تازه خبرونه
پاکستان د طالبانو له بیا واکمنېدو ملاتړ نکوي – راپور

پاکستانیو رسنیو د پاکستان د پوځي چارواکو د څرګندونو له مخې په ډاګه کړې، چې حکومت یې په افغانستان کې د طالبانو واک ته د رسېدو له هڅو ملاتړ نکوي.
د پاکستان د پوځ ویاند جنرال بابر افتخار پرون (چارشنبه د کب ۶) د پوځ په قومندانۍ کې رسنیو ته څرګنده کړې، چې پاکستان د افغانستان د سولې بهیر د پیل او ترسره کولو لپاره ډېرې هڅې کړي او افغان مشران هم له دغو هڅو خبر دي.
پاکستانيو رسنۍ د جنرال بابر افتخار د څرګندونو له مخې په ډاګه کړې، چې د افغانستان د راتلونکي او د سولې د روان بهیر په اړه پرېکړه د افغانانو او افغان حکومت حق دی.
جنرال افتخار وایي: زمونږ یوازنۍ موخه په افغانستان کې تلپاتې سوله او ثبات دی.
هغه د یوې پوښتنې په ځواب کې، چې آیا طالبان به بېرته واک ترلاسه کړي؛ ویلي: افغانستان د ۱۹۹۰ کلونو هېواد ندی او د حکومت بېخبناوې به هم آسانه له منځه ولاړې نشي. دا ناشونې ده ، چې طالبان به يو ځل بيا پر افغانستان واکمن شي او پاکستان به يې ملاتړ وکړي.
څو ورځې مخکې د افغانستان لپاره د روسیې د ولسمشر ځانګړي استازي ضمیر کابلوف پاکستان ته سفر کړی و، چې له افغان چارواکو سره د افغانستان د سولې پر بهیر خبرې وکړي.
د راپورونو له مخې؛ نوموړي په مسکو کې د افغانانو ترمنځ د سولې د خبرو د پیل لپاره د غونډې پر جوړولو هم راڅرخېدلی دی.
ضمیر کابلوف زیاته کړې، چې په افغانستان کې د سولې لپاره د امریکا ځانګړی استازی زلمی خلیلزاد به هم په دې ناسته کې ګډون وکړي.
د یادونې ده، چې روسیې له دې مخکې هم په مسکو کې د افغانانو ترمنځ د خبرو ترسره کولو لپاره ډاډمنه زمینه برابره کړې وه.
تازه خبرونه
د کانونو وزارت چارسمبالي له ایراني پانګوالو څخه د پانګونې غوښتنه وکړه
د کانونو او پټرولیم وزارت چارسمبالي هدایت الله بدري زیاته کړې، چې اسلامي امارت غواړي د افغانستان د کانونو په استخراج کې د ګاونډ هېوادونو له تجربو څخه اغېزمنه ګټه پورته کړي.

د کانونو او پټرولیم وزارت چارسمبالي(سرپرست) په تهران کې د “ایران د کانونو نړیوال نندارتون” د پرانیستې په مراسمو کې ویلي، چې افغانستان اوسمهال باثباته دی او په هېواد کې د پانګونې لپاره مناسب فرصتونه برابر شوي دي.
د کانونو او پټرولیم وزارت چارسمبالي هدایت الله بدري زیاته کړې، چې اسلامي امارت غواړي د افغانستان د کانونو په استخراج کې د ګاونډ هېوادونو له تجربو څخه اغېزمنه ګټه پورته کړي.
هدایت الله بدري د نندارتون د بېلابېلو برخو او د لیټیم پروسس کولو فابریکې پر لیدلو سربیره د ایران له خصوصي سکټور څخه هم وغوښتل، چې په افغانستان کې پانګونه وکړي.
بدري د ایران د کانونو، صنایعو او سوداګرۍ له وزیر سره هم وکتل او پر اړوند برخو یې خبرې وکړې. دا بحث پر سروې، پراختیا او لابراتواري تدارکاتو راوڅرخېده او په اړه یې د تهران او کابل ترمنځ پخوانی تړون و.
دغه راز د هېواد د کانونو او پټرولیم وزارت ویلي، چې بالاخره د دې تړون عملي کار پیل کولو لپاره دوه تخنیکي کمیټې جوړې شوې دي.
د اقتصاد وزارت ویلي، چې کابل غواړي له تهران سره اقتصادي او سوداګریزې اړیکې پیاوړې کړي او دا به دواړو هېوادونو ته ګټه ورسوي.
د دې وزارت مسلکي مرستیال زیاته کړې، چې ایراني پانګوال په افغانستان کې د کانونو، ټرانسپورټ، انرژۍ او بېخبناوو په اړوند برخو کې پانګونې ته لېواله دي.
عبداللطیف نظري وایي: “ایراني پانګوال په افغانستان کې د کانونو، ټرانسپورټ، انرژۍ او بېخبنايي سکټورونو کې پانګونې ته لېوالتیا لري او اسلامي امارت په افغانستان کې له ایراني پانګوالو هرکلی کوي.”
د یادونې ده، چې اقتصادي کارپوهان ایران د افغانستان یو ښه اقتصادي او سوداګریز شریک ګڼي او ټینګار کوي، چې له هغه هېواد سره د اړیکو پراختیا کولی شي د کابل او تهران اقتصاد او سوداګرۍ ته ګټه ورسوي.
تازه خبرونه
بهرنیو چارو وزارت په ترمذ خبرو کې د سیمهییزې سولې او همکارۍ په اړه خپله ژمنتیا وړاندې کړه
هغه د ازبکستان په ترمذ خبرو کې د وینا پرمهال د سیمهییزې سولې، همکارۍ او پرمختګ لپاره د افغانستان پر ژمنتیا ټینګار وکړ.

د افغانستان بهرنیو چارو وزارت مالي او اداري مرستیال محمد نعیم ويلي، چې افغانستان د مرکزي او جنوبي آسیا ترمنځ د طبیعي پل په توګه کار کوي او چمتو دی، چې په سیمهییزو او نړیوالو نوښتونو کې فعاله او رغنده برخه ولري.
هغه د ازبکستان په ترمذ خبرو کې د وینا پرمهال د سیمهییزې سولې، همکارۍ او پرمختګ لپاره د افغانستان پر ژمنتیا ټینګار وکړ.
نعیم په خپلو څرګندونو کې د ازبکستان له حکومت څخه د “سولې، دوستۍ او سوکالۍ لپاره د ګډې فضا رامنځته کول” تر سرلیک لاندې د دغو سیمهییزو خبرو له کوربتوب څخه د زړه له کومې مننه وکړه.
هغه له ازبکستان څخه د نږدې ګاونډي او سټراټیژیک ملګري په توګه هم ستاینه وکړه او په وروستیو کلونو کې یې د دوه اړخیزو اړیکو پر بې سارې پراختیا اعتراف وکړ.
هغه وایي، چې سیمهییزه همکاري نه یوازې د ښکېلو هېوادونو د ګټې لپاره ښه ده، بلکې د نړیوالې سولې او ثبات لپاره هم اړینه ده. افغانستان غواړي، چې په اقتصادي ادغام او سیمهییز اتصال کې یو باوري ملګری پاتې شي.
محمد نعیم د افغانستان او ازبکستان ترمنځ د شته ګډو طرحو د یادونې په ګډون د افغان- ټرانس اوسپنېپټلۍ جوړول یوه اړینه پروژه یاده کړه، چې موخه یې د مرکزي او سویلي آسیا ترمنځ د اتصال زیاتوالی دی.
هغه له سرخان دریا څخه تر پلخمري پورې د ۵۰۰ کیلو ولټه برښنا مزي لېږد ته هم نغوته(اشاره) وکړه، چې تمه ده ورسره برښنا ته د افغانستان لاسرسی د پام وړ زیات شي.
سربېره پردې هغه د عصري ټکنالوژیو پر کارولو د ګډو کرنیزو پروژو یادونه وکړه او د دواړو هېوادونو ترمنځ یې د ۲.۵ میلیارډ ډالرو پر ارزښت د انرژۍ، کرنې او صنعت په سکټورونو کې د تړونونو پر لاسلیک ټینګار وکړ.
هغه ټینګار وکړ، چې دا بدلونونه د دوامداره پرمختګ او سیمهییز ثبات لپاره د دواړو هېوادونو ګډې ژمنې ښیي.
هغه د اسلامي امارت بهرنۍ پالیسي یو ځل بیا تائید کړه، چې په اقتصادي همکارۍ، سیمهییزې ښکېلتیا او متقابل درناوي ولاړه ده.
هغه ټینګار وکړ، چې د افغانستان خاوره به د بل هېواد پر ضد ونه کارول شي او په دې اړه به د متقابل چلند غوښتنه وکړي.
د بهرنیو چارو وزارت مرستیال د بېخبناوو، ټرانسپورټ، انرژۍ، سوداګرۍ، تعلیم، اقلیمي بدلون او دوامداره پراختیا په اړه په سیمهییزو نوښتونو کې د فعال ګډون لپاره د افغانستان چمتووالی څرګند کړ.
هغه ټینګار وکړ، چې متوازن سیمهییز پرمختګ، خبرې اترې، همغږي او باور جوړونه د معنا لرونکي او دوامداره پرمختګ بنسټونه دي.
نعیم له نړیوالې ټولنې، سیمهییزو حکومتونو، نړیوالو بنسټونو او مالي ادارو څخه وغوښتل، چې افغانستان د یو باوري ملګري په توګه وپېژني او په بېخبناوو، ظرفیت جوړونې او اقتصادي پراختیا کې د پانګونې له لارې د دې هېواد ملاتړ وکړي.
نوموړي په پای کې له ترمذ ډیالوګ څخه د افغانستان پر کلک ملاتړ ټینګار وکړ او هغه یې د نظرونو د تبادلې، متقابلې همغږۍ د ودې او عملي همکارۍ رامنځته کولو لپاره د یو اړین بنسټ په توګه وستایه.
نعیم څرګنده کړې: “مونږ د دې خبرو پایلو ته د زړه له کومي سترګې پر لار یوو، چې زمونږ سیمې او خلکو ته د روښانه او پوره سوکاله راتلونکي لپاره لار اواره کړي.”
تازه خبرونه
د افغانستان بهرنیو چارو وزارت چارسمبالي امیر خان متقي د خبرو اترو لپاره چین ته ورسېد
د بهرنیو چارو وزارت ويلي، چې د صنعت او سوداګرۍ وزارت مرستیال احمدالله زاهد هم په دې پلاوي کې دی.

د افغانستان اسلامي امارت د بهرنیو چارو وزارت چارسمبالی امیر خان متقي نن دوشنبه د یوه پلاوي پر مشرۍ چین ته رسیدلی دی.
د بهرنیو چارو وزارت ويلي، چې د صنعت او سوداګرۍ وزارت مرستیال احمدالله زاهد هم په دې پلاوي کې دی.
تمه ده، چې امیر خان متقي به د خپل چینایي سیال وانګ يي سره د دوه اړخیزو سیاسي، اقتصادي او سوداګریزو اړیکو په اړه خبرې وکړي.
هغه به د چین او پاکستان د بهرنیو چارو وزیرانو سره په ګډه غونډه کې هم ګډون وکړي.
-
نړۍ2 days ago
د امریکا پخوانی ولسمشر جو بایډن د پروسټاټ پر سرطان اخته شو
-
سوداگري20 hours ago
نړیوال بانک د افغان پروژو د تادیاتو په اړه څرګندونې وکړې
-
تازه خبرونه2 days ago
د اروپا بشري فورم د افغانستان د بحران پر ریښو خبرې کوي
-
نړۍ1 day ago
روسیې او اوکراین د اوربند په اړه له سمدستي خبرو اترو سره هوکړه وکړه – ټرمپ
-
تازه خبرونه3 days ago
د تاجکستان او ایران بهرنیو چارو وزیرانو د افغانستان په اړه خبرې وکړې
-
روغتيا2 days ago
د عامې روغتیا وزارت د افغانستان د میندو د مړینې د کچې په اړه د UNFPA راپور رد کړ
-
سیمه ییز خبرونه1 day ago
بریټانیا، کاناډا او فرانسې د غزې په خاطر اسرائیلو ته د بندیزونو ګواښ وکړ
-
سیمه ییز خبرونه3 days ago
ټرمپ د سولې په اړه په خبرو کې دروغ وایي- د ایران رهبر