وزارت د معلوماتو له مخې، د تېر حکومت له نسکورېدو وروسته اوسمهال په هېواد کې ۱۹۸ چاپي او غږیزې رسنۍ شته، چې ۱۷۰ رسنۍ له اقتصادي ستونزو له کبله تړل شوې دي.

د اطلاعاتو او فرهنګ وزارت د خپرونو مشر عبدالحق حماد ويلي: ډېري رسنۍ، چې بندې دي؛ مسوولين يې له افغانستان څخه وتلي او نورې يې د بهرنيانو په ملاتړ پورې تړلې وې، چې اوس فعالې ندي.

په افغانستان کې وروستیو سیاسي پرمختګونو د رسنیو پر وضعیت هم اغېز کړی، چې د راپورونو له مخې د یو شمېر رسنیو د تړل کېدو له کبله د رسنیو شاوخوا ۶۰۰۰ کارکوونکطو خپلې دندې له لاسه ورکړې دي.

Continue Reading

تازه خبرونه

امریکا له پاکستان سره د اړیکو پراخولو هڅه کوي – انتوني بلینکن

خپور شوی

په

توسط

(Last Updated On: غویی ۲۹, ۱۴۰۱)

د امریکا د بهرنیو چارو وزیر انتوني بلینکن د چارشنبې پر ورځ د پاکستان له بهرنیو چارو وزیر بلاول بوټو زرداري سره د اړیکو او ملګرتیاوو پر پراخولو خبرې وکړې.

د امریکا د بهرنیو چارو وزیر له خپل پاکستاني سیال سره په افغانستان کې د ثبات پر ټینګښت ټینګار کړی دی.

د امريکا د بهرنيو چارو وزير ويلي، چې پاکستان د امريکا لپاره د يوه ستراتيژيک ملګري په توګه خپل دريځ ساتلى او واشنګټن ژمن دی، چې د پاکستان له نوي حکومت سره د دواړو هېوادونو لپاره د ترهګرۍ د خطر په ګډون پر سيمه ييزو ستونزو کار وکړي.

د پاکستان د بهرنیو چارو وزیر، چې ظاهراً د خواړو د خوندیتوب په نړیواله غونډه کې د ګډون لپاره امریکا ته تللی، وايي؛ له امریکا سره د اړیکو بیارغول او د باور رامنځته کول یې بنسټیزه موخه ده.

امريکا ته له تللو يو ساعت وروسته بلاول بوټو زرداري له خپل امريکايي سيال انتوني بلينکن سره ليدنه وکړه، چې له امريکا سره يې د پياوړیو او ښو اړيکو پر لرلو ټينګار وکړ.

د پاکستان د بهرنیو چارو وزیر بلاول بوټو ویلي؛ پاکستان د ترهګرۍ په ګډون له ډېرو ستونزو سره مخ دی او نن زه خوشحاله یم، چې دواړه هېوادونه د خپلو اړیکو نوی پړاو پیلوي او مونږ د ښې او پراخې همکارۍ او اړیکو هیله لرو.

په دې کتنه کې دواړه هېوادونه دې هوکړې ته ورسېدل، چې له ترهګرۍ سره به ګډه مبارزه کوي.

دوی په افغانستان کې د ثبات پر تامین هم ټینګار شوی دی.

د امریکا د بهرنیو چارو وزیر انتوني بلینکن وایي: مونږ پر ډېرو مسایلو خبرې وکړې او دواړه هېوادونه په ګډه کار کوي. مونږ د امنیتي مسایلو، تروریزم او د دواړو هېوادونو ترمنځ د پراخو او هر اړخیزو اړیکو  پر پیاوړتیا وغږیدو.

له دې لیدنې مخکې دواړو لوریو د دوه اړخیزو اړیکو، سیمه ییزو پرمختګونو او د افغانستان پر وضعیت خبرې وکړې.

د امریکا او ترکیې د بهرنیو چارو وزیرانو هم د خواړو د خوندیتوب د نړیوالې غونډې په څنډه کې د افغانستان په اړه خبرې کړې دي.

Continue Reading

تازه خبرونه

د خوراکي توکو د نړیوال بحران مخه باید ونیول شي – م.م

خپور شوی

په

توسط

(Last Updated On: غویی ۲۹, ۱۴۰۱)
د م.م عمومي منشي انتونیو ګوترش په نیویارک کې د نړۍ د خوراکي توکو د تامین په یوه لویه غونډه کې ویلي، جګړې په لسګونه میلیون انسانان د خوراکي‌ توکو د کموالي له تهدید سره مخ کړي‌ دي.

نوموړي زیاته کړې؛ له دغه کړکیچ وروسته ممکن خوارځواکي، لوږه او پراخه  قحطي د کلونو لپاره پاتې شي.

ګوتیریش او نورو چارواکو له روسیې وغوښتل، چې د اوکراین د غله جاتو صادراتو ته اجازه ورکړي. روسیه او اوکراین یوازې د نړۍ ۳۰ سلنه غنم تولیدوي.

پر اوکراین د روسیې برید او په ځواب کې پرهغه هېواد د نړیوالې ټولنې اقتصادي بندیزونه د دې لامل شول، چې د دواړو هېوادونو د غنمو، کیمیاوي سرې او نورو توکو د صادراتو په بهیر کې خنډ او خنډ رامنځته شي.

دغه بدلونونه همدارنګه د نړۍ په پرمختللیو هېوادونو کې د خوراکي‌ توکو او تېلو د قیمتونو د لوړیدو لامل شوي دي.

د ملګرو ملیتونو سرمنشي انتونیو ګوترش وایي: په اوکراین کې کړکېچ او روانې جګړې پر میلیونونه خلک د خوراکي توکو له ناامنۍ یا د خوارځواکۍ، لوږې او پراخې قحطۍ سره مخ کړي دي. یو داسې بحران، چې که حل نشي، کیدای شي د کلونو لپاره دوام وکړي.

 د افغانستان  په  بازارونو کې هم خلک د لومړینو خورا کې توکو د قیمتونو له لوړیدو اندېښنه ښیي او له  اسلامي امارته غوښتنه کوي، چې په هېواد کې د خواړو توکو د قیمتونو د کنټرول تر څنګ باید د ستراتیژیکو زیرمو په منظم  کولو کار پیل کړي، چې د خواړو له مصونیت برخمن پاتې شوو.

د کابل اوسیدونکي غلام سخي ویلي؛ مونږ ورځ تر بلي د خوراکي توکو له ستونزو سره مخ کیږو. اوس زمونږ هر څه  مخ پر قیمته کیدو ډي؛ اوړه، غوړي، وریجي او داسي نور توکي. 

د بلخ اوسیدونکي قربان ویلي؛ کار نشته، غربي نشته. بیخي حیران یم، چې څه چاره وکړم. هره ورځ قیمتونه پر لوړیدو روان دي. سړی څه وکړي په دې برخه کې هیڅ نه پو هیږو.

د اقتصادي چارو کارپوهان د افغانستان له اسلامي امارته غوښتنه کوي، چې د خواړو د راتلونکي نړیوال بحران د مدیریت لپاره باید د سترا تیژیکو او لومړینو تو کو زیرمې جوړې کړي.

Continue Reading

Trending

Copyright © 2022 Ariana News. All rights reserved!