Connect with us

لوبی

ولیدل شي، چې په نړیوال جام کې د آسترالیا لپاره بشري حقونه اړین دي او که ۲ نمرې – نوین الحق

خپور شوی

د

(Last Updated On: لړم ۱۴, ۱۴۰۲)

د افغانستان کرکت لوبډلې لوبغاړي نوین الحق د آسترالیا پر وړاندې د ملي لوبډلې له لوبېدو مخکې ویلي؛ ولیدل شي، چې په نړیوال جام کې د آسترالیا لپاره بشري حقونه مهم دي که ۲ نمرې ترلاسه کول.

د روان کال په جنورۍ میاشت کې د استرالیا کرکت بورد پر افغان نجونو د بندیزونو په غبرګون کې له افغانستان سره درې پنځوس اوریزې لوبې لغو کړې.

نوین الحق د خپل اینستاګرام په یوه پیغام کې، چې د آسترالیا کرکت بورد ننګولی، چې آیا په نړیوال جام کې به په‌خپل دریځ ټینګ پاتې شي او که نه.

نوین الحق له نړیوال جام نه مخکې د مارچ په میاشت کې د استرالیا له بیګ باش لیګ څخه د وتلو پر مهال د یو ورځنیو سیالیو د پرېښودو په اړه خپله مایوسي څرګنده کړې وه. باید وویل شي، چې نوین الحق د آسترالیا په بیګ باش لیګ کې د سیدني سکسرز لوبډلې استازیتوب کاوه.

ټاکل شوې وه، چې آسترالیا د ۲۰۲۱ کال په نومبر میاشت کې له افغانستان سره په ټیسټ لوبه کې لوبه وکړي؛ خو دا لوبه د همدې کال په اګست میاشت کې د اسلامي امارت له بیا واکمنۍ وروسته لغو شوه.

دا په داسې حال کې ده، چې دواړه لوبډلې به د روانې اوونۍ د سې شنبې پر ورځ ( د لړم ۱۶ ) د هند په ممبي ښار کې له یو بل سره نیمه پایلوبې ته د رسېدو لپاره، چې یوه ستره لوبه ده ولوبیږي.

لوبی

د افغانستان کرکټ الف لوبډله سریلانکا ته د شپږ لوبو لپاره سفر کوي

Published

on

(Last Updated On: کب ۴, ۱۴۰۲)

د افغانستان کرکټ بورډ څرګنده کړې، چې د هېواد الف لوبډله به د روان کال په اپریل میاشت کې د سریلانکا پر وړاندې د پېنځه یو ورځنیو او یوې څلور ورځنیو سیالیو لپاره دې هېواد ته سفر کوي.

دا سیالۍ به د اپریل پر اته‌ویشتمه پیل شي او د مې تر څوارلسمه پورې به روانې وي.

د افغانستان الف لوبډله به د سیالیو له پیل څخه درې ورځې مخکې سریلانکا ته ورسیږي.

لومړۍ دوه یو ورځنۍ لوبې به د اپریل پر اته‌ویشتمه او دېرشمه او نورې درې لوبې به د مې پر درېیمه، پېنځمه او اووه‌مه ترسره شي. څلور ورځنۍ سیالۍ به د مې پر یوولسمه پیل شي.

د افغانستان کرکټ بورډ اجرائیوي رییس نصیب خان په دوه اړخیزو او څو اړخیزو سیالیو کې د افغانستان الف لوبډلې پرله‌پسې ګډون څخه خوښي وښوده او د دې لوبډلې د بوخت ساتلو پر اهمیت یې ټینګار وکړ، چې د ملي لوبډلې ملاتړته به ځانونه چمتو کوي.

Continue Reading

لوبی

سري لانکا له افغانستان څخه د ۲۰ اوریز لوبلړ دوه‌یمه لوبه هم وګټله

Published

on

(Last Updated On: کب ۱, ۱۴۰۲)

د افغانستان کرکټ ملي لوبډلې د شل اوریزو سیالیو په دوه‌یمه لوبه کې له سریلانکا څخه د ۷۲ منډو پر توپیز ماتې وخوړه.

د دوشنبې د ورځې ( د سلواغې دېرشمه / د فبرورۍ نولسمه) په لوبه کې د افغان لوبډلې لوبډلمشر ابراهیم ځدراڼ د پچې له ګټلو وروسته د توپ‌اچوونې پرېکړه وکړه.

سري لانکا په ټاکل شویو ۲۰ اورونو کې افغانستان ته د ۱۸۸ منډو هدف وټاکه.

د افغانستان ټول لوبغاړي د ۱۷ اورونو په ۱۱۵ منډو کې وسوځېدل.

افغانستان د یاد لوبلړ لومړۍ لوبه بایللې وه او دوه‌یمه بریا هم سریلانکا خپله کړه.

له دې مخکې سریلانکا له افغانستان څخه ټسټ لوبه او د یو ورځنیو سیالیو لوبې هم ګټلې دي.

د یادونې ده، چې درېیمه او وروستۍ لوبه به د چارشنبې پر ورځ په رنګیري ډمبولا نړیوال کرکټ لوبغالي کې ترسره شي.

Continue Reading

لوبی

افغانستان نن له سریلانکا سره د درې ۲۰ اوریز لوبلړ دوه‌یمه لوبه کوي

Published

on

(Last Updated On: سلواغه ۳۰, ۱۴۰۲)

نن دوشنبه ( د سلواغې دېرشمه / د فبرورۍ نولسمه ) افغانستان او سریلانکا دوه‌یمه شل اوریزه لوبه د ډمبولا په رنګیري لوبغالي کې ترسره کوي او هیله داده، چې د شل اوریز لوبلړ د لومړۍ لوبې له بایللو وروسته دوه‌یمه لوبه وګټي.

د افغانستان او سریلانکا ترمنځ تر دې دمه ۵ شل اوریزې لوبې شوي، چې څلور یې سریلانکا او یوه افغانستان ګټلې ده.

د دوشنبې پر ورځ د سریلانکا پر کوربه‌توب د ۲۰ اوریزو درې سیالیو دوه‌یمه لوبه پیلیږي. له دې مخکې هم یوه ټیسټ او درې یو ورځنۍ لوبې ترسره شوي، چې دواړه بڼې سریلانکا ګټلې دي.

لومړۍ شل اوریزه لوبه د شنبې پر ورځ سریلانکا پر ۴ منډو وګټله.

د لوبې پچه سریلانکا وګټله او لومړی یې د توپ‌وهنې پرېکړه وکړه او ۱۶۰ منډې یې وکړې.

وانندو هاسارنګا ۶۷ منډې جوړې کړې، چې له سدیرا سماراویکراما سره یې ملګرتیا وکړه.

فضل الحق فاروقي په توپ‌اچونه کې ۳ لوبغاړي وسوځول. مهمه شېبه په څوارلسم اور کې هغه مهال راغله، چې سریلانکا پر ۲۲ منډو وسوځېده.

د هدف په پوره کولو کې افغانستان ښه پیل درلود؛ خو د ابراهیم ځدراڼ ۶۷ منډې کافي نه‌وې او د متیشا پټیرانې د ۲۴ منډو په بدل کې د ۴ ویکټو پر اخیستلو سریلانکا افغانستان ته پر ۴ منډو ماتې ورکړه.

افغانستان په شپاړلسم او اتلسم اور کې نرمښت وښود؛ خو د سریلانکا پر وخت ویکټې په پای کې پرېکنده ثابتې شوې.

وانندو هاسارانګا ښه توپ‌وهنه وکړه او سريلانکا ته یې ۱۰ منډې جوړې کړې. مخکې له دې، چې د ماتيشا پټيرانا پر مشرۍ توپ‌وهنه راټوله شوه او سريلانکا لوبه پر ۴ منډو وګټله.

نننۍ لوبه به د ماښام له ۶ بجو څخه پر ژوندۍ بڼه له آریانا ټلویزیون څخه خپره شي.

Continue Reading

Trending

Copyright © 2022 Ariana News. All rights reserved!