Connect with us

سوداگري

پاکستان ته د افغانستان صادرات ډېر شوي

Published

 on

(Last Updated On: غبرګولى ۱۵, ۱۴۰۱)

د امریکا غږ د څرګندونو له مخې؛ د پاکستان صادرات افغانستان ته لږ شوي؛ خو په روان مالي کال کې یې وارداتو چټکه وده کړې، چې په لومړي ځل سوداګریز بیلانس د افغانستان پر ګټه راڅرخېدلی دی.

د پاکستان لخوا له افغانستان څخه د وارداتو زیاتوالی له هغې وروسته چټک شو، چې د روان کال په پیل کې یې افغانستان ته پر بشري او اقتصادي بحران د غلبې لپاره یو لړ سوداګریز امتیازات ومنل.

امریکا غږ د پاکستان د سوداګریزې خونې د یوه ویاند د څرګندونو له مخې په ډاګه کړې، چې د روان مالي کال په لومړیو ۱۱ میاشتو کې افغانستان ته د پاکستان صادرات له ۹۰۰ میلیون ډالرو څخه شاوخوا ۷۰۰ میلیون ته راکښته شوي دي.

د یاد راپور له مخې، دغه بدلون په وروستیو میاشتو کې پاکستان ته د ډبرو سکرو او د لوړ کیفیت لرونکیو مالوچو له پېرلو رامنځته شوی دی.

د پاکستان د سوداګرۍ خونې ویاند دا هم ویلي، چې د تېر کال په پرتله له افغانستان څخه واردات له ۵۵۰ میلیون ډالرو څخه ۷۰۰ میلیون هغو ته لوړ شوي دي.

امریکا غږ دا هم په ډاګه کړې، چې د پاکستان د صادراتو کمښت د افغانستان اسلامي امارت د لنډمهاله حکومت پر ضد د امریکا د بندیزونو، د بانکي چینلونو د نشتوالي او په افغانستان کې د ډالرو نشتون او همدارنګه ځینو پاکستانيو توکو ته د تقاضا کمیدل نومول شوي دي.

سوداگري

په تېرو نهه میاشتو کې افغانستان هند ته د ۱۵۹ میلیونه دالرو پر ارزښت صاد رات لرل

Published

on

(Last Updated On: سلواغه ۱۱, ۱۴۰۱)

د صنعت اوسوداګرۍ  وزارت مسوولینو ويلي؛ د روان کال په تېرو نهه میاشتو کې هندوستان ته د ۱۵۹ میلیونه دالرو پر ارزښت صادرات شوي، چې زیره، اینجه، زعفران، پیسته او طبي نباتات ستره برخه ده.

د صنعت او سوداګرۍ وزارت زیاتوي؛ په  تېرو ۹ میاشتو کې له هندوستان څخه د ۲۹۱ میلیون دالرو پر ارزښت واردات شوي، چې ېره برخه یې درمل، بوره او ځیني  نور سوداګریز توکې دي.

 د صنعت او سوداګرۍ  وزارت ویاند ويلي؛ هڅه کوي، چې له هندوستان سره خپلو سوداګریزو او اقتصادي اړیکو ته نوره هم  پراختیا ورکړي.

د صنعت او سو داګرۍ وزارت زیاتوي؛ په روان کال کې د نږ دې ۴۵۰ میلیو ن دالرو پر ارزښت  د دواړه هېوادو نو ترمنځ سوداګرۍ شوې.

د خصوصي  سکتورغړي وايي؛ که د هندوستان له‌خوا افغان  سوداګروته اسا نتیاوي  برابرې شي، د دواړه هیوادونو ترمنځ  به د سوداګرۍ  کچه تر یو میلیارد ډالرو پورې ورسيږي.

د صنعت او سوداګرۍ وزارت ویاند عبدالسلام آخوندزاده وایي؛ زمونږ ډېري کرنیز محصولات  لکه وچه او تازه میوه، اینجه او نور طبي نباتات دي، چې هندوستان ته یې صادروو او هڅه کوو، چې له هندوستان سره په راتلونکې کې خپلې سوداګریزې او اقتصادي اړیکي پراخي کړو.

د سوداګرۍ اوپانګونې خوني مسوولین هم د صنعت او سوداګرۍ وزارت وړاندې کړي ارقام  تائیدوي او زیاتوي، چې د دواړه هېوادونو ترمنځ د اقتصادي فعالیتونو پر ضد  د هندوستان له‌خو  ستونزې  رامنځته شوي.

دوی زیاته کړېکه د هندوستان له‌خوا د تېر پرڅېر د اقتصادي فعالیتونو لپاره اسا نتیاوي  برابرې  شي د سوداګرۍ  کچه  نوره هم  پیاوړې کیدای شي.

د سوداګرۍ او پانګونې خونې غړی خان جان الکوزی وایي: د دواړه هېوادونو ترمنځ د اقتصادي اړیکو د پراختیا لپاره لوړ ظرفیت شته، خو ستونزه هندوستان جوړه کړې او افغان سوداګرو ته ویزې نه ورکوي. که دوۍ افغان سوداګرو ته ویزې ورکړي؛ باوري یم، چې د اقتصادي فعالیتونو حجم به ډېر لوړ شي.

د خصوصي  سکتور غړي وايي، چې  دمګړۍ له هندوستان سره د هوايي د هلیز، د پاکستان د واګې بندر او د ایران عباس بندر له لاري سوداګري روانه ده. دوی له هندوستان څخه هیله من دي، چې د اړیکو د پراختیا لپاره شته ستونزې اوارې کړي. 

Continue Reading

سوداگري

په افغانستان کې د عوایدو راټولول ښه شوي ـ نړیوال بانک

Published

on

(Last Updated On: سلواغه ۹, ۱۴۰۱)

نړیوال بانک د ۲۰۲۲ ز. کال په لومړیو نهو میاشتو کې د افغانستان د صادراتو په کچه کې له ۹۰ سلنه ډېروالي، اسعارو ثبات او د افغانستان د عایداتو زیاتوالی خبر ورکړی دی.

د دغه راپور له مخې، د بهرنیو اسعارو پر وړاندې د افغانۍ نرخ هم نسبي ثبات ساتلی دی.

په دغه راپور کې د انفلاسیون د کمښت اصلي لامل د نړۍ په بازارونو کې د تېلو او خوراکي توکو د بیو ټیټوالی ښودل شوی دی.

د بهرنیو اسعارو پر وړاندې د افغانیو د نسبي ثبات د ساتلو په برخه کې هغه بشري مرستې، چې په پرلپسې ډول د ملګرو ملتونو او نورو خیریه موسسو له لارې افغانستان ته رسېږي، بې اغېزې ندي.

د سپما حسابونو ته د خلکو د لاسرسي په اړه راپور څرګنده کړې، چې له بانکونو څخه د پیسو پر ایستلو محدودیتونه اوس هم روان دي.

هغو شرکتونو او اشخاصو، چې ۱۴۰۰د وږي له دمخه په بانکونو کې پیسې درلودېاوس هم نشي کولی له محدودې کچې له بانکه وباسي.

نړیوال بانک وايي، په تېرو دوه میاشتو کې د دولتي کارکوونکیو معاشونه په منظم ډول ورکړ شوي او ښځینه کارکوونکیو ته د نرینه کارکوونکیو پر پرتله ډېر منظم معاشونه ورکړ شوي دي.

د دغو کارکوونکیو لپاره د پیسو ایستل اسانه کار نه و او دوی ټولو شکایت کاوه، چې د بانک په لیکو کې ډېر وخت پر درېدلو تېريږي.

په دغه راپور کې د نوي حکومت د چارواکو لخوا د مالیاتو او عوایدو د ټولولو بهیر بیان شوی او ویل شوي، چې اسلامي امارت توانیدلی په سرحدونو کې له ګمرکي تعرفو څخه ۱۳۵،۹ میلیارد افغانۍ، چې شاوخوا ۱،۵۴ میلیارد دالر کیږي؛ راټول کړي.

د ډبرو سکرو د بیو لوړوالی او صادرات د اسلامي امارت د عوایدو د زیاتوالي اصلي لامل بلل شوی دی.

د دغه راپور پر بنسټ د افغانستان صادرات د تېرو کلونو پهر پرتله ډېر شوي دي.

نړیوال بانک وايي، چې په ۱۳۹۹ او ۱۴۰۰ کلونو کې د افغانستان صادرات ۰،۸ میلیارد او ۰.۹ میلیارد ته رسېدلي دي. په داسې حال کې چې سږ کال افغانستان شاوخوا ۱،۷ میلیارده دالر صادرات کړي دي.

د نړیوال بانک د موندنو له مخې، سږ کال د افغانستان تر ټولو زیات صادرات کرنیز محصولات، کانونه او ټوکر ول، چې د دغو صادراتو ۶۵ سلنه هدف پاکستان او ۲۰ سلنه نور یې هند و.

په دغه راپور کې دا دهم راغلي، چې د سړې هوا او واورې له پیلېدو وروسته د ماهرو او غیر مسلکي کارګرو غوښتنه کمه شوې او د کرنې او ساختمان په څېر صنعتونه چې ډېر کارګران جذبوي اوس کارګرانو ته اړتیا نلري.

د ملګرو ملتونو د راپور له مخې، سږ کال لږ تر لږه ۲۸.۳ میلیون افغانان د ژوندي پاتې کېدو لپاره بشري مرستو ته اړتیا لري.

د اسلامي امارت ویاند ذبیح الله مجاهد د افغانستان د صادراتو د زیاتوالي په اړه د نړیوال بانک د احصائې له خپرولو سره دا اقتصادي پرمختګ بللی دی.

دا احصائې د هغه څه څخه توپیر لري، چې اتباعو ته پېښیږي.

کتونکي وايي، چې د نړیوال بانک لخوا د هڅوونکیو احصائیو له خپرېدو سره سره اوس‌مهال خلک له سړې هوا او سوړ ژمي سره مخ دي. د بېوزلۍ او یخنۍ په درشل کې، ښاریان باید د خپلو کورونو او خواړو لپاره سون توکو ته اړتیا لري.

Continue Reading

سوداگري

د ازبکستان وارداتي برښنا به په ۲۴ ګړیو کې له افغانستان سره ونښلیږي

Published

on

(Last Updated On: سلواغه ۴, ۱۴۰۱)

 د ازبکستان د انرژۍ وزارت څرګنده کړی، چې افغانستان ته به د چارشنبې پر ورځ د برښنا صادرات بیا پیل کړي.

 افغانستان ته د ازبکستان برښنا د جدي له څلیریشتمې نېټې په بشپړه توګه پرې شوې وه. د ازبکستان د انرژۍ وزارت یې د پرې کېدو دلیل تخنیکي ستونزې بللې وې.

د ازبکستان د انرژۍ وزارت په ډاګه کړې؛ په ازبکستان کې تولیدېدونکې برښنا یوازې د کورني لګښت لپاره ده. د برښنا یوازې یوه برخه د حکومتونو ترمنځ د هوکړې پر بنسټ افغانستان ته صادریږي.

د افغانستان د بهرنیو چارو وزارت د ویاند مرستیال ضیا احمد تکل وايي، چې د ازبکستان ۲۵۰ میګاواته برښنا به په راتلونکیو څلیریشت ګړیو کې له افغانستان سره ونښلیږي.

د کابل د برښنا رییس مولوي حکمت الله آخوندزاده وايي، د برښنا اساسي ستونزه په ازبکستان کې رامنځته شوې تخنیکي ستونزو ده. هغه وایي: یوه ستونزه، چې له مونږ سره شریکه شوې د ازبکستان په څاګانو کې د ګازو کمښت دی، چې د برښنا د تولید لپاره کارول کیږي.

په کابل او د هېواد په یوشمېر ولایتونو کې د برېښنا نشتوالي خلک له ګڼو ستونزو سره مخ کړي دي؛ خو دا، چې په راتلونکیو څو ساعتونو کې به بېرته برښنا ونښلیږي؛ خلک هیله من کړي دي.

یو شمېر کارپوهان وايي؛ د افغانستان اسلامي امارت ته په کار ده، چې هغه هېوادونه، چې له افغانستان سره تړونونه لري؛ د تړون بشپړ پلي کولو ته اړ کړي.

دا په داسې حال کې ده، چې د افغانستان برښنا شرکت د څرګندونو له مخې؛ د دوشنبې پر ورځ د ترکمنستان په پلازمېنه عشق‌آباد ښار کې د وارداتي برښنا غزولو تړون لاسلیک شو.

افغانستان اوسمهال خپله د اړتیا وړ برښنا له ازبکستان، تاجکستان، ترکمنستان او ایران څخه اخلي.

Continue Reading

Trending

Copyright © 2022 Ariana News. All rights reserved!